Morgunblaðið - 08.06.1985, Blaðsíða 32
32
MORGUNBLAÐIÐ, LAUGARDAGUR 8. JÚNÍ 1985
Meimtamálaráðherra um kjaramál fóstra:
Samningsatriði
við sveitarfélögin
— sem reka dagvistarstofnanir
Vandi hefur skapast við að ráða fóstrumenntað fólk í allar stöður á
dagvistarheimilum landsins, sagði Ragnhildur Helgadóttir, menntamálaráð-
herra, efnislega í utandagskrárumræðu á þingi í gær. Sá vandi er af tvennum
toga spunninn. í frrsta lagi örar uppbyggingar dagvistarstofnana sem kalla á
fleira starfsfólk. I annað stað kjaraþátturinn, en opinberir starfsmenn telja
sig hafa dregizt aftur úr starfsstéttum á svokölluðum frjálsum vinnumarkaði.
Ráðherrann kvaðst vona að leiðrétting næðist fram í þeim efnum, þótt í
áföngum yrði. Nú stæðu yfir samningaviðræður milli fjármálaráðherra og
BSRB um nýjan launastiga og röðun einstakra starfshópa inn í hann, þar á
meðal fóstrur.
Seðlabankabygging:
Samningsbundnar framkvæmd-
ir haldi áfram, aðrar ekki
í GÆR VAR samþykkt þingsályktunartillaga í efri deild Alþingis, þar sem
< lagt er til að framkvæmdir við Seðlabankahúsið, sem ekki eru samnings-
bundnar, verði stöðvaðar og hefjist ekki að nýju fyrr en Alþingi hefur
ákveðið hvernig hagnýta eigi húsið.
Flutningsmenn tillögunnar eru
Eyjólfur Konráð Jónsson (S), Eið-
ur Guðnason (A), og Stefán Bene-
diktsson (BJ). Fjárhags- og við-
skiptanefnd deildarinnar mælti
með samþykkt frumvarpsins, en
flutti breytingartillögu, sem náði
fram að ganga. Þingsályktunar-
tillagan var samþykkt með 13 at-
kvæðum gegn fjórum. Björn
*”r Dagbjartsson (S), Jón Helgason
(F), Davíð Aðalsteinsson (F) og
Haraldur ólafsson (F) greiddu at-
kvæði á móti.
Tillagan hljóðar svo, en hún
verður tekin fyrir í neðri deild:
„Alþingi ályktar að fela ríkis-
stjórninni að láta gera athugun á
því hvernig æskilegast sé að nýta
svonefnt Seðlabankahús. Sérstak-
lega verði athuguð hvort það gæti
hentað fyrir Stjórnarráð íslands.
Framkvæmdir við bygginguna,
sem ekki eru þegar samnings-
bundnar, verði stöðvaðar meðan
athugun þessi fer fram og hefjist
ekki að nýju fyrr en Alþingi hefur
ákveðið hvernig hagnýta beri hús-
•fið.“
' Fyrr á fundi efri deildar í gær-
kom til annarrar umræðu frum-
varp til Iaga um lækkun bindi-
skyldu, en var fellt á jöfnu 9:9.
Meirihluti fjárhags- og viðskipta-
nefndar mælti með samþykkt
þess. Áður hafði frávísunartillaga
fengið sömu málslok.
Þetta er í annað skiptið sem
frumvarp um lækkun bindiskyldu,
sem er nú 18%, er fellt. í vetur
lagði Eyjólfur Konráð Jónsson
fram frumvarp þar sem gert var
ráð fyrir 10% bindingu, en það
sem fellt var í gær 15%.
Eftirtaldir þingmenn studdu
frumvarpið: Eiður Guðnason (A),
Eyjólfur Konráð Jónsson (S),
Helgi Seljan (Abl.), Karl Steinar
Guðnason (A), Kolbrún Jónsdóttir
(BJ), Ragnar Arnalds (Abl.),
Kristín Ástgeirsdóttir (K), Stefán
Benediktsson (BJ), og Valdimar
Indriðason (S). Þeir sem voru á
móti: Albert Guðmundsson (S),
Árni Johnsen (S), en hann sat hjá
þegar frumvarp Eyjólfs Konráðs
var tekið til atkvæöa fyrr í vetur,
Björn Dagbjartsson (S), Davíð Að-
alsteinsson (F), Egill Jónsson (S),
Haraldur Ólafsson (F), Jón Helga-
son (F), Jón Kristjánsson (F) og
Þorvaldur Garðar Kristjánsson
(S).
Ragnhildur Helgadóttir taldi of
fast að orði kveðið að tala um
neyðarástand í sambandi við
rekstur dagvistunarheimila, þó
rétt væri, að vandi væri á ferð
varðandi ráðningu fóstrumennt-
aðs fólks í allar stöður á dagvist-
arheimilum. Hún áréttaði það,
sem fram kom í máli hennar í gær
um sama efni, að fóstrur væru að
langstærstum hluta bæjarstarfs-
menn, ekki ríkisstarfsmenn. Það
væri ekki í valdi menntamála-
ráðuneytisins að grípa inn í samn-
ingagerð milli B8RB og einstakra
sveitarfélaga í landinu um kjör
fóstra eða annarra. Að því leyti
sem samningar við fóstrur heyrðu
undir ríkisvaldið væri fjármála-
ráðuneytið með þá samninga, eins
og við aðra ríkisstarfsmenn.
Menntamálaráðherra kvað 46
fóstrur á launaskrá hjá ríkinu.
