Morgunblaðið - 29.06.1984, Blaðsíða 3

MORGUNBLAÐIÐ, FÖSTUDAGUR 29. JÚNÍ1984
3
Ófeigur frá SkorrasUd, sem er efstur í B-flokki gæðinga eftir forkeppnina.
Knapi er Einar Asmundsson. Horgunblaðið/ Valdimar Kríatínsaon.
Fjórðungsmót austfirskra hestamanna:
Aðstaða og veður eins
og best verður á kosið
Fornuatekkum í HornmTirði, 28. júní. Frá Valdimar Kristinasrni, blaðamanni Morrunblaðsins.
FJÓRÐUNGSMÓT austfirskra hestamanna hófst í morgun með dóm-
um á kynbótahryssum. Dómar B-flokks hesta hófust eftir hádegið.
Óskipta athygli hefur vakið glæsilegt mótssvæði hestamannafélagsins
Hornfirðings að Fornustekkum þar sem mótið er haldið. Er það skoðun
margra að aðstaðan hér gefi bestu mótssvæðum í öðrum landshlutum
lítið eftir.
Vitað er að nokkur fjöldi
manna kemur ríðandi á mótið,
aðallega frá Austfjörðum og af
Héraði. í samtali við Guðmund
Jónsson mótsstjóra kom fram
að 200 hross voru á leiðinni að
austan og um 50 til 70 manns.
Einnig sagði hann að von væri á
hópum að vestan, um 20 manns
með 150 hesta. Þegar Guðmund-
ur var spurður hve mörgum
áhorfendum þeir byggjust við á
mótið kvað hann erfitt að spá
um það. „Það fer mikið eftir
veðri en ef það verður eins gott
og það er í dag getum við verið
bjartsýnir. En það má geta þess
að eins og er er útlit fyrir
óbreytt veður. Ég vil líka taka
það fram að það er skoðun min
að við sköðumst fjárhagslega á
því þegar haldin eru tvö fjórð-
ungsmót sama árið og ekki hvað
síst þegar svona stuttur tími er
á milli þeirra, aðeins þrir dag-
ar,“ sagði Guðmundur. Að síð-
ustu sagði Guðmundur að þeir
þyrftu að fá um 1.000 manns til
að ná upp í útlagðan kostnað.
Um þrjúleytið lauk forkeppni
B-flokks hesta og mæta 8 efstu í
úrslit á sunnudag, þeir eru:
Ófeigur frá Skorrastað sem
hlaut 8,31 í einkunn, Sprækur
frá Egilsstöðum sem hlaut 8,10,
Hvpllur frá Egilsstöðum með
8,05, Randver frá Egilsstöðum
með 8,04, Ellý frá Haga með
8,03, Reykur frá Höfn með 8,00,
Natan frá Ketilsstöðum með
7,91 og Víkingur frá Víkingsst-
öðum með 7,90.
Keppni í eldri flokki unglinga
lauk seinnipartinn í dag og urðu
úrsiit þau að Steinunn Jóns-
dóttir, sem keppti á Natan frá
Ketilsstöðum, sigraði með 8,04 í
einkunn. í öðru sæti varð Eirík-
ur Bjarnason á Skúm frá
Fljótsbakka með 7,96 og þriðja
varð Ragnheiður Samúelsdóttir
á Styrmi frá Vík með 7,74 í ein-
kunn.
Eins og fram hefur komið er
veðursæld mikil þessa stundina
og allt útlit fyrir að svo verði
áfram, þannig að ætla má að
fólk eigi hér góða daga. Á morg-
un, föstudag, hefst dagskrá
klukkan 10 með dómum á stóð-
hestum. Klukkan 13 verður
mótið sett og að því loknu hefj-
ast dómar á A-flokks gæðing-
um. Klukkan 16 hefst svo ungl-
ingakeppni i yngri flokki og
undanrásir kappreiða hefjast
klukkan 18. Um kvöldið likur
dagskrá með sölusýningu og
gefst mönnum þá kostur á að
kaupa sér hornfirsk gæðings-
efni.
Hjálmar Œafsson látinn
HJÁLMAR Ólafsson formaður Nor-
ræna félagsins á Islandi er látinn, 59
íra að aldri.
Hjálmar fæddist í Reykjavík
þann 25. ágúst 1924. Foreldrar hans
voru Ólafur Einarsson sjómaður og
síðar vörubílstjóri þar og kona hans
Dóróthea Árnadóttir. Hjálmar tók
stúdentspróf frá Menntaskólanum í
Reykjavík árið 1943. Hann lauk
heimspekiprófi og prófi í efnafræði
við Háskóla íslands árið 1944 og
BA-prófi í ensku, dönsku og uppeld-
isfræði þar árið 1950. Sfðar tók
hann kennaranámskeið i Askov og
stundaði nám við Kennaraháskóla
Danmerkur. Auk þess fór hann á
ýmis námskeið og stundaði endur-
menntun hérlendis og erlendis.
Hjálmar varð kennari við Gagn-
fræðaskóla Austurbæjar 1944 og
kenndi þar til ársins 1960. Hann var
lektor við borgarháskólann i Amst-
erdam 1962 og bæjarstjóri í Kópa-
vogi árin 1962 til 1970. Hann var
kennari viö Menntaskólann við
Hamrahliö frá hausti 1970, kon-
rektor 1972 til 1979. Hann var jafn-
framt stundakennari við Kennara-
skóla íslands 1962—66. Hjálmar
tók virkan þátt í félagsmálum. Átti
hann sæti i stjórnum ýmissa félaga
og starfaði i nefndum, meðal ann-
ars á vegum Kópavogskaupstaðar.
Hann var formaður Norræna fé-
Hjálmar Ólafsson
lagsins i Kópavogi frá stofnun árið
1%2 til 1968 og aftur frá 1972.
Hann átti sæti i framkvæmdaráði
Norrænu félaganna frá 1970 og var
formaður Norræna félagsins á ís-
landi frá 1975.
Hjálmar Ólafsson var tvíkvænt-
ur. Fyrri kona hans var Kristfn
Ingibjörg Eyjólfsdóttir kennari en
eftirlifandi eiginkona hans er
Nanna Björnsdóttir meinatæknir
frá Sveinatungu í Norðurárdal.
SUNNANIO \
Nýr safi, nýtt bragð, '
nýiíppufun. '
SUNNANIO
Hreínn safíúr
tíu suðrænun ávöxtum
^ Smakkaðu hann! /

Mjólkursamsalan
AUK hf. Aualvsinaastofa Kristínar 3.127