Morgunblaðið - 30.04.1983, Blaðsíða 16
16
MORGUNBLAÐIÐ, LAUGARDAGUR 30. APRÍL 1983
*
Sýning Astríðar Andersen
Myndlist
Valtýr Pétursson
Fyrir átta árum hélt Ástríður
Andersen sýningu á verkum sín-
um að Hamragörðum, nú er hún
komin aftur með sýningu og er
til húsa að Háholti. Þarna er
sýningaraðstaða með ágætum og
vítt til veggja, enda hefur Ást-
ríði tekist að hengja upp 90 verk
og hvergi aðþrengt.
Eins og flestir vita, er Ástríð-
ur búsett í Washington og veitir
þar forstöðu sendiráði voru
ásamt eiginmanni sínum. Hún er
því í nálægð við margt af því
besta sem finnanlegt er í mynd-
list á söfnum þar, og hún hefur
alið manninn einnig í París og
Osló, svo að eitthvað sé nefnt.
Ástríður hefur því verið í nánari
snertingu við heimslistina en
margir aðrir, og er það vel
merkjanlegt á því sem hún sýnir
að sinni. Fyrir átta árum mun ég
hafa verið nokkuð jákvæður í
skrifum mínum um sýningu
Ástríðar. Nú finnst mér enn
meiri ástæða til að taka vel á
móti henni. Hún hefur auð-
sjáanlega unnið af mikilli elju á
þessum árum, og það er meiri
fylling í myndum hennar nú en
þá var. Hún hefur meira vald á
lit og myndfleti og nær sterkari
tökum á viðfangsefni sínu. Mörg
þessara verka eru dregin úr
litskrúði blóma, en jafnframt
unnið yfir i ljóðrænt abstrakt
málverk. Það fer Ástríði vel, og
mér finnst hún komast best í
samband við hið einfalda mál-
verk, er hún agar litinn upp í það
að vera eintóna, eins og sjá má á
mynd nr. 4. Það er eins og ein-
föld litbygging eigi meiri rætur í
huga listakonunnar og hún nái
sér verulega á strik, þegar hún
verður ekki ánetjuð fyrirmynd-
um, en það er hún yfirleitt ekki í
þessum verkum, sem hún nú
sýnir. I stuttu máli: Þessi sýning
hefur mun meira til brunns að
bera en sýning sú sem Ástríður
hélt fyrir átta árum. Verk, sem
mér þóttu bera af á þessari sýn-
ingu eru nr. 61, 84, 63, 50 og nr. 1.
Auðvitað er einnig nr. 4 með í
þessum flokki. Annars er ekki
mikill gæðamunur á þeim verk-
um, sem hér um ræðir. Allt eru
þetta myndir unnar í olíulitum
og sumar þeirra eru í svo mekt-
ugum römmum, að það mætti
segja mér, að myndirnar hefðu
vart betur en umgerðin. Þetta er
það, sem fór einna mest í mig til
aðfinnslu en oft á tíðum varð ég
þess var, að rammarnir pössuðu
ágætlega. Þarna er víti til varn-
aðar og ég er sannfærður um, að
einfaldari umgerð hefði ekki
spillt fyrir.
Það er létt yfir þessari sýn-
ingu og hún kom mér svolítið í
opna skjöldu. Þarna er margt,
sem maður má muna, og að lok-
um þakka ég fyrir góða skemmt-
un í návist þessara verka.
