Morgunblaðið - 31.08.1983, Page 23

MORGUNBLAÐIÐ, MIÐVIKUDAGUR 31. ÁGÚST 1983
27
hafa fylgst raeð Dönum og Þjóðverjum á æfingu fór Reynir Aðalsteinsson að skoða
lutina og var hann nokkuð ánægður með hana. Þegar myndin var tekin hafði hann
lier Guðmundsson sem keppir fyrir hönd Danmerkur þótt íslenskur sé.
Símamynd Mbl./Valdimar Kri.stin.sson.
Eðlilegt að vísitölutryggð
lán séu til lengri tíma
— segir Bragi Hannesson, bankastjóri Iðnaðarbankans
„ÉG HELD að það geti orðið að
ýmsu leyti til bóta og aö það muni
gefa sannari og réttari mynd af
ástandinu hverju sinni,“ sagði
Bragi Hannesson, bankastjóri í
Iðnaðarbankanum, aðspurður um
hugmyndir um breyttan útreikn-
ing lánskjaravísitölu, þ.e. að hún
verði reiknuð út mánaðarlega.
„Ef sú þróun heldur áfram
sem nú er, að verðbólgan fari
niður á við, þá er mjög eðlilegt
að það sé horft á það að lækka
vextina. Þar má þó ekki fara að
með neinum flýti,“ sagði Bragi
aðspurður um lækkun vaxta.
„Lengri tími þarf að líða áður en
það er gert, ástandið þarf að ná
jafnvægi og liggja þarf ljósar
fyrir hver efnahagsstefna næsta
árs verður, til dæmis hefur
hvorki frumvarp till fjárlaga né
lánsfjáráætlun litið dagsins
ljós. En fjær eru hugmyndir um
afnám verðtryggingar. Það
kemur til greina að hverfa frá
henni, verði um verulega hjöðn-
un á verðbólgu að ræða. Aðal-
atriðið er að menn séu ekki of
skjótráðir hvað þetta varðar,"
sagði Bragi.
Nú hafa húsbyggjendur sett
fram kröfur um lengingu lána.
Hvað er um þær að segja?
„Ég tel það mjög eðlilegar
óskir og í eðli sínu eiga vísitölu-
tryggð lán að vera til lengri
tíma en önnur lán. Með þeim
hætti er tryggt að greiðslubyrð-
in verður viðráðanleg," sagði
Bragi Hannesson að lokum.
Búið að hlunnfara spari-
fjáreigendur í fjöldamörg ár
— segir Guðmundur Guðmundsson, spari-
sjóðsstjóri í Sparisjóði Hafnarfjarðar
„ALLT tal um þessi peningamál
hefur mótast af því hver hagur
lántakanda sé. Það hefur ekkert
komið fram um hina hliðina sem
snýr að sparifjáreigendum, en
þeirri hlið má undir engum kring-
umstæðum gleyma“ sagði
Guðmundur Guðmundsson, spari-
sjóðsstjóri Sparisjóðs Hafnarfjarð-
ar, í samtali við blm. Morgun-
blaðsins í tilefni af þeirri umræðu
sem skapast hefur um lán, lána-
möguleika og verðtryggingu lána.
„Eg viðurkenni fúslega að það
er erfitt hjá ungu fólki og lán-
takendum nú, því hin almennu
bankalán eru til stutts tíma, en
sá sem er að byggja þarf að fá
lán til langs tíma, til 25—30, eða
jafnvel 40 ára. En þá er það
spurningin, hvaðan eiga pen-
ingarnir að koma. Sparifjareig-
endur hafa rétt til að binda
sparifé í 3 mánuði og ef gengið
er á þeirra rétt, er sjálfsagt að
þeir endurskoði sín mál og þá
situr bankakerfið eftir með sárt
ennið," sagði Guðmundur.
„Það sem ég hef orðið var við
og er undrandi yfir, er tal um
það að sparifjáreigendur geti nú
tekið á sig einhverjar byrðar.
Það er búið að hlunnfara spari-
fjáreigendur í svo fjöldamörg
ár, því hér hafa alls ekki verið
raunvextir, eins og öllum er
kunnugt, og með tilliti til þess
hverjir eiga spariféð, sem flest
er láglaunafólk, finnst mér
þetta forkastanlegt. Og ég er al-
veg undrandi á því að sparifjár-
eigendur skuli ekki hafa mynd-
að með sér samtök, hagsmunum
sínum til varnar. Hitt er annað
mál að ef verðbólgan er að
hjaðna, þá eiga vextirnir að
sjálfsögðu að fylgja í kjölfarið,
en ef að ætlunin er að lækka
vexti á undan verðbólgunni þá
er ég því andvígur.
Almenningur hefur verið
hvattur til sparnaðar af ríkis-
valdinu með ýmsum hætti, m.a.
með skattaívilnunum og útgáfu
ríkisskuldabréfa. Þess vegna má
ríkisvaldið alls ekki koma aftan
að sparifjáreigendum, hvað
ávöxtunarmál varðar," sagði
Guðmundur að lokum.
iorgarstjórans í Reykjavík frá 20. feb.
Itjarnarncsi, Sigurgeiri Signrðssyni.
