Morgunblaðið - 30.04.1983, Blaðsíða 3
MORGUNBLAÐIÐ, LAUGARDAGUR 30. APRÍL 1983
3
Tryggvi Helgason og Jóhann Davfö Snorrason, er þeir komu á ritstjóm
Morgunblaðsins með bréfið og óskuðu birtingar á því.
Morgunblaðið/ RAX
Opið bréf til þjóðminjavarðar:
Fatlaðir komast
við illan leik í
Þjóðminjasafnið
TVEIR ungir herramenn komu
við á ritstjórn Morgunblaðsins í
gær og báðu um birtingu á opnu
bréfi til Þórs Magnússonar
þjóðminjavarðar, þeir Jóhann
Davíð Snorrason og Tryggvi
Helgason. Þeir eru nemendur í
5. bekk HKS í Hlíðaskóla.
Skólasystkin þeirra skrifuðu
undir bréfið, sem er svohljóð-
andi:
„Reykjavík, 25. apríl 1983.
Kæri þjóðminjavörður.
Síðastliðinn föstudag feng-
um við að skoða okkar merki-
lega Þjóðminjasafn. Þá fund-
ust tveir stórir gallar, sem
mikilvægt er að laga:
1. í okkar bekk er fatlaður
drengur. Þegar við fórum á
nokkrum sekúndum upp úti-
dyratröppurnar þurfti hann
að eyða miklum tíma í það að
komast þessa leið. Auðséð er
að fatlað fólk kemst alls ekki
hjálparlaust upp tröppurnar.
Eiga fatlaðir ekki sama rétt
og við hin að sjá Þjóðminja-
safnið?
2. í öðru lagi vantar á mörg-
um stöðum skýringar á ís-
lensku um hvaða hlutverki
hlutirnir gegndu. Sem dæmi
má nefna vaðsteina, sem
sýndir eru í sjódeildinni. Á
skýringunum stendur bara
hvað þeir heita og hvar og
hvenær þeir fundust, en ekki
til hvers þeir voru notaðir.
Það finnst okkur skipta miklu
máli.
Að lokum viljum við þakka
fyrir að fá tækifæri til að
skoða hið skemmtilega safn
og minnumst aftur á það, sem
var aðalástæða fyrir þessu
bréfi.
Það þarf að setja upp lyftu
fyrir fatlaða við útidyra-
tröppur Þjóðminjasafnsins.
Hið opna bréf barnanna.
Virðingarfyllst,
nemendur í 5. HKS, Hlíða-
skóla,
Helga P. Finnsdóttir, Hjálmar
Þorsteinsson, Gunnar M.
Másson, Carl Ólafur Burnell,
Marta Jóhannsdóttir, Sigríður
Halldórsdóttir, Björgvin Rún-
arsson, Ragnhildur Geirsdóttir,
Skúli Egilsson, Arni Jónsson,
Karólína Einarsdóttir, Arnar
Geirsson, Sigvaldi Búi Þórar-
insson, Tryggvi Helgason,
Bjarki Sigursveinsson, Jón H.
Olafsson, Kolbrá Þyri Braga-
dóttir, Jóhann DavíA Snorra-
son, Guðrún Ásgeirsdóttir og
Guðmunda Inga Gunnarsdótt-
ir.“
Handtekinn vegna
gruns um fíkniefnasölu
FÍKNIEFNALÖGREGLAN handtók í gær mann á heimili
hans, grunaðan um sölu á kannabisefnum. Var hann úrskurð-
aður í 14 daga gæzluvarðhald.
Þá er annar maður í vörzlu iög- beggja þessara mála er á frum-
reglunnar grunaður um fíkniefna- stigi og vildi fíkniefnalögreglan
misferli og hefur gæzluvarðhalds ekki tjá sig frekar um þau.
verið óskað yfir honum. Rannsókn
Janúar—marz:
Vöruskiptahalli um
190 milljónir króna
Vöruskiptajöfnudur fslendinga var
neikvæður um liðlega 190 milljónir
króna fjrstu þrjá mánuði ársins, en til
samanburðar var hann neikvæður um
tæplega 564,6 milljónir króna á sama
tíma í fyrra, samkvæmt upplýsingum
Hagstofu íslands.
