Morgunblaðið - 18.12.1984, Side 67

MORGUNBLAÐIÐ, ÞRIDJUDAGUR 18. DESEMBER 1984
67
Þórir S. Gröndal skrifar frá Flórída:
Rigningin til foldar fellur
Ég þykist vita, að þið séuð öll
orðin yfir ykkur þreytt á tali og
skrifum um alvarleg efnahagsmál
og hnípna þjóð í vanda. Það varð-
ar ef til vill við landráð að segja
það, en ég held, að það séu góðir
möguleikar á því, að allt þetta tal
sé tómt píp. Síðan ég fór að fylgj-
ast með, hefir svona komið upp
hvað eftir annað, og stjórnmála-
mennirnir hafa sagt þjóðina vera
komna á heljarþröm. Ein fráfar-
andi stjórn sagði hana hafa farið
fram af hengiflugi. Á meðan hafa
lífskjörin batnað svo til ár frá ári.
í dag ætla ég því að tala við
ykkur um alvarlegra málefni. Það
snertir okkur öll og við höfum öll
vit á því, þótt við getum lítið ráðið
við það. Hérna á ég við blessað
veðrið, sem er bæði haldbezta og
vinsælasta umræðuefnið í öllum
heiminum.
Síðan við fluttum til Flórída
hefi ég komist að þv(, að fólk hér
talar líka mikið um veðrið. Það
kvartar t.d. yfir hita og raka næst-
um eins mikið og íslendingar
kvarta yfir rigningunni. Menn
skjótast úr loftkældum bílum sín-
um inn í kæld húsin. Þegar þeir
koma inn i svalann, þurrka þeir
sér um ennið og segja: „úff, nú er
so heitt uti!“ Yfir háveturinn, þeg-
Söngva-
bæRur
við allra hæfí
22 jólasöngvar í léttum
hljomborðsútsetningum.
M.a. eru í bókinni flest lögin
afplötunni eftirsóttu Bjart
er yfir Betlehem, s.s. Bor-
inn ersveinn í Betlehem,
Gleðileg jól o.fl.
Kátt er um jólln. Jólalög
og sálmar hljómsett fyrir
hljómborð og gítar. M.a.
Adam átti syni sjö, Pabbi
segir, Heims um ból,
Nú skal segjao.fl.
Gullkorn. 12 vinsælustu
lög Magnúsar Eiríkssonar
í léttum útsetningum fyrir
hljómborð og gítar. M.a.
Draumaprinsinn, Reyndu
aftur, Róninno.fl.
Leikum og syngjum.
Vinsælustu barnalögin
í léttum raddsetningum
fyrirpíanó, eftirJón
Ásgeirsson. M.a. Efværi
ég söngvari, Meistari
Jakob, Litla Jörp o.m.fl.
Söngvabækurnar frá
Isalögum eru varanleg
gjöfsem veitir ómældar
ánægjustundir.
Sfmi 91-73411
ar hitastigið sígur stundum niður
fyrir 10°C, tekur ekki betra við. Þá
klæðast Flórídamenn ullarpeys-
um, sem þeir hafa grafið upp úr
skúffum sínum, og það er möl-
kúlu„ilmur“ alls staðar. Og nú
kvarta þeir yir þessum „bruna-
gaddi"!
Fjöldi manna hér hefir feiknar-
lega gaman af að horfa á veður-
fregnir í sjónvarinu á vetrum og
gleypir þá í sig fréttir af fólkinu
fyrir norðan berjast í stórhríðum
og af bifreiðum föstum í snjó-
sköflum. Þá sitja þeir ánægðir
með sig og glotta illgirnislega í
bjórinn sinn.
Ég er ekkert viss um, að allir
íslendingar myndu kæra sig um
betra veðurlag á landinu, þótt þeir
ættu þess kost. Hvað myndu
landsmenn gera, ef sól og hiti ríkti
allt sumarið? Þá yrði t.d. búið með
allar sólarlandaferðirnar og húll-
umhæið, sem þeim fylgir. Þá yrði
ekki lengur hægt að býsnast yfir
rigningu og sólarleysi, og menn
gætu ekki skemmst sér við að met-
ast um það, hvort þetta rign-
ingarsumarið væri svæsnara en
eitthvert annað.
Svo er annað í sambandi við ei-
lífa sól og hita, sem þið hafið sko
ekki reiknað með. A helgum og
frídögum getið þið ekki kúrt inn-
anhúss og lesið bók, horft á sjón-
varp eða prjónað. Samvizkan
myndi ekki leyfa það. Þið yrðuð að
„Síðan við fluttum til
Flórída hefi ég komist
að því, að fólk hér talar
líka mikið um veðrið.
l»að kvartar t.d. yfir hita
og raka næstum eins
mikið og íslendingar
kvarta yfir rigningunni.“
skunda út í garð og reita arfa, slá
grasið eða eitthvað því um líkt.
Eða fara í eilífa göngutúra og
jafnvel svifta ykkur klæðum,
kasta ykkur á jörðina og láta sól-
ina brenna skinnið.
Eftir nokkur svona sumur, yrði
fólk farið að stinga saman nefjum
og rifja upp með söknuði rign-
ingarsumarið mikla 1984 eða var
það kannske 1965? Einn segir, að
hann sakni þess, að regn skuli ekki
lengur bylja á glugganum og hann
minnist þess, hve notalegt það var
að sitja inni i hlýju húsi leggjandi
kapal og horfandi á sjónvarpið
með öðru auganu. Annar segist
ekki hafa haft tíma til að lesa al-
mennilega bók síðan sólarsumrin
hófust. Enn annar segist ekki geta
sofið út á sunnudagsmorgnum
fyrir góðviðri. Einn í viðbót segir,
að öll þessi sól sé stórhættuleg
fyrir hörundið; ekki hótinu betri
en sólbekkirnir. Svo tuldrar hann
eitthvað um það, að það ætti að
tala við Eið og Jóhönnu um að
flytja frumvarp.
Nei, kæru lesendur, þið skuluð
bara halda áfram að vera óánægð-
ir með veðrið ykkar, því þá eruð
þið ánægðastir. Nýlegar lífsham-
ingjumælingar sanna það. Jæja,
þá verð ég víst að hætta þessu
spjalli. Samvizkan er farin að
angra mig, því nú er hér sól og 20
stiga hiti. Ég er víst tilneyddur til
að snauta út og fara niður á
strönd eða eitthvað ...
UTLANSKORT FRA
V7DEÓSAFNINU
SMLLDASGOÐ JOLAGJOF TlL
ALLRA Á HETMTT.INTT
Videósaínið er bylting á sviði myndbandaútlána á íslandi. Við sjáum um að
sœkja og senda þér myndefnið þegar þér hentar.
Þú getur pantað eins oft og þú vilt og greiðir aðeins kr. 1.800 fyrir þrjá mánuði
eða 3.200 fyrir 6 mánuði - óháð því hvað viðskiptin eru mikil. Þú þarft ekki að
reikna lengi til að sjá hve sparnaðurinn er mikill.
Útlánskortunum fylgir 48 síðna pöntunarlisti með tœplega 900
myndatitlum að velja úr.
Heimsendingarþjónusta um allt land
VHS myndbönd - VHS myndsegulbönd
/IIIWI
Slllfil
ifgaami
VIDEÓSAFNIÐ
SÍMI 28951