Morgunblaðið - 26.01.1985, Blaðsíða 22

22_____
Eþíópía:
MORGUNBLAÐIÐ, LAUGARDAGUR 26. JANÚAR 1985
Svíþjód:
Verða raforku-
fyrirtækin seld?
Slokkhólmi, 25. janúar. Frá fréttaritara Mbl.
EF borgaraflokkarnir bera sigur úr
býtum í næstu kosningum í Sríþjóð
kann svo að fara, ad rafmagnsfram-
leiðslan í landinu verði látin í hend-
ur einkafyrirtækja.
Hægriflokkurinn (Moderata
Samlingspartiet) og Miðflokkur-
inn hafa báðir lagt til á þingi, að
ríkisreknu raforkufyrirtækin, sem
framleiða mestalla raforku í land-
inu, verði endurskipulögð og
hlutabréf í þeim seld á frjálsum
markaði. Fyrir flokkunum vakir
tvennt. í fyrsta lagi þær tekjur,
sem ríkið hefði af sölunni, rúm-
lega 1000 milljónir sænskra króna,
og í öðru lagi að minnka umsvif
ríkisins í atvinnurekstrinum.
Hægriflokkurinn vill raunar, að
skipulega verði unnið að sölu
ríkisfyrirtækja en það gæti aukið
árlegar tekjur ríkissjóðs um 3000
milljónir skr. um nokkurn tíma.
Ef raforkufyrirtækin sænsku
yrðu seld einkaaðilum myndi raf-
orkuverðið hækka nokkuð í fyrstu
England:
Dauðadómi
yfir hundin-
um breytt
St. Albuu, EnKlandi, 25. janúnr. AP.
JOHN Blofeld, dómari og mikill
hundavinur, breytti í dag dauðadómi
yfir hundinum Toby og ákvað, að
hann mætti lifa þótt hann hefði gerst
sekur um að ráðast á þrjú börn.
Blofeld dómari, sem kveðst hafa
átt hund af sama kyni frá því
hann var fimm ára, ákvað „með
nokkrum semingi“ að leyfa Toby
að lifa þegar eigandi hans lofaði
að senda hann í þjálfunarbúðir og
láta vana hann að auki.
Hundurinn Toby vann það sér
til óhelgi að ráðast á og meiða níu
ára gamla stúlku, bita aðra jafn
gamla og elta uppi og fella fimm
ára gamlan dreng. í desember var
eiganda hans skipað að láta skjóta
hann en Blofeld vill gefa honum
eitt tækifæri enn. Ef hann ræðst
aftur á barn verður hann skotinn.
vegna þess, að þá yrðu niður-
greiðslur ríkisins felldar burt.
Bitnaði sú verðhækkun einnig á
Dönum, sem Svíar selja mikla raf-
orku.
Stjórn jafnaðarmanna hefur
tekið illa í þessar tillögur og telur
þær óábyrgar og óaðgengilegar
með öllu.
Sharon gegn Time:
Bardot skorin við brjóstakrabba
Franska kvikmyndaleikkonan Brigitte Bardot gekkst undir aðgerö skömmu fyrir jól vegna þess að fundist hafði
krabbamein í brjósti. Að aðgerðinni lokinni var hún meðhöndluð með geislum en vegna þess að hún á ekki að
koma til skoðunar aftur fyrr en eftir hálft ár þykir líklegt að læknarnir telji hana hólpna. Bardot lifir nú orðið
mjög fábrotnu lífi og einmanalegu, að sögn sumra.
Time-greinin yar röng
en skrifuð í góðri trú
— og Sharon missti af miskabótunum
New York, 25. jaoúar. AP.
BANDARÍSKA tímaritið Time birti ekki með vitund og vilja ranga frás-
ögn af fjöldamorðunum í flóttamannabúðum Palestínumanna í Beirút árið
1982 þar sem komist var að þeirri niðurstöðu, að Ariel Sharon, fyrrum
varnarmálaráðherra ísraels, bæri á þeim nokkra ábyrgð. Alríkisdómstóll í
New York kvað upp þennan úrskurð í gær og varð Sharon þar með af
miskabótunum, sem hann hafði krafíst, 50 millj. dollara, en vann málið að
öðru leyti.
Meiðyrðamálið, sem Sharon
höfðaði gegn Time, hefur vakið
mikla athygli í Bandaríkjunum
og víðar en það tók kviðdóminn,
sem var skipaður fjórum konum
og tveimur karlmönnum, ellefu
daga að komast að endanlegri
niðurstöðu að málflutningi lokn-
um. Fyrst úrskurðaði hann, að
greinin í Time væri efnislega
röng en hinsvegar var blaðamað-
urinn, sem greinina skrifaði,
sýknaður af því að hafa vitað
betur.
í febrúar fyrir ári birti Time
grein þar sem sagði, að Sharon
hefði „rætt um“ það daginn fyrir
fjöldamorðin í Beirút, að rétt
væri að hefna morðsins á Bashir
Gemayel, kjörnum forseta í Líb-
anon og leiðtoga falangista. Hélt
lögfræðingur Sharons þvi fram,
að lesendur gætu ekki dregið
aðra ályktun af því en þá, að
Sharon hefði „hvatt til og lagt
blessun sína“ yfir fjöldamorðin.
