Morgunblaðið - 27.08.1983, Side 12

12
MORGUNBLAÐIÐ, LAUGARDAGUR 27. ÁGÚST 1983
Tekið á móti sendingu frá Egilsstöðum. Pétur Einarsson, deildarstjóri
hagsýsludeildar, heldur um sendinguna. Lengst til vinstri er Þorvarður
Jónsson, yfirverkfræðingur, en við hlið hans stendur Sigurður Ingason,
póstrekstrarstjóri. MorpinblaOió/Emilí*
Póstur og sfmi með nýja þjónustu:
Póstfaxsending-
ar landshorna
og landa á milli
PÓSTIIR og sími hefur tekið í þjónustu sína japanskan myndsendibún-
að, sem gerir kleift að senda ritað mál, teikningar og margvíslegt
myndefni landshluta eða landa á milli, á þremur mínútum hvert blað.
Hér er um að ræða svokallað „telefax“-tæki, sem hefur verið í notkun
víða erlendis um skeið og nokkur íslensk fyrirtæki hafa þegar eignast.
Mun Póstur og sími bjóða viðskiptavinum sínum upp á sérstaka póst-
þjónustu með þessu tæki, sem hlotið hefur nafnið póstfaxþjónusta. Á
fjórum stöðura á landinu verða póstfaxstöðvar, sem hægt verður að
senda á milli prentað mál eða myndefni með þessum hætti. Þá mun
Póstur og sími befja sölu á „telefal“-tækjum í haust og því verður
fljótlega hægt að senda á milli póstfaxstöðvar og fyrirtækja.
Alengasta aðferð póstfaxsend- óskað. íslensku póstfaxstöðvarn-
ingar má lýsa svo: Viðskiptavin- ar verða í aðalpósthúsinu í
ur kemur með frummynd á póst- Reykjavík og á póst- og síma-
og símstöð með póstfaxþjónustu afgreiðslunum á ísafirði, Akur-
og segir til um ákvörðunarstað eyri og Egilsstöðum.
hérlendis eða erlendis. Frum- Áætlað er að þessi þjónusta
myndin er sett í „telefax“-tæki muni kosta, miðað við sendingu
og eftir 3 mínútur er afrit komið innanlands á milli póststöðva, 90
á ákvörðunarstað. Skiptir þá krónur fyrir fyrstu síðuna og
engu máli hver vegalengdin er. síðan 60 krónur fyrir hverja
Sé viðtakandi ekki á staðnum til viðbótarsíðu. Tækið út úr búð
að taka við afritinu er það sent hérlendis mun hins vegar kosta
til hans í almennum pósti eða um 180 þúsund krónur.
með hraðboðaþjónustu sé þess
Bamabætur teknar til greiðslu skatta maka:
„Teljum það heimilt
eða jafnvel skylt“
— segir Guðmundur Vignir Jósefsson gjaldheimtustjóri
„Hjón bera sameiginlega og gagn-
kvæma ábyrgð á sköttum hvors annars
og því teljum viö okkur heimilt og jafn-
vel skylt að taka barnabætur eða aðra
skattainneign maka til greiðslu á gjald-
follnum sköttum hins ef um það er að
ræða,“ sagði Guðmundur Vignir Jós-
efsson gjaldheimtustjóri í Reykjavík er
hann var inntur eftir því hvort heimilt
væri að ráðstafa barnabótum einstakl-
ings til greiðslu á sköttum maka hans
án samþykkis.
Guðmundur Vignir sagði að þetta
atriði hefði ekkert breyst við þá
breytingu sem gerð var á skattalög-
unum 1978 og farið var að skatt-
leggja hjón sitt í hvoru lagi. Sagði
hann að þetta gengi þannig fyrir sig
að skrifaðir væru út tékkar fyrir
barnabótum og öðrum hugsanlegum
skattainnstæðum en áður en þeir
væru sendir viðkomandi aðila væri
athugað hvort maki viðkomandi
skuldaði skatta, ef svo væri væru
tékkarnir teknir sem greiðsla og við-
komandi send kvittun og tilkynning
um breytta greiðslustöðu. Hann tók
það fram að þetta væri aðeins gert
þegar um gjaldfallna skatta makans
væri að ræða en ekki hjá þeim sem
stæðu í skilum.
Sagði Guðmundur Vignir að þessi
háttur væri hafður á og yrði svo
áfram á meðan ekki kæmu fram
formleg mótmæli þó að strangt til
tekið þyrfti að fá fógeta til að gera
lögtak í þessum innstæðum ef gæta
ætti strangasta forms í lagalegum
skilningi. Slíkt hefði hinsvegar ekk-
ert upp á sig nema aukinn kostnað
fyrir gjaldandann en þetta yrði að
gera ef núverandi fyrirkomulagi yrði
mótmælt.