Þá kom það fram hjá Magnúsi að
á því léki engin vafi að lengdur af-
greiðslutími verslana þýddi hærra
vöruverð fyrir neytendur.
Aðalfundur Skógræktarfélags íslands
Hákon Bjarnason, fyrrv. skógræktarstjóri, gróðursetur eitt af trjánum sem
Skógræktarfélag fslands færði Laugaskóla í Sælingsdal að gjöf í tilefni
aðalfundarins.
53. AÐALFUNDUR Skógræktarfé-
lags íslands var haldin að Laugum í
Sælingsdal í Dalasýslu dagana
26.-28. ágúst. Fundinn sátu full-
trúar frá aðildarfélögum Skógrækt-
arfélags íslands, sem eru rúmlega
30 talsins, og allmargir gestir.
í upphafi fundar ávarpaði land-
búnaðarráðherra, Jón Helgason,
fundarmenn. Auk almennra aðal-
fundarstarfa flutti Þorsteinn Tómas-
son fróðlegt erindi um rannsóknir
sínar á kynbótum íslenska birkisins.
Fundarmenn fóru í skoðunarferð
um Dalasýslu og A-Barðastrandar-
sýslu og komu við m.a. í Barmahlíð
og þörungaverksmiðjunni. Fundar-
störfum lauk á sunnudag með af-
greiðslu eftirfarandi ályktana:
1. Aðalfundurinn ... „hvetur alla,
sem hlut eiga að máli til sér-
stakrar varkárni varðandi
hverskyns innflutning trjá-
plantna og annars gróðurs með
tilliti til hættu á plöntusjúk-
dómum og skordýraplágu".
2. Aðalfundurinn ... „skorar á
landbúnaðarráðherra að hlutast
til um að stórauka fjármagn til
tilrauna og rannsókna í skóg-
rækt. Fundurinn telur einnig að
í þessu sambandi beri að nýta
þá möguleika, sem skógrækt-
arfélögin hafa upp á að bjóða í
héraði".
3. Aðalfundurinn ... „ítrekar
fyrri áskoranir um stórátak við
skjólbeltarækt í íslenskum
landbúnaði til viðbótar því fjár-
magni, sem fengist hefur í land-
græðsluáætlun".
4. Aðalfundurinn ... „telur brýnt
að auðvelda þéttbýlisstöðum að
fá land á leigu til skógræktar.
Fundurinn felur stjórn Skóg-
ræktarfélags Islands að gera
samningsdrög um leigu lands til
skógræktar og kynna þau skipu-
lagsyfirvöldum, sveitarfélögum
og búnaðarsamböndum. í drög-
unum verði gert ráð fyrir að
leiga fyrir landið verði greidd
með skógrækt og að byggingar
verði flytjanlegar".
5. Aðalfundurinn ... „beinir þeim
tilmælum til Skógræktar ríkis-
ins að hún láti gera áætlun úm
ræktun skóga og skjólbelta í
Eyjafirði og verði hún þáttur í
heildar landnýtingaráætlun
fyrir svæðið."
6. Aðalfundurinn ... „fagnar vax-
andi áhuga á skógrækt og þá
sérstaklega svonefndum bænda-
skógum. Log og reglur þurfa að
vera þannlg að skógrækt hafi
ekki lakari réttarstöðu en önnur
ræktun. — Fundurinn bendir á
þann mun, sem er á 17. gr. laga
um skógrækt og 30. og 31. gr.
laga um afréttarmálefni,
fjallskil o.fl. — Fundurinn bein-
ir því til landbúnaðarráðherra
að hann láti endurskoða ákvæði
17. gr. skógræktarlaga með það
fyrir augum, að hún tryggi rétt
skógareigenda sem best“.
7. Aðalfundurinn ... „beinir þeim
tilmælum til landbúnaðarráð-
herra að hann leggi fyrir alþingi
frumvarp til laga um viðauka
við skógræktarlögin, er fjalli
um skógrækt á bújörðum og
beiti sér þar með fyrir því að
ákvæði um héraðsskógræktar-
áætlanir og skógrækt á vegum
bænda verði lögfest".
8. Aðalfundurinn ... „hvetur
stjórn félagsins til að vinna að
því, að reglum um úthlutun
styrkja til girðinga verði breytt
þannig, að skógræktargirðingar
njóti sömu réttinda og landbún-
aðargirðingar".
9. Aðalfundurinn ... „skorar á
orlofsheimilasjóði, sem fá lönd
til ráðstöfunar, að vernda og
bæta skógargróður, sem fyrir
er, og stuðla að plöntun í skóg-
laus svæði".
Tveir menn, þeir Kristinn Skær-
ingsson og Bjarni K. Bjarnason
voru endurkjörnir í stjórn félags-
ins.
Að öðru leyti er stjórn Skóg-
ræktarfélags Islands þannig skip-
uð: Hulda Valtýsdóttir, formaður,
Jónas Jónsson, búnaðarmála-
stjóri, Bjarni Helgason, Ólafur
Vilhjálmsson og Kjartan ólafs-
son. Varamaður í stjórn var kos-
inn Þorvaldur S. Þorvaldsson en
fyrir voru í varastjórn Ásgrímur
Halldórsson og Baldur Helgason.