Morgunblaðið - 12.06.1983, Síða 8

56
MORGUNBLAÐIÐ, SUNNUDAGUR 12. JÚNÍ 1983

Tracy og Hepurn, myndin tekin skömmu fyrir lát hans. Mynd tekin er trúlofun Karls og Díönu var tilkynnt.
Það hefur jafnan þótt við hæfi,
þegar um náið samband karls og
konu er að ræða, að karlmaðurinn
sé hávaxnari en konan. Auðvitað
hafa alltaf verið undantekningar á
þessu eins og öðru, en þetta hefur
verið sú ímynd, sem menn hafa
haft af hinu dæmigerða pari, karl-
maðurinn stærri og sterkari,
verndari hinnar fíngerðari og
minni konu.
Það þarf auðvitað ekki að taka
það fram, að þetta hefur aðeins
átt við um ytra útlit, hinu sjáan-
lega ytri styrkleika, líkams-
kraftana, um innri styrk er aldr-
ei hægt að dæma af útlitinu og
hann fer áreiðanlega ekki eftir
neinni ákveðinni líkamsþyngd.
Svo rammt hefur kveðið að
þessu ákveðna mynstri af útliti
karls og konu, að ýmsir skrítlu-
höfundar hafa það sem uppi-
stöðu gamanmála sinna, að sýna
stóra og stæðilega konu við hlið
lítils og grannvaxins karlmanns
og vilja með því sýna hver ræður
á heimilinu, þ.e. sá stærri og
sterkari.
En ýmsir hlutir hafa breyst,
konur hafa í auknum mæli sótt á
Sophia Loren og Carlo Ponti Susan Anton og Dudley Moore.
HÁVAXNAR KONUR
ný mið menntunar og atvinnu í
vestrænum þjóðfélögum og sýnt
það og sannað að þær eru engir
eftirbátar karlmanna. Og
ímyndin um hið dæmigerða par
á ef til vill eftir að breytast líka.
Það er þó ekki lengra síðan en
þegar trúlofun Díönu prinsessu
og Karls prins í Bretlandi var
kunngerð, að nauðsyn þótti að
láta prinsinn standa nokkrum
tröppum ofar í stiganum, á
myndinni, sem tekin var við það
tæifæri. Þau hjónin munu vera
nær jafn stór en hún sýnist að-
eins hærri.
Margir hafa eflaust heyrt um
fyrsta fund leikaranna Kathar-
ine Hepburn og Spencer Tracy.
Tracy var þrekinn og ca. 1,78 á
hæð. Katharine Hepburn er
fremur hávaxin (og heldur sjálf
að hún sé enn hærri en hún er,
eftir því sem sagt er) og átti það
til, á yngri árum, að ganga í
sérsmíðuðum skóm með upp-
hækkuðum sóla, til að vera ekki
lægri í loftinu en þeir karlmenn,
sem hún þurfti að hafa afskipti
af vegna starfsins.
En tilefni þess að þau hittust,
Tracy og Hepburn, var væntan-
legur samleikur þeirra i kvik-
myndinni „Woman of the Year"
LÁGVAXNIR MENN
Nancy og Henry Kissinger.