Morgunblaðið - 11.08.1985, Blaðsíða 24

24
MORGUNBLAÐIÐ, SUNNUDAGUR 11. ÁGÚST 1985
Hyalastofnarnir í
útrýmingarhættu
— segir Michael Nielsen, forsvarsmaður Greenpeace,
um ástæðuna fyrir baráttu samtakanna fyrir hvalafriðun
„I»að eru engar áætlanir um það
nú að trufla hvalveiðar íslensku
skipanna. Við kunnum að gera það
ef í hart fer, en hingað erum við
komnir fyrst og fremst til að ræða
við íslensk stjórnvöld og kynna al-
menningi sjónarmið okkar,“ sagði
Michael Nielsen, forsvarsmaður al-
þjóðlegu náttúruverndarsamtakanna
Greenpeace í hvalveiðimálum.
Morgunblaðið ræddi við hann nú í
vikunni og spurði hann út í erindi
Greenpeace hingað til lands, en skip
samtakana, Síríus, er væntanlegt til
Reykjavíkur um þessa helgi.
íslendingar hafa vísindin
að yfirskyni
Nielsen er danskur að uppruna
og yfirmaður þess hluta baráttu
Greenpeace sem snýr að stöðvun
hvalveiða. „Það má ef til vill segja
að áður fyrr höfum við haft annan
háttinn á, unnið að því að trufla
hvalveiðar fyrst og talað svo. Nú
viljum við hins vegar gera tilraun
til að tala um fyrir stjórnvöldum
áður en við grípum til aðgerða, en
vonandi þarf ekki að koma til
þess. Það er rangt að við séum á
móti vísindum, eins og Halldór
Ásgrímsson, sjávarútvegsráð-
herra ykkar, hefur haldið fram,
þar sem við séum á móti árlegum
veiðum 200 hvala i visindalegu
skyni. Því er til að svara að íslend-
ingar hafa vísindin að yfirskyni til
að geta varið það að halda áfram
hvalveiðum í atvinnuskyni, þrátt
fyrir bann Alþjóðahvalveiðiráðs-
ins, sem þeir ákváðu að mótmæla
ekki. Ef veiðar á milljón hvölum á
síðustu 100 árum hafa ekki lagt
vísindamönnum til nauðsynleg
gögn munu veiðar á 200 hvölum
árlega næstu 4 árin ekki breyta
neinu þar um.
Vísindamenn telja
veiöar ekki gilda aðferð
til að meta stofnstærð
Þess utan má benda á umsögn
vísindanefndar Alþjóðahvalveiði-
ráðsins, þar sem kemur fram að
veiðar undanfarinna 50 ára hafi
sýnt að þær séu léleg undirstaðaa
mats á stofnstærð. Það er almennt
viðurkennt af vísindamönnum að
annað hvort þurfi að veiða 10 þús-
und hvali til að fá heillega mynd
af ástandi stofnsins og ef um það
er ekki að ræða sé jafngott að láta
veiðarnar vera.
Það má því vera ljóst að vísind-
in eru höfð að yfirskini þegar veið-
ar íslendinga eru annars vegar og
ég get skýrt hvers vegna. Eigend-
ur hvalveiðistöðva eru á móti
Michael Nielsen, forsvarsmaður Greenpeace.
tímabundnu banni við hvalveiðum
vegna þess að þeir vita að ef þeir
þurfa að stoppa veiðar í nokkur ár
verður of dýrt fyrir þá að byrja
aftur. Ástæðan fyrir því að íslend-
ingar vilja veiða hvali í vísinda-
legu skini í þessi 4 ár, er að Krist-
ján Loftsson vill halda iðnaði sín-
um í gangi þar til Alþjóðahval-
veiðiráðið endurskoðar hvalveiði-
bannið á árinu 1990,“ segir Niel-
sen.
