Morgunblaðið - 31.08.1983, Page 17

MORGUNBLAÐIÐ, MIÐVIKUDAGUR 31. ÁGÚST 1983
17
Frá Óháða söfnuðinum:
Kona kjörin formaður
Aðalfundur safnaðarins var
haldinn 13. mars sl. Þá lét af
störfum sem formaður Sigurður
Magnússon, framkvæmdastjóri,
sem verið hafði formaður í mörg
ár, eða frá láti Andrésar Andrés-
sonar, sem var fyrsti formaður
safnaðarins. Einnig gekk úr safn-
aðarstjórninni frú Rannveig Ein-
arsdóttir, sem setið hafði í stjórn
frá upphafi, eða í 33 ár. Núverandi
stjórn Óháða safnaðarins skipa:
Hólmfríður Guðjónsdóttir, for-
maður, og mun það vera í fyrsta
sinn sem kona er safnaðarformað-
ur í Reykjavík, Erla Gísladóttir,
varaformaður, Guðrún Magnús-
dóttir, ritari, ólafía Axelsdóttir,
gjaldkeri, og meðstjórnendur
Bragi Sigurjónsson, Friðrik M.
Friðleifsson, Ómar Ragnarsson,
Sigurður Arnórsson og Þórarinn
Jónsson.
Endurbygging kirkju-
turns — þakviðgerðir
Um þessar mundir þarf margs
við hjá Óháða söfnuðinum. Flest
gefur sig með tímanum og þarfn-
ast endurnýjunar. Kirkjuþakið,
sem er með litlum vatnshalla, hef-
ir ekki reynst vatnshelt fremur en
mörg önnur hallalítil þök hér á
landi og þarf nú að klæða það allt
og vatnsverja sem er mikil og fjár-
frek viðgerð og þegar byrjað á
henni. Einnig kom í ljós við athug-
un að turn kirkjunnar var í hættu-
legu ástandi vegna skemmda af
vatni og frosti. Það reyndist því
óhjákvæmilegt að endurbyggja
hann og er verið að slá upp fyrir
nýjum turni í sama formi og gamli
turninn var eins og sést á með-
fylgjandi mynd af kirkjunni með
uppslætti kringum turninn. Að
endurbyggingu turnsins og við-
gerð þaksins lokinni verður kirkj-
an með öllu óbreytt að útliti, en
hún hefir alla tíð þótt sérlega fal-
leg bygging og fékk viðurkenningu
Fegrunarnefndar Reykjavíkur
þjóðhátíðarárið 1974. Hana teikn-
aði Gunnar Hansson, arkitekt.
Af framansögðu má sjá að mikil
þörf er á fjármagni til fram-
kvæmda í okkar fáinenna söfnuði.
I framhaldi af þessu mun stjórnin
leita eftir fjárstuðningi frá safn-
aðarfólki og velunnurum, og verð-
ur hans leitað bráðlega með bréfi
til safnaðarfólks. Vonumst við
einlæglega til þess að þeirri mála-
leitan verði vel tekið.
Ráöning nýs prests
framundan
Þá er þess að geta að presturinn
okkar, séra Emil Björnsson, hefir
látið í ljós við safnaðarstjórnina
að hann muni bráðlega sækja um
lausn frá því starfi og eigi síðar en
um næstu áramót. Hann hefir
gegnt hálfu prestsstarfi frá stofn-
un Óháða safnaðarins. Þarna er til
athugunar starf fyrir presta eða
guðfræðinga, sem vildu gegna
hálfu starfi í Reykjavík. Sam-
kvæmt lögum safnaðarins fer ekki
fram almenn prestskosning held-
ur ræður safnaðarstjórn og safn-
aðarráð nýjan prest. Starfið verð-
ur auglýst innan skamms.
Örstutt ágrip af sögu
Óháöa safnaðarins
Óháði söfnuðurinn í Reykjavík
var stofnaður veturinn 1950. Aðal-
hvatamaður að stofnun hans var
Andrés Andrésson, klæðskera-
meistari. Hann var einnig fyrsti
formaður safnaðarstjórnarinnar
og gegndi því starfi til dauðadags,
eða um tvo áratugi. Söfnuðurinn
átti enga kirkju og var messað í
Stjörnubíói fyrsta misserið en síð-
an í Aðventkirkjunni. Á árinu
1956 var ráðist í kirkjubyggingu,
sem unnið var að af miklum dugn-
aði og áhuga safnaðarfólks. Safn-
aðarheimilið Kirkjubær, sem' er
áfast kirkjunni, var tekið í notkun
á undan kirkjunni sjálfri og mess-
að þar um tíma, en kirkjan var
vígð á sumardaginn fyrsta 1959.
