Morgunblaðið - 29.12.1984, Blaðsíða 23

MORGUNBLAÐIÐ, LAUGARDAGUR 29. DESEMBER 1984
23
Johann Sebastian Bach
Georg Priedrich Hándel
Domenico Scarlatti
Evrópskt
tónlistarár 1985
f tilefni 300 ára afmælis Bachs, Hándels og Scarlattis
London, 27. desember. AP.
ÞRJÚHUNDRUÐ ára afmæli þriggja tónskálda er tilefni „Evr-
ópska tónlistarársins 1985“ sem talað hefur verið um að verða
muni mesti tónlistarviðburður sögunnar. Hefst það með tónleik-
um í Vínarborg hinn 1. janúar nk.
Tuttugu og fjögur lönd, frá Is-
landi til Möltu, ætla að nota
tækifærið og efna til tónlistar-
hátíðar í tilefni 300 ára afmælis
Georgs Friederichs Hándel, Jo-
hanns Sebastian Bach og Dom-
enicos Scarlatti, sem allir eru
fæddir árið 1685. Yfir 1.000
hljómleikar, ráðstefnur og önnur
verkefni eru í undirbúningi.
Þetta verður ekki eingöngu af
háfleygara taginu, því meðal
þátttakenda verða djasshljóm-
sveitir og þjóðdansarar og gefin
verður út myndasaga á 12 tungu-
málum um sögu tónlistarinnar.
Þá verður haldin ráðstefna sem
fjalla á um ráð til að berjast á
móti „sjóræningjahljóðritunum"
á hljómplötum og kassettum.
„Mér virðist sem árið 1985 ætli
að verða merkilegt ár í sögu
tónlistarinnar," sagði hertoginn
af Kent, þegar hann greindi frá
framlagi Bretlands fyrr i þess-
um mánuði.
„Ég veit ekki til að nein slík
hátíð hafi verið haldin fyrr og
mesta vandamálið nú er að verða
við óskum allra þeirra sem koma
vilja fram,“ sagði Thomas Alex-
anderson, formaður sænsku und-
irbúningsnefndarinnar, þegar
hann kom til fundar við bresku
nefndina í London.
Meðal verkefna á tónlistarár-
inu verða hljómleikar, óperur,
kammertónleikar, kórtónleikar
og ráðstefnur svo til hvern dag
ársins.
Þátttakendur í „Evrópska
tónlistarárinu 1985“ verða Aust-
urríki, Belgía, Bretland, Dan-
mörk, Finnland, Frakkland,
Grikkland, Holland, írland, ís-
land, Ítalía, Júgóslavía, Kýpur,
Lichtenstein, Luxemborg, Malta,
Noregur, Portúgal, Spánn, Sviss,
Svíþjóð, Tyrkland, Páfagarður,
Vestur-Þýskaland og Júgóslavía.
Arkhipov kominn heim frá Kína:
Arangurinn af ferð-
inni upp og ofan
IVking, 28. desember. AP.
ÍVAN ARKHIPOV lauk í dag níu daga heimsókn sinni til Kína. Arkhipov er
forsætisráðherra Sovétríkjanna og háttsettasti ráðamaður Sovétríkjanna sem
heimsækir Kína í 15 ár, enda hefur sambúð risaveldanna verið stirð um langt
skeið. Á síðasta degi sínum í Peking undirritaði Arkhipov fyrir hönd Sovét-
ríkjanna þrjá sáttmála um efnahags- og viðskiptasamvinnu. Ónafngreindir -
háttsettir ráðamenn í Peking sögðu um heimsóknina, að ekkert hafi þokast í
ágreiningsmálum þjóðanna á stjórnmálasviðinu, en á hinn bóginn hefði
árangur verið góður hvað varðaði aukna samvinnu í efnhags- og viðskipta-
málum.
Viðræður Arkhipovs við kín-
verska ráðamenn um ýmis ágrein-
ingsmál stórveldanna báru lítinn
árangur og voru kuldalegar. Kín-
verjar gerðu Arkhipov ljóst að af-
staða þeirra til þriggja meginmála
hefði ekkert breyst og þeir for-
dæmdu Sovétríkin fyrir hlut sinn í
þeim. Hér er um að ræða mikinn
liðssöfnuð Sovétmanna á landa-
mærum Sovétríkjanna og Kína,
stuðningur Sovétmanna við innrás
Víetnama í Kambódíu og umsvif
sovéska hersins í Afganistan. Á
hinn bóginn var tekið eftir því að
fjölmiðlar í Kína greindu ekki sér-
staklega frá fimm ára hersetu
Rússa í Afganistan. 27. desember
voru nákvæmlega fimm ár liðin
frá innrás Sovétmanna í landið og
þann dag ár hvert síðan hafa
dagblöð í Kína rifjað það upp með
tilheyrandi stóryrðum í garð Sov-
étrikjanna.
