Morgunblaðið - 31.08.1983, Page 27

26
MORGUNBLAÐIÐ, MIÐVIKUDAGUR 31. ÁGÚST 1983
Stórglæsilegur árangur íslendinga á liðnum Evrópumótum
Höfum unnið tíu
Evrópumeistara-
titla á sex mótum
Með sigurbros á vör. Sigurbjörn Bárdarson sigurvegari mótsins í Larvík ’81 á
Adam frá Hólum.
I’egar íslenskir íþróttamenn etja
kappi við erlendar þjóðir er það yfir-
leitt svo að minnsta kosti háíf þjóðin
fylgist spennt með, og ef von er á sigri
eða góðum árangri bætist hinn helm-
ingurinn gjarnan við. Og nú þegar
óðum styttist í það að íslenskir hesta-
íþróttamenn hefji keppni á Evrópu-
móti á íslandshestum, er óhætt fyrir
hina íslensku þjoð vora að sperra
augu og eyru. Þetta Evrópumót er hið
sjöunda sem haldið er, og hafa íslend-
ingar alltaf átt velgengni að fagna í
keppni þessari, sérstaklega hin síðari
ár. Alls hafa íslendingar unnið tíu
EM-titla á þeim sex mótum sem hald-
in hafa verið, og er þetta sú íþrótta-
grein sem við höfum náð bestum ár-
angri í, í keppni við erlendar þjóðir.
Eftir því sem Þórarinn Kagnarsson,
fréttaritari Mbl. kemst næst, koma
frjálsar íþróttir næst með fimm EM-
titla. Nú kann einhver að segja sem
svo að það væri lélegt ef við værum
ekki í fremstu röð f keppni á okkar
„eigin hestum", en þess ber að geta
að keppinautar okkar eru margir
hverjir stórsnjallir reiömenn og
standa okkur framar að mörgu leyti.
Þeir hafa einnig að öllu jöfnu mun
betri aðstöðu til þjálfunar fyrir keppni
sem þessa og sumir hverjir hafa at-
vinnu sína af því að þjálfa fyrir og
taka þátt í keppni á íslenskum hest-
um.
Það er einkum í tveimur greinum
sem við höfum haft yfirburði f, þ.e.
fimmgangi og skeiði, og virðast út-
lendingarnir eiga í erfiðleikum með
að ná tökum á skeiðinu þó til séu
reiðmenn erlendis sem standa okkur
fyllilega á sporði.
Reynir fyrstur til
að vinna EM-titil
Eftirsóttustu EM-titlarnir hafa
fram að þessu verið í töltinu og sig-
urvegari mótsins í samanlögðum
stigum. Á þrem síðustu Evrópumót-
um hafa fslendingar sigrað f þeirri
keppni en hins vegar hefur aðeins
einn íslendingur sigrað í töltinu, en
það var Reynir Aðalsteinsson á
Degi frá Núpum, og var það á EM í
Semriach í Austurríki 1975. (Sjá
mynd á forsfðu). Verðlaun í töltinu
er svokallað tölthorn sem gefið var
af landbúnaðarráðuneytinu ís-
lenska á fyrsta Evrópumótinu sem
haldið var í Þýskalandi 1970. En
þetta var ekki eini titillinn sem
vannst á mótinu ’75, því Albert
Jónsson sigraði öllum á óvart í
B-hlýðnikeppninni sem Þjóðverjar
höfðu nær verið einráðir í. Ekki var
þessi sigur síður óvæntur fyrir þær
sakir að Albert og hestur hans,
Ljóski frá Hofsstöðum, höfðu tveim
mánuðum fyrir keppnina aldrei
komið inn í gerði og því síður átt við
hlýðniæfingar. Einnig var Albert í
úrslitum í svokölluðum fjölgangi,
en þá voru fjór- og fimmgangshest-
ar í einni og sömu keppninni, og
tölti, ásamt Reyni og Aðalsteini Að-
alsteinssyni, sem keppti á Hrafni
frá Kröggólfsstöðum. Varð Reynir
þriðji, Aðalsteinn fjórði og Albert
fimmti.
En fyrsti EM-titill fslendinga
vannst á Evrópumótinu f Þýska-
landi 1970 og var Reynir þar að
verki á Stjarna frá Svignaskarði og
unnu þeir í fjórgangi.
Sigurður Sæmundsson
stigahæstur í Danmörku 77
Næsta mót á eftir Austurríkis-
mótinu var svo í Skiveren f Dan-
mörku. Fyrir mótið var talið að ís-
lenska sveitin hafi aldrei mætt eins
vel undirbúin til leiks fram að
þessu, og árangurinn sannaði það.
