Morgunblaðið - 27.08.1983, Side 17

MORGUNBLAÐIÐ, LAUGARDAGUR 27. ÁGÚST 1983
17
Bragi Ásgeirsson, listmálari:
Opnar sýningu
á Akureyri
Bragi Asgcirsson, listmálari, opnar f dag sýningu á um 80 verkum í Listsýn-
ingarsal Myndlistarskólans á Akureyri. Á sýningunni verda aðallega stein-
þrykk, málmgrafík og örfáar tréristur. Sýningin verður aö miklu leyti svipuð
sýningu þeirri, sem var í Listmunahúsinu í Reykjavfk fyrir skömmu, en auk
þess mun Bragi kynna möppu sem hefur að geyma 6 steinþrykk eftir hann.
Mappan er prentuð í 70 eintökum, og er hún vafalítið stærsta listmappan,
sem gefin hefur verið út hérlendis til þessa, en mappan var gerð í
Kaupmannahöfn í apríl og maí á þessu ári.
I stuttu spjalli við Mbl. sagði
Bragi að hann hefði verið staddur
í Osló vorið 1953 og þá hefði hann
m.a. gert nokkrar myndir, en ekki
haft tíma til að þrykkja þær.
Hann hefði svo fundið myndplöt-
urnar f vor sem leið, og þrykkt
þær í sumar og sýnir þær nú í
fyrsta skipti á Akureyri.
Bragi kvað þessa vinnuaðferð,
að láta aðra þrykkja myndirnar,
vera mjög nýstárlega fyrir hann,
en hann nyti þess út f ystu æsar að
vinna á þennan máta.
„Það er sérlega gaman að vinna
svona, og ég hef f huga að halda
áfram á þessari braut. Ef maður
vinnur allt verkið sjálfur, geta
tæknileg atriði og prentun orðið
allt að 80% af vinnunni, en þegar
maður hefur heilt verkstæði fyrir
sig, og aðrir sjá um tæknilegu
hliðina, getur maður einbeitt sér
alfarið að listsköpuninni," sagði
Bragi og bætti því við, að hann
hefði haft 4 menn í vinnu í heilan
mánuð við gerð möppunnar.
Bragi sagðist hafa hætt að
vinna í grafík í tuttugu ár, en væri
nú byrjaður aftur. Kvað hann
þessa sýningu verða þá síðustu á
eldri verkum hans sem hann sæi
sjálfur um, og héðan í frá sýndi
hann eingöngu nýjar grafíkmynd-
ir. Bragi sagðist hafa sýnt áður á
Akureyri, en aldrei haldið svo
skipulagða sýningu sem þessa.
Sýningin opnar í dag, 27. ágúst, en
henni lýkur 4. september.
Bragi Asgeirsson við eitt verka sinna.
Þykkvibær:
Kartöfluverksmiðjan nýtir allt smælkið
„ÉG HELD einmitt að bændur líti með
miklum vonaraugum til verksmiðjunn-
ar þegar svona árar, því þeir fá þá
einhverjar tekjur fyrir smáu kartöfl-
urnar sem við höfum möguleika á að
nýta en annars þyrfti að henda,“ sagði
Friðrik Magnússon, framkvæmdastjóri
Kartöfluverksmiðjunnar hf. í Þykkva-
bæ, í samtali við Mbl., er hann var
spurður að því hvaða áhrif slæmt útlit
kartöfluuppskeru sunnanlands og jafn-
vel uppskerubrestur hefði á starf-
rækslu kartöfluverksmiðjunnar.
Friðrik sagði að verksmiðjan gæti
nýtt allar kartöflur sem upp á upp-
tökuvélarnar kæmu og gæti þetta
hjálpað bændum eitthvað þegar lítil
uppskera væri. Sagði Friðrik að
verksmiðjan hefði þurft að nota inn-
fluttar kartöflur síðan í byrjun júlí,
en það væri óhagstæðara en að nýta
innlendu kartöflurnar. Sagði hann
að þær innlendu yrðu keyptar strax
og þær kæmu á markaðinn en síðan
yrði að flytja inn kartöflur til að
halda verksmiðjunni gangandi þann-
ig að uppskerubrestur hefði í sjálfu
sér ekki mikil áhrif á rekstur henn-
ar, slíkt hefði hins vegar afar slæm
áhrif fyrir þá bændur sem byggðu
afkomu sína á kartöfluræktinni.
Hængur-
inn víð-
förli ekki
einsdæmi
SKÝRT var frá því í frétt Morg-
unblaðsins sl. miðvikudag, að
hængur sem merktur var í
Blöndu þann 2. ágúst, hefðj ver-
ið veiddur á stöng í Laxá í Ásum
20. ágúst Morgunblaðið sneri
sér til Finns Garðarssonar,
fiskifræðings hjá Veiðimála-
stofnuninni, og innti hann álits
á þessum viðburði, en sem
kunnugt er ganga laxar iðulega í
þá á sem þeir alast upp í sem
seiði.
Finnur sagði að þetta væri
þekkt fyrirbæri erlendis, en
þar sem lítið hefði verið merkt
af fullorðnum laxi hér á landi
væri erfitt að segja til um hve
algengt þetta væri. Þó er vitað
um fleiri slík tilfelli hérlendis.
í fyrrasumar veiddist til
dæmis lax í Vatnsdalsá, sem
nýlega hafði verið merktur í
Blöndu.
Að sögn Finns halda menn
helst að laxinn noti lyktar-
skynið til að rata í sína
upprunalegu á. Ekki er vitað
nákvæmlega hvernig, en lykt-
in af uppeldissystkinum gæti
spilað þar eitthvað inn í. Ein-
hvern veginn hafi þessi lax
villst upp í Blöndu, en þótt
þefurinn þar annarlegur og
því snúið við, rennt sér niður
jökulfljótið út í sjó og síðan
runnið á lyktina til sinna eig-
inlegu heimkynna.
ALLAR VORUR A VORUMARKAÐSVERÐI
iKl Vörumarkaðurinn hf.
SÉJ EIÐISTORG111 SELTJARNARNESI