Báðir málsaðiljar hrósuðu í
dag sigri i málinu. „Málaferli eru
eins og stríð,“ sagði lögfræðingur
Time, Thomas D. Barr, „og þar
skipa vopnaviðskiptin ekki öllu
máli, heldur leikslokin og þau
voru okkur í vil.“ „Ég kom til að
sanna, að Time hefði farið með
rangt mál og það hefur mér tek-
ist,“ sagði Sharon um dóminn.
Lögfræðingur Sharons sagði í
dag, að annað meiðyrðamál yrði
höfðað gegn Time og að þessu
sinni fyrir ísraelskum dómstóli.
Verður það formlega höfðað gegn
dóttur- og dreifingarfyrirtæki
Time í Evrópu, sem sér einnig
um ísraelska markaðinn. I ísrael
eru lögin nokkuð öðru vísi en í
Bandaríkjunum og þar þarf
Sharon eða lögfræðingur hans
ekki að sýna fram á, að Time hafi
vísvitandi birt rangt mál um
Sharon í þeim tilgangi að sverta
hann í annarra augum.
ERLENT
Stríðsglæpamaður frjáls
Vfn OA iinnir AP - “
Vín, 24. jnnúar. AP.
STRÍÐSGLÆPAMAÐURINN Walter Reder fékk í dag að fara með
fíugvél til Austurríkis frá ftalíu, þar sem hann hefur setið í rúm 30 ár í
fangelsi fyrir að stjórna morðum á tæplega 2.000 ítölskum þorpsbúum.
Flugvélin með Reder innan- Friedhelm Frischenschlager
borðs lenti á herflugvellinum landvarnaráðherra var í fylgd
við Graz og þaöan var hann
fluttur í þyrlu til Martinek-
herbúðanna i Baden, um 20 km
suður af Vín.
Reder, sem er 69 ára og mun
vera veikur, á að mæta í lækn-
isskoðun og mun líklega dvelj-
ast í nokkra daga i Martinek að
eigin ósk að sögn embættis-
manna.
með Reder þegar hann fór frá
Graz. „Við lítum á Reder sem
stríðsfanga," sagði ónefndur
embættismaður.
Hann sagði að austurríski
herinn hefði boðizt til að flytja
Reder, veita honum húsaskjól
og láta hann fara i læknisskoð-
un af „mannúðarástæðum".
Reder var majór í SS og
ítalskur dómstóll dæmdi hann í
ævilangt fangelsi 1954 fyrir að
stjórna árás, sem var gerð á
þorp á Norður-Ítalíu til að
hefna aðgerða skæruliða gegn
Þjóðverjum.
Árið 1980 stytti ítalskur
dómstóll dóminn og sagði að
láta mætti Reder lausan 15. júlí
1985.
Vitað er að ítalska stjórnin
hefur hugleitt að sleppa Reder
úr haldi fyrir þann tíma, þar
sem austurríska stjórnin og
embættismenn kaþólsku kirkj-
unnar á Ítalíu hafa nokkrum
sinnum farið fram á náðun.
Embættismenn segja að Red-
er sé frjálst að fara hvert á
land sem er, en að hann hafi
verið beðinn um halda kyrru
fyrir í herbúðunum í ótiltekinn
tíma
Reder neitar að ræða við
fréttamenn og hefur beðið her-
inn að sjá um að hann fái að
vera í friði.
Sovésk vopn
hafa forgang
Ass»b, Eþfópfu, 25. janúar. AP.
VOPNUM og skotfærum var í gær skipað upp úr sovésku skipi í eþíópsku
höfninni Assab við Rauðahaf en úti fyrir bíður enn skip með áströlsku hveiti.
Hefur Eþíópíustjórn komið í veg fyrir, að því verði skipað upp. Vestrænir
sendimenn og starfsmenn hjálparstofnana hafa af þessum sökum innt yfir-
völd eftir því hvort eigi að hafa forgang í höfninni, vopnaflutningar eða
matarsendingar til deyjandi fólks.
í höfninni í Assab er nú verið að
skipa upp vopnum og skotfærum
úr sovésku flutningaskipi en úti
fyrir höfninni bíður enn skipið
„Baltic Skau“ með 16.000 tonn af
áströlsku hveiti. Hefur það beðið í
10 daga eftir að fá að leggjast upp
að. Vestrænir sendimenn og
starfsmenn hjálparstofnana hafa
leitað skýringar á þessu en fengið
þau svör ein, að hjálpargögnum
væri ávallt skipað upp á undan
öðrum farmi.
Á hafnarbakkanum gegnt sov-
éska skipinu eru þúsundir hveiti-
sekkja með áletrununum: „Gjöf
frá Áströlum til hjálparstarfsins i
Tigre“ og „Gjöf frá Áströlum til
hjálparstarfsins í Eritreu". Eru
sekkirnir hluti af 6.000 tonnum,
sem Eþíópíustjórn lagði hald á i
„Baltic Skau“ vegna þess, að þau
voru merkt hjálparstarfinu á þeim
svæðum þar sem skæruliðar berj-
ast gegn stjórnvöldum.