Morgunblaðið - 20.04.1983, Qupperneq 23

MORGUNBLAÐIÐ, MIÐVIKUDAGUR 20. APRÍL 1983
71
landinu, hefur Reykjavíkurborg
ákveðið að ganga á undan með
góðu fordæmi. Samþykkt hefur
verið í fræðsluráði borgarinnar að
stefna að því að skólatími sex ára
barna verði tvær og hálf klukku-
stund frá næsta hausti. Einnig er
ætlunin að bjóða upp á fjögurra
stunda viðvist sex ára barna í
skólunum og gæti fóstrur þeirra
utan kennslustunda.
Óréttlát skattalög
Að lokum verður vikið að atriði,
sem snertir atvinnumálin aðeins
óbeint, en það er misréttið, sem nú
ríkir í skattamálum heimilanna.
Ef einn aðili vinnur fyrir tekjum
heimilisins eru þær skattlagðar
hærra en sama upphæð, sem tveir
vinna fyrir. Sjálfstæðisflokkurinn
vill leiðrétta þetta misrétti og
fluttu þingmenn flokksins: Friðrik
Sophusson, Birgir Isleifur Gunn-
arsson og Albert Guðmundsson
frumvarp til úrbóta fyrir skömmu,
en það hlaut ekki afgreiðslu.
Það er vissulega mikilvægt, að
foreldrar þurfi ekki að velja milli
starfs síns og viðunandi umgengni
við börn sín, en það er alveg jafn
mikilvægt, að foreldrum sem vilja
vera heima sé ekki refsað fyrir
það af yfirvöldum. í þjóðfélagi þar
sem fáum tekst að lifa af tekjum
einnar fyrirvinnu, mætti jafnvel
hugsa sér, að foreldrar, sem kysu
að vera heima, fengju styrk til
þess meðan börnin eru ung, t.d.
sem næmi rekstrarkostnaði dag-
vistunarstofnunar fyrir barn á ári
að viðbættum hluta stofnkostnað-
ar slíkrar stofnunar.
Þau atriði, sem hér hafa verið
nefnd, og Sjáifstæðisflokkurinn
vill að nái fram að ganga, auka
frelsi einstaklingsins til þess að
ráða eigin lífi, treysta stöðu fjöl-
skyldunnar og tryggja börnum
þroskavænleg uppvaxtarskilyrði á
heimili þar sem annað foreldra er
oftast við til þess að veita öryggi
og skjól.
Sólrún B. Jensdóttir sagnfræðingur
er í 15. sæti á lista Sjálfstæðis-
flokksins í Reykjavík.
löggjafarvalds og framkvæmda-
valds, án þess að leggja niður
rótgrónar hefðir þingræðisins. Við
teljum það meginhlutverk löggjaf-
arvaldsins að setja lög, móta
stefnu og annast eftirlit með
framkvæmdavaldinu.
Þess vegna m.a. hefur þing-
flokkur Alþýðuflokksins ekki til-
nefnt neinn mann úr þingliði sínu
til þess að sitja í bankaráðum sl.
fjögur kjörtímabil. Eina undan-
tekningin er Benedikt Gröndal í
bankaráði Seðlabankans skamma
hríð. Seðlabankinn er líka fyrst og
fremst upplýsingabanki um hag-
stjórn, ekki venjulegur viðskipta-
banki.
Við sjáum heldur ekki fídusinn í
því að Albert Guðmundsson alþm.
hafi eftirlit með Albert Guð-
mundssyni, bankaráðsformanni.
Við höfum flutt fjölda tillagna á
Alþingi og í stjórnarskrárnefnd
um að Alþingi gegni betur eftir-
litshlutverki sínu með fram-
kvæmdavaldinu. Það er athyglis-
vert, að sá tillöguflutningur hefur
hlotið litlar undirtektir hjá þeim
flokki, sem kennir sig öðrum
fremur við einkaframtak og lýsir
sig andvígan ríkisforsjá.
Þessi dæmi verða að nægja til
að sýna fram á, að Alþýðuflokkur-
inn er ekki það, sem hano er
stundum sakaður um að vera:
Varðhundur þröngra sérhags-
munahópa. Einmitt þess vegna hef-
ur hann iðulega reynzt vera fulltrúi
heilbrigðrar skynsemi í deilum um
stjórn efnahagsmála. Einmitt þess
vegna er hann skynsamlegur val-
kostur fyrir þá kjósendur, sem vilja
með atkvæði sínu í komandi kosn-
ingum gera tvennt: Hafna óbeyttu
ástandi, kveða upp dóm yfir
árangurslausu stjórnarfari verð-
bólguáratugarins, og lýsa stuðn-
ingi sínum við myndun ríkis-
stjórnar, sem hefði burði til að
koma fram gerbreyttri efna-
hagsstefnu. Til þess þarf að
tryggja Alþýðuflokknum
oddaaðstöðu á þingi. Án slíkrar
lykilstöðu jafnaðarmanna benda
flestar líkur til þess, að við upp-
skerum óbreytt ástand.
