Morgunblaðið - 13.01.1985, Blaðsíða 4

4
MORGUNBLAÐIÐ, SUNNUDAGUR 13. JANÚAR 1985
Kindur
leita til
fjalla
Bor* í MikUbolUhrpppi, 11. jmnúar.
EKKI VIRÐIST nein breyting á því
góða tíðarfari, sem rflct hefur undan-
faríð. Megum við, sem búum hér á
sunnanverðu Snæfellsnesi, muna tím-
ana tvenna, ófsrð og illviðri, sem ein-
kenndu tvo undanfarandi vetur. Nú er
hér í dag suðlæg átt með dálftilli úr-
komu og 6—7 stiga hita, jörðin klaka-
laus og grenn litur í túnum. Skurð-
grafa Rektunarsambandsins er enn í
fullu starfl.
Eitthvað leggst veturinn vel í
æmar hjá bóndanum í Miklaholts-
seli. Pyrir nokkrum dögum renndi
hann kindum sínum út til þess að
viðra þær í góða veðrinu. Þann dag
var blítt og gott veður og lofaði
hann ánum og hrútnum að vera
lengur úti. Um kvöldið koma þær
ekki heim. Daginn eftir fór hann að
leita þeirra og voru þær þá allar
komnar í kletta í Hafursfelli. Eng-
inn man, að kindur hafi farið þar í
kletta að vetri til.
Nú hafa ærnar komið niður úr
klettunum, þvf þar var sleipt mikil.
Þrjár þeirra hröpuðu niður, tvær
þeirra sakaði ekki, en einni var lóg-
að. Hafurfell er hátt, með háum
klettum, sem lítt eru færir nema
fuglinum fljúgandi. Eitt sinn var
kveðið eftirfarandi um Hafursfell:
Hafarafell er stórt og bjart
stendur jrfir Seli
Af því súfar stundum kalt
i stormi og norúnnéli
PáU
Vinnsla hafin
í Siglósfld
Siglufirúi, 12. janúar.
í GÆR bófst vinnsla rækju hjá Sigló-
sfld hf. á nýjan leik eftir nokkra mán-
aða rekstrarstöðvun, og vinna nú 36
manns á einni vakt. Fljótlega mun
eiga að auka vinnsluna og verður
Siglósfld þá aftur komin í fullan rekst-
ur.
{ dag koma eftirtaldir loðnubátar
með fullfermi til löndunar: Helga,
Erlingur, Gfsli Árni, Örn, Sjávar-
borg, Fífill og Þórshamar. Sæmi-
legasta veiði er hjá togurunum út af
Rifsbanka.
— Fréttaritari.
ÁTTRÆÐUR er í dag Magnús
Brynjólfsson verkstjóri. Magnús
er eini maðurinn sem unnið hefur
við byggingu Hallgrímskirkju frá
byrjun, eða í um fjörutíu ár. Blm.
Morgunblaðsins ræddi við hann
nú í vikunni í tilefni afmælisins.
Magnús var fyrst spurður að því
hvar hann fæddist og ólst upp.
„Ég er fæddur í Bár í Hraun-
gerðishreppi þann 13. janúar ár-
ið 1905. Þar var ég til 10 ára
aldurs, er ég fluttist að Brennu í
Gaulverjabæjarhreppi. Þar var
ég í önnur 10 ár, eða til tvítugs
en þá fluttist ég til Reykjavlk-
ur.“
Hvernig störf stundaðir þú
hér í Reykjavík?
„Ég byrjaði strax í bygg-
ingarvinnu. Mér féll þessi vinna
alltaf vel. Ég fór á nokkrar ver-
tíðir frá Vestmannaeyjum þegar
ég var ungur, en það kom aldrei
til greina að ég geröi sjómennsk-
una að ævistarfi.“
Magnús Brynjólfsson fjrrir utan Hallgrimskirkju. Morgunblaíið/Bjarni
„Held áfram að vinna þar til
lokið verður við bygginguna"
— segir Magnús Brynjólfsson
sem er áttræður í dag, en hann
hefur unnið við Hallgrímskirkju
frá upphafi
Én hvernig kom það til að þú
fórst að vinna við Hallgríms-
kirlyu?
