Morgunblaðið - 12.10.1983, Page 32

32
MORGUNBLAÐIÐ, MIÐVIKUDAGUR 12. OKTÓBER 1983
75 ár frá stofnun Kennaraskólans:
„Menntun kennara
mikið hagsmunamál“
— segir Jónas Pálsson rektor KHÍ
„VIÐ VILJUM nota þetta tækifæri, 75 ra afmæliö, til að kynna almenningi
starfsemi skólans, rifja upp sögu hans og jafnframt hvetja okkur sjálf til
dáða til að vinna að ýmsum verkefnum í þágu kennara og kennaramenntun-
ar,“ sagöi Jónas Pálsson, rektor Kennaraháskóla íslands, en á þessu hausti
eru 75 ár liðin frá því að Kennaraskóli íslands tók til starfa. Var afmælisins
minnst á laugardaginn með hátíðarsamkomu í nýrri viðbyggingu skólahúss-
ins við Stakkahlíð, en hluti hennar hefur þegar verið tekinn í notkun.
„Kennaraháskóli íslands er arftaki Kennaraskólans og starf hans allt
erður að skoða í órofa samhengi við gamla skólann. Þetta vill stundum
gleymast," sagði Jónas, en KHI tók til starfa haustið 1971 og þá var
Kennaraskólinn i sinni gömlu mynd lagður niður.
Saga kennaramenntunar
A árunum 1892 til 1908 fór
kennaramenntun fram í Flens-
borgarskóla, þá eins vetrar nám
að loknu gagnfræðaprófi. Haustið
1908 tekur Kennaraskólinn til
starfa og er í fyrstunni um þriggja
vetra nám að ræða, 6 mánuði á
ári. Kennaranámið er síðan lengt í
4 ár árið 1943 og árlegur skólatími
færður upp í 8 mánuði. Þessi skip-
an helst til ársins 1971, þegar
Kennaraskólanum er breytt í
kennaraháskóla. Námið í KHÍ tek'
ur þrjú ár og er stúdentspróf inn-
tökuskilyrði.
Frá stofnun Kennaraskólans
hafa um þrjú þúsund manns lokið
almennu kennaraprófi. Á tímabil-
inu frá 1974 til ’83 hafa 695 lokið
B.Ed.-prófi frá KHÍ og 83 hafa
lokið réttindanámi grunnskóla-
kennara frá því að það hófst árið
1979. Veturinn 1908—9 voru 58
nemendur í kennaraskólanum og
þrír kennarar, en nú í haust inn-
rituðu sig 400 nemendur í KHÍ, en
fastir kennarar þar eru nú 34 og
stundakennarar fjölmargir.
Hlutverk KHÍ
„Hlutverk Kennaraháskólans er
lögum samkvæmt það að annast
starfsmenntun grunnskólakenn-
ara, en auk þess ber skólanum að
fara með endurmenntunarmál
kennara," sagði Jónas. „Þáttur
endurmenntunar hefur á síðustu
árum farið sívaxandi og orðið
mikilvægari, enda má segja að
frummenntun og símenntun flétt-
ist sífellt meira saman í starfs-
menntun kennara almennt. Á síð-
astliðnu sumri voru haldin 25
námskeið með um 900 þátttakend-
um. Þá voru á síðasta skólaári
haldnir fræðslufundir og ráðstefn-
ur á vegum KHÍ og skólarann-
Ragnhildur Helgadóttir menntamálaráðherra flytur ávarp á afmælishátíð Kennaraháskólans sl. laugardag.
Morfrunbl*AM/KÖE.
sóknardeildar, sem um tvö þúsund
kennarar sóttu.
Menntun kennara er mikið
hagsmunamál fyrir allan almenn-
ing í þesu landi, því vel menntaðir
og áhugasamir kennarar eru
frumskilyrði góðra skóla og þar
með umbóta í þjóðfélaginu. Margt
hefur áunnist á sviði kennara-
menntunar á þessum 75 árum, en
þó eru framundan mörg verkefni
sem brýnt er að leysa. Má þar
nefna nám fyrir stjórnendur skóla
og menntastofnana, sem er mjög
aðkallandi verkefni. Tillögur um
slíkt nám liggja fyrir, en hins veg-
ar skortir fé til framkvæmda og
því er óvíst hvernig fer eins og nú
horfir.
