Morgunblaðið - 18.10.1983, Blaðsíða 2

2
MORGUNBLAÐIÐ, ÞRIÐJUDAGUR 18. OKTÓBER 1983
MorgunbUM/Jtilfiu.
í „spyrnu" á
Laugaveginum
MIKIL MILDI er aö ekki varð stóralvarlegt uraferöarslys á Laugavegi
á móts við Mjölnisholt laust eftir klukkan 22 á sunnudagskvöldið. Þar
voru í „spyrnu", eins og kallað er, 18 ára piltur á stóru og kraftmiklu
Kawasaki-mótorhjóli og ökumaður amerískrar fólksbifreiðar, sem sér-
staklega er útbúin til hraðaksturs, að því er vitni herma.
Þeir óku á miklum hraða aust-
ur Laugaveg, hófu „spyrnuna" á
gatnamótum Laugavegar og
Snorrabrautar. Kona á lítilli
fólksbifreið ók vestur Laugaveg
og hugðist beygja upp Mjölnis-
holt, þar sem er Timburverslun
Árna Jónssonar. Hún kvaðst
hafa litið vel vestur Laugaveg
eftir umferð en ekkert séð. Siðan
heyrði hún þyt, eins og hún mun
hafa orðað það, og mótorhjólið
skall á hægri hlið bifreiðarinnar
og varð af harður árekstur.
Það sem varð ökumanni mót-
orhjólsins til lífs er að hann var
með hjálm og kastaðist yfir bif-
reiðina og lenti í götunni, en
mótorhjólið stöðvaðist við högg-
ið, þannig að það skall ekki á
honum. Maðurinn hlaut mikið
höfuðhögg en hlaut ekki bein-
brot.
Óljóst er hvernig ameríska
fólksbifreiðin slapp frá þessum
hildarleik án þess að lenda í
árekstri, en ökumaðurinn hvarf
af vettvangi og hefur ekki til
hans spurst, þó lýst hafi verið
eftir honum.
Utanríkisráðherra á fundi í Stapa í gærkvöldi:
Nýjar ratsjárstöðvar
vegna landhelgisgæslu
og flugumferðarstjórnar
„BYGGING nýrrar ratsjárstöðvar
hefur almenna þýðingu fyrir
okkur íslendinga, sem snertir
ekki einungis öryggishagsmuni
okkar,“ sagði Geir Hallgrímsson,
utanríkisráðherra, á fundi í Stapa í
gærkvöldi. „Bygging nýrra ratsjár-
stöðva hefur verulega þýðingu
fyrir almenna flugumferðarstjórn
á norðurhveli jarðar, sem við höf-
um með höndum og höfum tekið
að okkur. Nýjar ratsjárstöðvar eru
einnig mikilvægar vegna gæslu
landhelginnar, sem við höfum
takmarkað fjármagn og tækjakost
til að annast," sagði utanríkis-
ráðherra ennfremur.
Geir Hallgrímsson sagði, að
stjórnarskiptin í vor hefðu vald-
ið þáttaskilum í öryggis- og
varnarmálum þjóðarinnar. Nú
væri ekki lengur hægt að standa
gegn nauðsynlegum fram-
kvæmdum í þágu varnanna og
íslensk stjórnvöld myndu knýja
á um þær framkvæmdir, sem fs-
lendingar teldu nauðsynlegar
hagsmuna sinna vegna, svo sem
um byggingu nýrra ratsjár-
stöðva.
Guðmundur Ágústsson
bakarameistari látinn
LÁTINN er í Reykjavík Guðmundur
Ágústsson, bakarameistari. Guð-
mundur var fæddur í Reykjavík hinn
8. nóvember 1916, sonur hjónanna
Ingigeröar Sigurðardóttur og Ágústs
Guðmundssonar, sjómanns. Guð-
mundur lærði bakaraiðn hjá Sveini
Hjartarsyni og varð meistari í iðn
sipni. Árið 1945 keypti Guðmundur
fyrirtæki Sveins, Sveinsbakarí,
ásamt öðrum, og rak það allt til þess
er heilsan tók að bila. Nú er sonar-
sonur Guðmundar einn eigenda
Sveinsbakarís, sem er eitt elsta
fyrirtæki Reykjavíkur, stofnað 1907.
Guðmundur Ágústsson var
lengi meðal kunnustu skákmanna
fslendinga, og tefldi á fjölmörgum
mótum bæði heima og erlendis,
svo sem á ólympíumótum og fleiri
mótum. Hann varð oft íslands-
meistari í hraðskák, og
Norðurlandameistari í meistara-
flokki varð hann 1949. Guðmund-
ur var um skeið formaður Taflfé-
lags Reyjavíkur og hann var heið-
ursfélagi TR og Skáksambands ís-
lands.
Guðmundur lætur eftir sig eig-
inkonu, Þuriði Þórarinsdóttur
Guðmundssonar tónskálds. Þau
áttu fimm börn, sem öll lifa föður
Sigrún Þorsteinsdóttir, Vestmannaeyjum:
Gefur kost á sér til for-
manns eða varaformanns
SIGRÚN Þorsteinsdóttir, varabæjar-
fulltrúi Sjálfstæðisflokksins í Vest-
mannaeyjum, hefur ákveðiö að gefa
kost á sér í formannskosningu eða
varaformannskosningu á landsfundi
Sjálfstæðisflokksins sem haldinn
verður í byrjun nóvember.