Herferð Amnesty International
um allan heim gegn pólitískum
drápum að undirlagi stjórnvalda
Morgunblaðinu hefur borizt eftir-
farandi frá Amnesty International.
Miðvikudaginn 23. mars sl.
hófst um allan heim herferð Amn-
esty International gegn pólitísk-
um manndrápum, sem ríkisstjórn-
ir eiga sök á. Þennan sama dag
afhentu stjórnir Amnesty-deilda á
Norðurlönum utanríkisráðherrum
landa sinna samhljóða ávarp, þar
sem farið var þess á leit við þá, að
þeir hefðu samstarf um að hefja
umræður á alþjóðavettvangi um
málið og leggja fram raunhæfar
tillögur sem stuðluðu að því að
þessum mannréttindabrotum
linnti.
Amnesty International til-
kynnti þennan dag, að samtökin
hefðu vitneskju um ólögmæt póli-
tísk manndráp, sem framin hefðu
verið af stjórnarherjum eða
dauðasveitum undir verndarvæng
stjórnvalda í meira en tuttugu
löndum síðan 1980.
Samtökin eru nú að hefja her-
ferð um allan heim til að svipta
hulunni af þessum manndrápum
og beita almenningsálitinu til þess
að stöðva þau. Með herferðinni vill
Amnesty International benda á
ljót dæmi frá jafn ólíkum löndum
sem Filippseyjum, Sýrlandi og E1
Salvador. Fulltrúi hreyfingarinn-
ar lagði áherslu á, að hér væri að-
eins um dæmi að ræða, og síðan
sagði hann: „Fréttir berast úr
flestum heimshlutum um pólitísk
morð, sem ríkisstjórnir verða að
teljast bera ábyrgð á.“ Þar er um
að ræða morð af ýmsu tagi, allt
frá fjöldamorðum á þorpsbúum í
Guatemala til morða á Libýu-
mönnum fjarri heimalandi sínu.
Amnesty International segir í
nýrri skýrslu (131 bls.), Pólitísk
manndráp ríkisstjórna, sem gefin
var út í tilefni herferðarinnar:
„Hundruð þúsunda manna hafa á
sl. áratug verið drepin af stjórn-
völdum eigin lands."
í öllum þessum tilvikum var
fórnarlömbunum neitað um
nokkra Iagavernd og þau ráðin af
dögum vegna raunverulegra eða
meintra skoðana sinna, starfsemi
eða vegna uppruna síns. í skýrsl-
unni er lýst morðum á ótöldum
þúsundum í Úganda og Kamp-
útseu á áttunda áratugnum og
nýjum aðferðum, sem notaðar eru
við fjöldaútrýmingar og morð, og
tilraun yfirvalda í öðrum löndum
til að breiða yfir slíkt.
Það hafði oft erfiðleika í för
með sér fyrir alþjóðlega aðila að
ákvarða hver bæri ábyrgð á póli-
tískum drápum, svo sem á Ind-
landi, þar sem stjórnin hefur sí-
fellt látið undir höfuð leggjast að
rannsaka pólitísk dráp á meintum
stjórnarandstæðingum, eða í Líb-
anon meðan á ísraelska hernám-
inu stóð, og fjöldamorð voru fram-
in á flóttamönnum í Sabra og í
Chatilla-búðunum 1982.
í inngangi nýju skýrslunnar er
vitnað í frásagnir af pólitískum
manndrápum, allt frá 1970, í 27
löndum, þar á meðal Afganistan,
Argentínu, Bolivíu, því sem áður
hét Mið-Afríska keisaradæmið,
Chile, Kolumbíu, Eþíópíu, Mið-
baugs-Gíneu, íran, Mexíkó og
Namibíu.
f sumum tilvikum voru hinir
grunuðu hafir í varðhaldi og síðar
sagðir hafa fallið í „vopnuðum
átökum". Þá kom fyrir að her-
menn æddu í gegnum borgar-
hverfi eða þorp og drápu þá sem
fyrir urðu. Enn voru þess dæmi,
að óeinkennisklæddar sveitir
gripu fórnarlömbin á heimilum
sínum eða vinnustöðum.
