Morgunblaðið - 18.10.1983, Blaðsíða 18

18
MORGUNBLAÐIÐ, ÞRIÐJUDAGUR 18. OKTÓBER 1983
Enn
hryðju-
verk í
Punjab
Njju Delfaí, 17. október. AP.
HRYÐJUVERKAMENN skutu lög-
regluþjón til bana í strætisvagni í
Punjab-béraði í Indlandi í gær, en
þar var róstusamt um helgina svo
sem verið hefur að undanförnu.
Annan lögreglumann særðu byssu-
mennirnir alvarlega áður en þeir
komust undan.
Hryðjuverkamenn að því að tal-
ið er úr röðum shika særðu þrjá
menn alvarlega i Punjab um helg-
ina, tvo með handsprengju og einn
með skothríð. Neyðarástand hefur
verið i Punjab um hrið og er her-
og lögreglumönnum gert að skjóta
lögbrjóta tafarlaust og formála-
laust.
Víðar var ófriður í Indlandi en í
Punjab. í bænum Karmala, 375
km suðaustur af Bombay, féllu
fjórir er lögreglan hóf skothríð á
mannfjöldann. Þar áttust við
hindúar og múhameðstrúarmenn
og voru vopnin hnefar og grjót.
Lögreglan kom á vettvang og
reyndi í fyrstu að dreifa mann-
fjöldanum með táragasi og
skothríð yfir höfuð fólksins. Er
það tókst ekki skaut lögreglan á
mannfjöldann með þeim afleiðing-
um að fjórir létu lífið.
Broddarnir óboðlegu
Pönkarinn Peter Mortiboy, sem missti starf sitt hjá Rolls Royceverk-
smiðjunum vegna hárgreiðslunnar, eins og sagt var frá í frétt í Mbl. f
síðustu viku. Forstöðumenn verksmiðjanna töldu samstarfsmönnum
Mortiboy stafa hættu af hárgreiðslunni. Broddana herti pilturinn með
sérstaklega sterku lími.
Fjögur börn
yfirgefin í
Grikklandi
Dönsk móðir þeirra gaf sig fram eftir 7 vikur
Kftupmannaböfn, 17. október. AP.
TALSMAÐUR danska utanríkisráðuneytisins sagði f gær, að fundist hefði
móðir fjögurra danskra barna sem yfirgefin voru í Grikklandi fyrir 7 vikum.
„Móðirin hefur fengið flugmiða hjá okkur og fer til Grikklands á miðviku-
daginn, en í millitíðinni mun hún koma málum sínum í Danmörku í lag,“
sagði talsmaðurinn.
Börnin fjögur, 5—12 ára, voru
gerð að umtalsefni í grískum og
dönskum blöðum og móðirin, Elsie
Marie Hansen, hafði samband við
ráðuneytið eftir að hafa lesið
fréttirnar. Gaf hún þá skýringu að
hún hefði orðið að fara til Dan-
merkur til þess að fá peninga úr
dönskum banka, úr bók á nafni
sambýlismanns sfns og fósturföð-
ur barnanna. Varð hann eftir á
búgarði þeirra í Grikklandi. Þegar
til kom, reyndist frú Hansen ekki
nægilegt að hafa beiðni sambýl-
ismanns síns f fórum sínum og
þurfti hann því að fara sjálfur til
Danmerkur.
„Það má þakka danska skrif-
ræðinu fyrir hversu langan tíma
umstangið tók,“ sagði hin 34 ára
gamla frú Hansen. Sambýlismað-
ur hennar skildi börnin eftir í um-
sjá nágranna síns og hélt til Dan-
merkur. Skildi hann eftir 500 doll-
ara hjá nágrannanum fyrir mat
handa börnunum og leyfði auk
þess að matföng yrðu skrifuð á
reikning búgarðsins ef aurarnir
hrykkju ekki til. Sagði frú Hansen
ekki hafa á því eina einustu skýr-
ingu hvernig á því stóð að börnin
hefðu verið afhent kirkjuskóla
þorpsins, hún hefði hringt til
þeirra nokkrum sinnum og ekki
heyrt betur en að þau hefðu það
gott. Það kom heldur ekki fram í
blaðafregnum eða hjá ráðuneytinu
hvernig á flækingnum stóð.
