Morgunblaðið - 12.10.1983, Blaðsíða 25

MORGUNBLAÐIÐ, MIÐVIKUDAGUR 12. OKTÓBER 1983
25
Fjárveitinganefndarkjör
þingflokks sjálfstæðismanna:
Lárus, Árni, Pálmi og
Friðjón náðu kjöri
- Stjórnarfrumvarp um fjölgun í
fjárveitinganefnd á Alþingi í dag
f DAG verður lagt fram á Alþingi
stjórnarfrumvarp til breytinga á lög-
um um þingsköp, en samkomulag
hefur náðst milli stjórnarliða og
stjórnarandstöðu á Alþingi um að
Athugasemd
MORGUNBLAÐINU barst í gær
eftirfarandi athugasemd frá sam-
gönguráðuneytinu við frétt Morgun-
blaðsins „tilíögur um sameiginlegt
rekstrarfélag strandflutninga til
ráðherra“.
„í fréttinni er því haldið fram,
að samgönguráðherra hafi borist
tillögur þeirra skipafélaga, sem
staðið hafa í viðræðum um strand-
flutningaþjónustuna.
Hið rétta er að engar slíkar til-
lögur hafa borist og er því fréttin
röng hvað það snertir.
Aftur á móti er ráðherra kunn-
ugt um megin efni væntanlegra
tillagna viðræðunefndarinnar um
strandflutningaþjónustuna frá
fulltrúa sínum í nefndinni.
Viðræðunefndin heldur loka-
fund sinn fimmtudaginn 13. þ.m.
og mun eftir þann fund skila til-
lögum til ráðherra.
Ráðuneytið mun senda út
fréttatilkynningu um þetta mál
eftir þann fund.“
Aths. ritstj.
Athugasemd samgönguráðu-
neytis er réttmæt. Misskilningur
milli blaðamanns og heimildar-
manns olli því ranghermi, að til-
lögurnar hefðu þegar verið sendar
ráðherra. Að öðru leyti eru efnis-
atriði fréttarinnar rétt.
fjölgað verði í fjárveitinganefnd úr
níu í tíu. Kosnir voru fulltrúar í fjár-
veitinganefnd í þingflokki Sjálfstæð-
isflokksins í gær. Fimm þingmenn
gáfu kost á sér, en flokkurinn á
fjóra fulltrúa í nefndinni.
Kosning til fjárveitinganefndar
innan þingflokks Sjálfstæðis-
flokksins fór þannig, að Lárus
Jónsson hlaut 22 atkvæði, Árni
Johnsen 20 atkvæði, Pálmi Jóns-
son 18 atkvæði og Friðjón Þórðar-
son 15 atkvæði. Egill Jónsson náði
ekki kjöri, en hann hlaut 13 at-
kvæði. Einn atkvæðaseðill var
ógildur. Lárus Jónsson verður
væntanlega formaður fjárveit-
inganefndar.
Frá Framsóknarflokki verða
Guðmundur Bjarnason og Þórar-
inn Sigurjónsson 1 fjárveitinga-
nefnd, Alþýðubandalagi Geir
Gunnarsson, Alþýðuflokki Karvel
Pálmason, Bandalagi jafnaðar-
manna Kristín Kvaran og Sam-
tökum um kvennalista Kristín
Halldórsdóttir.
Sameinað þing kemur saman kl.
14 í dag og er nefndakjör á
dagskrá. Áður en unnt er að kjósa
í fjárveitinganefnd verður stjórn-
arfrumvarpið að afgreiðast í báð-
um þingdeildum, og var reiknað
með því í gærkvöldi að það yrði
gert með því að leita afbrigða, svo
unnt verði að ganga frá kosning-
unni í dag. Að sögn Friðjóns Sig-
urðssonar skrifstofustjóra Al-
þingis er fordæmi fyrir breytingu
sem þessari. Fjölgað var á sama
hátt í nefndinni árið 1974, en
fækkað á ný eftir næstu kosn-
ingar.
Piero Visconti Martha Colalillo
Óperutónleikar hjá
Sinfóníuhljómsveitinni
NÆSTU tónleikar Sinfóníu-
hljómsveitar fslands verða f Há-
skólabíói á morgun, fimmtudaginn
13. október, og hefjast þeir kl.
20:30. Þetta verða óperutónleikar
og verða sungin og leikin atriði úr
ýmsum óperum, ra.a. Carraen,
Martha, Vald örlaganna, Rigoletto,
La Traviata, Aida, Don Pasquale,
Gianni Schicchi, La Gioconda og
La Boheme.
