Morgunblaðið - 27.08.1983, Side 11

MORGUNBLAÐIÐ, LAUGARDAGUR 27. ÁGÚST 1983
11
Hér má sjá nýbygginguna við sundlaugarnar í Laugardal.
Sundlaugarnar í Laugardal:
Framkvæmdum seinkar við ný-
bygginguna vegna fjárskorts
LJÓST er að ekki verður unnt að
Ijúka við nýbygginguna við sund-
laugarnar í Laugardalnum 1986 eins
og upphaflega var áætlað.
Að sögn Erlings Jóhannssonar,
aðstoðaríþróttafulltrúa, er ástæð-
an sú að fjárveitingin til verksins
í ár, sem nemur um tveimur og
hálfri milljón kr. dugði ekki til að
byrja á lokaáfanganum. „Hér er
um að ræða uppsetningu loftræst-
ingarkerfis, sem mjög erfitt er að
vinna við í áföngum," sagði Er-
lingur. Hann sagði ennfremur að
þess í stað hefði fjárveitingunni
verið varið til að ganga frá ýmsu á
lóð sundlauganna s.s. malbikun.
Einnig hefði nokkur hluti upp-
hæðarinnar farið í að koma aftur
upp gufubaðsaðstöðu, en rífa hefði
þurft þá gufubaðsklefa sem voru í
bráðabirgðahúsnæði sundlaug-
anna vegna nýbyggingarinnar á
sínum tíma.
Erlingur bætti því við að að-
staðan myndi batna geysilega með
tilkomu hinna nýju húsakynna,
sem væru mun stærri en bráða-
birgðahúsnæðið. Til marks um það
mætti nefna að 500 manns gætu
verið þar í einu.
Húsið á leið til Ástralíu
Rætt við Egil Eðvarðsson leikstjóra myndarinnar
KVIKMYNDIN Húsið mun fara
til Astralíu í október og verður hún
framlag íslands á kvikmynda-
kynningu Norðurlandanna þar.
Verða alls sýndar tíu kvikmyndir
en Húsið verður eina myndin frá
íslandi.
í sumar hefur Mbl. sagt frá tök-
um íslenskra kvikmynda, en eins
og flestum er kunnugt er það ekki
nema örlítill hluti af þeirri vinnu
sem liggur að baki kvikmynd. Áð-
ur en tökur hefjast er lögð mikil
vinna í handrit og undirbúning, og
að þeim loknum fara nokkrir mán-
uðir í að klippa og hljóðsetja. Þá
er myndin frumsýnd en þar með
er ekki allt talið. Dreifing mynd-
arinnar hérlendir og erlendis
kostar tíma og vinnu og getur tek-
ið nokkur ár áður en öllu umstangi
er lokið.
— „Já, ég og Húsið erum að
fara til Ástralíu," sagði Egill
Eðvarðsson leikstjóri myndarinn-
ar þegar blm. Mbl.hafði samband
við hann. „Átta manna hópur frá
Egill Eðvarðsson
Norðurlöndum fer út í tilefni
kynningarinnar og verð ég í þeim
hópi. Þarna verða tíu myndir; þær
helstu og nýjustu á Norðurlönd-
um. Má þar nefna síðustu myndir
tveggja helstu leikstjóra Svía,
Hasse Alfredsson (Einfaldi morð-
inginn) og Jan Troell (Ingenör
Andress Luftfárd). Myndirnar
verða sýndar í stærstu borgum
Ástralíu og einnig á Nýja Sjá-
landi, og kynningar og blaða-
mannafundir í tengslum við sýn-
ingarnar. Það verður gaman að fá
að sýna “HÚSIÐ" í Astralíu, og
ekki verður síður gaman að fá að
kynnast þeirri öflugu kvikmynda-
gerð sem þar er. En þar spratt hún
upp einn góðan veðurdag líkt og
hér.
Það eru fleiri frettir af Húsinu.
Um þessar mundir eru að hefjast
sýningar á myndinni í Færeyjum.
Þá hefur okkur verið boðið að taka
þátt í fyrstu kvikmyndahátíð
Belga. Þeir sáu myndina okkar í
Cannes og urðu mjög hrifnir. En
þarna verða eingöngu myndir í
þessum flokki. Þá er í athugun hjá
okkur að láta Þýska drefingarað-
ila, sem við áttum fund með í síð-
asta mánuði, dreifa myndinni á al-
heimsmarkaði.
Kynningin í Ástralíu hefst 7.
október í Sidney. Hún tekur um
sex vikur en ég verð þar um helm-
ing þess tíma. Þetta er heillangt
ferðalag, og erum við hreyknir af
að fylgja með í þessum hópi.“
Úkukennsla - Hæfnisvottorð - Greiðslukjör
Guöjón Hansson Símar 74923 — 27716.
Hugheilar þakkir færi ég þeim er minntust mín með
heimsóknum, gjöfum og skeytum á fimmtugsafmœli
mínu þann 8. ágúst síðastliðinn og gerðu mér og fjöl-
skyldu minni daginn ógleymardegan.
Guð blessi ykkur ölL
Sigurður Kr. Jónsson,
Húnabraut 32, Blönduósi.
Rínardagar
í NAUSTI
í tilefni Rínardaganna er kominn
hingað til lands með
Arnarflugi þýski
matreiðslumeistarinn
Fridolin Ditter-
ich sem sér um
matseldina á
Rínardögunum.
Hádegisseðill
Tomaten suppe
Tómatsúpa
— O -
Heringsstipp mit Solzkartoffeler
Síldarflök með rauðrófum
— O -
Forelle Muniere mit butter, salzkartoffeln und salat
Blásoðinn silungur með smjöri, salt-kartöflum oy salati
— O -
Eisbein mit Sauerkraut
Svínaskankar með súrkáli
- O -
Kossler schinken mit Diekebohnen und piirre
Bayone skinka með hvUum baunum og kartöflumauki
- O -
í hádeginu
sýna Módel 79 glæsilegan
þýskan tískufatnað frá Laurél
sem fæst í Assa.
Guðmundur Ingólfsson leikur
Ijúfa tónlist fyrir matargesti okkar.
Borðapantanir
í síma 17759.
SELKO
IDNSYNING JK JL ^
79/8-4/9ÖCÍffl Í3SLS
í sérflokki
Þar getið þér skoðað framleiðslu okkar.
Hinar nýju glæsilegu spjaldahurðir með og án glugga
að ógleymdum okkar sívinsælu SELKO fataskápum
sem við bjóðum nú í nýjum og fjölbreyttari
viðartegundum. - VeriÖ velkomin.
QT71T vr\ SIGURÐUR
OHlÍJÍVL/ WV ELÍASSON HF.
Auðbrekku 52 Kópavogi, s 41380