Morgunblaðið - 28.10.1983, Síða 2

2
MORGUNBLAÐIÐ, FÖSTUDAGUR 28. OKTÓBER 1983
Bíóstjórarnir ungu, Kjartan Árni og Baidur.
Morjfunbladið/RAX.
Yngstu bíóstjór-
ar borgarinnar
„VIÐ ERUM að fara að stofna bíó í
Grjótaþorpinu,“ sögðu tveir ákveðnir
snáðar er þeir birtust í dyrum frétta-
stjóra Mbl. í gær.
I>ið ætlið kannski að hefja á ný
rekstur Fjalakattarins, spurði blm.
strákana, en þeir heita Kjartan Árni
l'órarinsson, (6 ára), og Baldur
Helgason (7 ára).
Baldur: „Nei, nei, við ætlum að
hafa bíósýningar um helgar í
Mjóstræti 6, heima hjá Kjartani.
Hann á svo stórt herbergi að það
geta komist að minnsta kosti 15 á
hverja sýningu. Við eigum bara
eftir að taka þar aðeins til.“
Kjartan: „Þetta eru úrvalsmynd-
ir hjá okkur og ekkert kusk á þeim
því við pössum svo vel uppá þær.“
Og hvað heitir bíóið?
Baldur: „Það heitir RÓ, og á að
vera bæði fyrir börn og fullorðna.
Ég keypti mér sýningarvél fyrir
stuttu og þrjár dálítið stuttar
bíómyndir. Ein er um geimfara,
ein um bangsa og ein um tvö
lömb.“
Kjartan: „Sýningarnar eru
klukkan sjö á kvöldin á laugardög-
um og sunnudögum, þær verða að
vera á kvöldin þegar það er orðið
dimmt því þannig sjást þær best.
En svo erum við að æfa indíána-
leikrit til að sýna á sunnudögum,
og ætlum að vera búnir að koma
indíánatjaldinu mínu í lag fyrir
þann tíma.“
Baldur: „Við erum að láta prenta
bíómiða og allt. Við seljum þá á
tíkall. Hvað við ætlum að gera við
peningana? Ætli við skiptum þeim
bara ekki á milli og borgum með
okkur heim, fyrir mat og svona.“
Steftit að samruna
í bankakerfinu
— sagði Þorsteinn Pálsson á Alþingi
Engin skilyrði til að for
dæma einn þátt þessar-
ar flóknu atburðarásar
— sagði Geir Hallgrímsson utanríkisráðherra
við utandagskrárumræður um Grenadamálið
ÞORSTEINN Pálsson, alþingis-
maður, sagði í jómfrúrræðu sinni
á Alþingi í fyrradag, að nefnd sú,
sem vinnur að endurskoðun á lög-
um og skipulagi bankanna í land-
inu mundi ekki skiljast við það
verk, fyrr en búið væri að finna
farveg fyrir samruna í bankakerf-
inu.
Þingmaðurinn er formaður
hinnar stjórnskipuðu nefndar,
sem vinnur að endurskoðun á
bankakerfinu.
GEIR Hallgrímsson, utanríkisráð-
hcrra, sagði við umræður utan
dagskrár á Alþingi í gær að atburð
irnir í Grendada vektu vissulega
áhyggjur. Yrði fylgst vel með fram-
vindu mála þar á næstunni og hversu
fljótt Bandaríkjamcnn dragi lið sitt
til baka þannig að Grenadamenn geti
ráðið sínum málum sjálfir. Sagði Geir
að kröfu um það yrði að fylgja fast
eftir.
Hjörleifur Guttormsson hóf um-
ræðuna um Grenadamálið utan
dagskrár. Ræddi hann um innrás-
ina og aðdraganda hennar og
beindi spurningum til utanríkis-
ráðherra um afstöðu íslensku ríkis-
stjórnarinnar til málsins. Lýsti
hann þeirri skoðun sinni að enginn
vafi mætti leika á um afstöðu ríkis-
stjórnarinnar. Hún ætti að for-
dæma þessa innrás og krefjast þess
að herlið Bandaríkjamanna hverfi
þaðan á brott.
