Morgunblaðið - 30.04.1983, Blaðsíða 2

2
MORGUNBLAÐIÐ, LAUGARDAGUR 30. APRÍL 1983
\' 1 V '
>-***• ' ------- •«'* - «
*.■ V ______________V'
- vrxV TkíýA

Ólafsfirfti, 29. aprfl.
HÉR í Ólafsfirði hefir verið með eindæmum stirð veðrátta seinni hluta marz og í apríl. Norðan stórhríðar með
mikilli snjókomu. Eru þetta fyrstu dagarnir, sem við sjáum að vorið sé í nánd. I þessum veðrum féllu stór
snjóflóð á Burstabrekkudal og lentu þau á háspennulínunni sem liggur milli Ólafsfjarðar og Dalvíkur, með þeim
afleiðingum að fjórar staurasamstæður brotnuðu, hefir því Skeiðsfossvirkjun séð Ólafsfirði fyrir raforku að
undanförnu en háspennulínan milli Ólafsfjarðar og Dalvíkur tengir Skeiðsfossvirkjun við Byggðalínuna.
Meðfylgjandi mynd er tekin af Svavari Magnússyni þegar starfsmenn Rafmagnsveitna ríkisins voru að kanna
skemmdir á línunni. Jakob
Skagafjörður:
Snjóþilja yfir
allt til sjávar
B** á llöfdaströnd. 28. aprfl 1983.
ÞÓ AÐ þýtt sé um hádaginn og
nokkuð hafi sigið, þá má segja að
enn sé snjóþilja yfir allt til sjávar.
Frost hefur verið á hverri nóttu.
Skynjum við þó að vorið sé að
koma.
í gær fór ég út í Fljót og varð
satt að segja undrandi að sjá þá
sjóþilju sem þar er. Á vegum þar
sem búið er að moka eru snjó-
göng mikil, og þó sögðu Fljóta-
menn að nokkuð hefði sigið. Þeir
eru vanir þessu og segjast hafa
séð það verra, minnsta kosti þeg-
ar unnt hafi verið að ganga á
skíðum yfir símalínur. En mikið
vantar á að svo sé nú, og bjart-
sýnir eru þeir um framtíðina, þar
sem engin svell eru undir fönn-
inni nú í vor.
Ekki er hrognkelsaveiði komin
að landi, og er það líklega vegna
sjókulda. I gær vitjaði Jón í
Haganesi um 16 net, og fékk 23
grásleppur og engan rauðmaga,
sem hann sagði ekki vera neitt. í
Hofsós er eitthvað að glæðast, en
á djúpu vatni. Þorskafli er eng-
inn í net og tregt á línu.
Þegar vitavörður í Málmey
ætlaði að vitja um vitann einn
daginn, komst hann ekki upp í
eyna fyrir snjóhengjum. En selur
var hvert sem litið var í kringum
eyna.
Mjólkurframleiðsla er nú mjög
að aukast og hafa mjólkurflutn-
ingabílar mikið að gera.
Nokkur óhreysti gengur um
héraðið, hálsbólga og fleiri kvill-
ar. Björn í Bæ
Alþýðuflokkur:
Minnkandi líkur á
við kvennalista eða
samstarfi
Bandalag
Selfoss:
Þór Vigfússon
settur skóia-
meistari Fjöl-
brautaskólans
Menntamálaráðuneytið hefur sett
Þór Vigfússon, menntaskólakenn-
ara, skólameistara Fjölbrautaskól-
ans á Selfossi um eins árs skeið frá
1. ágúst 1983 að telja.
Um skólameistarastöðuna sóttu
auk Þórs, Björn Pálsson, fjöl-
brautaskólakrnnari, Guðjón Sig-
urðsson, skólastjóri, sr. Haukur
Ágústsson, skólastjóri, Jón Hann-
esson, menntaskólakennari, og
Þorlákur Helgason, aðstoðar-
skólastjóri. Einn umsækjandi
óskaði nafnleyndar.