„Eg hafði unnið um tíma hjá
Byggingafélaginu Stoð, sem tók
að sér að byggja kirkjuna. Fyrst
var byrjað að steypa kjallara
kórsins en síðan var gert hlé á
byggingunni um tíma. Á þeim
tíma vann ég meðal annars við
Laxárvirkjun. Það var mikil til-
breyting að vinna þar. Éinnig
vann ég við Landsímahúsið. En
þegar bygging Hallgrímskirkju
hófst á ný tók ég aftur til starfa
þar. Ég hef séð um alla járna-
Iögn í byggingunni."
En hvernig hefur þér líkað að
vinna þarna þessi fjörutíu ár?
„Mér hefur líkað ákaflega vel,
enda hef ég unnið að mestu leyti
með sömu mönnunum þó enginn
þeirra hafi enst eins lengi og ég.
Þetta var orðið eins og fjöl-
skylda og var sérstaklega góður
andi i hópnum. Allt gekk mjög
vel og var samvinnan mjög góð.
Við vorum líka svo heppnir að
það kom aldrei neitt alvarlegt
slys fyrir, þó að við höfum unnið
í þetta mikilli hæð. Það er eigin-
lega alveg furðanlegt. Nú hefur
nýr maður tekið við stjórninni,
en hann er alinn upp hjá okkur í
kirkjubyggingunni. Svo þetta fer
ekkert úr „fjölskyldunni“.“
Var þetta erfið vinna?
„Nei, þetta var alls ekki erfið
vinna. Ég hef nú aldrei verið
lofthræddur, en ég held að menn
læknist af lofthræðslu við að
vinna í svona mikilli hæð. Aðal-
erfiðið var að ganga stigana áð-
ur en lyftan kom.“
Hvernig tilfinning er það að
hafa tekið þátt í að byggja þessa
miklu kirkju?
„Mér finnst það mjög gaman.
Ég er ákaflega hrifinn af bygg-
ingunni og þetta verður fallegt
hús.“
Nú ert þú orðinn áttræður.
Hefur aldrei komið til greina að
þú hættir að vinna?
„Nei. Ég held áfram að vinna
þangað til lokið verður við bygg-
inguna. Ég er mjög góður til
heilsunnar og satt að segja vor-
kenni ég þeim mönnum sem eru
tilneyddir að hætta að vinna um
sjötugt, jafnvel þótt þeir séu
heilsuhraustir. Eg held að oft á
tíðum hraki heilsu þeirra við
þessa breytingu."
Magnús býr á Vífilsgötunni og
hefur búið þar síðan um 1950.
Hann var spurður að því hvort
ekki væri þægilegt að búa svo
stutt frá vinnustaðnum.
„Jú, það er mjög gott. Það tek-
ur mig svona þrjár mínútur að
ganga í vinnuna. Einnig er stutt
að fara í búðir og í Sundhöllina.
Ég fer þangaö stundum, enda
held ég að sundið liðki mann.“
Ætlar þú að halda upp á af-
mælið?
„Ég ætla ekki að halda upp á
það, en mér heyrist á sonum
mínum að þeir hafi eitthvað í
huga. Þeir koma sennilega bara
og sækja mig. Synir mínir og
tengdadætur hafa samband við
mig daglega. En annars bý ég
hér einn eftir að Guðný konan
mín fór á sjúkrahús. Ég sé um
heimilið og elda sjálfur,“ sagði
Magnús Brynjólfsson að lokum.
Staðbundið út-
varp á Akureyri
Útsendingar gætu hafist 1. mars
í næstu viku er fyrirhugað að at-
huganir verði gerðar í umsjá Pósts
og síma á Akureyri á útsendingar-
möguleikum staðbundins útvarps
frá aðsetri ríkisútvarpsins þar og
móttökuskilyrðum á hinum ýmsu
stöðum í bænum og næsta nágrenni
hans.