Geir Hallgrímsson sagði í ræðu
sinni að það væri út af fyrir sig
skiljanlegt að Bandarikjamenn
vildu vernda bandaríska borgara
sem voru í Grenada. Og þeir hefðu
einnig gefið þá skýringu að innrás-
in væri gerð til að koma þar á lög-
um og reglu í stað ógnarstjórnar,
þannig að þar kæmist aftur á lýð-
ræði. Sagði hann að athygli vekti
að 600 Kúbumenn og 60 Sovétmenn
hefðu verið í Grenada, Kúbumenn-
irnir sagðir verkamenn við bygg-
ingu flugvallar á eyjunni. Síðan
kæmi það í ljós að þessir menn,
sem sagðir hefðu verið verkamenn,
hefðu verið vopnaðir. Sagði utan-
ríkisráðherra að spurningar vökn-
uðu um það hvort innrás hefði þeg-
ar verið gerð í Grenada og hvort
Kúbumenn hefðu staðið fyrir þeim
ógnaratburðum, sem þar hefðu
gerst að undanförnu, svo sem fang-
elsunum og morðum margra íbúa
eyjanna, meðal þeirra væru for-
sætisráðherra, þrír ráðherrar og
tveir verkalýðsleiðtogar.
Um þá kröfu stjórnarandstöð-
unnar að innrásin verði fordæmd
af ríkisstjórninni sagði Geir að
hann teldi engin skilyrði til að taka
einn þátt þeirra flóknu atburða-
rásar sem þarna hefði átt sér stað
út úr og fordæma sérstaklega.
Sagðist hann harma landgöngu
þeirra ríkja sem þarna ættu hlut
að máli en hann harmaði einnig
þau morð sem þarna hefðu verið
framin og þau örlög sem þessari
þjóð hefði verið búin með ógnar-
stjórn.
Kjartan Jóhannsson sagði að Al-
þýðuflokkurinn fordæmdi þessa
innrás og óskaði að ríkisstjórnin
gerði hið sama og mótmælti henni
MAGNÚS Þorgeirsson, fyrrver-
andi forstjóri Pfaff í Reykjavík, er
látinn 81 árs að aldri. Hann fædd-
ist í Keflavík 23. janúar 1902, son-
ur Þorgeirs Pálssonar útgerðar-
manns og konu hans Kristínar
Eiríksdóttur.
Á yngri árum var Magnús í
frumherjahópi íslenskra íþrótta-
manna, og var í meistaraflokki
íþróttafélags Reykjavíkur, sem á
árunum 1923—1927 sýndi fimleika
bæði hér á landi og erlendis. Árið
1927 varð hann fyrsti íslands-
meistarinn í fimleikum. Hann var
sæmdur gullmerki Fimleikasam-'
bands íslands árið 1977, og kjör-
inn heiðursfélagi ÍR sama ár.
Magnús stofnaði fyrirtæki sitt,
Verzlunina Pfaff, árið 1929, sem
frá upphafi sérhæfði sig í inn-
harðlega án tafar. Allir þeir þing-
menn stjórnarandstöðunnar, sem
tóku til máls, tóku í sama streng en
þeir voru auk Hjörleifs og Kjart-
ans: Guðmundur Einarsson, Sigríð-
ur Dúna Kristmundsdóttir, Stein-
grímur Sigfússon, Eiður Guðnason,
Svavar Gestsson og Guðrún Agn-
arsdóttir. Guðmundur Bjarnason
og Ólafur Þ. Þórðarson, Framsókn-
arflokki, tóku undi ummæli
Steingríms Hermannssonar, for-
sætisráðherra, í Þjóðviljanum í
gær og hörmuðu persónulega þessa
árás. Eyjólfur Konráð Jónsson,
Sjálfstæðisflokki, tók einnig til
máls. Sagði hann að ömurlegt væri
til þess að vita að Bandaríkjamenn
hefðu verið kallaðir til að skakka
leikinn. Væri þessi atburður
hörmulegur en fyrri atburðir þarna
enn hörmulegri.
flutningi hvers kyns sauma- og
prjónavéla til heimilis- og iðnað-
arnota. Síðar var starfssvið fyrir-
tækisins verulega aukið, og brydd-
aði Magnús upp á ýmsum nýjung-
um í verzlunarrekstri.
Hann var um langt árabil mikill
áhugamaður um stangaveiði og
Magnús Þorgeirsson
sat á fjórða áratug í stjórn Veiði-
félags Norðurár.
Árið 1930 kvæntist hann eftir-
lifandi eiginkonu sinni, Ingibjörgu
Kaldal. Synir þeirra eru Leifur
Magnússon framkv.stjóri flug-
rekstrarsviðs Flugleiða og Krist-
mann Magnússon, forstjóri Pfaff.
Ýmir seldi
í Cuxhaven
FISKISKIPIÐ Ýmir seldi afla
sinn í Cuxhaven í gær. Var hann
með 107,6 tonn og fékk hann
2.829.000 krónur fyrir aflann.
Meðalverð er því 26,29 krónur
fyrir kílóið.
