Morgunblaðið - 26.06.1983, Blaðsíða 33

MORGUNBLAÐIÐ, SUNNUDAGUR 26. JÚNÍ 1983
81
Kaupmannahöfn:
„Islandsk-Dansk Service“
Norrænt mót meinatækna
Kaupmannahöfn. 25. júní.
FYRIRTÆKI, sem heitir Is-
landsk-Dansk Service er nýstofnað
hér í Kaupmannahöfn af Ejlif
Jensen, Bogtrykkervej 28.
Ejlif Jensen, sem talar íslenzku
mjög vel, starfaöi hjá SAS, en flutt-
ist til íslands med íslenzkri konu
sinni 1972, vann þar fyrst við
skipasmíðar, þá sem kokkur á tog-
aranum Ögra, en dvaldi í Dan-
mörku hálft annað ár við ferða-
þjónustu á Kastrup. Ejlif átti síðan
aftur heima á íslandi og var kokk-
ur á skuttogurum og lauk kokka-
prófi hinu minna hjá Friðrik Gísla-
syni í Hótel- og veitingaskóla ís-
lands.
Nú í vor flutti Ejlif Jensen að
nýju til Danmerkur og stofnaði
þá áðurnefnt einkafyrirtæki sitt
„Islandsk-Dansk Service" vegna
þess vanda, sem ýmsir íslend-
ingar eiga í við komuna hingað,
bæði í stuttum ferðum, við nám
og í atvinnuleit. Þjónusta fyrir-
tækisins er fólgin í aðstoð,
ráðgjöf og leiðsögn skv. upplýs-
ingum framkvæmdastjórans og
kostar 60 kr. danskar á tímann
fyrir tvennt það fyrrnefnda, en
100 kr. fyrir leiðsögnina. Þá sæk-
ir hann fólk á flugvöllinn eða fer
með það þangað og er aksturinn
á tilboðsverði allt að 40 km. Auð-
þekktur mun hann vera á flug-
vellinum, klæddur í íslenzku lit-
ina, blátt, hvítt og rautt. Leggur
Ejlif áherzlu á, að hann sé beð-
inn með nægum fyrirvara og að
pöntun sé staðfest daginn fyrir
komu eða brottför. Þá mun hann
koma fólki í samband við rétta
aðila og skrifstofur og ráðleggja
ýmislegt það, sem að gagni má
koma í hinu flókna danska kerfi.
Þessa dagana, 23. til 26. júní,
stendur yfir Norrænt mót meina-
tækna að Hótel Loftleiðum.
Um 200 meinatæknar frá öllum
norðurlöndunum sækja mótið. Á
dagskrá eru fyrirlestrar, skoðun-
arferðir á rannsóknastofur
sjúkrahúsa og stuttar kynnisferð-
ir. Fyrirlestrarnir, sem eru mjög
fjölbreyttir, eru flestir fluttir af
íslenskum meinatæknum.
Meinatæknafélag íslands var
stofnað árið 1967 og eru félags-
menn nú 326 að tölu. Nýlega var
nám meinatækna tekið til gagn-
gerðrar endurskoðunar og m.a.
lengt úr tveimur árum í þrjú að
loknu stúdentsprófi. Námið fer
fram í Tækniskóla íslands.
Séð yfir ráðstefnusalinn að Hótel Loftleiðum þar sem meinatæknar þinga um þessar mundir.
Eilif Jensen
„Stjórnvöld verða að sýna mennskt vit
og hverfa frá skelfingarstefnunni“
- segir m.a. í ályktun stjórnar LIV
„STJÓRN Landssambands íslenskra verslunarmanna mótmælir alveg sérstak-
lega afnámi samningsréttarins sem er eitt af grundvallaratriðum lýðræðisins, og
forsenda fyrir starfi frjálsra verkalýðsfélaga," segir m.a. í ályktun sem samþykkt
var á stjórnarfundi í sambandinu 21. iúnf. í ályktuninni er lýst yfir stuðningi við
ályktun þá sem formannafundur ASI samþykkti vegna sctningar bráðabirgða-
laga rikisstjórnarinnar.
I ályktuninni er jafnframt harð-
lega mótmælt þeirri „hrikalegu
skerðingu kaupmáttar, sem laga-
setningin veldur, og er langt um-
fram samdrátt þjóðartekna að und-
anförnu," eins og segir í ályktun-
inni. „Ákvæði bráðabirgðalaganna
eru svo harkaleg og yfirdrifin að
álíta verður að þeim sé ætlað að
valda lamandi skelfingu hjá laun-
þegum."
Þá segir ennfremur í ályktun LÍV
að á undanförnum árum hafi ekki
bólað á öðrum efnahagsúrræðum af
hálfu stjórnvalda en sífelldum
kaupmáttarskerðingum. Þrátt fyrir
langar upptalningar æskilegra að-
gerða, sem gjarnan fylgi kjara-
skerðingunum, hafi lítið orðið úr
framkvæmdum og ekki verði séð að
breyting hafi orðið á í því efni nú.
1 ál.vktuninni er bent á að nýsköp-
un arðbærrar atvinnustarfsemi sé
frumnauðsyn, ef ekki á að koma til
atvinnuleysis, og jafnframt for-
senda varanlegs árangurs í barátt-
unni við verðbólguna. An tafar þurfi
að ná samstöðu um virka atvinnu-
uppbyggingu og alhliða efnahags-
stjórn. Til þess að komist verði frá
þeim efnahagsvanda sem við blasi
þurfi þolinmæði og þrautseigju.
Launþegar séu tilbúnir til að leggja
sitt af mörkum ef ljóst sé hverjum
sé ætlað átak eftir mætti. „Fólk
verður ekki til lengdar hrætt til
hlýðni og ef árangur á að nást verða
stjórnvöld að sýna mennskt vit og
hverfa frá skelfingarstefnu bráða-
birgðalaganna," segir loks í ályktun-
inni.
VILTU SJÁ MÖRK
3.7142857 mörk
hafa veriö skoruö aö
meöaltali í 7 leikjum VALS til þessa.
Maöur leiksins fær
kvöldverö fyrir tvo á
RESTAURANT
AMTMANNSSTÍGUR 1
TEL. 13303
VALUR
IBI

klukkan átta í Laugardal
Landsins mesta úrval af fyrsta flokks
®*ilr kjötvöruml
Snúöu á rýrnandi krónu. Verslaðu í
KJÖTMIÐSTÖÐIN Laugalaek l.s.86511
Allir sem versla fyrir 5.000 kr. í einu
fá frímiöa á heimaleiki VALS í sumar.
KJÖTMIÐSTÖÐIN Laugalæk l.s. 86511