VIÐ RÝMUM FYRIR ’86-LÍNUNNI
Á MARANTZ-HLJÓMTÆKJUNUM
STÓRKOSTLEG VERÐLÆKKUN
Á ÖLLUM ELDRI
MARANTZ-HLJÓMTÆKJUM
Nú rýmum viö til fyrir
86-línunni frá Marantz
og seljum öll eldri
Marantz-hljómtæki
á 10—15% lægra veröi
á útsölunni.
Nú er kjöriö tækifæri til aö endurnýja
hljómtækin, fá sér nýjan plötuspilara,
nýjan magnara, stærri hátalara, betra útvarp,
nýtt segulband eöa skáp utan um samstæöuna,
nú eöa nýja hljómtækjasamstæðu.
Vinsælu greidslukjörin okkar
gilda á útsölunni.
Við tökum vel á móti þér.
maraiiiz1
Norðmenn, íslendingar
og Færeyjingar ábyrgir fyrir
ofveiðinni á steypireyði
Hann kemur inn á rannsókn-
aráætlun Islendinga, þann hluta
hennar sem snýr að friðuðum
hvaltegundum, og segir það rök-
semd sjávarútvegsráðherra fyrir
veiðum úr þessum stofnum, að
vert sé að sjá hvaða áhrif alger
stöðvun hvalveiða hafi haft á
stofnana. Steypireyður og hnúfu-
bakur eru nefndir í þessu sam-
bandi, en steypireyðurin, sem er
stærsta spendýr jarðarinnar, hef-
ur verið friðuð í áratugi eða síðan
árið 1958. Hann segir að það séu
íslendingar ásamt Norðmönnum
og Færeyingum, sem séu ábyrgir
fyrir eyðingu steypireyðastofnsins
í Norður-Atlantshafi og bendir á
að íslendingar hafi ekki hætt veið-
um á steypireyði fyrr en 5 árum
eftir að samþykkt hafi verið að
alfriða hana. Nú er stofninn ekki
talinn vera nema 1% af því sem
hann var áður en veiðar hófust úr
honum og vafasamt að hann nái
sér á strik aftur. Spurður hvort
hann telji fyrirhugaðar veiðar ís-
lendinga næstu fjögur ár á lang-
reyði, sandreyði og hrefnu, sem er
aðeins hluti veiðanna undanfarin
ár, stofna þessum tegundum í út-
rýmingarhættu, segir hann Al-
þjóðahvalveiðiráðið hafa komist
að þeirri niðurstöðu, að hvalveiðar
verði að stöðva um tíma. Þeirri
niðurstöðu beri að hlýða og þeir
sem hingað til hafi stjórnað hval-
veiðum i atvinnuskyni, hafi sýnt
sig sanna af því að vera ófærir um
að stunda veiðar án þess að setja
stofnana í útrýmingarhættu.
Hvalfongurum ekki treyst-
andi fyrir verndun
„Við erum ekki á móti hvalveið-
um sem slíkum, heldur á móti
hvalveiðum í atvinnuskyni. Við
höfum ekki sett okkur upp á móti
því að eskimóar í Grænlandi, Al-
aska og í Síberíu veiði hvali, þar
sem það er mikilvægt fyrir menn-
ingu og þarfir viðkomandi fólks.
Við erum hins vegar á móti hval-
veiðum í atvinnuskyni vegna þess
að hvalastofnarnir eru komnir út
á hengiflug útrýmingarhættunnar
og þeir sem hafa stundað hval-
veiðar í atvinnuskyni hafa sýnt sig
gjörsamlega ófæra til að bera
ábyrgð á veiðunum án þess að
hættan á útrýmingu hvala verði
yfirþyrmandi og því ekki hægt að
treysta þeim fyrir verndun hvala-
stofna. Hver afstaða okkar til
hvalveiða yrði ef hægt væri að
sýna fram á það með óyggjandi
vísindalegum rökum að hvala-
stofnarnir væru ekki í útrýming-
arhættu og þar af leiðandi mætti
veiða úr þeim, hefur ekki verið