Morgunblaðið - 12.06.1983, Blaðsíða 5

MORGUNBLAÐIÐ, SUNNUDAGUR 12. JÚNÍ 1983
53
— „Já, mér líst mjög vel á þetta.
Eins og ég sagði áðan býður þessi
hljómsveit upp á mikla möguleika.
Við erum til dæmis með fimm
raddir og auka blásararnir mikið
á breiddina. Þetta eru allt menn
sem lesa músík enda er nauðsyn-
legt í svona stórri hljómsveit að
hafa músíkina útsetta að mestu
leyti, annars verður þetta bara
hrærigrautur. Við höfum líka haft
mjög stuttan tíma til að æfa upp
prógrammið svo að þetta hefur
komið sér vel. Upphaflega var
hugmyndin að við værum sjö, en
svo frétti ég að Ásgeir Stein-
grímsson trompetleikari væri
nýkominn heim frá fjögurra ára
námi í New York og ég sagði við
Óla Laufdal að þennan mann yrð-
um við að fá svo að hann sam-
þykkti töluna átta. Ég minnist
þess ekki að svona stór hljómsveit
hafi verið fastráðin í veitingahúsi
hér á landi síðustu áratugi, svo að
ég held að það sé alveg óhætt að
gefa Laufdal svolítið hrós fyrir að
bjóða upp á svona lúxus, það er
bæði erfitt og dýrt að halda úti
svona stórri hljómsveit."
Og hvað um tónlistarstefnuna?,
— spyr ég spekingslega eins og
venjan er þegar rætt er við tón-
listarmenn.
— „Við leggjum áherslu á góða
danstónlist. Við erum auðvitað
fyrst og frmst að spila fyrir dansi
og verðum að hafa það hugfast.
En við ætlum ekki að spila þannig
músík að okkur leiðist sjálfum."
Þið ætlið sem sagt að spila mús-
ík sem bæði þið og gestir hússins
geta haft ánægju af?
— „Já, einmitt. Ég hefði ekki
getað orðað það betur. Til að byrja
með æfum við upp gott danspró-
gramm og síðan, þegar betra næði
gefst og þetta er komið í gang,
förum við kannski út i eitthvað
aðeins flóknara. Við komum fram
þrisvar á kvöldi og spilum á móti
diskótekinu og ætlunin er, að í
fyrsta „settinu" á kvöldin verði
boðið upp á músík sem er meira
fyrir eyrað, svona á meðan gestir
eru að koma í húsið og þá geta þeir
sem hafa gaman af að hlusta á
góða músík komið og fengið
eitthvað fyrir sig. Með þessu er ég
ekki að segja að dansmúsík geti
ekki verið góð músík og við ætlum
okkur að vera líka með góða
dansmúsík. En hitt býður upp á
meiri fjölbreytni og betra tæki-
færi fyrir strákana til að sýna
hvað í þeim býr.“
Við víkjum nú talinu að nafni
hljómsveitarinnar og um það segir
Gunnar m.a.:
— „Enn sem komið er hefur
ekkert annað nafn komið fram en
„Hljómsveit Gunnars Þórðarson-
ar“, en ég hefði ekkert á móti því
að velja eitthvert annað nafn og ef
gott nafn finnst er það vel þegið.
Kannski Árni Johnsen lumi á ein-
hverju góðu nafni eins og t.d.
„Hamrabandið" eða „ólgubrim",
en hann var nokkuð glúrinn hér í
gamla daga að koma með góð og
„sterk" nöfn eins og t.d. „Brimkló"
og „Trúbrot".
Ég spurði nú Gunnar hvort
hann væri búinn að leggja hljóm-
plötugerð á hilluna í bili en hann
kvað það ekki aldeilis vera.
— „Ég er nú byrjaður á nýrri
plötu sem mun væntanlega koma
út í lok júlí eða byrjun ágúst.
Þetta verður það sem kallað er
„stór, lítil plata“ með fimm lögum
og eitt þeirra er stefið sem ég
samdi fyrir fegurðarsamkeppnina.
Og síðan kemur vel til greina að
gera nýja plötu með hljómsveit-
inni.“
Þið tjaldið sem sagt til lengrl
tíma en þessara fjögurra mánaða
sem þið eruð ráðnir hér í Broad-
way?
— „Það verður auðvitað bara að
ráðast. Eins og ég sagði er erfitt
að halda úti svona stórri hljóm-
sveit og framhaldið fer mikið eftir
undirtektum. Ég vona auðvitað að
þetta falli í góðan jarðveg og að
það sé grundvöllur fyrir að reka
svona band, en undirtektirnar
verða að skera úr um það.“
- Sv.G.
SUMAKTILBOÐ
2X20 Wött
Útvarpsmagnari, segulbandstœki,
plötuspilari, skdpur og tveir hótalar-
ar. Gott alhliða heimilissett í háum
gœðaílokki.
2X65 Wött
Magnari, plötuspilari, útvarp, segul-
bandstceki, skápur og tveir hátalarar
ásamt tímatœki.
Meiriháttar hljómtœkjasamstœða.
2X30 Wött
Útvarpsmagnari, plötuspilari, segul-
bandstœki. tímatœki, skápur og tveir
hátalarar.
Mjög vel samvalið sett sem hentar
mörgum.
2X50 Wött
Magnari, plötuspilari, útvarpstœki,
segulbandstœki, tímatœki. skapur
og tveir hátalarar.
Magnað sett á góðu verði.
2X60 Wött
Formagnari, kraítmagnari, plötuspil-
ari. útvarpstœki, segulbandstœki,
tónjaínari, tímatœki, skápur og tveir
hátalarar.
Dekursamstœðan, fyrir nákvœmnis-
menn.
2X60 Wött
Útvarpsmagnari með tímatœki,
plötuspilari segulbandstœki með
tímatœki, skápur og hátalarar.
Sett fyrir lengra komna.
2X80 Wött
Magnari, plötuspilari, útvarpstœki,
segulbandstœki með timatceki,
skápur og hátalarar.
Þetta er settið íyrír þá sem gara
kröfur sem erlitt er að uppfylla.
Verð: kr. 36.000. Útb. kr. 4.000,
rest á 6 mán.
Verð: kr. 39.900. Útb. kr. 4.000,
rest 6 mán.
Verð: kr. 44.900. Útb. 4.500,
rest 6 mán.
Verð: kr. 49.800. Útb. 4.500,
rest 6 mán.
Verð: kr. 69.900. Útb. 5.000,
rest 6 mán.
Verð: kr. 99.900. Útb. 5.000,
rest 6 mán.
Verð: kr. 110.000. Útb. 10.000,
rest 6 mán.
SKIPHOLTI 19 - SÍMI 29800