Morgunblaðið - 12.06.1985, Side 37
MORGUNBLAÐIÐ, MIÐVIKUDAGUR 12. JÚNÍ1985
37
Ferðamannaþjónusta á Hellu
Starfsfólk Cistihúss Mosfells á Hellu.
Mosfell rekur gistihús,
sumarhús og tjaldstæði
Á UNDANFÖRNUM árum hefur ferðaþjónusta vaxið verulega á Hellu með
starfsemi GLstihúss Mosfells. Aðsókn var góð á sl. ári og bókanir fyrir þetta
sumar eru ágaetar. Á sl. ári bættist við fullkomið tjaldsvæði á bökkum
Rangár.
Mosfell hóf rekstur gistihúss
1975, þá með 6 herbergi á efri
hæð verslunar og verksmiðju-
húss. Nú eru þar 20 herbergi, sem
góð nýting var á sl. ári af hópum
ferðamanna á vegum ferða-
skrifstofu Guðmundar Jónasson-
ar, Úrvals o.fl.
Einar Kristinsson hjá Mosfelli
sagði að aðsókn hefði verið góð á
sl. ári, gestir ferðaskrifstofu Guð-
mundar Jónassonar væru fasta-
gestir í gistihúsinu á hverju ári.
Þeir dvelja i 7 daga í senn og fara
dagsferðir frá Hellu.
90% gesta gistihússins eru út-
lendingar en í sumarhúsunum,
sem leigð eru út á tjaldsvæðinu á
Rangárbökkum, er meira um ís-
lendinga. Þau hafa notið mikilla
vinsælda og til marks um það þá
var þar fullt um hvítasunnuhelg-
ina, allt íslendingar.
Einar kvað bókanir vera ágæt-
ar, eins og hann komst að orði, og
það sýndi að útlitið væri gott,
bæði hvað varðaði sumarhúsin og
gistihúsið. Hann sagði það svo
eiga eftir að koma í ljós hvort
bókanir skiluðu sér eða ekki. Oft
væri það raunin að færru kæmu
en áætlað hefði verið þegar pant-
að væri á haustin og bókanir
gerðar.
Einar sagði alla aðstöðu fyrir
ferðamenn á Hellu vera mjög
góða og hefði hún batnað mikið
með tilkomu tjaldsvæðisins í
fyrra og nú sundlaugarinnar sem
opnuð var fyrr í vor.
Tjaldsvæði Mosfells er á bökk-
um Rangár neðan brúarinnar.
Það er mjög vel búið og aðstaða
öll hin fullkomnasta. Á svæðinu
eru sumarhús til leigu og verða
þau 10 talsins í sumar. Húsin eru
af þremur stærðum, 10m2, 16m!
og 26m'. Snyrtiaðstaða er mjög
góð á svæðinu og aðstaða til
matseldar er fyrir hendi og mjög
góð. Stór skáli er á svæðinu fyrir
gesti að snæða í og sem setustofa.
Þar er bjart og vistlegt. Þessi að-
staða á tjaldsvæðinu hefur verið í
byggingu frá því í fyrra og er
viðbót við ferðaþjónustu þeirra
Mosfellsmanna.
Texti og myndir:
Sigurður Jónsson
Sundlaugin
vinsæl hjá
börnum og
unglingum
Sundlaugin á Hellu nýtur vaxandi
vinsælda og aðsókn að henni hefur
verið góð frá því hún var opnuð
snemma í vor.
Að sögn annars baðvarðarins,
íshildar Einarsdóttur, er laugin
vinsæl hjá börnum og unglingum.
Aðsókn fullorðinna sagði hún að
færi vaxandi og margir kæmu í
laugina klukkan sjö á morgnana,
einnig væri nokkuð um að fólk úr
sveitinni og ferðafólk nýtti sér
þessa góðu aðstöðu. Innan tíðar
verða settir upp heitir pottar og
vaðlaug við laugina.
Einar Kristinsson við sumarhúsin, sem Mosfell leigir út.
Vignir, Helgi og Sigurður fyrir fram-
an Grillskálann.
• •
„Ommukakó“ í
Grillskálanum
Grillskálinn á Hellu er sannarlega
veitingastaður í þjóðbraut eins og
eigendurnir Vignir Sigurbjarnarson
og Aðalbjörg Jónsdóttir leggja
áherslu á og bæta við að þetta sé
eini staðurinn sem býður upp á ekta
ömmukakó.
Grillskálinn er liður í ferða-
þjónustunni á Hellu og um marga
rétti að velja hjá Vigni og sonum
hans tveimur, Helga og Sigurði,
sem aðstoða hann við reksturinn.
„Við erum alltaf með ekta ömmu-
kakó og hlaðborð og þetta gengur
vel,“ sagði Vignir Sigurbjarnar-
son.
Hann lagði á þaö áherslu að að-
staða ferðamanna á Hellu væri
orðin mjög góð og fólk gæti fengið
það sem það vildi á staðnum.
Hann kvaðst bjartsýnn á sumarið
og kvað það alltaf leggjast vel í sig
eftir gott vor eins og nú hefði ver-
ið. í Grillskálanum vinna 10—12
manns vfir sumartímann.
Aöalstr»ti 4. Bankastrnti 7.
Sumar í
Herrahúsinu
Mikiö úrval af sumarfatnaöi
í Ijósum litum