INNAN Alþýðuflokksins eru taldar
minnkandi líkur á, að Alþýðuflokk-
urinn geti náð saman með kvenna-
listakonum og samstarf við Banda-
lag jafnaðarmanna er talið fjarlægt
samkvæmt heimildum Mbl. En
eins og Mbl. hefur skýrt frá hafa
ýmsir forystumenn innan Alþýðu-
flokksins haft áhuga á myndun rík-
isstjórnar með Sjálfstæðisflokki og
fulltrúum kvennalista.
Fulltrúar Alþýðuflokksins
hafa átt viðræður við fulltrúa
kvennalista, en í þeim hefur
komið fram, að þær halda fast
við andstöðu sína við stóriðju. Þá
hafa þær í hyggju að stofna ráð
sem taka mun afstöðu til ein-
stakra þingmála. Alþýðu-
flokksmenn sjá því fram á, að
kvennalistakonur á Alþingi gætu
orðið fjarstýrt afl óþekktrar
stærðar. Einnig bera menn efa-
semdir í brjósti um að
kvennalistakonur treysti sér til
samstarfs í ríkisstjórn þegar á
mundi reyna.
Varðandi samstarf við Banda-
lag jafnaðarmanna telja ýmsir
Alþýðuflokksmenn reynsluna af
samstarfi við Vilmund Gylfason
ekki þess eðlis, að unnt verði að
taka upp ríkisstjórnarsamstarf
við hann og einnig virðist alls
ekki gróið um heilt á milli hans
og margra fyrrverandi sam-
flokksmanna.
íslenskir tómatar
á markað 10. maí
— agórkur lækka enn í verði
Hafnarfjörður:
Fernt á
slysadeild
FERNT var flutt á slysadeild Borg-
arspítalans eftir umferðaróhöpp í
Hafnarfirði í gær.
í fyrra tilvikinu var bifreið ekið
á ljósastaur í Fjarðargötu í gær-
morgun með þeim afleiðingum að
kona og tvö börn voru flutt á
slysadeild.
í seinna tilvikinu skullu saman
drengur á hjóli og bifreið á Suður-
braut. Drengurinn var fluttur á
slysadeild.
Samkvæmt upplýsingum lög-
reglunnar í Hafnarfirði voru
árekstrar þar í bæ óvenju margir í
gær.
NÝIR íslenskir tómatar munu væntan-
lega kom á markaðinn um 10. maí
næstkomandi, að því er Níels Mart-
einsson hjá Sölufélagi garðyrkjumanna
tjáði Morgunblaðinu f gær. Níels sagði
fyrstu tómatana koma úr Hreppunum,
en síðan ræki hver staðurinn annan
uns tómatar kæmu frá öllum garð-
yrkjusvæðum landsins.
Ágúrkur halda nú áfram að lækka
í verði eftir því sem framboð eykst.
Upphaflega var verðið 70 krónur,
snemma í vor, það lækkaði síðan í 50
krónur hvert kílógramm, en hefur
nú lækkað í 35 krónur kg í heildsölu.
Þorskveiðibann
Sjávarútvegsráðuneytið hefur
gefið út reglugerð, sem bannar
þorskveiðar togbáta frá og með 1.
maí til og með 7. maí nk.
Reglugerð þessi tekur til
þeirra togskipa, er falla ekki
undir „skrapdagakerfið". Á því
tímabili, sem þorskveiðar eru
togskipum bannaðar, má hlutur
þorsks í heildarafla hverrar
veiðiferðar ekki nema meiru en
15%.
Leifur Breiðfjörð í
úrslit alþjóðlegrar
glerlistarsamkeppni
Leifur Breiðfjörð, glerlistamaður, hefur verið valinn til að taka þátt í úrslita-
keppni alþjóðlegu glerlistarsamkeppninnar „Fragile Art 1983“. Leifur er einn
nítján listamanna, sem hlotnast þessi heiður. Verða verk listamannanna sýnd á
sýningu er nefnist „PORTCON ’83“ og fer fram í San Diego í Bandaríkjunum
dagana 6.-8. maí nk.