Sovésku gestirnir viðruðu
hugmyndir um að opna ræðis-
mannsskrifstofu í Shang Hai og
fleiri stórborgum í Kína, en undir-
tektir voru engar af hálfu heima-
manna. Stjórnmálasamband þjóð-
anna er bundið við sendiráð í höf-
uðborgunum. Bandaríkin hafa
ræðismannsskrifstofur í þremur
kínverskum borgum, auk sendi-
ráðs í Peking.
„Camelu til Kína
Xirnmen, Kfna. 28. desember. AP.
VINDLINGAFRAMLEIÐANDINN Reynolds Tobacco Co., sem framlciðir
m.a. „Camel“, er að leggja í meiri háttar umsvif, fyrirtækið ætlar að sjá 250
milljónum Kínverja fyrir þörf sinni.
Fyrirtækið hefur framleitt vöru
sína fyrir ferðamannamiðstöðvar
í Kína frá árinu 1981, en allt fram
til 1949 voru Camel-vindlingar af-
ar vinsælir 1 landinu. Alls eru
framleiddar 1.000 tegundir af
vindlingum í Kína og 250 milljónir
Kínverja reykja að meðaltali 3,5
pakka á viku. Kínversk yfirvöld
segjast ekki óttast hina erlendu
samkeppni, innlendir framleið-
endur hafi gott af samkeppninni,
auk þess sem þeir muni læra ný-
tískulegri vinnubrögð. Nýja fyrir-
tækið mun hafa 2,5 milljarða
vindlinga framleiðslugetu á ári
hverju.
URVALSSKÍDAKYNNING íFUNDARSAL (AUDITORIUM) HÓTELS LOFTLEIÐA í DAG KL: 15:00 - 17:00.
SÉRSTÖK KYNNING Á BADGASTEIN í AUSTURRÍKI OG COURCHEVEL í FRAKKLANDI.
VIDEÓ, KAFFI OG KÓK.
SJÁUMST.
SKtoáftiW
til frönsku eða austurrísku Alpanna
Efskíðafiðringurinn er farinn að kitla þig getur Úrval veitt þér tímabundna lausn, en því miður
er engin von um endanlega lækningu - allra síst eftir dvöl i frönsku eða austurrísku ölpunum.
COURCHEVEL
Sérhannaðurskíðastaður í Frakklandi, og einn stærsti og besti skíðastaður í heimi. Courchevel er
svo ásetinn að við getum ekki boðið nema tvær ferðir, 15. og 29. mars (páskaferð). En við
ábyrgjumst að tvær vikur á þessum draumastað verða hápunktur skíðaiðkana ársins enda er
Courchevel í 1850 m hæð.
Iferð 15. mars kr. 36.100.- Verð 29. mars kr. 37.900.-
Innifalið: Flug til Genfar, rútuferðir, gisting í tvíbýliá Hotel Crystal2000, íslensk fararstjórn,
snjór, stórkostfegt útsýni og hálft fæði.
BADGASTEIN
Óskastaður skíðaunnenda á besta vetraríþróttasvæði austurrísku Alj
Óþrjótandi skíðabrekkur, stórkostleg þjónusta, fjölbreytt skemmtiaðstaða
og margbrotið umhverfi, sem á eftir að heilla þig upp úr skíðaskónum.
Badgastein er jafnt fyrir byrjendur sem lengra komna - það er bara
verst að þú hefur ekki nema tvær vikur til umráða.
Brottfarír: 26/1, 9/2, 23/2 og 9/3.
Verð og gististaðir:
Leimböck m/morgunverði frá kr. 21.360.-Gletschermíihle
i m/morgunverði frá kr. 21.360.- Krone m/hálfu fæði frá
kr. 23.975,- Grilner Baum m/hálfu fæði frá kr. 31.475.
Wildbad m/hálfu fæði (sérpantað) frá kr. 32.190.-
Innifalið: Flug, rútuferðir, gisting í tvíbýli með baði,
snjór, stórbrotið umhverfi og íslensk fararstjórn.
FERMSKRIFSrOFON ÚRVAL
Smelltu þér í skíðaskóna og hafðu samband.
Síminn er 26900.