Þá er brýnt að koma á föstu ár-
legu framhaldsnámi fyrir kennara
barna með sérþarfir. Og verkefni
sem þolir enga bið er að kennara-
efni fái fræðslu um tölvur, bæði
um notkun þeirra almennt og
hvernig þær verði best notaðar við
kennslu. Starfsmenn Kennara-
háskólans hafa gert ítarlegar til-
lögur í þessu efni, en skólann
skortir algerlega vélbúnað til þess
að geta hafist handa," sagði Jónas
Pálsson rektor.
Afmælishátíðin
Hátíðarsamkoman á laugardag-
inn hófst með því að Stefán
Bergmann, formaður afmælis-
nefndar, flutti ávarp. Því næst
söng kór Kennaraháskólans undir
stjórn Herdísar Oddsdóttur.
Ragnhildur Helgadóttir mennta-
málaráðherra og formenn Kenn-
arasambands íslands og Hins ís-
lenska kennarafélags fluttu ávörp,
Ólafur H. Jóhannsson skólastjóri
og Jónas Pálsson rektor ræddu um
starfsmenntun kennara og fram-
tíðina í kennslumálum, nemendur
úr Æfingaskólanum léku á hljóð-
færi og loks söng kór skólans nýtt
tónverk eftir Jón Ásgeirsson við
ljóð eftir Freystein Gunnarsson,
sem sérstaklega er samið í tilefni
75 ára afmælisins.
Jónas Pálsson rektor
Kennaraháskóla íslands í skrifstofu sinni.
Nýja viðbygging Kennaraháskólans við Stakkahlíð. Húsið er um tvö þúsund
fermetrar að flatarmáli, eða um tveir þriðju af stærð gamla hússins.
MorgunbUAíð/RAX.
Helgi Backmann, umsjónarmaður hundabús veiðistjóraembættisins í
Þormóðsdal, með einn minkahundinn. í baksýn sést á kassana sem
hundarnir hafa í að venda í rigningu og roki. Morgunbiaðia/ kee
„Vel hugsað um hund-
ana á hundabúinu“
— segir Sveinn Einarsson veidistjóri
„ÞAÐ ER alrangt að illur aðbúnaður
sé að hundunum þarna, það er frek-
ar að þeir séu fullfeitir heldur en
hitt. Það er vel hugsað um þá þarna,
þeir eru sérstaklega heilsuhraustir
og þrífast vel svo til fyrirmyndar
er,“ sagði Sveinn Einarsson veiði-
stjóri, er undir hann voru bornar
ásakanir um illan aðbúnað hund-
anna á hundabúinu í Þormóðsdal,
sem meðal annars komu fram í Vel-
vakanda hér í blaðinu fyrir nokkrum
dögum.
Sveinn sagði að ákveðinn hópur
fólks ynni skipulega gegn búinu,
fólk sem vissi ekkert hvað það
væri að tala um. Hundarnir væru
fæddir og uppaldir úti í sérstökum
kössum sem bæði eru vatns- og
vindheldir. Þeir þekktu ekki annað
Einn hundurinn á hundabúinu í
Þormóðsdal.
og væri aðstaðan í Þormóðsdal
síst verri en gengur og gerist í
nágrannalöndunum og til dæmis
þekkti héraðsdýralæknirinn að-
stæður þarna og gerði ekki
athugasemdir við þær.
Sveinn sagði að á búinu væru
minkahundar sem veiðistjóraemb-
ættið sjálft ætti og einnig nokkuð
af hundum sem duglegir minka-
banar ættu og fengju geymda
þarna. Sagði hann að til stæði að
fækka hundunum af sparnaðar-
ástæðum og flytja búið frá Þor-
móðsdal af sömu ástæðum. Yrði
því komið fyrir á bóndabæ. Sagði
veiðistjóri að nauðsynlegt væri að
vera með þessa hunda til minka-
veiða, þetta væru hundar af sér-
stöku kyni sem þyrfti að rækta
áfram og þjálfa því þeir væru
ómetanlegir fyrir minkabanana að
örfum.