NAPOLI tómatar, ostur, ansjósur, olívur, oregano
MESSINA tómatar, ostur. basil
REGINA tómatar, ostur, sveppir
SIKILEY tómatar, ostur, graslaukur, túnfiskur, skinka
HÁLFMÁNI tómatar, ostur, skinka, sveppir, parmesan ostur
PARMA tómatar, ostur, skinka, oregano
LANDSTJORI tómatar, ostur, kjúklingabitar. sveppir, paprika
KAPRI tómatar, ostur, skinka, sveppir, olívur, þistilhjörtu
VEIÐIKLO tómatar, ræk|ur, skelfiskur, ansjósur, ostur
ÁRCTÍniD sjávarréttir, skinka, þistilhjörtu, þetta
* Itllrl er Pizzadrottningin, sérlega Ireistandi
KOLOSSEIIM tómatar. ostur, skinka. sveppir, túnfiskur,
hangibjúga, perlulaukar m.ö.o, ein meö öllu
ARAPIZZA piparfræ, ostur, kryddbjúga, hangibjúga, hvitlaukur
AMERIKA tómatar, ostur, nautahakk, sveppir
AUSniRSTTVETI 22, INNSTRÆTI, SÍM111633
SAM ’83
Myndlist
Valtýr Pétursson
Stór hópur félagsmanna aðild-
arfélaga Hamrgagarða hefur
efnt til málverkasýningar að
Hamragörðum, en þar munu
vera til húsa ýmis félög starfs-
manna Sambandsins, ef ég veit
rétt. Þetta er stór hópur, 35
manns, og er ætlunin að halda
sýningu á verkum félagsmanna
árlega þarna í félagsheimilinu.
Þátttaka mun hafa orðið meiri
en margan grunaði, og 86 verk
eru skráð í sýningarskrá.
Ekki er mér kunnugt um
námsferil þessa fólks, en mér
finnst sennilegast að þarna séu
eingöngu leikmenn á ferð. óneit-
anlega bendir sýning þessi til
þess að svo sé, því vægast sagt er
nokkurð viðvaningsbragur á
flestum verkum þarna. Vart er
við öðru að búast, þar sem hverj-
um og einum er langt listnám
nauðsynlegt til að ná nokkrum
verulegum listrænum árangri og
tekur það oft á tíðum mörg ár
fyrir fólk að ná fótfestu á þessu
sviði. Margir hafa hins vegar
mikla ánægju af að fikta með liti
og koma saman mynd og ekki vil
ég verða til að letja nokkurn
mann á þessu sviði. Ef viðkom-
andi er ánægður með árangur
sinn, hefur sá hinn sami skapað
sér lífsnautn, sem enginn getur
frá honum tekið. Það er aðeins
hægt að ná árangri í listum,
hverju nafni sem þær nefnast,
með mikilli ástundum og ofsa-
legu persónulegu framlagi, en
það er hægt að hafa mikla
menningarlega ánægju af snert-
ingu við listir, ef maður tekur sig
ekki of alvarlega. Það mætti því
óska fólki til hamingju sem fæst
við listir í frítíma sínum, og það
mætti jafnframt vara það við
hinu mikla álagi sem felst í því
að kafa dýpra í hlutina. Hinn
frægi málari, Henri Matisse,
sagði eitthvað á þessa leið við
nemandur sína: Látið ykkur ekki
koma í hug að þið séuð að mála
listaverk, en það gæti vel farið
svo, að til yrði listaverk í ykkar
höndum einn góðan veðurdag.
Ég leit inn á sýningu SAM ’83
og svona í fljóti bragði er vart
hægt að benda á einhvern sér-
stakan og segja: Þessi hefur
hæfileika, þessi ekki. Þeir, sem
sýna, eru að vísu mjög misjafn-
lega á vegi staddir, og forsendur
þeirra virðast nokkuð á reiki, en
samt tók ég sérstaklega eftir
nokkrum myndum og koma þær
hér: Nr. 61, 81, 5, 8, 11, 30. Þetta
er auðvitað enginn stóridómur,
en ég nefni þetta aðeins ef það
skyldi verða viðkomandi til upp-
örvunar. Það er í sjálfu sér nokk-
uð vafasamt, hvort skrifa beri
um sýningar sem þessa. Þarna
eru áhugamenn á ferð, sem mað-
ur gerir ekki sömu kröfur til og
þeirra, sem kalla sig atvinnu-
listamenn. Það er yfirleitt mikill
munur á viðhorfum hjá þessu
fólki, og landslag og manna-
myndir virðast eiga hug þess al-
gerlega.
Það er best að bíða og sjá,
hverju fram vindur hjá þessum
hóp. Margt getur gerst á einu
ári. Það er mjög til sóma fyrir
fólk, sem eyðir frítíma sínum I
iðju sem þá, sem þarna er til
sýnis. Listklúbbar eru þjóðþrifa
fyrirtæki sem ættu að vera til á
hverju heimili.