Morgunblaðið - 08.06.1985, Blaðsíða 33

MQRGUNBLAÐIÐ, LAUGARDAQUR 8» JÚNÍ19$5
Barbara Hammann sýn-
ir í Nýlistasafninu
ÞÝSKI listamaðurinn Barbara Ham-
mann opnaði sýniuj'u í Nýlista-
safninu. Vatnsstíg 3b, í gær, fóstu-
daginn 7. júní.
Á sýningunni verða polaroiii-
myndir og myndbanda-innsetning
(installation).
Barbara Hammann er mynd-
banda-listamaður, auk þess sem
hún skipuleggur sýningar og
skrifar um kvennalist. Barbara
fæddist í Hamborg 1945. Hún er
sjálflærð í listinni, en hefur numið
listasögu og hefur Ph.D.-gráðu í
heimspeki.
Barbara er þekkt fyrir verk sín
og hefur unnið fyrstu verðlaun á
alþjóðlegu myndabanda-hátíðinni
í Tókýó. Hún hefur einnig sýnt á
alþjóðlegu video- og kvikmynda-
hátíðunum í Berlín og Montreal.
Sýning Barböru verður opin
daglega kl. 16.00—20.00. Henni
lýkur sunnudaginn 16. júní nk.
(Úr fréUatilkjrnningii)
Þórður frá Dagverd-
ará sýnir á Akureyri
ÞÓRÐUR Halldórsson frá Dag-
verðará opnar nk. sunnudag mál-
verkasýningu í golfskálanum á
Jaðri á Akureyri. Þetta er 11.
einkasýning Þórðar hér á landi, en
árið 1974 hélt hann einkasýningu f
London í boði Flugleiða og seldi
þá allar myndir sem voru á þeirri
sýningu.
Myndirnar sem Þórður sýnir á
Jaðri eru um 30 talsins og eru
allt olíumálverk. Þau eru flest
máluð á Snæfellsnesi og endur-
spegla kraftinn undir Jökli sem
hvergi er til annars staðar að
sögn Þórðar.
Sýning Þórðar á Jaðri hefst
sem fyrr sagði nk. sunnudag og
stendur hún til fimmtudags-
kvölds. Hún er opin á sunnudag
kl. 14—20 og virka daga kl.
16-22.
Leikfélag Reykjavíkur:
Bætt við sýningum á
Draumi á Jónsmessunótt
LEIKFÉLAG Reykjavíkur hefur
ákveðið að bæta við þremur auka-
sýningum á leikritinu Draumi á
Jónsmessunótt vegna mikillar að-
sóknar. Verður sú fyrsta í kvöld, en
hinar tvær miðvikudagskvöldið 12.
júní og fóstudagskvöldið 14. júní.
Ekki verður unnt að taka upp sýn-
ingarnar í haust, og eru þetta því
allra síðustu sýningarnar á þessari
uppfærslu.
I fréttatilkynningu frá Leikfé-
lagi Reykjavíkur kemur fram, að
sýningarnar hafa hlotið einróma
lof gagnrýnenda og áhorfenda.
Nemendaleikhús Leiklistarskól-
ans og Leikfélag Reykjavíkur
unnu saman að sýningunni og
skiptu hlutverkunum bróðurlega
milli sín. Þannig fara nokkrir
ungu leikaranna úr Nemenda-
leikhúsinu með stór burðarhlut-
verk, s.s. Þór K. Tulinius, Jakob
Þór Einarsson, Rósa Þórsdóttir,
Þröstur Leó Gunnarsson og
Kolbrún Erna Pétursdóttir. Þeir
leikarar Leikfélagsins sem með
stærstu hlutverk fara eru: Gísli
Halldórsson, Þorsteinn Gunnars-
son, Bríet Héðinsdóttir, Guð-
mundur Pálsson, Sigurður Karls-
son og Karl Ágúst Úlfsson.
Leikstjóri er Stefán Baldursson,
leikmynd er eftir Grétar Reynis-
son, en tónlist í höndum Jóhanns
G. Jóhannssonar.
(f'r frétUtUkrnningu)
Þorsteinn Gunnarsson og Tinna Gunnlaugsdóttir í hlutverkum sínum.