Til landsins eru komnir tveir
óperusöngvarar, þau Martha
Colalillo, sópran, sem syngur f
veikindaforföllum Adriana Mali-
ponte, og Piero Visconti, tenór,
en hann söng hér á tónleikum
1979. Stjórnandi á þessum tón-
leikum er aðalstjórnandi Sin-
fóníuhljómsveitar íslands,
Jean-Pierre Jacquillat.
Martha Colalillo er fædd í
Argentínu en er nú búsett í
Sviss. Hún hóf söngnám í fæð-
ingarborg sinni, Buenos Aires,
og söng þar fyrst hlutverk Gildu
í óperunni Rigoletto eftir Verdi
aðeins 25 ára gömul. Síðan hefur
hún sungið fjöldann allan af
óperum, svo sem La Boheme,
Madame Butterfly, II Trovatore,
Grimudansleikurinn og La
Traviata, svo eitthvað sé nefnt.
Hún hefur sungið við flest
stærstu óperuhús Evrópu og
Suður-Ameríku og sungið inn á
hljómplötur með m.a. Piero
Visconti.
Visconti er fæddur í Valenza á
N-Ítalíu. Hann stundaði söng-
nám í Róm hjá Corti Coppetti
prófessor við St. Cecilia-tónlist-
arskólann, og hjá hinni þekktu
söngkonu Gianna Pederzini.
Hann þreytti frumraun sína
1975 í óperunni „Lucia di Lamm-
ermoor" á sviði San Carlo-
óperunnar í Napoli. Hann hefur
sungið margbreytileg hlutverk í
óperum eftir flesta frægustu
höfunda Ítalíu og komið fram í
flestum stærstu óperuhúsum It-
alíu. Einnig hefur hann komið
fram í öðrum löndum, einkum í
Þýskalandi, Belgíu, Frakklandi,
Spáni, Austurríki og Bandaríkj-
unum.
Frá fundi miðstjórnar Sjálfstæðisflokksins f gær, þar sem Geir Hallgrímsson, utanríkisráðherra, skýrði frá
þeirri ákvörðun sinni að gefa ekki kost á sér til endurkjörs sem formaður flokksins á landsfundi hans í
nóvember. Morpinbi*«i«/RAX.
Sjálfstæðisflokkurinn
efnir til fundaherferðar
Á réttri leið, er yflrskriftin á
fundaherferð sem Sjálfstæðisflokk-
urinn efnir til um allt land á næstu
vikum. Á fundunum munu ráðherrar
flokksins og þingmenn fjalla um
árangurinn sem náðst hefur í efna-
hagsmálum vegna aðgerða ríkis-
stjórnarinnar, og horfurnar fram-
undan.
Fyrstu fundirnir verða haldnir
fimmtudaginn 13. október, kl.
20.30 í Gaflinum í Hafnarfirði, þar
sem ræðumenn verða Sverrir Her-
mannsson iðnaðarráðherra og
Matthías Á. Mathiesen viðskipta-
ráðherra og á Blönduósi þar sem
Albert Guðmundsson fjármála-
ráðherra er ræðumaður.
Fundirnir, sem eru öllum opnir,
verða haldnir á eftirtöldum stöð-
um:
13. okt. Hafnarfjörður — Matthías Á.
Mathiesen og Sverrir Hermanns-
son
13. okt. Blönduós — Albert Guð-
mundsson.
15. okL Akranes — Ragnhildur
Helgadóttir.
16. okt. Grundarfjörður — Albert
Guðmundsson.
17. okt. Keflavík — Geir Hallgríms-
son.
19. okL Þorlákshöfn — Sverrir Her-
mannsson.
20. okt. Kópavogur — Matthías
Bjarnason.
20. okL Hella — Ragnhildur Helga-
dóttir.
21. okL Sauðárkrókur — Sverrir Her-
mannsson.
22. okL Akureyri — Ragnhildur
Helgadóttir.
23. okL Ólafsfjöður — Matthías
Bjarnason.
23. okL Hvammstangi — Sverrir Her-
mannsson.
23. okL Vestmannaeyjar — Albert
Guðmundsson.
24. okt. Mosfellssveit — Geir Hall-
grímsson.
25. okL Vík í Mýrdal — Albert Guð-
mundsson.
27. okL Reykjavík — Geir Ilallgríms-
son og Albert Guðmundsson.
