Morgunblaðið - 29.12.1984, Blaðsíða 21
MORGUNBLAÐIÐ, LAUGARDAGUR 29. DESEMBER 1984
21
Nýr forsætisráðherra Möltu:
Engar breytingar
á ríkisstjórninni
Valetta, Möltu, 28. desember. AP.
HINN nýi forsætisráðherra Möltu, Carmelo Mifsud Bonnici, sem
tók við af Dom Mintoff sl. laugardag, greindi frá því í dag, að hann
hyggðist ekki gera neinar breytingar á ríkisstjórn landsins. Hann
mun sjálfur áfram fara með embætti menntamálaráðherra, sem
hann gegndi í ríkisstjórn Mintoffs.
Misfud Bonnici er 51 eins árs
að aldri og lögfræðingur að
mennt. Hann hefur aldrei verið
kjörinn á þing, en var skipaður
þingmaður í fyrra þegar eitt
sæti losnaði á þjóðþinginu.
Hann hefur verið félagi í Verka-
mannaflokknum, sem fer með
stjórn Möltu, um árabil og var
kosinn varaformaður flokksins
árið 1980 og útnefndur arftaki
Mintoffs fyrir tveimur árum.
Dom Mintoff, sem er 68 ára að
aldri og arkitekt að mennt, hef-
ur verið formaður Verkamanna-
Símamynd/AP.
Móðir með barn sitt, sem hungurvofan hefur markað sér. Ástandið i Afríku
er skelfilegra en orð fá lýst og ekkert nema stóraukin hjálp mun koma í veg
fyrir enn meiri hörmungar. ______________
1984 ár hörmunga
og hungurs í Afríku
flokksins í 35 ár. Hann varð
fyrst forsætisráðherra á árun-
um 1955—1958 og síðan sam-
fleytt frá 1971. Hann hafði for-
ystu um stofnun sjálfstæðs ríkis
á Möltu árið 1974, en eyjan hafði
um langt skeið lotið breskri
stjórn. Hann hefur fylgt rót-
tækri stjórnmálastefnu og lagt
áherslu á samstarf við arabarík-
in og kommúnistaríkin. í utan-
ríkismálum hefur hlutleysi ver-
ið yfirlýst stefna Verkamanna-
flokksstjórnarinnar, en nýverið
hefur samstarfið við Líbýu og
Sovétríkin verið eflt. M.a. hafa
verið gerðir umfangsmiklir við-
skiptasamningar við Sovétmenn
og þeim leyft að staðsetja skip
sín í höfnum á eynni.
Eitt síðasta embættisverk
Mintoffs var fjögurra daga
ferðalag til Moskvu fyrr í þess-
um mánuði.
Mintoff greindi frá afsögn
sinni í þingræðu á laugardag í
Misfud Bonnici, hinn nýi forsætis-
ráðhcrra Möltu.
fyrri viku. Sú tilkynning kom
ekki á óvart, þar sem vitað hefur
verið um nokkurt skeið að hann
hefði í hyggju að láta af emb-
ætti forsætisráðherra og
flokksformanns. Mintoff mun
hins vegar sitja áfram á þingi.
Addin Ababa, 28. desember. AP.
ÁRIÐ sem nú er að kveðja, verður
skráð á spjöld sögunnar sem það
versta í sögu Afríku frá því krepp-
unni miklu á fjórða áratugnum lauk.
Kom þetta fram í máli háttsetts
embættismanna Sl>, sem sagði, að ör
uppiausn efnahagslífsins í ríkjum
álfunnar væri orðin að skelfingar-
ástandi, sem ætti sér enga hlið-
stæðu.
„Afríka árið 1984 er land þurrka
og framsóknar eyðimarkanna,
hungurs, sjúkdóma, dauða og
stórkostlegs fólksflótta frá
þurrkasvæðunum," sagði Adebayo
Adebeji, framkvæmdastjóri Efna-
hagsmálanefndar SÞ fyrir Afríku,
á bíaðamannafundi í Addis Ababa
í Eþíópíu. „Jafnvel nú veit enginn
hvort það versta er um garð geng-
ið og ef ekki verður brugðist hart
við munu hörmungarnar endur-
taka sig á næsta ári og næstu ár-
um og verða enn alvarlegri.
Adebeji sagði, að Afríkumenn
hefðu áður kynnst þurrkum og
hungri en nú væri ástandið öðru-
vísi og alvarlegra af ýmsum
ástæðum. í fyrsta sinn næði
hungrið og bjargarleysið til ríkja
um alla álfuna á sama árinu, til 27
ríkja af um 50. Önnur ástæða
væri, að 10 af þessum 27 þjóðum
væru landluktar og matvælaflutn-
ingar til þeirra yrðu því að fara
um hafnir í strandríkjunum, sem
væru flestar úreltar.
Ástandið er nú verst í Eþíópíu
en Adebeji sagði, að ef umheimur-
inn kæmi ekki til hjálpar strax
kynni ástandið að verða jafn
slæmt á næsta ári í Chad, Mali,
Niger, Máretaníu og Mósambik.
Engin alþjóðastofnun eða ríkis-
stjórn hefur tölur yfir það fólk
sem látist hefur af völdum þurrk-
anna en sums staðar hafa þeir
staðið yfir í þrjú ár. Hjálparfólk í
Eþíópíu telur þó, að aðeins þar í
landi hafi ein milljón manna solt-
ið í hel á þessu ári.
