Morgunblaðið - 31.01.1985, Page 5

MORGUNBLAÐIÐ, FIMMTUDAGUR 31. JANÚAR 1985
5
Hvemig verður árið
hjá Eiríki?
Hann
Eiríkur á í vændum viðburðaríkt ár, og ekki síður Auðbjörg, kona hans, og fleiri
kunningjar, því þau munu verða tíðir gestir á síðum dagblaðanna í tengslum
við kynningarátak sem nú fer af stað.
Markmið þessa átaks er að vekja athygli á margvíslegri notkun skattpeninga, sýna fram á
gildi skattheimtu í nútíma þjóðfélagi og leggja áherslu á nauðsyn þess að allir taki
eðlilegan þátt í að greiða í sameiginlega sjóði.
Eiríkur
verður trúlega lítið hrifinn af
frægðinni. í sjálfu sér hefur hann
ekkert á móti því að vera í
sviðsljósinu, en vill þá fá að ráða
hvaða hlið hann sýnir á sér. Það
fær hann ekki núna, því
athyglinni verður fyrst og fremst
beint að því sem hann helst af
öllu vill fela og hafa út af fyrir sig
- fjármálum hans.
Auðbjörg
mun fylgja bónda sínum í þessa
fjölmiðlaraun. Éiríkur sér að vísu
um að afla teknanna og fela þær,
en hún aðstoðar hann dyggilega
við að eyða þeim. Aðaláhyggju-
efni hennar er heilsufar hans, en
það hvarflar þó aldrei að henni
að það kunni að standa í
einhverju sambandi við hvað
hann „skaffar“ vel.
Una
frænka Eiríks, hefur eyðilagt
fyrir honum ófáar afmælis- og
fermingarveislur í fjölskyldunni
með því að beina talinu að
skattamálum og halda fram
hlutum sem eru beinlínis
móðgandi fyrir hann. Með nýja
hlutverkinu fær Una tækifæri til
að koma skoðunum sínum á
framfæri á breiðari vettvangi,
þótt óhjákvæmilega hljóti
Eiríkur að dragast inn í
umræðuna eftir sem áður.
Arsæll
hefur oftast nær haldið sig utan
við þetta leiðindaþras, þótt hann
sé konu sinni hjartanlega
sammála. Engin ástæða til að
vera með nein ræðuhöld um jafn
sjálfsagðan hlut og að telja rétt
fram til skatts. En auðvitað gerði
ekkert til þótt Eiríkur fengi að
heyra úr fleiri áttum hvað fólki
finnst um framferði hans. Það
lendir nú einu sinni á öðrum að
borga fyrir hann brúsann.
Með þessu kynningarátaki verður gengið til liðs við Unu, Ársæl og alla aðra sem eru sama
sinnis. Auglýsingunum er ætlað að vekja umræður og beina athyglinni
að nauðsyn þess að allir þegnarþjóðfélagsinssitji við sama borð í samneyslunni,
greiði til sameiginlegra útgjalda í eðlilegu hlutfalli við raunverulegar tekjur
og að öllum sé tryggður jafn réttur til að njóta þeirrar viðamiklu
þjónustu sem kostuð er af almannafé.
FJÁRMÁLARÁÐUNEYTIÐ