Þjóðleikhúsið:
Síðustu sýningar
á íslandsklukkunni
LEIKÁR Þjóðleikhússins er nú
senn á enda og aðeins örfáar sýn-
ingar eru eftir á íslandsklukkunni
eftir llalldór Laxness í leikstjórn
Sveins Einarssonar. Sýningin hef-
ur til þessa hlotið ágæta aðsókn,
segir í fréttatilkynningu frá Þjóð-
leikhúsinu.
Með helstu hlutverk fara
Helgi Skúlason, Tinna Gunn-
laugsdóttir, Þorsteinn Gunnars-
son, Arnar Jónsson, Sigurður
Sigurjónsson, Hjalti Rögn-
valdsson, Harald G. Haraldsson
og Róbert Arnfinnsson.
Síðustu sýningarnar verða
sunnudaginn 9. júní og fimmtu-
daginn 13. júní.
(í'r fréttatilkynningu)
Þorsteinn Gunnarsson, Jón Gunnarsson og Flosi Ólafsson í hlutverkum
sínum í íslandsklukkunni.
Fágætar
bækur á
bókaupp- ..
boði í Iðnó
Listmunauppboð Sigurðar Bene-
diktssonar og Bókavarðan efna til
bókauppboðs í Iðnó kl. 15.00 sunnu-
daginn 9. júní.
Boðnar verða upp fágætar bækur
um íslensk fræði, m.a. Islandica,
sem Halldór Hermannsson bóka-
vörður í íþöku gaf út. Einnig verða
seldar margar bækur úr eigu Hall-
dórs Hermannssonar á uppboðinu, -
bækur um náttúrufræði, gamlar
guðfræðibækur, ljóð, skáldsögur^-
leikrit, þjóðsögur og sagnir, tímarit
og gömul rit um lögfræði og rétt-
arsögu.
Þar á meðal verða Grasnytjar
eftir Björn Halldórsson í Sauð-
lauksdal, Alþýðubókin, frumútgáfa,
eftir Halldór Laxness, frumútgáfur
eftir Jón Thoroddsen, Drauma-Jói
eftir Ágúst H. Bjarnason, gömul
Almanök Jóns Sigurðssonar for-
seta, Árbók Háskóla Islands frá
upphafi, lækningatímaritið Sæ-
mundur fróði, tímaritið Óðinn og
tímarit Bókmenntafélagsins. Þá
verða á uppboðinu Gulaþingslög,
Kh. 1817, frumútgáfa Grágásar,
Kh. 1829, forordningar, prentaðar í
Kaupmannahöfn og Hrappsey.
Þjóðsagnabók dr. Konrads Maurer1
um íslenskar þjóðsögur, en hérlend-
is er talið að til séu innan við 10
eintök af bókinni.
Á uppboðinu verða boðnar upp
bókakippur, t.d. 50 smárit um ís-
lensk fræði, sex ljóðabækur eftir
kunna höfunda í einu númeri, 5
guðsorðabækur frá síðustu öld, o.fl.
Bækurnar verða til sýnis í dag,
laugardag, kl. 14.00—18.00 í Bóka-
vörðunni, Hverfisgötu 52.
(Úr frétutilkynninfni)
Torfæru-
keppniá
Hellu
ÁRLEG torfærukeppni Flugbjörgun-
arsveitarinnar á Hellu veróur haldin
laugardaginn 8. júní á Rangárvöllum
utan Hellu — nánar tiltekió við
Varmadalslæk. Gert er ráó fyrir að
hún hefjist klukkan 14.
Keppt verður í tveimur flokkum.
Annars vegar eru það hinir sérbúnu
jeppar, hinsvegar svokallaðir „götu-«
bílar" — eða óbreyttir bílar. Auk
jeppakeppninnar verður trukka-
keppni.
Kynnir á keppninni verður Árni
Johnsen, alþingismaður.
Björgunarsveitin „Stefánu í Mýyatnssveit:
Heppileg leið á Vatnajökul könnuð
UM SÍÐUSTU helgi lögðu félagar úr björgunarsveitinni Stefáni í
Mývatnssveit land undir fót og héldu suður á Öræfi. Tilgangur ferðarinn-
ar var að kanna heppilega leið á Vatnajökul sem fara mætti ( tilfellum
eins og upp komu í mars sl. þegar skíðamaður frá Akureyri féll í jökul-
sprungu. Þá var leitað til björgunarsveitarinnar Stefán um aðstoð.