I lok þessarar sýningar verða úr-
slit tilkynnt og vinningshöfum af-
hent verðlaun sín og þau sýnd sér-
staklega. Til viðbótar nefndum verð-
launum verða 10.000 Bandaríkjadal-
ir veittir til sigurvegaranna í hverj-
um hinna fimm flokka glerlistar.
„Fragile Art“ er stærsta sam-
keppni sinnar tegundar í heiminum.
Hefur áhugi á þessari samkeppni
farið mjög vaxandi á undanförnum
árum og í ár voru þátttakendurnir
366. Er það 70% aukning frá því
fyrir fimm árum.
Til marks um hversu víða að þátt-
takendurnir í úrslitakeppninni koma
má nefna, að átta þeirra koma frá
löndum utan Bandaríkjanna. Leifur
er eini íslendingurinn, en auk hans
má nefna listamenn frá Bretlandi,
Japan, V-Þýskalandi og Mexíkó.
I frétt frá aðstandendum sam-
keppninnar er þess getið, að Leifur
hafi skapað sér nafn í glerlist og sé
nú orðinn þekktur um heim allan
fyrir verk sin. Er ýmissa verka hans
og sýninga hér heima getið, auk þess
sem minnst er á stóran glugga, sem
hann vann að í High Kirk í Skot-
landi.
Akureyri:
„Tími til kominn að
ég fari að hvfla mig“
- segir Eyþór í Lindu
„Æ ég veit það ekki. Maður er
orðinn þreyttur, ég er búinn að
berj&st við þetta á ýmsan hátt frá
1929. Það eru takmörk fyrir öllu.
Ég er orðinn 76 ára og það er tími
til kominn að ég fari að hvfla mig,“
sagði Eyþór Tómasson, sem
kenndur er við súkkulaðiverk-
smiðjuna Lindu á Akureyri, er
hann var spurður hvort hann væri
að því kominn að draga sig í hlé.
„Það er eðlilegt þegar maður
er orðinn þetta fullorðinn að
maður þreytist á þessu basli,
ekki sízt núna, meðan ástandið
er eins og það er. Það kemur að
því að ég selji, en það er samt
ekki nein alvara í þessu hjá mér
ennþá, og ég er ekki farinn að
hugsa mér til hreyfings.
Ríkissjóður hefur alveg eyði-
lagt mann, eins og reyndar önn-
ur fyrirtæki, það leynir sér ekki.
Það eru settir skattar á skatta
ofan. Mér er til efs að mörg
fyrirtæki gangi til lengdar með
39% vörugjald á alla hluti. Það
var að vísu lækkað á síðasta
þingi niður í 32%, og það er
Vilmundi að kenna að það var
ekki afnumið, eins og sjálfstæð-
ismenn og alþýðuflokksmenn
vildu, því hann stóð með ríkis-
stjórninni.
Það eru erfiðleikar i öllum
iðnaði hér á Akureyri, það er
ekki frekar ég en aðrir. Við sitj-
um ekki við sama borð og sjávar-
útvegur og bændastéttin. Ef
peninga vantar í ríkissjóð, þá
eru þeir teknir af iðnaðinum. Og
það er talað um að ekki megi
vera atvinnuleysi, en aðgerðir
ríkisstjórnarinnar eru á þá lund
að því verður ekki forðað, og því
er ekkert samræmi í hlutunum.
Ekki get ég skilið þessi fræði,
sem þeir prédika.
Ég er hræddur um að það
verði erfitt að selja verksmiðj-
una, þegar að því kemur, þótt
hún sé að mínu viti sú fullkomn-
asta sinnar tegundar hér á landi.
Og ég hef ekki hugmynd um
hvað hægt er að fá fyrir hana,“
sagði Eyþór.
Hjá Lindu vinna um 40 manns
að sðgn Eyþórs, sem er aðaleig-
andi súkkulaðiverksmiðjunnar.