Sigurður Sæmundsson, sem keppti
á Leikni frá Dýrfinnustöðum, stóð
sig frábærlega vel og varð hann
stigahæstur allra keppenda og
hlaut þar með hinn eftirsótta titil,
„sigurvegari mótsins". En hann
sigraði einnig í 250 metra skeiði á
24,0 sek. sem þykir afbragðs tími á
Albert Jónsson kom skemmtilega á
óvart í Austurrfki með því að sigra í
hlýðnikeppni B en hann náði einnig
ágætum árangri í öðrum greinum.
erlendri grund. En það var ekki
bara Sigurður sem gerði góða hluti
í Skiveren, því árangur fslend-
inganna í heild var hreint frábær.
Á eftir Sigurði í skeiðinu komu Sig-
urbjörn á Gými frá Miklaholti í
öðru sæti, Ragnar Hinriksson á
Gretti frá Fáskrúðsbakka þriðji, og
Reynir á Stokkhólma-Blesa frá
Stokkhólma í fjórða sæti, sannköll-
uð draumaúrslit. f stigakeppninni
voru fslendingar einnig atkvæða-
miklir, Siggi Sæm í fyrsta sæti eins
og áður sagði, Reynir þriðji, Aðal-
steinn fjórði og Sigurbjörn í
fimmta sæti.
Martröðin sem breyttist
í sigurgleði
Eftir góða frammistöðu, bæði í
Austurríki og Danmörku, átti að
gera enn betur í Hollandi 1979. Or-
takan var haldin síðast i júll og að
henni lokinni var ljóst að ísland
hafði á að skipa mjög sterkri sveit,
sennilega þeirri sterkustu frá upp-
hafi. Ágætlega var staðið að undir-
búningi eftir úrtökuna og engum
duldist að markið var sett hátt. Tal-
ið var að við ættum möguleika á
fimm efstu sætunum í fimmgangi
og þrem efstu í skeiðinu. Að sjálf-
sögðu átti svo að vinna í keppninni
um stigahæsta knapa mótsins. En
það sem var kannski mest spáð í
var hvort einhver af íslendingunum
kæmist í úrslit í töltinu. íslend-
ingar hafa alltaf litið tölthornið
góða girndaraugum eftir að Reyni
tókst að vinna það í Austurríki og
sýndi þar fram á að þetta var hægt.
En þegar út var komið hrundu
þessar vonir líkt og spilaborg sem
blásið er á. Fljótlega eftir að hest-
arnir komu út, smituðust þeir af
inflúensu sem herjað hafði á hesta í
Evrópu þá um sumarið og útséð var
að þeir kepptu ekki næstu daga og
jafnvel vikur. Þetta var mikið reið-
arslag fyrir fslendinga, einmitt
þegar átti að sýna hvers við vorum
megnugir. Aldrei áður hafði annar
eins fjöldi fslendinga komið á Evr-
ópumót fyrst og fremst til að fylgj-
ast með sínum mönnum sigra og
fannst manni á mörgum að úr því
sem komið var, væri enginn til-
gangur lengur með þessu ferðalagi.
En Þjóðverjar brugðu skjótt við
og buðust til að lána fslendingunum
hesta til að keppa á, þannig að þeir
gætu verið með þótt sigrarnir yrðu
ef til vill að bíða um sinn. Þessu
boði var tekið með þökkum og voru
hestarnir sendir með hraði til Hol-
lands og náðu þeir rétt í tæka tfð.
Fjórir íslendingar voru með að
þessu sinni, því matareitrun herjaði
á nokkra liðsmenn og eiginkonur
þeirra. Það kom því í hlut þeirra
Reynis, Sigga Sæm, Aðalsteins og
Ragga Hinriks að verja heiður fs-
lands þótt á brattan væri að sækja.
Reynir fékk þýskfæddu hryssuna
Pöndru, sem var alhliða hross.
Ragnar fékk stóðhestinn Fróða frá
Ásgeirsbrekku, frekviljugan alhliða
hest, og Sigurður og Aðalsteinn
fengu fjórgangshesta, Sigurður var
á Fjalari frá Ystabæli og Aðal-
steinn á Grákolli frá Heggsstöðum.
