Morgunblaðið - 16.07.1983, Blaðsíða 10

10
MORGUNBLAÐIÐ, LAUGARDAGUR 16. JÚLÍ 1983
ISetbergslandi í Hafnarfiröi, mun
innan skamms hefjast bygging á
90 einbýlishúsum, sem Hafnarfjarð-
arbær úthlutaöi lóöum undir nú fyrir
skömmu. Þegar er byrjað að leggja
götur og lagnir um nýja hverfið og er
áætlað að framkvæmdir geti hafist í
júlí—ágúst á þessu ári.
Setbergsskipulagið var samþykkt
l.apríl sl. en aðalskipulag Hafnar-
fjarðar var samþykkt á sama tíma.
Setbergslandið tilheyrði áður
Garðabæ, en 1978 varð breyting á
lögsagnarumdæmismörkum Hafnar-
fjarðarkaupstaðar, er m.a. voru höfð
makaskipti við Garðabæ á land-
spildu.úr Setbergsiandi í Garðabæ
og hluta lands Hafnarfjarðarkaup-
staðar austan Reykjanesbrautar er
féll til Garðabæjar. Þetta land, sem
ásamt öðrum jörðum er innan lög-
sögu Hafnarfjarðar, kemur bærinn
til með að eignast á næstu 10 árum,
skv. kaupsamningi við viðkomandi
landeigendur, dags. í júlí 1980, að
undanskildum nokkrum lóðum.
í skipulagi Setbergslandsins, sem
nú er búið að samþykkja, er gert ráð
fyrir 339 íbúðum og er áætlað að
byggja um 120 íbúðir árlega, og sam-
kvæmt því ætti landið að byggjast á
næstu 34 árum. Einnig verða byggð
fjölbýlishús í Hvömmunum og Hval-
eyrarholti, þannig að ljóst er að
Hafnarfjarðarbær mun stækka
verulega á komandi árum. í dag eru
íbúar Hafnarfjarðar tæplega 13.000,
en skv. fólksfjöldaspám sem Hag-
stofa íslands gerði til bráðabirgða
árið 1979, íbúatala kaupstaðarins
mun aukast í u.þ.b. 17.000 um alda-
mótin. Við síðustu aldamót var íbúa-
Hafnarfjördur
Nýtt aðalskipulag - ný hverfí
tala bæjarins aðeins um 370, en þá
hafði bæjarbúum farið fækkandi um
skeið. Upp úr aldamótum tók vöxtur
bæjarins mikinn kipp og hafði allt
að því fjórfaldast þegar bærinn fékk
kaupstaðarréttindi árið 1908. Eftir
það má segja að bærinn hafi vaxið
jafnt og þétt. Á allra síðustu árum
hafði hins vegar dregið úr vaxtar-
hraða Hafnarfjarðar og töldu menn
helstu orsakir þess vera ónógt fram-
boð á nýjum íbúðum svo og bygg-
ingarlóðum fyrir íbúðarhúsnæði, þar
til úthlutun á lóðum í Hvamma-
hverfi hófst árið 1979.
Mbl. hafði samband við Jóhann G.
Bergþórsson, formann skipulags-
nefndar Hafnarfjarðar, og sagði
hann að nýja hverfið í Setbergsland-
inu væri annars vegar á flatlendi og
einnig yrði byggt í hlíð. Sagði Jó-
hann að úr hlíðinni væri mjög
skemmtilegt útsýni, á flatlendinu
yrði hins vegar lækjarfarvegi beint
inn í hverfið eftir krókaleiðum,
þannig að lækurinn rynni á milli
húsa og þá yrðu gerðar tjarnir, sem
yrðu augnayndi á sumrin og skauta-
svæði á vetrum. Setbergsskipulagið
gerir ráð fyrir að húsin myndi ein-
ingar, mismörg í hverjum hópi, en
kjarni hvers hóps yrði sameiginlegt
svæði. Umferð í gegn um hverfið
verður beint inn á stærri akbrautir,
þannig að umferð verður hæg um
götur hverfisins. Samband nýja
hverfisins við miðbæ Hafnarfjarðar
verður tryggt með undirgöngum
fyrir gangandi vegfarendur undir
Lækjargötu og seinna verða gerð
undirgöng undir Reykjanesbraut.