Amnesty International leggur
áherslu á, að samtökin vilji beina
athygli manna að vísvitandi
manndrápum, en ekki að mann-
drápum vegna slysni, jafnvel við
pyntingar, né vegna brota gegn
tilskipunum stjórnvalda. Þá væri
heldur ekki ætlunin að þessu sinni
að mótmæla aftökum samkvæmt
úrskurði dómstóla, þó að hreyfing-
in vinni annars að því að binda
enda á allt slíkt, eða fjalla um
mannfall í bardögum.
Fulltrúi hreyfingarinnar sagði:
„Þær upplýsingar sem fyrir hendi
eru, sýna ekki endilega að pólitísk-
um morðum af völdum ríkis-
stjórna fari fjölgandi, eins og
stundum er gert ráð fyrir. Hér er
um að ræða meiri upplýsingar um
morðin og gleggri vitund almenn-
ings. Þrýstingur frá almennings-
álitinu í heiminum getur gefið ein-
stökum föngum von um sanngjörn
réttarhöld eða lausn úr haldi í
staðinn fyrir voveiflegan dauð-
daga.“
Markmið hinnar nýju herferðar
Amnesty International er að auka
þennan þrýsting. Margir félagar
og stuðningsmenn samtakanna,
sem eru rúmlega 350.000 í meira
en 150 löndum, munu taka þátt í
kynningarstarfsemi, næturvökum,
andófi eða áskorunum til ríkis-
stjórna landa, þaðan sem fréttir
hafa borist af manndrápum, og til
annarra ríkisstjórna, sem beðnar
verða að beita áhrifum sínum til
að unnt verði að koma í veg fyrir
fleiri morð.
Burberrysfrakkar eða kórónaföt
Vinarkveðjur til Gulla frá viðskiptavini Karnabæjar
— Athugasemd frá Ólafi
Ragnari Grímssyni við
kosningasögu
Ætli það séu ekki um tuttugu ár
síðan ég byrjaði að versla við
Karnabæ. Þá var búðin bara í lít-
illi hornkompu á Skólavörðustígn-
um og „Gulli" eins og við strák-
arnir kölluðum hann var hressi-
legur poppgæi, sem fínu kerfis-
karlarnir í Sjálfstæðisflokknum
litu heldur betur hornauga. Við
strákarnir héldum hins vegar
áfram að versla við Karnabæ —
líka þegar hann flutti á Laugaveg-
inn og niður í Austurstræti. Ætli
nokkur alþingismaður hafi verslað
jafnlengi og vel við Karnabæ eins
og ég — nema ef vera skyldi Ragn-
ar Arnalds!
Vanþakklátur kaupmaður
— Lygafrétt
En ósköp er Gulli í Karnabæ
vanþakklátur kaupmaður. Nú er
hann farinn að stíga stríðsdans
gegn gömlum og góðum viðskipta-
vini á breiðsíðum Morgunblaðsins,
sem ávarpar hann hátíðlega „Guð-
laugur Bergmann forstjóri Karna-
bæjar".
Á föstudaginn birti Morgun-
blaðið í Staksteinum frásögn af
kosningafundi sem átti að hafa
verið í Karnabæ. Þar átti ég að
hafa mætt. hlotið háðuglega út-
reið í orðaskiptum við Guðlaug
kaupmann um framleiðsluland
jakka míns og rokið síðan sneypt-
ur á dyr. Öll var þessi saga algjört
skrök. Uppspuni frá rótum. Ég hef
ekki komið á neinn fund í Karna-
bæ í þessari kosningabaráttu.
Ég hringdi í Styrmi Gunnarsson
á laugardagsmorguninn og sagði
honum að sagan væri bull og
skrök. Bað hann síðan um að hún
yrði leiðrétt. Ritstjórinn gerði það
næsta dag en heldur fór nú lítið
fyrir leiðréttingunni. Það væri
hins vegar gaman að fá að vita
hver var heimildarmaður Morgun-
blaðsins að þessari lygi. En auð-
vitað er Morgunblaðið svo „vand-
aður“ fjölmiðill að það birtir ekki
nöfn þeirra sem ljúga að blaðinu,
sérstaklega ekki þegar hægt er að
nota lygina til að koma höggi á
pólitískan andstæðing.