Þegar upp var staðið var Ragnar
þrefaldur Evrópumeistari, sigraði í
fimmgangi, varð í fyrsta sæti í 250
metra skeiði ásamt tveim öðrum og
að síðustu stigahæsti knapi mót-
sins. Reynir varð í þriðja sæti í
fimmgangi og Aðalsteinn varð
fimmti f fjórgangi, keppnisgrein
sem við höfum ávallt átt erfitt upp-
dráttar í. Sigurður var svo í úrslit-
um um sjötta til tíunda sæti í bæði
fjórgangi og tölti. Þetta voru úrslit
sem enginn hafði látið sig dreyma
um og tvímælalaust stærsti sigur
okkar á Evrópumóti. Þarna kom
fjölþætt reynsla íslensku knapanna
sér í góðar þarfir og undravert var
hversu fljótir þeir voru að átta sig á
hestunum sem þeir fengu aðeins
tæpum tveim timum fyrir keppni.
Tveir EM-titlar í Noregi
Eftir þessa velgengni á síðustu
mótum var allt kapp lagt á að halda
fengnum hlut í Larvik í Noregi, og
þá sérstaklega samanlögðum sigur-
vegara, en hins vegar var talið að
við ættum litla möguleika á að
komast i úrslit f tölti og fjórgangi.
Okkar möguleikar lágu eins og áður
fyrst og fremst f fimmgangi og
skeiði.
Sigurbjörn Bárðarson keppti á
Adam frá Hólum, sem hafði ein-
göngu keppt sem skeiðhestur hér
heima. Sigurbjörn dubbaði aðeins
upp á hann og fór með hann í þær
fjórar keppnisgreinar sem þarf til
að vera með í keppninni um stiga-
hæsta knapann. Og dæmið gekk
upp. Hann fékk flest stig allra
keppenda og enn einu sinni var tit-
illinn í höfn. Var það fyrst og
fremst skeiðið sem skóp þennan
sigur en hann varð einnig Evrópu-
meistari í þeirri grein, tfminn var
23,0 sek. og jafnframt langbesti
tími sem náðst hefur á Evrópumóti.
í úrslitum í fimmgangi voru tveir
Islendingar í baráttunni, Benedikt
Þorbjörnsson frá Valsa frá Lamb-
haga og Ragnar Hinriks á Nasa frá
Akureyri. Benedikt varð að láta í
minni pokann eftir harða og jafna
keppni við Walter Feldmann á
Eldjárni frá Laangelandsgáarden.
Ragnar hafnaði í þriðja sæti og
þriðji íslendingurinn, Hreggviður
Eyvindsson, átti góða möguleika á
að komast í úrslit, en vegna mis-
taka í stökksýningu missti hann af
þeim góða bita. Reyndar var þriðji
Islendingurinn f úrslitunum, því
Sigurfinnur Þorsteinsson keppti
fyrir Frakkland á þessu móti, var í
úrslitum á Gusti frá Varmalæk. Á
þessu móti var einnig keppt í gæð-
ingaskeiði sem aukagrein til kynn-
ingar, og voru Islendingar þar f
fjórum efstu sætunum.
Af framansögðu má sjá að árang-
ur Islands á þessum vettvangi er í
einu orði sagt stórglæsilegur og
mættu landsmenn að ósekju gefa
þessari íþróttagrein meiri gaum.
Níu Evrópumeistaratitilar í harðri
keppni er meira en fólk 1 öðrum
íþróttagreinum getur státað af.

Sigurður Sæmundsson, Evrópumeistari í skeiði og sam-
anlögðu á EM í Danmörku 77 á Leikni frá Dýrfinnu-
stöðum og sést hann hér taka Leikni til kostanna í
Skiveren 1977.
.iliteji. uvwlififi ^jUV^iiLLiU .161 Jjj>V¥>Ué‘
Aðalsteinn Aðalsteinsson fékk hestinn Grákoll frá
Heggstöðum að láni þegar hestur hans veiktist af inflú-
ensu í Hollandi 79 og náði hann þeim ágæta árangri að
komast í úrslit í fjórgangi. ,
i .iiy- iBv í.ul ‘ííjijíí ij*l yji Qi UU
Ragnar Hinriksson þrefaldur Evrópumeistari f Hollandi 79 á stóðhestinum
Fróða frá Ásgeirsbrekku, en það var mikið þrekvirki hjá Ragnari því Fróði er
með afbrigðum erfiður hestur og hafði hann margsinnis rokið með eiganda sinn
út af hringvöllum víða um Þýskaland.
■Uiili v*' J ..irj-iiK\so :h.':
íjjir