Morgunblaðið - 18.12.1984, Page 2

2
MORGUNBLAÐIÐ, ÞRIÐJUDAGUR 18. DESEMBER 1984
Gnindarfjörður:
Sauðfé í sjálfheldu í
klettum í Mýrarhyrnu
ÓUfwrík. 17. deaember.
FIMM kindur, að minnsta kosti, eru í sjálfheldu í klettabeltum Mýrarhyrnu
við Grundarfjörð. Þetta er tvflembd ær og veturgömul kind og lamb að auki,
og talið er að sjötta kindin hafl nú bæst við. Óvíst er, hvort féð er í hreinu
svelti, en nær því öruggt að það fer ekki úr klettunum af sjálfsdáðum.
Gylfi Sigurðsson, bóndi í Tungu
í Fróðahreppi, er talinn eiga fjór-
ar kindanna. Hann sagði við
fréttaritara að hann hefði fyrst
frétt af þessu eftir aðrar göngur.
Þá hefðu aðstæður strax verið
orðnar erfiðar. Hann kvaöst hafa
Skákmótið í Grikklandi:
Guðlaug
með áfanga
að alþjóð-
legum titli
GUÐLAUG Þorsteinsdóttir náði
fyrsta áfanga að alþjóðlegum
meistaratitli í skák þegar hún
hafnaði í fjórða sæti á alþjóðlegu
skákmóti í Grikklandi. Guðlaug
hlaut 6 vinninga ef 9 möguleg-
um. í 8. umferð gerði Guðlaug
jafntefli við Petraki frá Grikk-
landi, en tapaði fyrir alþjóðlega
meistaranum De Armas frá
Kúbu í síðustu umferðinni.
„Ég er mjög ánægð með
frammistöðu mína í mótinu,
nema hvað ég gaf eftir í tveim-
ur síðustu umferðunum. Tapið
gegn De Armas var mjög
slysalegt, raunar sorglegt. Ég
var með gjörunnið tafl, gat
mátað hana í nokkrum leikjum
en missti gjörsamlega þráðinn.
Ég veit eiginlega ekki hvað
gerðist — líklega hefur þreyta
átt þátt í þessu, auk þess að ég
var mjög taugaspennt," sagði
Guðlaug í samtali við Mbl.
„Nú tekur við námið við Há-
skóla íslands en ég er á
fimmta ári í læknisfræði,"
sagði Guðlaug. Henni var boð-
ið að taka þátt i alþjóðlegu
móti í Aþenu í ágúst á næsta
ári. Rúmenski stórmeistarinn
Polihroniade sigraði á mótinu,
hlaut 7'A vinning. De Armas
og alþjóðlegi meistarinn
Dragsevit frá Júgóslavíu hlutu
6'A vinning og Guðlaug hlaut 6
vinninga.
rætt við Landhelgisgæsluna um að
skjóta fénu niður úr þyrlu, en
vegna mikils kostnaðar hefði hann
neyðst til að hverfa frá því ráði
um sinn að minnsta kosti. Hann
taldi ekki óhugsandi að síga niður
á vaði á mannbroddum að fénu, en
ekki treysta menn sér til að skjóta
féð frá jafnsléttu. Gylfi sagði að
það taki sig sárt að vita af fénu
þarna í bjargarleysi og sjá ekki
nein ráð til að leysa úr málinij,
Fréttaritari veit, að Gylfi mælir
heilt, því að hann er góður fjár-
hirðir og fer vel með allar skepn-
ur. Ég tek það upp hjá mér að
benda á, að ef einhver veit góð ráð,
þá er síminn hjá Gylfa 93-6453.
Mýrarhyrna er alþekkt hættu-
svæði fyrir fé. Fyrir nokkrum ár-
um var aðalhættusvæðið girt af,
en girðingunni hefur ekki verið
haldið við síðan og því er nú svo
komið sem raun ber vitni.
Helgi
'Æ - ,
*
Arekstur fjögurra bíla
Horgunblaiið/Július
Harður árekstur varð um klukkan 16.00 í gærdag í Síðumúla er Ford-bifreið lenti á þremur bílum. Lenti hún
fyrst á Skoda-bifreið sem kom á móti, snerist á götunni og lenti á Range Rover og síðan á mannlausum bfl.
Ökumaður Ford-bifreiðarinnar var fluttur á slysadeild, talsvert mikið meiddur, en talið er að hann hafl fengið
hjartaáfall, sem olli árekstrinum. Aðrir, sem fluttir voru á slysadeild eftir þessa árekstra voru lítið sem ekkert
meiddir.