í samtali við blm. Morgunblaðs-
ins sagði Markús örn Antonsson
útvarpsstjóri að það væri ekki
hægt að gefa neinar öruggar dag-
setningar fyrr en niðurstöður af
þessum rannsóknum væru orðnar
ljósar og þá jákvæðar. Ef gengið
væri út frá því myndu útsendingar
að öllum líkindum hefjast 1. mars
næstkomandi.
„Allur dagskrárundirbúningur
er í höndum útvarpsfólks okkar á
Akureyri undir forystu Jónasar
Jónassonar," sagði Markús „og
mun efnið byggjast að miklu leyti
á upplýsingamiðlun, þ.e.a.s. frétt-
um og fleiru sem snertir hag
fólksins í þessu byggðarlagi."
Hann kvað þetta vera þá þróun
sem ríkisútvarpið hefði alltaf
stefnt að og upphaflega hefði að-
stöðunni verið komið þar upp til
m.a. þessa.
Þess má geta að rás 2 er
væntanleg norður á næstunni. Ef
að líkum lætur munu Akureyr-
ingar því njóta þriggja útvarps-
rása í framtíðinni.
Einbýli
raöhús eöa
stór ífc>úö
Óskum eftir aö taka á leigu einbýli — raöhús eöa
stóra íbúö meö bílskúr. Uppl. í síma 73364 í dag.
Einnig næstu daga í síma 19274 f.h. og 73364 eftir
kl. 2.
Aðalsteinn Péturs
son lœknir látinn
Aðalsteinn Pétursson
AÐALSTEINN Pétursson,
heilsugæslulæknir í Borgarnesi,
lést á heimili sínu síðastliðinn
miðvikudag, 51 árs að aldri.
Aðalsteinn fæddist í Reykja-
vík 7. september 1933, sonur
hjónanna Péturs Kristþórs Sig-
urðssonar, ráðsmanns í Víðinesi
við Leiruvog, og Guðríðar Krist-
jánsdóttur. Hann lauk læknis-
prófi frá Háskóla Islands árið
1964.. Starfaði siðan sem hér-
aðslæknir og heilsugæslulæknir,
fyrst í Flateyrarlæknishéraði í 2
ár og síðan í Borgarfirði í 18 ár.
Bjó hann á Kleppjárnsreykjum
árin 1967 til 1978 en síðan í
Borgarnesi.
Eftirlifandi eiginkona Aðal-
steins er Halldóra Karlsdóttir
og áttu þau fjórar dætur.
Alexander Stefánsson:
Frétt NT út í hött
„FORSÆTISRÁÐHERRA tilkynnti okkur þremenningunum
það strax í upphafi, að hann hefði ekki í huga að gera neinar
breytingar hvað okkur varðar. Þar með var það staðfest og
allt annað er út í hött. Ég spurði hver væri höfundur að þessu
en fékk ekkert svar,“ sagði Alexander Stefánsson félags-
málaráðherra, er hann var spurður álits á frétt NT nýverið
þess efnis, að komið gæti til þess aö hann, eða Jón Helgason
dóms- og landbúnaðarráðherra, myndi víkja úr ráðherraemb-
ætti og það sæti tæki Guömundur Bjarnason alþingismaður
Framsóknarflokks.
Alexander sagðist ennfremur
vera einn af þeim fjölmörgu,
sem andvígir væru tillögum
stjórnkerfisnefndar, sem nú
lægju fyrir þingflokkunum.
Hann sagði; „Ég fiéld að þessar
tillögur stjórnkerfisnefndar
hafi ekki verið hugsaðar til
botns, enda komu strax fram
mótmæli og það er alls staðar
andstaða gegn þeim. Það væri
nær og eðlilegra að skoða hvað
færa má saman af verkefnum í
ráðuneytunum. Þetta er ekki
þannig mál sem hægt er að af-
greiða á fljótfærnislegan hátt.
Það eru mjög góðar ábendingar
í þessu máli í grein Jónatans
Þórmundssonar í Mbl. á
fimmtudag og eins og talaðar út
frá mínu eigin brjósti."