Verðmæti innflutnings fyrstu
þrjá mánuðina í ár var liðlega
3.456,3 milljónir króna, en verð-
mæti útflutningsins var hins vegar
liðlega 3.266,3 milljónir króna. Til
samanburðar var verðmæti inn-
flutnings fyrstu þrjá mánuðina 1
fyrra samtals liðlega 2.048,5 millj-
ónir króna, en verðmæti útflutnings
hins vegar um 1.484 milljónir
króna.
Vöruskiptajöfnuðurinn var nei-
kvæður um liðlega 109,7 milljónir
króna í marzmánuði sl., en var til
samanburðar neikvæður um liðlega
191,8 milljónir króna á sama tíma í
fyrra. Verðmæti innflutnings í
marzmánuði var liðlega 1.346,2
milljónir króna, en verðmæti út-
flutnings hins vegar 1.236,5 milljón-
ir króna.
Útflutningur á áli og álmelmi
vegur þyngst í útflutningi, en verð-
mæti hans var tæplega 499,2 millj-
ónir króna fyrstu þrjá mánuði árs-
ins, en var til samanburðar að verð-
mæti um 218,2 milljónir króna á
sama tíma í fyrra. Þá var flutt út
kísiljárn fyrir tæplega 55,7 milljón-
ir króna fyrstu þrjá mánuði ársins,
en fyrir tæplega 29,7 milljónir
króna á sama tíma í fyrra.
í innflutningi ber mest á inn-
flutningi fyrir ÍSAL, en hann var
að upphæð tæplega 311,8 milljónir
króna fyrstu þrjá mánuði ársins, en
var til samanburðar að verðmæti
tæplega 35,9 milljónir króna á sama
tíma í fyrra. Ennfremur má nefna
innflutning fyrir íslenzka járn-
blendifélagið, en verðmæti hans
fyrstu þrjá mánuði ársins var lið-
lega 29,4 milljónir króna, en var til
samanburðar liðlega 10,9 milljónir
króna á sama tíma í fyrra.
Við samanburð við utanríkis-
verzlunartölur 1982 verður að hafa í
huga, að meðalgengi erlends gjald-
eyris í janúar-marz 1983 er talið
vera 87,9% hærra en það var í sömu
mánuðum 1982.
JarAstöðvarnar við Úlfarsfell. Sú minni er jarðstöð varnarliðsins, sem nú á að taka
í notkun. Morgunblaðið/RAX.
Jarðstöð Keflavíkursjónvarpsins:
Horfa daglega á beina frétta-
útsendingu frá Bandaríkjunum
VARNARLIÐIÐ á Keflavfkurflugyelli er nú ad taka i notkun jardstöd þa, sem
reist hefur verið við Úlfarsfell, við hlið jarðstöðvar Pósts & síma. Fvrirhugað er
að taka jarðstöðina í notkun nú eftir helgi.
Samkvæmt upplýsingum varn-
arliðsins, mun jarðstöð þessi valda
mikilli byltingu í Keflavíkursjón-
varpinu, þar sem varnarliðsmenn
munu daglega sjá fréttir frá
NBC-sjónvarpsstöðinni og eins
ABC-sjónvarpsins. Fréttir síðar-
nefndu stofunnar verða á dagskrá
hér klukkan 22.30 og hinnar fyrr-
nefndu klukkan 23.00. Þá verður
sjónvarp „Todays show“ og verður
það á dagskrá klukkan 02 á næt-
urna, en ástæðan er tímamismun-
urinn við Bandaríkin, þar sem þessi
dagskrá er á morgnana.
í1k
1 ; Bl
SAAB 900 GLE '82 sjálfsk. + vökvast
OpiÓídogtilkl4
SAAB-eigendur athugið, tökum þann gamla upp
í nýjan - eða seljum hann fyrir þig ef þú vilt
heldur. Mikil eftirspurn tryggir hagstæð skipti.
TÖGGURHF
SAAB
UMBODIÐ
BÍLDSHÖFÐA 16, SÍMI 81530
I