Prestur safnaðarins hefir frá upp-
hafi verið síra Emil Björnsson.
Hann hefir unnið meira en prests-
verk innan safnaðarins. Alla tíð
hefir hann verið virkur þátttak-
andi í öllu félagslifi innan safnað-
arins og aðalhvatamaður að því.
Þess má geta að hann stofnaði
unglingafélag og hafði sunnu-
dagaskóla fyrir börn í fjöldamörg
ár, sem vakti athygli á þeim árum.
Með þökk fyrir birtinguna.
Stjórn Óháða safnaðarins
í Reykjavík.
Fimm nýjar
bækur frá
Bjöllunni
NÝLEGA komu út hjá bókaútgáf-
unni Bjöllunni bækurnar Heimur
dýranna eftir Chris Grey og Salik-
bækurnar (4 hefti) eftir Keld Han-
sen.
Heimur dýranna í þýðingu
Óskars Ingimarssonar segir frá
dýrategundum í heiminum. Fjall-
að er um umhverfi, lifnaðarhætti
og útbreiðslu dýra í öllum heims-
álfum. í bókinni er fjöldi lit-
mynda, korta og ítarleg efnisorða-
skrá.
Salik-bækurnar í þýðingu
Björns Þorsteinssonar og Guðrún-
ar Guðmundsdóttur segja frá lifn-
aðarháttum eskimóa á Grænlandi
fyrr á tímum. Salik-bækurnar eru
4 og heita: Salik á hérna heima,
Salik og stóra skipið, Salik og
hvalurinn og Salik og Arnaluk.
(Fréttatilkynning.)
Bolholt
Allt á fullt 5. sept.
i
Suðurver
Allt á fullu í Suðurveri!
s
Munið okkar vinsælu nuddstofu í
Bolholti, partanudd, heilnudd, hand-
og fótsnyrting. Tímapantanir í síma
36645.
Lokaðir og fram-
halds.fl. ath.!
4 vikna haustnámskeiö
Opnum eftirtalda flokka:
4.30 m.m. ( 9.15 þ—f)
5.30 m.m. (10.15 þ—f)
6.30 m.m. hádegistími 12.05
7.30 m.m.
8.30 m.m. ( 1.30 þ-f)
Þær sem ætla að vera í framantöldum
flokkum á vetrarnámskeiði en koma
ekki á haustnámskeiðið láti okkur vita
strax svo við getum tekið frá plássin,
annars ganga þær fyrir sem taka tím-
ana núna á haustnámskeiöin.
Nú hættum við ad slóra og
störtum Bolholti med
„Sæluvikustemmningu“
Kennarar: Bára og Anna
(yfirkennari í jassb.)
Gjald meö Ijósum 1.200 kr.
Innritun í síma 36645.
50
útna
kerfi
JSB
með
músik
Nú er það 4ra vikna haust-
námskeið 5. sept.
★ Áfram með kúrana, tímar 4 sinn-
um í viku.
★ Nýir og spennandi matarkúrar
★ Opnum alla flokka
★ Morgun-, dag- og kvöldtíma
★ Tímar tvisvar og 4 sinnum í viku
★ „Lausir tímar“ fyrir vaktavinnu-
fólk ^
★ Sturtur — sauna — Ijós
(innifalið)
Ath.: afsláttarkort
í sólbekkina í Bolholti
Það er frábær stemmning
í Suðurveri núna
Sjáumst léttar og/ eða kátar
Kennarar: Bára, Sigríður og
Margrét
Innritun í síma 83730

Líkamsrækt JSB
Suðurveri — Bolholti 6.
Við kynnum LK-NES raflagnaefni
í rafmögnuðu hjólhýsi hjá Sætúni 8
Notið tækifærið og kynnist LK-NES.
iþ
Heimilistækí hf Sætúni 8. — Sími 27500
Heimilistæki hafa fengið til landsins hjólhýsi þar
sem komið er fyrir sýnishornum af siökkvurum,
tenglum, „dimmerum" og öllu því raflagnaefni sem
þarf í íbúðarhúsnæði. Allt er tengt og tilbúið, til
þess að fólk geti kynnst LK-NES af eigin raun.
Hjólhýsiö verður viö verslunina í Sætúni 8 á veniu-
legum opnunartíma alla næstu viku.