Reykjavíkurborg ein ræki hins-
vegar 54 dagvistarheimili fyrir
samtals 3.419 börn. í desember
mánuði sl. hafi 960 starfsmenn
verið á launaskrá hjá þessum
dagvistunarstofnunum. Þá var
talið að vantaði 50 fóstrur til
starfa. Hin öra uppbygging dag-
vistunarheimila, sem að sjálf-
sögðu kallaði á fleiri fóstrur til
starfa, kæmi hér við sögu, ásamt
kjaraþættinum.
Ráðherra sagði að ríkið hefði
tekið við rekstri Fóstruskólans
1973. Þá þegar var hafizt handa
um stækkun hans. Árin 1975—
1985 var fjöldi útskrifaðra fóstra
frá 54—66, oftast um 60. Alls hafa
útskrifast 985 fóstrur frá því skól-
inn tók til starfa. Umsóknarfjöldi
hefur verið milli 90—100 undan-
farin ár, en inn hafa verið teknar
um 70 síðustu árin. Umsóknar-
frestur er ekki liðinn nú en þegar
hafa borizt milli 40—50 umsóknir.
Ragnhildur Helgadóttir kvað
rétt vera að launakjör hafi áhrif á
aðsókn í störf fóstra á dagvistar-
heimilum, eins og í önnur störf.
Hinsvegar kæmi menntamála-
ráðuneytið lítið við launaþátt
þessara mála, heldur fyrst og
fremst sveitarfélög, sem flest
dagheimilin reka, og fjármála-
ráðuneytið, að því er varðar ríkis-
starfsmenn, hverjum störfum sem
þeir gegna. Ráðuneytið leitaðist
við að sinna þeim þáttum þessa
máls, sem það hefði með höndum,
og hafa jákvæð áhrif á aðra.
Þetta voru efnisatriði úr svari
ráðherra við fyrirspurn frá Krist-
ínu Kvaran í utandagskrárumræðu
í gær: „Hyggst ráðherra beita sér
fyrir skjótri úrlausn þess neyðar-
ástands sem skapast hefur á dag-
vistarheimilum og fer versnandi?"
Fjölmargir þingmenn tóku til
máls. Veittust stjórnarandstöðu-
menn að menntamálaráðherra,
sem þeir töldu ekki hafa sýnt
þessum málaflokki nægilega at-
hygli.
mwnei
Stuttar þingfréttir
Jafnrétti
Félagsmálanefnd neðri deildar
mælir einróma með samþykkt
frumvarps til laga um jafna
stöðu kvenna og karla, en leggur
fram þrjár breytingartillögur. f
fyrsta lagi um að sérstakar
tímabundnar aðgerðir sem gerð-
ar eru til að bæta stöðu kvenna
og stuöla að jafnrétti, teljist ekki
ganga gegn íögunum. í öðru lagi
breytingartillaga um málshöfð-
unarrétt jafnréttisráðs og að
lokum um framkvæmdaáætlanir
um jafnréttismál.
Lífeyrisréttindi
Kristín Ásgeirsdóttir, Sam-
tökum um kvennalista, lagði
fram breytingartillögu við frum-
varp til laga um lífeyrisréttindi
húsmæðra í efri deild. Tillaga
var felld á jöfnu (7—7). Efni til-
lögunnar var að ríkissjóður taki
að sér að greiða iðngjald til líf-
eyrissjóðs, fyrir félagsmenn
sjóðsins, sem hverfa frá vinnu
inn á heimili. Frumvarpið gerir
ráð fyrir að félagsmaðurinn
greiði þetta sjálfur, þ.e. iðn-
gjaldahlut atvinnurekenda.
Fisksjúkdómar
Egill Jónsson, Sjálfstæðis-
flokki, mælti í gær fyrir nefnd-
aráliti landbúnaðarnefndar um
frumvarp til laga um skipun sér-
staks dýralæknis fisksjúkdóma,
en hann er jafnframt flutnings-
maður þess. Samþykkt var að
vísa málinu til þriðju umræðu.
Fornbílaklúbbur fslands:
Hópferð í til-
efni 100 ára
afmælis bílsins
FORNBÍLAKLÚBBUR íslands heldur upp á 100 ára afmæli bílsins í dag,
laugardaginn 8. júní. Farið verður í hópferð austur fyrir fjall, í tívolí-
skemmtigarðinn í Hveragerði. Lagt verður af stað frá Hótel Esju kl.
13-30.
Með þessari hópferð hefst
sumarstarf Fornbílaklúbbsins,
en vetrarstarfinu lauk með aðal-
fundi þann 18. maí sl.
f frétt frá Fornbílaklúbbnum
segir að hefðbundið sumarstarf
klúbbsins sé að fara í hópferðir á
gömlum bílum. Má þar nefna
vorferð, akstur á 17. júní, sumar-
ferð og haustferð.
Á aðalfundi félagsins 18. maí
sl. voru eftirtaldir menn kosnir í
stjórn: Rudolf Kristinsson form-
aður, Hilmar Böðvarsson, Hin-
rik Thorarensen, Helgi Magnús-
son, Haukur Isfeld, Arngrímur
Marteinsson og Kristján Jóns-
son.
Félagið telur brýnt að koma
upp bílskúrum, aðstöðu fyrir
viðgerðir og e.t.v. sýningarsal og
er unnið að því í samráði við
borgaryfirvöld. Einnig er unnið
að því að fá fellda niður tolla af
innfluttum fornbílum.
Félagar eru nú rúmlega 500
sem flestir eiga sinn fornbíl og
sumir fleiri en einn. Talið er að
um 1000 fornbílar séu til í land-
inu.
Packhard, sjö manna, árgerð 1941 á lítilli ferð um ótroðnar slóðir. Eigandi bflsins er Olafur Geirsson.