START-viðræöurnar í Genf:
Kohl hvetur Rússa til að slaka
á svo miðla megi málum
Bonn, 17. oklóber. AP.
HELMUT Kohl kanzlari V-Þýzka-
lands hvatti Sovétmenn í dag til að
gefa eitthvað eftir af kröfum sínum
í viöræðum um fækkun kjarnorku-
vopna í Genf til að málamiðlun
milli stórveldanna geti orðið að
raunveruleika.
Kohl sagði að eftir fund utan-
ríkisráðherranna Andrei Grom-
yko og Hans Dietrich Genscher
McFarlane
öryggisráð-
gjafi Reagans
Waxhington, 17. október. AP.
RONALD Reagan Bandaríkjaforseti
hefur látið undan miklum þrýstingi
íhaldssamari stuðningsmanna og
ákveðið að gera Robert McFarlane
sérlegan sendimann sinn í Miðaust-
urlöndum að öryggisráðgjafa sínum,
samkvæmt upplýsingum embætt-
ismanna í Hvíta húsinu.
McFarlane tekur við starfi ör-
yggisráðgjafa forsetans af Willi-
am P. Clark, sem Reagan gerði að
innanríkisráðherra sínum í fram-
haldi af afsögn James G. Watt.
um helgina ætti Rússum að vera
ljós staðfesta og samheldni Vest-
urveldanna i eldflaugamálinu,
sem snýst um rússneskar kjarn-
orkuflaugar sem beint er á
skotmörk vestan járntjalds og
fyrirhugaða uppsetningu NATO-
-ríkja á nýjum meðaldrægum
flaugum í Evrópu.
Sagði Kohl að nú stæði það
Rússum næst að gefa eitthvað
eftir til að Bandaríkjamenn og
Rússar gætu náð saman í Genf.
Kvaðst Kohl hlynntur áfram-
haldandi samningaviðræðum
stórveldanna eftir uppsetningu
flauganna. Rússar hafa enn ekki
gert upp hug sinn í þeim efnum,
að sögn Genschers, hvort þeir
hætti þátttöku í viðræðunum ef
af uppsetningu verður, sem er á
dagskrá í desember.
Genscher og Gromyko voru um
það sammála að viðræður þeirra
í Vínarborg um helgina hafi ekki
breytt stöðu eldflaugamálsins.
Genscher sagði að ef Rússar
hefðu raunverulegan áhuga á að
semja um fækkun kjarnorku-
vopna ættu þeir að halda viðræð-
unum áfram þótt af uppsetningu
NATO-flauganna yrði. „Staðan í
viðræðunum er hin nákvæmlega
sama og fyrir fjórum árum, ekk-
ert hefur breyzt," sagði Gensch-
Marcos:
„Ætla ekki
að deyja á
næstunni“
Manila, 17. október. AP.
FERDINAND Marcos, forseti Fil-
ippseyja sagði í sjónvarpsræðu í gær,
að hann væri tilbúinn að deyja fyrir
málstað stjórnarinnar. En bætti við:
„Hitt er svo annað mál að ég er
ekkert á þeim buxunum að deyja.“
Ræðuna flutti Marcos á fundi með
flokki sínum og vöktu ummælin
hlátrasköll og önnur fagnaðarlæti.
Fundurinn var settur til að
fjalla um stofnun hinnar nýju
rannsóknarnefndar vegna morðs-
ins á Benigno Aquino á dögunum
og einnig til að fjalla um breyt-
ingar á kosningalöggjöf landsins.
Bendir margt til þess að þeim
reglugerðum verði talsvert breytt
fyrir kosningar þær sem eru á döf-
inni á næsta ári og þá breytt í þá
átt að gera kosningarnar frjálsar.