Bandaríkin:
Mikill
hagvöxtur
í nóvember
Washington, 28. desember. AP.
HAGTÖLUR, sem bandarísk stjórn-
völd styðjast við í efnahagsspám sín-
um, sýna, að hagvöxturinn jókst um
1,3% í nóvembermánuði og hefur
hann þá ekki aukist meira í níu
mánuði. Hagtölur atvinnulífsins
benda líka til, að lokið sé fjögurra
mánaða tímabili lítilfjörlegs sam-
dráttar.
Hagvaxtaraukningin í nóvem-
ber kemur í kjölfar 0,5% sam-
dráttar í október og nokkurs sam-
dráttar í þrjá mánuði þar á undan,
sem hafði alið á þeim ugg með
mönnum, að nýtt samdráttarskeið
væri framundan. Heildarþjóðar-
framleiðslan jókst t.d. ekki nema
um 1,6% í júlí-september en hafði
aukist um 10,1% og 7,1% á fyrsta
og öðrum ársfjórðungi þessa árs.
Að undanförnu hefur margt
bent til, að nýtt fjör væri að fær-
ast í efnahagslífið. Atvinnuleysið
minnkaði mikið og vörupantanir
jukust meira en gerst hefur í fjög-
ur ár. Slæmu tíðindin er hins veg-
ar mikill viðskiptahalli í nóvem-
ber, 9,9 milljarðar dollara.
Rússar dæmdir
fyrir spillingu
Motikvu, 28. desember. AP.
ÞRÍR embættismenn í Dnepropetrovsk hafa verið dæmdir í langar fangels-
isvistir fyrir spillingu á háu stigi. Er gefið í skyn í sovéska verkalýðsblaðinu
„Trud“ að þetta séu eftirhreytur þeirrar spillingar sem óð uppi á síðustu
valdaárum Leonids Breshnev. Þetta er í þriðja skipti á síðustu 18 mánuðum
sem embættismenn í þessari borg eru dæmdir fyrir spillingu, en Breshnev
átti mjög marga og styrka stuðningsmenn á þessum slóðum.
„Trud“ nefndi aðeins nöfn
mannana, Kudel, Martichenko og
Soskov og sagði þann fyrst nefnda
yfirmann vörubifreiðamiðstöðvar
en hinn tvo verkstjóra í bílaverk-
smiðju. Sakirnar sem voru bornir
á hendur þremenningunum voru
mútuþægni, mútugreiðslur og til-
hliðranir af ýmsu tagi. Mútuféð
var margvíslegt, en ekki síst í líki
bifreiða og íbúða og einnig „greið-
ar“ af ýmsu tagi.
Kynskiptingur ól heilbrigt barn
London, 28. desember. AP.
KONA, sem var strákur fyrstu
fjögur ár ævinnar, ól heilbrigðan
pilt á árinu, 21 ári eftir aðgerð þar
sem skipt var um kyn hennar.
Skýrt er frá þessu í brezka
læknatimaritinu Lancet. Ó1 kon-
an, sem ekki er nafngreind,
barnið á sjúkrahúsi í North-
ampton, og var ekki heldur
greint frá því hvenær hún varð
léttari.
Einstaklingurinn var karlkyns
fyrstu fjögur ár ævi sinnar, en
þá uppgötvuðu læknar að hann
hafði hlotið skaða af karlhorm-
ón, methyltestosterone, sem
móðurinni var gefið á með-
göngutíma. Og enda þótt foreldr-
arnir teldu um heilbrigðan strák
að ræða reyndist hann með eðli-
lega kvenlitninga, leg, eggja-
stokka og eggjakerfi. En lyfja-
gjöfin leiddi einnig til myndunar
lítils reðurs.
Aðgerð var ráðlögð þar sem
reðurinn var það dvergvaxinn að
ljóst þótti að pilturinn gæti ekki
notið eðlilegs kynlífs sem karl-
maður, en sýnt þótti að hið
gagnstæða myndi verða uppi á
teningnum í kvenhlutverkinu.
Aðgerð var því gerð til að breyta
ytri kynfærum og nafni einstakl-
ingsins breytt í stúlkunafn.
Stúlkan, sem nú er 26 ára, óx
og dafnaði eðlilega og gekk í
hjónaband 18 ára gömul. 01 hún
heilbrigt sveinbarn er vó 2.535
grömm.
w X *** '* CT1
8®»' <■; í5'> '.Mvv'íí:"'
Skotiö á flutningaflugvél innrásarliðsins
Láta mun nærri að ein milljón manna hafi látið liTið í Afganistan frá því
Sovétmenn gerðu innrás þar í landi fyrir fimm árum. Leiðtogar frels-
issveitanna, sem berjast gegn marxistastjórninni í Kabúl og sovézka
innrásarliðinu, segjast munu halda áfram baráttu sinni fyrir frelsun
landsins. Á meðfylgjandi mynd er liðsmaður í frelsissveitunum að
skjóta loftvarnarflaug að sovézkri flutningaflugvél. Fylgir það fréttum
að flugvélin hafí verið í það mikilli flughæð að flaugin hafí ekki náð að
granda henni.