Stefnir í þúsund millj-
ón kr. rekstrarhalla?
RÍKISSTJÓRNIN kom saman til aukafundar í hádeginu í gær vegna af-
greiðslu fjárlaga á Alþingi, en nýir útreikningar á þróun efnahagsmála á
komandi mánuðum hafa sett stórt strik í fjárlagadæmið. í stað 600—700
millj. kr. rekstrarhalla, eins og gert hefur verið ráð fyrir, hefur komið í Ijós,
að niðurstaðan, að óbreyttum forsendum, verður rúmlega milljarðs króna
rekstrarhalli m.a. vegna fyrirséðrar verðbólguþróunar á ýmsa stóra liði
B-hluta fjárlaganna. Fjárveitinganefnd frestaði afgreiðslu B-hlutans fyrir
aðra umræðu á Alþingi en þar eru ýmsir fjárfrekir opinbcrir sjóðir svo sem
húsnæðislánasjóðir, Lánasjóður ísl. námsmanna og sjóðir Tryggingastofnun-
ar ríkisins. Stefnt er að því að fjárveitinganefnd Alþingis afgreiði málið í
kvöld. svo unnt verði að taka fjárlögin til þriðju umræðu á flmmtudag.
B-hluti fjárlaganna varðar
ríkisfyrirtæki og sjóði í ríkiseign.
Auk fyrrgreindra sjóða falla undir
þennan hluta opinber fyrirtæki
eins og Ríkisútvarp og Póstur og
sími. Við hina nýju útreikninga i
hækkandi verðbólgu hefur m.a.
komið í ljós að koma þarf til auk-
inna fjárveitinga t.d. vegna
sjúkrakostnaðar, ef ekki á að auka
hlutdeild þiggjenda þeirrar þjón-
ustu. Þá er Mbl. kunnugt um, að í
félagsmálaráðuneytinu er beðið
með frágang og birtingu reglu-
gerða um húsnæðislán, skyldu-
sparnað o.fl. i samræmi við laga-
setningu frá í júlímánuði si.
Fundað var um málið í þing-
flokkum stjórnarliða í gær og
mættu á fundina fulltrúar frá
hagsýslustofnun, sem gerðu þing-
mönnum grein fyrir stöðu mála og
nýjum útreikningum í ljósi verð-
bólguþróunar á komandi mánuð-
um. Málið varð ekki útrætt í þing-
flokki Sjálfstæðisflokksins og
kemur hann saman á ný kl. 8 ár-
degis. Þingmenn framsóknar gáfu
ráðherrum heimild til að ganga
frá málum innan viss ramma. Rík-
isstjórnin kemur saman til reglu-
legs fundar kl. 10 árdegis og verð-
ur málið þar væntanlega afgreitt,
ef takast á að ganga frá fjárlögum
i prentun í kvöld fyrir þriðju um-
ræðu.
f umræðu innan þingflokkanna I
gær var m.a. rætt um möguleika á
að brúa fyrirséð bil með því að
fresta ýmsum framkvæmdum
opinberra fyrirtækja, svo sem hjá
Pósti og síma, ríkisútvarpi o.fl., en
mjög skiptar skoðanir eru um
hvar bera eigi niður. f umræðuna
blönduðust og ýmis önnur áhuga-
mál einstakra þingmanna við fjár-
lagaafgreiðsluna.
Jóhannes Nordal, seðlabankastjóri:
Verðbólgan lækkaði 1983
þrátt fyrir háa vexti það ár
Ríkisstjórnin hefur ekki fundið tíma til að ræða vaxtamálin frekar
SKÝRSLA Seðiabankans um vaxtamál, sem ríkisstjórnin bað um í fyrri
yjku. er nú tilbúin. Bíður Seðlabankinn eftir tækifæri til að leggja hana
fyrir ríkisstjórnina, es vegna auSS við móttöku norrænna ráðherra í
síðustu viku og lokaafgreiðslu fjárlaga á Alþingi heíur ráðnerrum ekiii
unnist tími til að eiga fund með stjórnendum Seðlabankans. Seðlabank-
inn hefur því enn ekki lagt endanlegar tillögur um vaxtabreytingar fyrir
ríkisstjórnina, en Jóhannes Nordal seðlabankastjóri sagði í viðtali við
Mbl. að nýjar tillögur yrðu ekki verulega frábrugðnar þeim sem Seðla-
bankinn gerði í fyrri viku.
