Morgunblaðið - 30.05.1985, Blaðsíða 37

MORGUNBLAÐIÐ, FIMMTUDAGUR 30. MAÍ 1985
37
Iðnsýning Austurlands ’85:
Fylgja þarf sýningunni eftir með
frekari kynningu og markaðsöflun
— segja Reykvíkingarnir Einar Bjarnason og Rúnar S. Birgisson
KgiLsstööum, 26. maí.
„OKKUR finnst þetta góð sýning
miðað við allar aðstæður og þá
staðrcynd að hér er um frumraun
að ræða á þessu sviði. Sýningin
endurspeglar þá grósku sem er í
austfirskum iðnaði í dag. Hér eru
margar góðar hugmyndir á ferð-
inni sem e.t.v. þarf að vinna betur
úr — en umfram allt kynna bet-
ur. I*að er nauðsynlegt að fylgja
þessari sýningu eftir með öflugu
kynningarstarfi á austfirskum
iðnaði og markvissri markaðsöfl-
un,“ sögðu þeir Kinar Bjarnason
og Rúnar S. Birgisson frá Reykja-
vík er tíðindamaður Mbl. hitti bá
sem snöggvast á Iðnsýningu
Austurlands og innti þá álits á
sýningunni.
Rúnar S. Birgisson er einn
þriggja eigenda auglýsingastof-
unnar „Nýtt útlit“ er komið var
á laggirnar í Reykjavík um síð-
astliðin áramót.
Auglýsingastofan Nýtt útlit
hefur sérhæft sig í þjónustu
fyrir iðnfyrirtæki, einkum á
landsbyggðinni. Við erum eina
auglýsingastofan sem eigum
aðild að Félagi íslenskra iðn-
rekenda — en hingað er ég
kominn að eigin frumkvæði
vegna þess að það er einfald-
lega skoðun mín að austfirsk
iðnfyrirtæki þurfi á sérhæfðri
þjónustu auglýsingastofu að
halda — og ég hef orðið var við
mikinn áhuga og skilning hjá
Einar Bjarnason og Rúnar S. Birgisson.
forsvarsmönnum margra fyrir-
tækja hér á sýningunni á nauð-
syn þessa," sagði Rúnar S.
Birgisson.
„Við hjá Nýju útliti hönnuð-
um einn sýningarbás hér á
Iðnsýningu Austurlands, sýn-
ingarbásinn hjá Austmati frá
Reyðarfirði. Kaupfélögin eru
einnig með fatahönnun í sínum
sýningarbásum — en aðrir ekki
að ég held.
Jú, það er rétt, auglýsinga-
stofurnar eru allar á Stór-
Reykjavíkursvæðinu utan tvær
á Akureyri. Hins vegar höfum
við hjá Nýju útliti nú í athugun
að opna útibú á einum þremur
stöðum á landsbyggðinni,"
sagði Rúnar ennfremur.
Einar Bjarnason, samfylgd-
armaður Rúnars, vinnur einnig
að auglýsinga- og markaðsmál-
um. Hann kvaðst þess fullviss
að hvergi væri meiri gróska í
iðnaðarnýjungum en á Austur-
landi. Þessa hefði hann orðið
greinilega var á ferð um landið
síðastliðinn vetur.
„E.t.v. eru menn hér enn ekki
nógu opnir fyrir nauðsyn mark-
aðsöflunar og gildi auglýs-
ingarinnar í því augnamiði —
og ég er sannfærður um það að
sum iðnaðarfyrirtæki hér á
Austurlandi gætu orðið helm-
ingi stærri og fólksfjöldi hér
um slóðir mun meiri ef gert
yrði átak í markaðs- og sölu-
málum iðnfyrirtækjanna — því
að hér eru vörur framleiddar
sem tívmælalaust eiga erindi á
markað syðra eða þá á Evrópu-
markað. Austurland ætti að
eiga forskot umfram marga
aðra inn á Evrópumarkað af
landfræðilegum ástæðum,"
sagði Einar Bjarnason.
„Jú — auglýsingar kosta sitt
— en sannleikurinn er bara sá
að ekkert fyrirtæki kemst af án
auglýsinga, áætlunargerðar,
hönnunar umbúða og annarrar
aðkeyptrar sérfræðiþjónustu í
tengslum við sölu- og mark-
aðsmál í dag — og það er okkar
skoðun að þjónusta auglýs-
ingastofa sé almennt ekki dýr-
keypt. En það getur verið dýrt
að auglýsa ekki eða spara um of
við sig sérhæfða aðkeypta
þjónstu á þessu sviði. Sum
fyrirtæki ráðstafa alltaf ákveð-
nu hlutfalli af veltu til slíkra
útgjalda, þetta 2—4% , en vit-
anlega verður það alltaf mis-
jafnt — fer einfaldlega eftir
þörfum og eðli hvers og eins
fyrirtækis. Það verður þó alltaf
hlutfallslega dýrast að auglýsa
í upphafi," sögðu þeir félagar
að lokum. — Ólafur
Gunnars-bakarí notar 10 tonn
af mjöli á mánuði í baksturinn
EplætöAum, 26. maí.
