Morgunblaðið - 12.06.1983, Blaðsíða 32
80 MORGUNBLAÐIÐ, SUNNUDAGUR 12. JÚNÍ 1983
í NÝJA BÍÓIÁ NÆSTUNNI
Að þessu sinni er ætlunin að
renna lauslega yfir þær myndir
semNýja Bíó mun bjóða gestum
sínum næstu mánuðina. Kvik-
myndahúsið hefur frá upphafi haft
umboð hérlendis fyrir hið umsvifa-
mikla bandaríska kvikmyndaver
20th Century Fox, en síðastliðið
haust bættist ný fjöður í hatt þess,
sem er Metro-Goldwyn-Mayer,
hinn fornfrægi risi í kvikmynda-
heiminum sem upp á síðkastið er
talsvert farinn að láta bera á sér á
nýjan leik.
Metro-ljónið öskraði fyrst
fyrir gesti Nýja Bíóis í myndinni
Pink Floyd — The Wall, og átti
það vel við. En lítum nú á þær
MGM myndir sem kvikmynda-
húsið hefur samið um sýningar-
rétt á:
• Bnddy, Buddy er nýjasta
mynd þremenninganna Billy
Wilder, Jack Lemmon og Walth-
er Matthau, en þeir hafa skemmt
kvikmyndahúsgestum m.a. í
myndunum The Odd Couple og
The Front Page (sú síðarnefnda
var nýlega sýnd í sjónvarpinu).
Að þessu sinni leikur Walther
Matthau leigumorðingja sem er
að fást við síðasta verkefnið áð-
ur en hann fer „á eftirlaun".
Hann hefst við í lélegu hótel-
herbergi og við hliðina á honum
býr náungi, illa haldinn af hug-
sýki með óteljandi sjálfsmorðs-
aðferðir á prjónunum ... að
sjálfsögðu Jack Lemmon.
Með aukahlutverkin fara tveir
ágætisleikarar, Paula Prentiss
og Klaus Kinski. Tónlist: Lalo
Schifrin, sýn.tími: 128 mín.
• Cannery Row, eða Ægisgata,
einsog hin bráðskemmtilega
skáldsaga Steinbeck nefnist í ís-
lenskri þýðingu, um rónana og
líffræðinginn vin þeirra vestur í
Monterey, hefur nú verið kvik-
mynduð á nýjan leik. Að þessu
sinni fara þau Nick Nolte og
Debra Winger (Urban Cowboy,
An Officer and a Gentleman)
með hlutverk Doc og Suzy. Leik-
stjóri og handritshöfundur er
David Ward (The Sting), en John
Huston er sögumaður. Kvik-
myndataka: Sven Nykvist, tón-
list: Jack Nitzsche, sýn.tími: 120
mín.
• Victor/Victoria var tví-
mælalaust ein fyndnasta mynd
sem undirritaður sá á síðasta
ári, enda einvalalið sem stendur
að baki henni. Leikstjórinn er
Blake Edwards („10“, myndirnar
um bleika pardusinn o.fl. o.fl), og
skrifar hann jafnframt handrit-
ið að þessum margsnúna farsa
um atvinnulausa leikkonu, Julie
Andrews, á kreppuárunum í
París, sem loks slær í gegn í
hlutverki karlmanns í kvenklæð-
um, á sviðum næturklúbba
stórborgarinnar. Hugmyndina
fær hún hjá vini sínum, öfugum,
sem Robert Preston leikur stór-
kostlega.
Þessi öfugsnúningur, allur,
býður uppá hinar spaugilegustu
uppákomur, sem eru mýmargar.
Hér standa sig einnig, með
prýði, James Garner og ekki síð-
ur ný gamanleikkona, Lesley
Ann Warren.
• Rich and Famous segir, eins
og nafnið bendir til, frá tveimur
vellauðugum og frægum vinkon-
um í Vesturheimi, misjöfnu
gengi þeirra, í veröld auðlegðar
og allsnægta sem aldrei hafa
trygftt það sem mest er um vert í
lífinu, hamingjusemi.