Aðspurður um hvort slíkar milli-
Hafrannsóknastofnun:
færslur væru framkvæmdar á milli
skatta annarra fjölskyldumeðlima,
svo sem foreldra og barna, sagði
Guðmundur Vignir að svo væri ekki,
enda væri það óheimilt. Ekki væri
heldur fært á milli sambúðaraðila þó
þeim væri heimilt að telja fram sem
hjón, því ekki væri óyggjandi með
vilja löggjafans í því efni.
Samþykkir að taka
við raðsmíðaskipi
STJÓRN Hafrannsóknastofnunar hefur nú samþykkt að taka eitt af raðsmíða-
skipunum svokölluðu í sína þjónustu. Þá hefur sjávarútvegsráðherra fengið
heimild ríkisstjórnarinnar til að selja hafrannsókaskipið Hafþór.
Að sögn Halldórs Ásgrímssonar,
sjávarútvegsráðherra, er hér um að
ræða skipið, sem er í smíðum í
skipasmíðastöðinni Stálvík og verð-
ur reynt að finna leið til að gera það
mögulegt á næstunni, verði endan-
leg niðurstaða að það henti. Halldór
sagði ennfremur, að sér skildist að
Hafrannsóknastofnun áliti skipið
hentugt án mikilla breytinga. Hann
hefði beðið stofnunina um svör við
hugmyndum sínuifl um að hún tæki
eitt þessara skipa og væru þau
jákvæð. Síðan væri hugmyndin að
selja Hafþór og hefði fengizt heim-
ild ríkisstjórnarinnar til þess. Þá
þyrfti að koma til fjálagaheimild,
bæði fyrir kaupum og sölu. Ástæða
þess, að áætlað væri að selja Haf-
þór öðrum skipum fremur væri sú,
að hann væri dýr í rekstri enda
smíðaður sem togari og hefði í raun
aldrei hentað til rannsókna.
Fjölbrautaskólinn á Selfossi:
Sumarbústaðir notaðir undir kennslu
þar til skólahúsið rís af grunni
„Já, það vantar alltaf húsnæði hjá
okkur,“ sagði Þór Vigfússon í samtali
við Mbl. í gær. „Skólinn var stofnaður
fyrir tveim árum og fengum við þá hús-
næði iðnskólans við árbakkann, þá
fengum við einnig nýtt hús undir verk-
námið. Það stendur til að byggja stór-
hýsi undir aðra starfsemi skólans þar
sem þetta dugar hvergi nærri. En það
eru nokkur ár í að það hús verður til-
búið og á meðan verðum við með hús-
næði á ýmsum stöðum í miðbæ Selfoss.
í fyrra voru um þrjú hundruð
nemendur í skólanum og kenndum
við á einum sjö stöðum. Við erum til
að mynda með skrifstofu okkar á
efri hæð Brunabótafélagsins og tvær
kennslustofur, kennslu í grunnskól-
anum, Tryggvaskála, og Listasafn-
inu. Það hefur verið sagt í gríni að
ein aðalbraut skólans sé hlaupa-
brautin og fer ekki hjá því að kenn-
arar og nemendur skólans setja svip
á bæinn á veturna hlaupandi á milli
húsa.
En þrátt fyrir mikinn velvilja á
ýmsum stöðum vantar okkur enn
húsnæði og hefur því verið ákveðið
að reisa tvö 50 fermetra óinnréttuð
sumarhús við verknámshúsið og
nota undir kennslu þar til nýja húsið
verður tilbúið. Það er Hreiðar Her-
mannsson byggingarmeistari hér á
Selfossi sem gerir húsin og verða
þau líklega drifin upp alveg á næst-
unni, því áætlað er að setja skólann
l.september. í vetur verða um 420
nemendur í dagskólanum og milli 50
og 60 í öldungadeild. Við gerum ráð
fyrir að enn eigi eftir að fjölga og
þetta veri innan fárra ára sex til sjö
hundruð manna skóli."
Endurbætt útgáfa á
íslensku orðabókinni
Nýjar bækur Menningarsjóðs:
— meöal væntanlegra bóka forlagsins
„VIÐ ERUM með margt góðra
bóka í haust, en tvær þeirra skera
sig nokkuð úr að efni og umfangi.