Leiðrétting
í frétt um lát Málfríðar Ein-
arsdóttur, rithöfundar, í Mbl. í
gær misritaðist föðurnafn föður
Málfríðar. Hann hét Einar
Hjálmsson en ekki Einar Bjarna-
son. Mbl. biðst velvirðingar á þess-
um mistökum.
Sjá þingræðu Þorsteins á bls. 10
Guðmundur J. sakar Ragnar Arnalds um ódrengskap og óheiðarleg vinnubrögð:
Skilst að Ragnar hafi ekki
komið til New York áður
— þó hann hafi verið þar á ári hverju undanfarin ár
„MÍN sárindi eru ekki út af þessari
ferð til New York. Það er þykkju-
laust af minni hálfu. Hins vegar er
þykkja í mér vegna þessara vinnu-
bragða, en ég tel ákaflega ódrengi-
lega að þessu staðið. Ég hef ekki
sóst eftir neinum frama í þessum
flokki, það eina sem ég fer fram á
eru þokkalega heiðarleg vinnu-
brögð,“ sagði Guðmundur J. Guð-
mundsson þingmaður er blm. Mbl.
ræddi við hann í anddyri Alþingis-
hússins í gær.
Það var augljós þykkja í fasi
Guðmundar er hann yfirgaf þing-
sal Sameinaðs Alþingis í gær um
leið og Ragnar Arnalds þing-
flokksformaður Alþýðubandalags-
ins gekk til ræðustóls. Hafði Guð-
mundur þá setið og hlustað á ræðu
fjármálaráðherra, en um leið og
forseti kynnti næsta ræðumann,
Ragnar Arnalds, stóð Guðmundur
snarlega upp úr stól sínum og var
brúnaþungur er hann gekk til
kaffistofu þingsins. Blaðamaður
ræddi við hann skömmu síðar og
spurði ástæðu þessa, en eins og
Mbl. hefur skýrt frá var Guðmund-
ur felldur í kjöri á fulltrúa þing-
flokksins til allsherjarþings Sam-
einuðu þjóðanna í New York. Guð-
mundur hlaut aðeins þrjú atkvæði
gegn sjö atkvæðum sem Ragnar
Arnalds fékk, og fer Ragnar því
utan upp úr miðjum nóvember-
mánuði.
Guðmundur sagði: „Það var rætt
um þessa ferð strax í vor. Löngu
seinna kom inn í myndina hver
færi með mér, en þá kom upp að
Ragnar Arnalds hefði hug á ferð-
inni. Síðan kom upp að fulltrúum
yrði fækkað og það færi aðeins
einn frá hverjum flokki. Ég var þá
búinn að lýsa yfir, að ég drægi
mjög í efa að ég kæmist vegna
samningaviðræðna og alls konar
óróleika á vinnumarkaðinum og að
ég yrði þá að vera varamaður.
I þessu var það að formaður
þingflokksins, Ragnar Arnalds,
ætlaði að ræða við mig um málið.
Ég var reiðubúinn til þess. Hann
ræddi hins vegar aldrei við mig.
Þrátt fyrir ósk formanns flokksins
um að við ræddum saman var því
hafnað og síðan er skyndilega
keyrð í gegn atkvæðagreiðsla. Eg
hélt nú svona að kunningjar og
flokksbræður ættu að gera út um
sín mál sín á milli bróðurlega. Og
ef þetta var svona mikið hjartans
mál fyrir Ragnar Arnalds, sem
sjálfsagt hefur bara lesið um utan-
ferðir á kostnað ríkissjóðs, en hef-
ur enga reynslu af þeim sjálfur, þá
má hann fara til New York fyrir
mér.“
„Málið er,“ sagði Guðmundur
ennfremur, „að ég vil aðeins að
menn komi heiðarlega og drengi-
lega fram, að þeir boði ekki við-
ræður, láti síðan ekki verða af
þeim, og heimti svo atkvæða-
greiðslur. Ég óska svo Ragnari
góðrar ferðar til New York og vona
að hann kynnist því hvernig það er
að fara til New York og vera þar.
Mér skilst að hann hafi ekki komið
þangað áður, þó hann hafi verið
þar undanfarin ár á ári hverju."
Guðmundur tók fram 1 lokin, að
þrátt fyrir þetta og einnig þá stað-
reynd að hann hefði náð lands-
fundarkjöri á hlutkesti, sem hann
sagði reyndar splunkunýja reynslu
fyrir sig í flokknum, þá hefði hann
engar fyrirætlanir um að ganga úr
flokknum. „Ég tel ákaflega
ódrengilega að þessu fulltrúavali
staðið. Ragnar hefði vel geiað sam-
ið við mig um að hann færi,“ sagði
hann að lokurn.
Magnús Þorgeirs-
son forstjóri látinn