R&F varð síðasta mynd hins
fræga leikstjóra George Cukor,
sem var einmitt talinn einn
mesti „leikstjóri kvenna" fyrr og
'síðar. Tvær fegurstu leikkonur
Hollywood fara með aðalhlut-
verkin, Jacqueline Bisset og Can-
dice Bergen. Sýn.tími: 117 mín.
• Shoot the Moon fjallar um
hjónabandsvandamál miðaldra
hjóna með fjögur börn í skóla-
námi. Þau fjarlægjast hvort
annað æ meir, hann sökkvir sér í
störfin en hún öðlast nýja skoð-
un á lífinu þegar börnin eru öll
að komast á legg.
Myndinni leikstýrir Alan
Parker (Fame, Midnight Ex-
press, The Wall) og aðalhlut-
verkin eru ekki í höndum neinna
aukvisa heldur; Albert Finney og
Diane Keaton. Handritið skrif-
aði Bo Goldman (One Flew over
the Cuckoo’s Nest). Sýn.tími: 124
mín.
• The Califomia Dolls eða All
the Marbles, eins og hún nefndist
vestan hafs, er af léttari gerð-
inni. Segir af tveim limafögrum
kven-fjölbragðaglímuköppum
(„wrestling") og slóttugum þjálf-
ara þeirra sem ætlar þeim ekk-
ert minna en meistaratignina,
með öllum mögulegum og
ómögulegum ráðum.
Með aðalhlutverkið fer Peter
„Colombo" Falk, en þær leggja-
löngu og barmfríðu nefnast
Vicki Frederick og Laurene
Landon. Sú fyrrnefnda gladdi
Kirk Douglas og Tom Burlinson í
áströlsku mvndinni The Man from
Snowy River.
Tveir snjallir. Sidney Lumet leik-
stýrir Paul Newman í The Verdict.
augu undirritaðs þegar hún fór
með eitt aðalhlutverkið í Danc-
in’, undir stjórn Bob Fosse, vest-
ur á Broadway fyrir nokkrum
árum. Hún fór einnig- með hlut-
verk í mynd hans, All That Jazz.
Leikstjóri er gamli harðjaxlinn
Robert Aldrich sem hlaut sinn
skóla sem aðstoðarleikstjóri ekki
minni meistara en Jean Renoir
og Charles Chaplin. Sýn.tími:
112 mín.
• Whose Life Is It Anyway ættu
flestir íslenskv áhugamenn um
leikhús að kannast við undir
nafninu Er þetta ekki mitt líf, og
naut mikilla vinsælda { Iðnó
fyrir skömmu. Nú er sem sagt
búið að kvikmynda þetta þekkta
leikhúsverk Brians Clark, sem
einnig samdi kvikmyndahandrit-
ið. Myndin er því einkar trú leik-
ritinu.
Richard Dreyfuss fer á kost-
um í aðalhlutverkinu og það
stafar mikilli hlýju af Christine
Lahti í hlutverki hjúkrunarkon-
unnar. Leikstjóri: John Badham,
kvikmyndataka: Mario Tosi.
Sýn.tími: 119 mín.
• Pennies From Heaven er
söngva- og dansamynd um
dagdrauma fátæks sölumanns í
Chicago í kreppunni miklu. Hér
skiptast á grár raunveruleikinn
og hrífandi draumórar. Sögð í
anda hinna gömlu, góðu MGM-
skrautmynda. Með aðalhlut-
verkin fara Steve Martin, Berna-
dette Peters, Jessica Harper og
Christopher Walken bregður
fyrir í gestahlutverki. Tónlistin
er útsett og stjórnað af Marvin
Hamlisch og Billy May, kvik-
myndatöku stjórnar Gordon
Willis en leikstjóri er Herbert
Ross.
• Rúsínan f pylsuendanum frá
MGM er að sjálfsögðu sú einkar
vel gerða og spennandi hroll-
vekja Poltergeist, sem var ein
vinsælasta mynd heims á síðasta
ári. Hún fjallar um óhugnanlega
reimleika sem eiga sér stað f
húsi í úthverfi borgar vestur f
Kaliforníu. Það kemur f ljós að
húsið er byggt í gömlum kirkju-
garði ...