28. okt. Patreksfjörður — Matthías
Á. Mathiesen.
29. okL Flateyri — Matthías Á. Mat-
hiesen.
30. okL ísafjörður — Matthías Á.
Mathiesen.
13. nóv. Höfn — Matthías Bjarnason.
Skipun í embætti fræðslustjóra í Reykjavík:
„Ekki séð tillögu
fræðsluráðs enn“
Menntamálaráðherra hefur enn
ekki tekið ákvörðun um hvort Ás-
laug Brynjólfsdóttir verður skipuð
fræðslustjóri í Reykjavík. „Ég hef
enn ekki séð tillögu fræðsluráðs og
því get ég ekki afgreitt þetta mál,“
sagði Ragnhildur Helgadóttir,
menntamálaráðherra, í samtali við
blm. Morgunblaðsins í gærkvöldi.
Eins og fram hefur komið í Mbl.
hefur meirihluti fræðsluráðs
Reykjavíkur lagst gegn því að
skipað verði í embættið fyrr en
breytingar hafi verið gerðar á
skipan fræðslumála í Reykjavík
og staðfest samkomulag Reykja-
víkurborgar og embættismanna í
menntamálaráðuneytinu um þá
nýskipan. Fyrrverandi mennta-
málaráðherra setti Áslaugu í
embættið til eins árs, sem var liðið
um síðustu mánaðamót. Ragnhild-
ur Helgadóttir sagðist hafa séð
frásagnir af afgreiðslu fræðslu-
ráðs í fjölmiðlum en þeim frá-
sögnum bæri ekki saman í öllum
atriðum. „Á meðan ég hef ekki til-
lögu ráðsins get ég ekki tekið af-
stöðu til hennar," sagði Ragnhild-
ur.
Áslaug Brynjólfsdóttir sagðist í
gærkvöldi lítið geta sagt um málið
í bili. Hún sagði að afstaða
fræðsluráðs hefði ekki komið sér á
óvart. „Ég hangi svolítið í lausu
lofti eins og er,“ sagði hún, „og þá
ekki síður yfirkennarinn í Foss-
vogsskóla, sem var sett í þá stöðu í
minn stað. Hvorug okkar hefur
fengið afgreiðslu ennþá en það
hlýtur að verða alveg á næstunni."
Áslaug sagði að hún sæi ekki
hvernig hægt væri að blanda sam-
an skipun í embætti fræðslustjóra
í Reykjavík og hugmyndum um
nýskipan fræðslumála í borginni,
það væru tvö aðskilin mál. Breyt-
ingu á skipan mála í höfuðborg-
inni væri ekki hægt að gera nema
með breytingu á grunnskólalög-
um. Gegn þeim setti hún sig ekki,
enda yrðu breytingarnar til sam-
ræmis við skipan mála í öðrum
fræðsluumdæmum.
Kindakjötsútsalan framlengd:
Lítil sala á nýja
kjötinu á meðan
ÞEGAR kjötúLsölunni svökölluðu
átti að Ijúka síðastliðinn mánudag
voru enn eftir um 300 tonn af dilk-
akjöti og 70 tonn af ærkjöti og var
ákveðið að halda útsölunni áfram
þar til allt kjötið seldist upp, að
sögn Gunnars Guðbjartssonar,
framkvæmdastjóra Framleiðslu-
ráðs landbúnaðarins.
f september seldust um 1640
tonn af gamla kjötinu og er það
um helmingi meiri kjötsala en er
á mánuði að meðaltali yfir árið.
Mikið var einnig selt fyrstu 10
daga októbermánaðar eða hátt í
1000 tonn og birgðu margar
verslanir sig þá upp af kjötinu.
Útsalan á gamla kjötinu hefur
aftur á móti komið mikið niður á
sölu á kjöti af nýslátruðu því að
sögn Gunnars seldust aðeins
rúm 6 tonn af nýja kjötinu í
september.
Gunnar sagði að bæði bændur
og ríkisstjórnin hefðu samþykkt
að halda útsölunni áfram en
þessir aðilar greiða verðlækkun-
ina til helminga, þar sem ljóst
hefði verið að salan á kjötinu
hefði stöðvast ef það hefði verið
hækkað og bændur og söluaðilar
hefðu þá setið uppi með það. Á
kindakjötsútsöluna fóru rúm
3000 tonn af kjöti, þannig að nú
þegar hafa hátt í 90% þess verið
seld.