í samtali við Morgunblaðið sagði
Sigrún að hún hefði tekið ákvörðun
um framboð, en ekki væri enn full-
ráðið eftir hvoru embættinu hún
sæktist. Ástæðu framboðs síns
sagði Sigrún m.a. vera þá að ekki
væri vanþörf á því að rödd hins al-
menna kjósanda heyrðist meira
innan flokksforystunnar en verið
hefði. Hins vegar sagði Sigrún, að
yfirlýsingar frá sér varðandi þessi
mál væri að vænta innan tíðar.
Sigrún kvaðst lengi hafa tekið
þátt í starfi innan Sjálfstæðis-
flokksins, en hún hefur verið
varabæjarfulltrúi Sjálfstæðis-
flokksins á þessu kjörtímabili og
auk þess setið í nefndum á vegum
bæjarins. Sigrún Þorsteinsdóttir
8-landa keppnin í skák:
Tvísýnt gegn Svíum
ÁTTA landa keppnin 1 skák hófst í gær og tefldi íslenzka sveitin við Svía, sem
taldir eru vera með sterkustu sveitina í mótinu, 11. umferð. Þremur skákum er
lokið og fóru þrjár í bið og hefur íslenzka sveitin l'/i vinning gegn V4 vinningi
Svía.
Vetraráætlun Útsýnar veturinn
1983—84 fylgir með Morgunblað-
inu í dag. Hún er 16 síður að stærð
og prentuð í lit.
Margeir Pétursson gerði jafntefli
við Schneider, Helgi Olafsson vann
Axel Ornstein og Karl Þorsteins
gerði jafntefli við Winge. Guð-
mundur Sigurjónsson fórnaði
manni gegn Harry Schussler
skömmu áður en skákin fór f bið.
Hann vinnur manninn aftur og á
einhverja vinningsmöguleika. Jó-
hann Hjartarson er með heldur lak-
ari biðstöðu gegn Kaizauru, en Ás-
laug Kristinsdóttir er líklega með
tapaða biðskák eegn Piu Cramling.
Guðmundur Agústsson
Verðmæti upptækra fíkniefna
á viku nema 5 milljónum kr.
fslenski fíkniefnamarkaðurinn veltir tugmilljónum á ári
SKIPVERJINN sem tekinn var með hassið greiddi fyrir það í Cuxhaven
um 47 þúsund v-þýzk mörk eða sem nemur tæpum 500 þúsund krónum.
Þetta er mikið fé og mun rannsókn fíkniefnadeildar lögreglunnar beinast
að því, hvort skipverjinn hafi verið í slagtogi við menn hér á landi.
Gramm af hassi mun vera selt á um 400 krónur á svörtum markaði hér á
landi og söluverðmætið því um liðlega 4,5 milljónir króna.
Karlsefni seldi í Þýzkalandi í
síðustu viku og var söluverð-
mæti aflans 4,8 milljónir króna
og þótti Karlsefni. gera góða
sölu. Það er ljóst að íslenzkur
fíkniefnamarkaður veltir tug-
milljónum króna á ári. Það sem
af er árinu hafa rétt um 15 kíló
af hassi verið gerð upptæk af
fíkniefnadeild lögreglunnar.
Söluverðmæti þess er um 6
milljónir króna á markaði hér á
landi. Þá hefur verið lagt á um
400 grömm af amfetamíni og er
verðmæti þess talið vera um 1,2
milljónir króna á markaði.
í síðustu viku var lagt hald á
um 160 grömm af amfetamíni og
kókaíni. Tveir ungir menn
reyndu að smygla þessu inn í
landið og voru þeir teknir við
komuna til Keflavíkur frá Amst-
erdam. Þeir höfðu sett fíkniefnin
inn í gúmmíkúlur, sem þeir síð-
an tróðu upp í endaþarminn á
sér. Annar hafði komið fyrir
fjórum slíkum kúlum, hinn
tveimur auk kókaínsins. Menn-
irnir voru úrskurðaðir í viku
gæzluvarðhald og látnir laxera,
sem kallað er. Þeir voru settir á
kopp og skiluðu fíkniefnunum.
Þessum mönnum hefur verið
sleppt úr haldi.
Verðmæti þess magns er talið
vera um !á milljón króna, þann-
ig að heildarverðmæti fíkniefna
sem gerð hafa verið upptæk á
einni viku nema um 5 milljónum
króna á íslenzkum markaði. Þá
má nefna að fyrir stuttu fannst
stærsta kannabisplanta, sem
fundist hefur hér á landi. Hún
mældist 2,40 metrar á hæð og
mun hassmagn hennar nema um
600 grömmum.
Fíkniefnadeild lögreglunnar
hefur í ár lagt hald á helmingi

meira magn af fíkniefnum en
allt árið f fyrra. Þá var lagt hald
á 7,9 kíló af kannabisefnum; lið-
lega 6 kíló af hassi, 1,5 kíló af
marijúana og 340 grömm af
hassolíu. Þá var lagt hald á 73,6
grömm af amfetamíni og 7,3
grömm af kókafni. Þess ber þó
að geta, að um 200 kíló af mari-
júana komu hingað til lands.
Ekkert bendir til að innlendir
aðilar hafi staðið að því, að sögn
lögreglunnar. Þegar f ár hefur
verið lagt hald á um 15 kíló af
hassi og 400 grömm af amfeta-
mfni.
H.Halls.