Myndin er stórkostleg sýning
á hversu brellumeistarar Holly-
wood eru komnir langt í að
blekkja augu áhorfandans.
Leikstjóri er Tobe Hooper en
framleiðandi er Steven Spiel-
berg, sem sagður er eiga mun
meira í myndinni en Hooper.
Með aðalhlutverkin fara Jobeth
Williams, Craig T. Nelson, Bea-
trice Straight og Heather
O’Rourke. Handrit: Spielberg.
Tónlist: Jerry Goldsmith. Dolby
stereo. Sýn.tími: 114 mín.
• Þá er komið að myndunum
frá 20th Century Fox og fyrsta
skal fræga telja The Verdict,
eina af myndunum sem voru til-
nefndar til Óskarsverðlauna í
vor, sterk, dramatísk mynd sem
gerist að mestu leyti innan
veggja dómsalanna í Boston. Þar
fær drykkfelldur lögfræðingur
(leikinn meistaralega af Paul
Newman, sem hér hlaut sína
sjöttu Óskarsverðlaunatilnefn-
ingu!) uppreisn æru, þegar hann
tekur hart á máli sem honum
var ætlað að sjatla niður af
venjulegum vesaldómi.
Það er einvalalið sem stendur
að baki þessarar frægu myndar:
Leikstjórinn er Sidney Lumet,
einn jafn-besti leikstjóri síðustu
áratuga, framleiðendurnir eru
Richard D. Zanuck og David
Brown, tónlist er eftir Johnny
Mandel og með önnur megin-
hlutverk fara Charlotte Ramp-
ling, Jack Warden, James Mason
og Milo O’Shea.
• Making Love er ærið óvenju-
leg ástarsaga, segir frá eigin-
manni sem gefur konu og heimili
upp á bátinn fyrir annan mann!
Tímarnir breytast og mennírnir
með. Ólíklegt er að mynd byggð
á þessu efni hefði fengist gerð
fyrir áratug eða svo.
Leikstjórinn er Arthur Hiller,
sem frægastur er fyrir aðra ást-
arsögu, nefnilega enga aðra en
þá einu sönnu Love Story. Með
aðalhlutverk fara Michael
Ontkean, Kate Jackson og Harry
Hamlin.
• Tough Enough var verið að
frumsýna fyrir örfáum vikum
vestra, en myndin segir frá
country & western-söngvara sem
gengur hægt að komast upp á
stjörnuhimininn svo hann snýr
sér að hnefaleikum, með mun
betri árangri. Leikstjóri er Rich-
ard Fleischer en með aðalhlut-
verkið fer Dennis Quaid. Þá var
myndin hin síðasta sem sá ágæti
leikari Warren Oates lék í um
dagana.
• I gamanmyndinni Six Pack
fer hinn vel þekkti c&w-söngvari
Kenny Rogers með sitt fyrsta
hlutverk á hvíta tjaldinu. Hann
fer með hlutverk „skrjóðakapp-
akstursmanns" sem af tilviljun
verður fyrir barðinu á sex systk-
inum sem lifa á því að stela
bílhlutum. Uppúr þessu hefst hið
ágætasta samband og systkinin
reynast færustu viðgerðarmenn
sem völ er á.
Leikstjóri er Daniel Petrie
(Fort Apache, The Bronx).
• Kiss Me Goodbye var ein af
jólamyndunum á síðasta ári,
gamanmynd um konu sem er að
fara að giftast í annað sinn þeg-
ar andi hins fyrrverandi, eld-
hressa eiginmanns tekur að birt-
ast henni á óþægilegustu augna-
blikum! (Þetta efni þekkja nátt-
úrlega allir þeir sem sáu hina
ágætu, brasilísku gamanmynd
Dona Flor e seus dois maridos, í
Háskólabíói á sínum tíma.)
Hollywood-útgáfunni leikstýr-
ir Robert Mulligan (To Kill a
Mockingbird, Summer of 1,2), en
með aðalhlutverkin fara Sally
Field, James Caan og Jeff Bridg-
es.
