Morgunblaðið - 18.10.1983, Blaðsíða 37

MORGUNBLAÐIÐ, ÞRIÐJUDAGUR 18. OKTÓBER 1983
45
Hundaeigendur:
Tökum okkur á svo að eng-
inn verði fyrir óþægindum
K.H.V. skrifar:
„Velvakandi.
Mig langar til að láta í ljósi álit
mitt á hundahaldi í bæjum og
borgum. Sjálf á ég hund og veit
því af eigin reynslu, að hundar eru
bestu grey, sé rétt að þeim farið í
umhirðu og uppeldi.
Vissulega er það leiðinlegt að
sjá hundaskít á götum og gang-
stéttum, en það á ekki að vera til-
tökumál fyrir hundaeigendur að
taka með sér poka, þegar farið er
út í gönguferðir með hundana, og
hreinsa upp eftir þá, þegar á þarf
að halda.
Fyrir nokkru var skrifað um
það í blöðin, að blaðburðarmaður
nokkur hefði verið orðinn svo
hræddur við hund i ákveðnu húsi,
að hann hefði ekki treyst sér til að
bera þangað blöð. Auðvitað kann
þetta að vera rétt, en þessu getur
einnig verið öfugt farið. Ég þekki
dæmi þess.
Blaðburðarstrákurinn sem ber
út til okkar var alltaf að stríða
hundinum okkar og atast i honum,
af því að hann hélt, að enginn væri
heima. En við höfðum fylgst með
honum. Þannig eru það ekki að-
eins hundarnir sem hrella og
hræða mannfólkið, heldur getur
þvi einnig verið þveröfugt farið,
eins og ég sagði.
En ég vil eindregið ráðleggja
fólki að rasa ekki um ráð fram,
þegar það ákveður að taka sér
hund. Því fylgir ábyrgð og fyrir-
höfn. Hundurinn þarfnast umönn-
unnar, hreyfingar og útiveru alveg
eins og við mennirnir. Það þarf að
þrifa hann og fæða, og það þarf að
gæta hans.
Að öllu samanlögðu finnst mér
að leyfa ætti hundahald með
ströngum aðhaldsreglum og eftir-
liti.
Hundaeigendur. Tökum okkur á
og höldum á okkar málum þannig
að enginn verði fyrir óþægindum."
í§r
j ir*

Þessir hringdu . .
Ég er hrædd
H. hringdi og hafði eftirfarandi að
segja: — Nú stendur yfir norrænt
umferðaröryggisár. Á hverjum
morgni fer ég úr Asparfellinu
niður á Landspítala, þar sem ég
vinn. Það er nokkuð síðan ég seldi
bílinn minn og eftir það hef ég
ferðast með Strætisvögnum
Reykjavikur. Á tímanum frá
klukkan hálf fimm siðdegis til
klukkan sjö hef ég tekið leið 13,
hraðferð, sem fer frá Lækjartorgi
upp í Efra-Breiðholt. Og þá er ég
komin að því, sem veldur mér
miklum áhyggjum: Vagninn er
orðinn svo troðfullur, þegar hann
kemur að Landspítalanum, að það
er aðeins fyrir velvild vagnstjór-
ans, að hann stansar til að hleypa
okkur inn. En það fylgir með i
kaupunum, að maður verður að
standa fyrir framan hinn heljar-
stóra framglugga vagnsins og það
er einmitt það, sem ég er hrædd
við. Þess vegna geri ég það stund-
um að taka með mér pappaspjald
til þess að geta sest í tröppuna við
innganginn ef plássið leyfir. Það
er ekki bara stundum sem vagninn
er svona yfirfuliur á þessum tíma,
heldur er hann það alltaf. Eitt af
þeim atriðum sem mikið hefur
verið talað um á norræna umferð-
aröryggisárinu er að fólk eigi að
vera spennt í öryggisbelti, sitji
það framarlega í farartækjum. Á
slíku er enginn kostur í strætis-
vagni. Strangar reglur gilda um
farþegafjölda í einkabílum, og ég
býst við að þær nái einnig yfir al-
menningsfarartæki, því að slíkt
snertir öryggi farþeganna. Það er
því varla forsvaranlegt að troða
endalaust inn i vagnana, jafnvel
svo að fólk eigi í erfiðleikum með
að ná andanum og sé í yfirvofandi
lífshættu. Ég hef ekkert nema gott
að segja um þjónustu strætisvagn-
anna yfirleitt og finnst samgöng-
ur innan borgarinnar í mjög
þokkalegu lagi, en þetta finnst
mér alvarleg brotalöm á kerfinu:
að hafa ekki aukavagn, þegar
svona augljós og stöðug þörf er
fyrir hann á ákveðnu tímabili á
degi hverjum. Staðreyndin er sem
sé sú, að ég er hrædd, finnst ég
óörugg. Og breytist þetta ekki, er
ekki um annað að ræða fyrir mig,
því miður, en kaupa mér bíl á nýj-
an leik, þótt ég helst af öllu vildi
vera laus við það.
Fyrirspurn til
ferðaskrifstofa
4192-7828 hringdi og hafði eftir-
farandi að segja: Mig langar til að
koma á framfæri þeirri fyrirspurn
til ferðaskrifstofanna, hvort ekki
sé í bígerð jólaferð til útlanda um
hátíðirnar, og þá á ég við hópferð
fyrir sérstakan aldursflokk, nefni-
lega 60 ára og eldri. Ég veit að
aldursflokkur þessi er töluvert
einmana um hátíðirnar, af ýmsum
orsökum, og er ég að láta mér
detta í hug, að svona hópferð gæti
gert fólki kleift að upplifa ýmis-
legt skemmtilegt og sjá margt sem
það hefur ekki áður séð. Þetta fólk
gæti sem sagt haft það huggulegt
og yrði ekki skilið útundan, eins og
svo oft vill verða um fólk í þessum
aldurshópi, sérstaklega um jól og
áramót. Með vinsemd vona ég, að
einhver ferðaskrifstofanna svari
fyrirspurn minni, þar sem tími er
til kominn að fara að huga að
slíkri ferð, ef hún ætti að komast í
framkvæmd. Einnig væri óskandi,
að einhver úr þessum aldurshópi
léti heyra til sín, hvað honum
fyndist um svona hópferð.
GÆTUM TUNGUNNAR
Sagt var: Hann Iáskraði duglega á karlinum.
Rétt væri: Hann túskradi karlinum duglega.
Eða: Hann lumbraði duglega á karlinum.
ARMAPLAST
Brennanlegt og tregbrennanlegt.
Sama verð.
Steinull — glerull — hólkar.
'Armúla 16 sími 38640
Þ. ÞORGRÍMSSON & CO
CORDin
Framhjóladrif - supershift (sparnaöargír) -
útispeglar beggja megln - Ouarts klukka - Lltaö
gler í rúöum - Rúllubeltl - upphltuö afturrúða -
Þurrka og vatnssprauta á afturrúöu - o.m.fl.
Verö frá kr. 269.000
(Gwigi 5.8 •83)
HlHEKIA hf
■ 9 ■ Laugavegi 170-172 S(mi 21240
Eigum til allar tegundir af hinum þekktu
Fiskarsskærum
Stór sníðaskæri, heimilisskæri, hægri og
vinstri handa, eldhússkæri, takkaskæri og
saumaskæri. Eldhúshnífar í miklu úrvali.
Einnig v-þýzk barnaskæri fyrir föndur og í
skólann. Naglasækri og hárskæri.
Verslunin
Laugavegi 29.
Símar: 24320, 24321
og 24322.
MctsÖlublcu) ú hvcrjum degi!