Var meðal annars um það rætt á
fundinum í gær, að efna til venju-
legra sveitarstjórnakosninga í
stað þess að kjósa fulltrúa fyrir
ákveðin héruð. Stjórnarandstöðu-
flokkarnir hafa haldið fram að
það form bjóði stjórninni upp á
mun meiri og ósanngjarna mögu-
leika.
Ræða Marcosar vakti athygli.
Hann sakaði ofstækismenn um
hvernig komið væri fyrir efnahag
landsins og pólitísku jafnvægi.
Sagði Marcos að þó stjórnvöld
lyftu ekki litla fingri, myndi
„lýðnum" verða refsað og ef Guð
sjálfur gerði það ekki, myndi þjóð-
in sjálf sjá um það.
Tebbit tek-
ur við af
Parkinson
London, 17. október. AP.
Margrét Thatcher forsætisráð-
herra setti Norman Tebbit fyrrum
atvinnumálaráðherra í starf
iðnaðarráðherra, sem Cecil Parkin-
son gegndi þar til hann varð að segja
af sér í síðustu viku vegna uppljóstr-
ana um ástarsamband hans við fyrr-
um einkaritara sinn.
Við starfi Tebbits í atvinnu-
málaráðuneytinu tók Tom King
samgönguráðherra, og við starfi
hans tók Nicholas Ridley, sem áð-
ur var aðstoðarráðherra í fjár-
málaráðuneytinu.
Sérfræðingar segja að eftir
breytingar þessar á bresku stjórn-
inni séu menn til hægri í íhalds-
flokknum.
Auk þessa lýsti Parkinson því
yfir á sunnudag að hann ætlaði
ekki að segja af sér þingmennsku,
þótt hann segði af sér ráðherra-
dómi.
Ætluðu Argentínumenn
að myrða Andrew prins?
LuDdúnum, 17. október. AP.
BRESKA BLAÐIÐ Sunday Times greindi frá því um helgina, að Arg-
entínumenn hefðu ætlað að ráða Andrew Bretaprins af dögum, er hann
var í nokkurra daga sumarleyfi f sumarleyfisparadísinni Mustique, eftir
stríð Argentínu og Bretlands um Falklandseyjar, sem lauk með ósigri
þeirra fyrrnefndu. Andrew tók virkan þátt í ófriðnum, var þyrlu-
flugmaður.
Breska blaðið hefur fregnina
eftir ónafngreindum heimildar-
mönnum í Lundúnum og Buenos
Aires, höfuðborg Argentínu.
Talsmenn bresku krúnunnar og
stjórnvalda vildu ekki staðfesta
fréttina er hún var undir þá bor-
in. Blaðið sagði ennfremur, að
hætt hefði verið við ódæðið á síð-
ustu stundu, líklega vegna þess
að valdahlutföll breyttust í her-
foringjastjórn Argentínu eftir
stríðið.
I frétt blaðsins kom einnig
fram, að morðtilraunin á And-
rew hefði aðeins verið ein af
mörgum skæruaðgerðum sem á
döfinni voru; önnur var för arg-
entínskrar víkingasveitar til
Gíbraltar þar sem til stóð að
sprengja í loft upp eldsneytis-
birgðir Breta og sökkva herskip-
um þeirra. Frá því greindi
Sunday Times fyrir rúmri viku
og staðfestu bresk stjórnvöld að
satt hafi verið.
Þá staðfestu einnig spænsk
stjórnvöld að þau hafi haft
hendur í hári argentínsku her-
mannanna og vísað þeim úr
landi áður en þeir gátu látið illt
af sér kveða. Ætluðu argentínsk-
ar víkingasveitir, að sögn ST,
einnig að fremja spellvirki á
herstöðvum Breta í Portsmouth
og á Ascensioneyju, sem er 6000
kílómetra frá Falklandseyjum
og var hernaðarlega mikilvæg
fyrir Breta í átökunum.