Morgunblaðinu er kunnugt um
að seðlabankastjóri átti fund
með viðskiptaráðherra í gær,
þar sem hann kynnti hina nýju
skýrslu Seðlabankans, þó hún
hafi ekki verið lögð formlega
fyrir. Jóhannes sagði, er Mbl.
ræddi við hann í gærkvöldi, að
sér væri ekki kunnugt um hve-
nær ríkisstjórnin hygðist funda
um málið. Hann kvað hina nýju
skýrslu ekki hafa að geyma nein
ný sannindi, hún fjallaði um
vaxtamál almennt og hvaða
áhrif þau kæmu til með að hafa í
efnahagslífinu.
Jóhannes var spurður álits á
yfirlýsingum þess efnis að
hækkun almennra vaxta væru
verðbólguhvetjandi, eins og
formaður þingflokks Framsókn-
arflokksins, Páll Pétursson,
sagði í viðtali við Mbl. í síðustu
viku. Hann svaraði: „Það er nú
búið að ræða þetta svo oft, en
eitt af því sem menn geta haft til
hliðsjónar er að ekki stóðu háir
vextir i vegi íyrir því að verð-
bólgan lækkaði mjög ört á árinu
1983. Verðbólgan getur því lækk-
að þó vextir séu háir og satt að
segja er það skoðun flestra hag-
fræðinga að vextir stuðli að
jafnvægi í þjóðarbúskapnum og
séu mikilvægir til þess að halda
verðlagi stöðugu, en hins vegar
verða þeir vextir að vera í sam-
ræmi við verðlagsþróun. Raun-
verulega hafa vextir lækkað við
það að verðbólgan hefur aukist
aftur, ef miðað er við raunvexti,
en það eru raunvextir sem skipta
máli fyrir ávöxtun fjár, bæði
fyrir sparifjáreigendur og fyrir
lántakendur.“
Seðlabankastjóri sagði enn-
fremur að reynslan hér á iandi
væri sú, að þegar vextir hefðu
orðið mjög neikvæðir þá hefði
dregið úr innlendri fjármagns-
myndun, sparnaður hefði stór-
íegs dregist saman og nefndi
hann sem dæmi árin 1970—197»,
en þá hefði orðið mikil lækkun á
innlendum sparnaði vegna nei-
kvæðra vaxta. Þetta hefði strax
breyst til hins betra þegar já-
kvæðari vaxtastefna hefði verið
tekin upp og verðtrygging á fjár-
magni. Hann sagði að lokum:
„Þetta er reynsla sem við vitum
að hægt er að byggja á. Það er
stórhættulegt við núverandi að-
stæður ef við förum að eyði-
leggja okkar innlenda lánsfjár-
markað með rangri vaxta-
stefnu."
Mynd Muggs
enn ófundin
LÍTILLI blýantsteikningu eftir
Mugg, Guðmund Thorsteinsson, var
stolið af yfírlitssýningu á verkum
listamannsins í Listasafni alþýðu við
Grensásveg síðdegis á föstudaginn.
Myndin var ófundin í gærkvöldi,
skv. upplýsingum Rannsóknarlög-
reglu ríkisins, sem rannsakar þjófn-
aðinn.
Myndin heitir „Beta“ og teikn-
aði Muggur hana árið 1913 af syst-
urdóttur sinni, Elísabetu Waage,
sem er eigandi myndarinnar.
Myndin er 12,5 x 14,7 sm að stærð
og ritaði listamaðurinn á hana:
„Beta — til Þuríðar minnar frá
Mugg 1913“. Þuríður var Þuríður
Bárðardóttir, ljósmóðir Elísabet-
ar, sem arfleiddi Elísabetu að
myndinni eftir sinn dag.
Kópavogur:
Maður slasast er
eldur kom upp
í íbúðarhúsi
ELDUR kom upp í íbúðarhúsi á
Hlíðarvegi 27 I Kópavogi í gær-
kvöldi, en þrjár íbúðir eru í húsinu,
sem er forskalað timburhús.
Slökkviliðið var kvatt á vett-
vang um klukkan 22.00 og er kom-
ið var að lagði mikinn reyk úr
endaíbúð hússins og lá fullorðinn
maður við útidyrnar, talsvert
slasaður vegna reykeitrunar og
bruna. Var hann þegar fluttur á
slysadeild. Ekki var vitað nánar
um líðan hans er Morgunblaðið
fór í prentun í gærkvöldi.