Það er annars vegar þriðja bindi
Lúðvíks Kristjánssonar um ís-
lenska sjávarhætti og hins vegar
ný og endurbætt útgáfa á íslensku
orðabókinni,“ sagði Hrólfur Hall-
dórsson, framkvæmdastjóri hjá
Menningarsjóði, þegar Morgun-
blaðið spurði hann um bækur sem
væntanlegar væru frá forlaginu á
haustmánuðum.
Hrólfur sagði að þetta þriðja
bindi „íslenskra sjávarhátta" væri
tæpar 500 blaðsíður í A-4 broti,
með fjölda mynda, bæði litmynda
og svart-hvítra. Fyrsta bindi Lúð-
víks kom út 1980 en annað bindið
1982, og hefur þetta verk vakið
mikla athygli, en Lúðvík hefur
unnið að rannsóknum íslenskra
sjávarhátta frá árinu 1928.
Hin íslenska orðabók Menn-
ingarsjóðs hefur nú verið í
endurskoðun í tíu ár, og sagði
Hrólfur að nú lóksins væri séð
fyrir endann á þessu starfi og
væri stefnt að því að koma bók-
inni út á árinu. Þessi nýja orða-
bók verður 1400 blaðsíður að
stærð og myndskreytt, en sú
gamla er 853 blaðsíður. Það er
Arni Böðvarsson sem er ritstjóri
orðabókarinnar.
Af öðrum bókum, sem vænt-
anlegar eru frá forlaginu í haust
og vetur, nefndi Hrólfur 13. bók-
ina í flokknum Alfræðirit Menn-
ingarsjóðs, en hún fjallar um
lyfjafræði og er eftir Vilhjálm
Skúlason prófessor. Þessi bók er
reyndar þegar komin út. Þá
verður gefin út hin fræga bók
Franz Kafka, „Réttarhöldin", í
íslenskri þýðingu feðganna Ey-
steins Þorvaldssonar og Ástráðs
Eysteinssonar. Einnig bók eftir
dr. Matthías Jónasson sálfræð-
ing, sem fjallar um drauma.
Helga Kress hefur tekið saman í
eina bók ljóðmæli eftir íslenskar
konur og ritar Helga einnig
formála að þeirri bók. Þessi bók
er gefin út í samvinnu við Rann-
sóknarstofnun Háskólans í
bókmenntafræðum. „Mynd nú-
tímamannsins" heitir bók eftir
Matthías Viðar Sæmundsson,
sem einnig kemur út hjá forlag-
inu á næstunni, og fjallar um
„tilvistarleg viðhorf í sögum
Gunnars Gunnarssonar", eins og
segir í undirtitli. „Útilegumenn
og auðnartóftir", bók ólafs
Briem, fyrrverandi mennta-
skólakennara á Akureyri, sem út
kom árið 1959, verður endurút-
gefin af Menningarsjóði núna,
en aukin og endurbætt. Almanak
háskólans og Þjóðvinafélagsins
kemur út að vanda og einnig
Studia Islandica nr. 42. Loks má
geta þess að tímariti Menning
arsjóðs, Andvara, sem út kemur
einu sinni á ári, fjallar burðar-
greinin að þessu sinni um dr.
Kristján Eldjárn. Það er Bjarni
Vilhjálmsson sem hefur tekið
saman efnið í þessa grein.
Þórleifur Ólafsson, ritstjóri Fiski-
frétta
Forsíða fyrsta tölublaðs Fiskifrétta
„Fiskifréttir"
hefja göngu sína
ÚT ER komið fyrsta tölublað viku-
blaðsins Fiskifréttir. Er það í eigu 88
hluthafa, ýmissa hagsmunaaðilja
innan sjávarútvegsins og mun, eins
og nafnið bendir til, flytja fréttir af
vettvangi sjávarútvegsins.
Meðal efnis þessa fyrsta tölu-
blaðs er grein eftir Halldór Ás-
grímsson, sjávarútvegsráðherra,
þar sem hann segir meðal annars,
að það sé ánægjulegt til þess að
vita, að nýtt blað hafi hafið göngu
sína og helgi sig sérstaklega ís-
lenzkum sjávarútvegi. Þá er í
blaðinu frétt um verðlækkun fisk-
blokkar á Bandaríkjamarkaði og
grein eftir Björn Dagbjartsson um
loðnuveiðar Islendinga auk ýmissa
annarra greina og frétta um sjáv-
arútvegsmál.
Ritstjóri og ábyrgðarmaður
Fiskifrétta er Þórleifur Ólafsson
og er blaðið prentað í ísafoldar-
prentsmiðju.