Þjónustukjarni verður í hverfinu,
þar sem verða bamaskóli, ungl-
ingaskóli, verslanir og önnur þjón-
usta, og verður hann á stað sem ligg-
ur vel við aðalumferðarbraut hverf-
isins. Inni í hverfinu verður gert ráð
fyrir stöku húsi undir lítil þjónustu-
fyrirtæki s.s. hárgreiðslustofu,
skósmíðastofu og öðrum fyrirferð-
arlitlum og hljóðlátum atvinnu-
rekstri. Lóðirnar í Setbergslandinu
eru flestar um 800 fermetrar að
stærð og eru allar áætlaðar einbýlis-
eða raðhús.
Aðalskipulag Hafnarfjarðarbæjar
var samþykkt 1. apríl sl. og í því
felast m.a. breytingar á skipulagi
miðbæjarins, sem Jóhann sagði að
væru raunhæfar í framkvæmd. Þær
fela ekki í sér neina meiriháttar
röskun á starfsemi í miðbænum, né
á rótgrónu samfélagi sem byggst
hefur upp í kringum kjarna Hafnar-
fjarðar. f skipulaginu er gert ráð
fyrir uppfyllingu út í sjó við l'jarð-
argötu, en þar munu fyrst í stað
verða bílastæði, en Fjarðargatan
verður svo færð utar og þjónustu-
kjarni byggður á milli Strandgötu og
Fjarðargötu með yfirbyggingu.
Læknum verður fundinn annar far-
vegur í gegnum bæinn og mun hann
mynda flúðir og tjarnir á leið sinni
um miðbæinn.
En samfara slíkri aukningu á
íbúðarhúsnæði hlýtur að verða að
skapa ný atvinnutækifæri fyrir allt
það fólk sem kemur til með að búa í
Hafnarfirði. Jóhann sagði að bærinn
hefði þá stefnu að verða sjálfum sér
nógur í þessum efnum, og nú væri
reynt að skapa aukin skiiyrði fyrir
iðnað af ýmsu tagi. Árið 1979 sagði
Jóhann, að hefði verið skipulagt sér-
stakt hverfi undir iðnað og var áætl-
að að það dygði í allt að 17 ár, en nú
væri svæðið að fyllast á einungis 5
árum. Þyrfti því að skipuleggja nýtt
svæði fyrir iðnaðinn mjög fljótlega.
Það er staðreynd að margir Hafn-
firðingar hafa sótt vinnu sína til
Reykjavíkur í gegnum árin, en
stefna bæjarbúa er að stuðla að
Jóhann Bergþórsson, formaður skipulagsnefndar Hafnarfjarðar, með teikn-
ingar af skipulagi Setbergslandsins.
meiri atvinnu innanbæjar svo ekki
þurfi að leita út fyrir bæjarmörk að
atvinnu.
Sérstakt skipulag undir starfsemi
íþróttafélagsins FH í Hafnarfirði
hefur einnig verið samþykkt og er
svæðið u.þ.b. 99.000 fermetrar, eða
tæpir 10 hektarar lands. Á svæðinu
verða m.a. nokkrir æfingavellir sem
hægt verður hægt að nota sem bíla-
stæði fyrir allt að 150 bíla, malar-
völlur fyrir frjálsar iþróttir, íþrótta-
hús, félagsheimili, grasvöllur og
útileikvangur með stúku. Einnig
verður þar tjörn sem hægt verður að
leggja undir skautasvæði á vetrum. í
skipulagi Hvammahverfis er gert
ráð fyrir sundlaug, sem mun mæta
aukinni þörf bæjarbúa fyrir sund og
almenna baðaðstöðu.
Á afmælisári Hafnarfjarðarkaup-
staðar héfur því byggð verið skipu-
lögð þannig, að næsta tryggt þykir
að ekki skapist þar húsnæðisekla,
heldur muni bygging nýs íbúðar-
húsnæðis haldast í hendur við auk-
inn vöxt bæjarins.
SETBERG - I. ÁFANGI
-------- ---------------~______________________________r--------------^TTTvrm^TTT-----------
LÓÐIR TIL ÚTHLUTUNAF “
2
EINBÝLISHÚSALÓÐIR MINNI EN 650 m merktar *
650 m1 - 750 m2 **
-"- STiCRRI EN 750 m2 -"- * * «
A OG B SJA OREIN 4 (KJALLARAR) t SKIPULAGS- OG BYGGINGARSKILMALUM
Teikningin s-ýnir I. áfanga Setbergsskipulagsin.s. Efri hluti svæðisins er í hallandi landi, en
krókaleiðum um hverfið.
hlutinn
á
flatlendi, en þar mun lækur liðast eftir
neðri