Gamanmál í anddyri
Morgunblaðshallarinnar
í samtalinu á laugardagsmorg-
uninn við Styrmi Gunnarsson
sagði ég í leiðinni að ég hefði hitt
Guðlaug Bergmann í anddyri
Morgunblaðsins fyrir skömmu
þegar ég var að koma frá því að
afhenda grein um Vilmund Gylfa-
son. Hefðum við Guðlaugur þá
gantast um úlpurnar sem við vor-
um í og útlendu risabullurnar sem
skrýddu fætur Guðlaugs kaup-
manns í heimsókn hans til Morg-
unblaðsins.
Greinilegt er að Morgunblaðinu
og Guðlaugi kaupmanni hefur lið-
ið frekar illa yfir lygasögunni um
fundinn í Karnabæ. Og í dag, mið-
vikudaginn 13. apríl, reyna þessir
bandamenn að klóra í bakkann.
Svo mikið liggur við að klórið er
birt við hliðina á leiðaranum.
Reynir Guðlaugur enn að leika
hetju og segir að orðaskipti okkar
hafi gerst „nokkrum dögum" eftir
að við Guðmundur J. Guðmunds-
son komum í Karnabæ í nóvember
1979. Gamanmálin úr anddyri
Morgunblaðsins fyrir fáeinum
vikum eru nú orðin að hetjudáð
Guðlaugs kaupmanns fyrir nokkr-
um árum!!
Morgunmblaðið lætur svo eins
og um frétt sé að ræða, þótt ég
hafi sjálfur sagt Styrmi ritstjóra
frá þessum nýlegu gamanmálum
okkar Guðlaugs í anddyri Morgun-
blaðshallarinnar áður en Morgun-
blaðið leiðrétti lygafréttina í
Staksteinum.
Geir og Friðrik
Fyrst Morgunblaðið og Guð-
laugur forstjóri hafa svona mik-
inn áhuga á fötum mínum er rétt
að þeir fletti upp í Morgunblaðinu
frá því fyrir páska. Þá voru birtar
myndir af mér og Geir Hall-
grímssyni á vinriustaðafundi í ís-
birninum. Forstjóranum til fróð-
leiks skal upplýst að ég var í inn-
lendum Kórónajakka og íslensk-
um buxum. Að vísu er hinn inn-
lendi framleiðandi keppinautur
Karnabæjar en hann verslar nú
samt við hliðina á Morgunblaðinu.
Væri nú ekki gaman ef Styrmir
og Guðlaugur kaupmaður könn-
uðu í sameiningu í hvaða fötum
Geir Hallgrímsson var á þessum
fundi og gjarnan mættu þeir
kanna meira. Hvað um framleið-
endurna á fatnaðinum sem notað-
ur var í tískusýningarþætti
Sjálfstæðisflokksins í sjónvarpinu
sl. mánudag?
Það sáu að vísu allir að Friðrik
Sophusson, sá fyrsti sem birtist á
skerminum, var klæddur í glæsi-
legan Burberrysfrakka, frægasta
tískufrakka heims. Friðrik var
líka með Burberrystrefil svo ekki
færi fram hjá neinum sem ætti
litastjónvarp hvað Friðrik væri
mikill heimsmaður í klæðaburði.
Vonandi veröur
Guðlaugur mættur
Um leið og ég bið Morgunblaðið
að birta þessa athugasemd — og
hver veit nema hún komi líka við
hliðina á leiðaranum — sendi ég
Guðlaugi fornvini mínum í Karna-
bæ bestu kveðjur. Ég bið hann að
hugleiða að gaman hefði það nú
verið fyrir Karnabæ ef þingmenn
Sjálfstæðisflokksins hefðu verslað
jafnlengi og vel við fyrirtækið og
við Ragnar Arnalds.
Jafnframt bið ég að heilsa
starfsfólkinu í Karnabæ. Það er
ekki víst að Guðlaugur hafi frétt
að ég heimsótti fyrirtækið í sept-
ember í fyrra og átti þá ágætan
fund með starfsfólkinu. Guðlaug-
ur var nefnilega þá ekki mættur í
vinnunni. Allir hinir tóku gömlum
viðskiptavini vel.
Kannski kem ég aftur á fund
með starfsfólkinu í Karnabæ.
Vonandi gefur Guðlaugur for-
stjóri sér þá tíma til að vera
mættur á vinnustað ásamt hinum
ágætu starfsmönnum sínum. Því
auðvitað er það starfsfólkið og
viðskiptavinirnir sem skapa kaup-
manninum auðinn. Ekki satt?