V.
\
m
Sigrídur Rósa Kristinsdóttir og Lára Magnúsdóttir við sýningarbás Huttu
sf.
Stefna ber markvisst
að svona sýningu
á fjögurra ára fresti
— segir Sigríður Rósa Kristinsdóttir
„ÉG ER afar þakklátur for-
svarsmönnum þessarar sýn-
ingar. Ég verð að játa aö ég
gerði mér alls ekki grein fyrir
mikilvægi hennar þegar hug-
myndin var færð í tal við mig í
upphafi. Það er greinilegt að
svona sýningu þarf að halda á
tveggja til þriggja ára fresti,“
sagði Gunnar Hjaltason á
Reyðarfirði er tíðindamaður
Mbl. tók hann tali á Iðnsýningu
Austurlands.
„Ég hóf brauðgerð á
Reyðarfirði fyrir einum 10
árum undir heitinu Gunnars-
bakarí. Framleiðslan jókst
mjög verulega á tveimur,
þremur fyrstu mánuðum
starfseminnar og hefur hald-
ist nokkuð stöðug síðan. Nú
starfa um 12 manns við
brauðgerðina," sagði Gunnar.
„Ja, ætli við notum ekki um
10 tonn af mjöli að meðaltali
á mánuði í brauðbaksturinn.
— Jú, jú, fjölbreytni fram-
leiðslunnar hefur aukist
verulega með árunum. En
neysluvenjur fólks eru nokk-
uð bundnar svonefndum vísi-
tölubrauðum — eins og e.t.v.
gefur að skilja. Markaðssvæði
okkar er fyrst og fremst
Mið-Austurland.
Jú, rétt er það, verð á
brauði og kökum reyndist
lægst hér á Austurlandi skv.
nýafstaðinni verðlagskönnun
Verðlagsstofnunar. Skýr-
ingar þess er líklega fyrst og
fremst að leita í því að við
tökum ekki til baka frá versl-
ununum óseld brauð eins og
gerist syðra. En það er frá-
leitt að skýringar sé að leita í
lélegra hráefni hér eins og
fram kom í útvarpsviðtali á
dögunum í tilefni verðkönn-
unarinnar.
Jú, þessi sýning virðist
koma fólki verulega á óvart
— sem sannar ótvírætt nauð-
syn kynningar á austfirskum
iðnaðarvörum — og við höf-
um lært það mikið nú á þess-
ari sýningu að næsta iðnsýn-
ing verður væntanlega enn
betur úr garði gerð, yfir-
gripsmeiri og áhrifaríkari,"
sagði Gunnar Hjaltason á
Reyðarfirði.
— Ólafur.
Efplsstödum, 26. maí.
EITT AF yngstu iönfyrirtækjunum
er þátt tekur í Iðnsýningu Austur-
lands ’85 er saumastofan Hutta sf.
á Eskifirði. Hutta sf. hóf starfemi
sína 1. desember síðastliðinn og
eigendur eru Lára Magnúsdóttir
og Sigríður Rósa Kristinsdóttir.
„Við framleiðum fyrst og
fremst hvers konar tískufatnað
fyrir konur. Við byrjuðum smátt
en umsvifin aukast stöðugt,"
sagði Sigríður Rósa við tíðinda-
mann Mbl. „Okkar framleiðsla
fer fyrst og fremst á markað í
Reykjavík en við erum ennfrem-
ur að þreifa fyrir okkur í Fær-
eyjum. Þá seljum við auðvitað
framleiðsluna i eigin verslun á
Eskifirði. Við bindum miklar
vonir við þessa sýningu. Fram-
leiðslu okkar hefur verið mjög
vel tekið af sýningargestum, t.d.
höfum við þegar fengið ákveðnar
fyrirspurnir frá aðilum á Akur-
eyri,“ sagði Sigríður Rósa enn-
fremur.
— Finnst þér svona sýning
eiga rétt á sér?
„Alveg tvímælalaust. t heild
er sýningin mjög athyglisverð og
það hefur komið í ljós að fólk
hefur hreint ekki vitað hvað hef-
ur verið að gerast í iðnaðarmál-
um síns heimahéraðs fyrr en hér
á sýningúnni — hvað þá í ná-
grannabyggðunum. Það ber að
stefna markvisst að svona sýn-
ingu á fjögurra ára fresti,“ sagði
Sigríður Rósa Kristinsdóttir og
meðeigandi hennar, Lára Magn-
úsdóttir, tók undir þá skoðun.
— Ólafur.
Gunnar Hjaltason í sýningarbás sínum á Iðnsýningu Austurlands ’85.