• The Man from Snowy River
var til skamms tíma vinsælasta
mynd sem sýnd hefur verið í
Ástralíu, þaðan sem hún er upp-
runnin, en þá kom E.T. til skjal-
anna ... T.M.F.S.R. segir frá
áströlskum dreng og hestinum
hans, hvernig hann herðist upp
og verður að manni á óblíðum
sléttum Ástralíu. Þar kemur
gamla kempan Kirk Douglas
talsvert við sögu, í tvöföldu hlut-
verki. Leikstjóri er George Mill-
er.
• Puberty Blues er einskonar
„ástralskt Graffiti", segir af
nokkrum unglingum sem eru að
reyna að komast í vinsælustu
klíkuna með ófyrirsjáanlegum
afleiðingum. Leikstjóri er einn
af kunnustu kvikmyndagerðar-
mönnum Ástrala, Bruce Beres-
ford sem við þekkjum að góðu
einu af myndunum Don’s Party
og Breaker Morant.
• The Pirate Movie er dýrasta
mynd sem Ástralir hafa gert til
þessa, reyndar fengu þeir 20th
Century-Fox til að fjármagna
myndina að hluta. „Sjóræningja-
myndin“ er lauslega byggð á hin-
um fræga söngleik Gilbert &
Sullivan The Pirates of Penz-
ance, en að nokkru leyti látin
gerast á okkar tímum.
Með aðalhlutverkin fara
Kristy McNichol og Christopher
Atkins en leikstjóri er Ken Ánn-
akin.
• The Entity fjallar um hroll-
vekjandi, sannsögulega atburði
sem komu fyrir einstæða móður
vestur í Kaliforníu á síðasta ára-
tug. Hún taldi sig verða fyrir sí-
endurteknum árásum „veru, ekki
af þessum heimi".
Vísindamenn fengu áhuga á
þessu einstæða fyrirbrigði og
telja sig jafnvel hafa einangrað
þennan óhugnað, eða það sem
kallað er á góðri íslensku, kveðið
skratta þennan niður, á vfsinda-
legan hátt, reyndar.
Með aðalhlutverkið fer Bar-
bara Hershey (sem reyndar tók
upp eftirnafnið Seagull, á
blómatímabilinu), handritið
skrifar Frank DeFolitta og
byggir það á eigin metsölubók
sem hann gerði um þessa válegu
atburði. Leikstjóri er Sidney J.
Furie (Lady Sings the Blues).
• Monsignor segir af herpresti
sem í lok stríðsins er fluttur af
vígvellinum til Vatíkansins og
fljótlega settur yfir banka
dvergríkisins. Hann hefur gert
ýmislegt það sem ekki er kenni-
manni kaþólsku kirkjunnar
sæmandi og vegna sambanda
sinna við undirheiminn getur
hann ýmislegt gert til að koma
lagi á fjármál kirkjunnar eftir
hörmungar stríðsins.
Monsignor hlaut mikið umtal
á síðasta ári sökum þessa
óvenjulega efnis. Með aðalhlut-
verkið fer Christopher Reeve,
sjálfur „Superman", Genevieve
Bujold, Fernando Rey, Jason
Miller, Adolfo Celi og Thomas
Milian. Kvikmyndatökumaður er
Billy Williams (Gandhi), tónlist-
ina samdi John Williams (E.T.,
Star Wars, o.s.frv.), handritið
skrifuðu Abraham Polonsky og
Wendell Mayes. Leikstjóri er
Frank Perry.
• Author, Author fjallar um rit-
höfundinn Travalian (A1 Pac-
ino), sem virðist ganga allvel.
Það er verið að setja upp nýjasta
leikrit hans á Broadway, með
frægri Hollywood-leikkonu í að-
alhlutverki. En þar er endalaust
krafist breytinga á handritinu
og þar að auki er konan að
hlaupast á brott frá honum og
fimm börnum fjölskyldunnar
sem eru af ærið blönduðu for-
eldri.
Handritið að þessari gaman-
mynd skrifaði leikritaskáldið
Israel Horowitz, en Pacino hlaut
einmitt sína fyrstu viðurkenn-
ingu sem leikari í leikriti Horo-
witz, The Indian wants the
Bronx, árið 1968. Með önnur,
stór hlutverk fara Dyan Cannon
og Tuesday Weld en Árthur Hill-
er leikstýrir.