Úr Mývatnssveit lagði þá upp fjöllum og gist í Dreka, skála
flokkur sleðamanna og hélt í
Kverkfjöll. Þar sem skyldi
freista uppgöngu. Það tók þenn-
an flokk aðeins 7 klukkustundir
þá að ferðast 160 km um reginör-
æfi í vonskuveðri og náttmyrkri.
Þegar í Kverkfjöll kom varð
leiðangursmönnum ljóst að inn á
jökulinn gætu þeir ekki farið í
því veðri sem þar ríkti. Hvort
tveggja var að á Kverkfjalla-
svæðinu öllu er jökullinn afar
brattur og mikið sprunginn og
eins hitt að lorantæki á björgun-
arsveitin Stefán ekki. Víkjum nú
að ferð síðustu helgar.
Lagt var af stað á föstu-
dagskvöld. Farartækin voru
fjórir vel búnir jeppar með þrjár
kerrur og á þeim sex vélsleðar.
Það kvöld var farið að Dyngju-
sem þar er.
Árla laugardags héldu menn
suður og suður fyrir Dyngjufjöll
og lintu ekki ferð fyrr en komið
var hátt upp í Urðarháls, en
hann liggur að Vatnajökli norð-
anverðum. Þar var loks komið
sleðafæri. Voru nú sleðarnir
teknir af jeppakerrunum og
stefna tekin á Kistufell, sem er
um 1440 metra hátt vestan
Dyngjujökuls.
Skemmst er frá því að segja að
leiðin upp á jökulinn vestan þess
reyndist greiðfær og má ætla að
hún sé það einnig að vetri til, því
jökullinn fellur þétt að fellinu
sunnanverðu og er því trúlega
ekki sprunginn, þar sem hann
þjappast saman á því svæði.
Vissara er þó að kanna það betur
síðla sumars þegar vetrarsnjó
hefur tekið upp.
Eftir nokkuð harðar svipt-
ingar eða stympingar ökumanna
og sleðanna við suðurhlíðar
fellsins, tókst að aka upp á það
og má segja að dvöl hópsins á
hæstu nibbu Kistufells væri há-
punktur ferðarinnar og það í
meiri en einum skilningi, því
stafalogn var, glaðasólskin og
hlýtt.
Þeir einir sem kynnst hafa af
eigin raun tign okkar islensku
Öræfa geta ímyndað sér þessa
tilfinningu sem grípur menn á
slíkum stundum. í suðri blasti
við hinn breiði skjöldur Vatna-
jökuls, í austri Kverkfjöll og
Snæfell, í norðri Dyngjufjöll og
víðátta Ódáðahrauns með lista-
verkum sköpunarinnar eins og
Trölladyngju og Herðubreið, en í
vestri Vonarskarð, Tungufells-
jökull og Hofsjökull.
Meðan á dvölinni á fjallinu
stóð, náðist ágætt samband um
handtalstöð við björgunarsveit-
ina Gró á Egilsstöðum og Garð-
ar á Húsavík.
Þessu næst var farið austur
fyrir fellið og þar niður af jökl-
inum. Reyndist það mun bratt-
ari leið og torfærari. Komið var
að gigbákninu á Urðarhálsi, sem
mun vera um 100 m á dýpt og 1
km í þvermál, standberg mest-
allan hringinn. Einnig var komið
að einni af upptakakvíslum Jök-
ulsár á Fjöllum.
Aftur var gist í Dreka næstu
nótt, en haldið heimleiðis í Mý-
vatnssveit á sunnudag. Þar hafði
þá verið þessa helgi dumbungs-
veður þrátt fyrir veðurblíðuna á
miðhálendinu.
Þess má að lokum geta að
björgunarsveitarmenn kostuðu
þessa ferð algerlega sjálfir. Þeir
hafa mikinn áhuga á að safna fé
til kaupa á lorantæki í bifreið
sveitarinnar svo og annan búnað
sem nauðsynlegur er.
Kristján.
Gísli Halldórsson í hlutverki sfnu í
Draumi á Jónsmessunótt.