Morgunblaðið - 21.08.1984, Page 33

41
MORGUNBLAÐIÐ, ÞRIÐJUDAGUR 21. ÁGÚST 1984
Varðandi framangreind atriði
læt ég fljóta með eftirfarandi at-
hugasemdir:
1) Hvorki sérfræðingar Veiði-
málastofnunar (3 talsins) né hinn
skoski kollega þeirra virðast vilja
skilja þá staðreynd — sem byggist
á aflaskýrslum og hlutfallslegri
stærð íslenska laxastofnsins á
Atlantshafi — að Færeyingar
hirða allmargar þúsundir ís-
lenskra laxa árlega, en eins og að
framan greinir er ekki unnt að
ákvarða þetta magn nákvæmar.
Lax hefur veiðst um allt Noregs-
haf, frá Færeyjum og norður fyrir
Jan Mayen, og merkingar hafa
sýnt (að vísu fyrir 1976!), að ís-
lenskur lax gengur á þessar slóðir.
Enda eðlilegt, sérstaklega að þvf
er varðar lax frá A- og NA-landi.
En fyrrnefnd 3 merki sýna, að lax
frá SV- og S-landi gengur einnig á
þetta hafsvæði. Það er því út í hött
að vera ennþá að puða við að
„sanna" að íslenskur lax gangi á
Noregshaf!
2) En hér ræðir ekki aðeins um
þá torskildu glámskyggni ís-
lenskra laxasérfræðinga sem um
getur í málsgreininni hér á undan.
An þess að skýra það nánar, virð-
ast þeir ekki taka mark á niður-
stöðum sem fengust fyrir 1976! Því
nú er rembst við að örmerkja í
þeim tilgangi að kanna, hvort ís-
lenskur lax kunni að ganga á sömu
slóðir eftir 1975. Og til þessara
dellu-rannsókna hafa íslensk
stjórnvöld snapað fjárstyrk úr
sjóði Norðurlandaráðs, sem ku
vera kenndur við menningu. Sem
að framan getur, hefur enn ekki
tekist að „sanna“ með örmerking-
um, að íslenskur lax hafi gengið á
Noregshaf eftir 1975. Árni ísksson,
örmerkjasérfræðingur Veiðimála-
stofnunarinnar, upplýsir í nýlegri
skýrslu um árangursleysi þessara
merkinga, að áfram verði haldið
að örmerkja af alefli, svo fremi
sem fé fáist til þessara „rann-
sókna". Raunar telur hann árang-
ursleysið fram til þessa „ánægju-
legt“, með því það styður þá
„kenningu" umræddra sérfræð-
inga, að Færeyingar hirði ekki ís-
lenskan lax á úthafi svo að telj-
andi sé.
V. Stjórnvöld í vanda
En á opinberum skrifstofum
sitja ráðherrar og embættismenn,
að því er virðist reikulir í rásinni.
Alþingi tslendinga ályktaði nefni-
lega með öllum greiddum atkvæð-
um í mars 1983 að fela ríkisstjórn-
inni að gera þá þegar ráðstafanir
til að stöðva laxveiðar Færeyinga
og Grænlendinga á úthafinu. En
þrír íslenskir laxasérfræðingar og
einn skoskur telja, að ekki sé
nægilega sannað að íslenskur lax
gangi á Færeyjaslóðir, og að nauð-
syn beri til að kanna þetta mál
nánar með laxamerkingum. Fall-
ist ríkisstjórnin á slík sjónarmið,
á hún óhægt um vik. Spurningin
vaknar, hvort heldur eigi að taka
mark á Alþingi eða umræddum
sérfræðingum. Og ráðherrarnir og
embættismennirnir tvínóna. Að
óbreyttu ástandi munu því ís-
lenskar laxár pliktugar — svo
lengi sem þær megna — að fram-
leiða lax, sem síðan er að verulegu
leyti hirtur af Færeyingum og
Grænlendingum.
En vera má, að þróunin á Nor-
egshafi verði ámóta og hún virðist
þegar orðin á veiðisvæði Græn-
lendinga. Seiðaframleiðsla laxáa í
Evrópu getur dregist saman að
slíku marki — auk þess sem til-
burðir til hafbeitar hérlendis sem
erlendis munu leggjast af — að
Færeyingar telji það ekki ómaks-
ins vert að eltast við fáa laxa á
úthafi um 8 mánaða skeið ár
hvert. Myndi þeim áfanga þá náð,
að laxastofn Atlantshafsins verði
að kalla upp urinn, enda þótt lax
yrði áfram framleiddur með eldi í
sjókvíum. Með slíkri þróun myndi
lax ekki lengur stikla sterklega ís-
lenska fossa, og áin í dalnum
myndi jafnframt deyja. Raunar
virðast laxár á A- og NA-landi nú
þegar heyja sitt dauðastríð.
Dr. Björn Jóhannesson staríaði um
árabil á vegum Sameinuðu þjóð-
anna.
ÞESSAR telpur sem heita Ragnhildur B. Hauksdóttir, Herdís Stef-
ánsdóttir og Jórunn Magnúsdóttir efndu til hlutaveltu að Hraun-
tungu 42 í Kópavogi, til ágóða fyrir Blindravinafél. íslands. Þar
söfnuðust tæplega 600 krónur.
ÞESSIR krakkar efndu til hlutaveltu til ágóða fyrir Vinafélag Skála-
túns og söfnuðu 750 krónum. Krakkarnir heita Laufey Alda Sig-
valdadóttir, Tinna Laufey Ásgeirsdóttir og Bjarni K. Torfason.
Hægt er að fá nær allar innréttingar í sama „Stíl“ eldhús - bað - skápa í anddyri og
svefnherbergi - skilveggi - hurðir og meira að segja stigahandrið. Hvað viltu meira?
Þessar innréttingar eru svo vandaðar og sérstæðar að margir eru ekki lengi að ákveða sig,
ef þeir á annað borð, eru að kaupa innréttingar. Þú verður að gera þér ferð í Borgartún 27 til að
sjá þessar glæsilegu innréttingar, sem hannaðar eru af
Birni Einarssyni, íslenskum innanhússarkitekt.
SÝNINGARSALUR OPINN UM HELGINA Laugardag kl. 10-5 og sunnudag kl. 2-5