Morgunblaðið - 27.10.1985, Síða 4

4
MORGUNBLAÐIÐ, SUNNUDAGUR 27. OKTÓBER1985
„Góðir punktar — nýtt dagskrárgerðarfyrirtæki:
Gerði samning við Hag-
vang og Gallup um gerð
íslensks vinsældalista
NÝSTOFNAÐ fyrirtæki „Góðir punktar" hefur gert samníng við Gallup-
stofnunina um framleiðslu íslcnsks vinsældalista, en Gallup sá um hönnun
vinsældalistans sem notaður er í Englandi. Hagvangur, umboðsaðili Gallup
hér á landi, kemur síðan til með að vinna listann vikulega fyrir „Góða
punkta“, og er ætlunin að selja listann til staðbundinna útvarpsstöðva víða
um land, sem væntanlega hefja frjálsan útvarpsrekstur um áramótin.
„Vinsældalistinn verður líklega
ekki tilbúinn fyrr en eftir u.þ.b.
ár. Hann verður með gjörbreyttu
sniði frá því sem nú tíðkast á rás
2. T.d. verður tekið úrtak hóps á
vissum aldri og hringt í folkið i
stað þess að hlustendur hringi
sjálfir eins og nú tíðkast á rás 2,“
sagði Jón Axel ólafsson, einn eig-
enda „Góðra punkta“, í samtali við
Morgunblaðið.
Fyrirtækið mun starfa að al-
hliða dagskrárgerð með það fyrir
augum að selja þættina hverjum
sem kaupa vill. Jón Axel sagði að
hann ásamt öðrum eigendum, Páli
Þorsteinssyni, Ásgeiri Tómassyni
og Nikulási Róbertssyni, hefðu
komið sér upp fullkomnu hljóðveri
og væri það vissulega freistandi
að fara út í útvarpsrekstur. Það
vantaði ekkert nema sendinn. Þó
yrði líklega ekkert úr því þar sem
fyrirtækið ætlaði sér að framleiða
efni fyrir aðrar stöðvar á landinu
og væri því óviðeigandi að fara út
í samkeppni við þær.
Aðspurður um kostnað fyrir-
tækisins vildi Jón Axel ekki nefna
tölur en sagði að það væri andvirði
margra íbúða. Tæknibúnaðurinn
væri mjögdýr.
Undanfarna viku hafa staðið
yfir námskeið í dagskrárgerð á
vegum „Góðra punkta". „Óhjá-
kvæmilega fer að vanta gott dag-
skrárgerðarfólk þegar útvarps-
stöðvarnar fara að spretta upp
eftir áramótin svo við v ljum gefa
nýju og fersku fólki tæk færi á að
spreyta sig við vinnslu út varpsefn-
is jafnframt því sem það skapar
sér ný atvinnutækifæri í leiðinni."
Námskeiðin eru haldin í hljóð-
veri fyrirtækisins. Leiðbeinendur
eru þeir Páll, Ásgeir og Jón Axel
auk Hreins Valdimarssonar,
tæknimanns, Gunnars Eyjólfsson-
ar, sem leiðbeinir í framsögn, og
ólafs Haukssonar, fjölmiðlafræð-
ings, sem ræðir um stöðu útvarps-
mála vítt og breitt. Námskeiðun-
um lýkur með heimsókn á rás 2.
Lokið er einu námskeiði og gera
forráðamenn fyrirtækisins fyrir
einu til tveimur námskeiðum í
viðbót.
KOMA AFTUR
Vegna fjölda áskorana hefur nú tekist aö fá hina Matsediii
frábæru Searchers til að koma aftur til íslands Koniakslöguó humarsupa
og skemmta í I I l \l VV\> 15. og 16. nóvember. Fylltur gnsahryggur m/vinmarineruó-
Síöast þegar Searchers komu fram í Broadway ism/pemmogroxtum.
var fullt hús og fólk skemmti sér konunglega. Því -----------------—------------------1
miöur komust þá færri aö en vildu en úr því er nú PANTIÐ
bætt og hvetjum viö því gesti okkar til aö tryggja BORÐ SEM FYRST
sér nú miöa tímanlega. í SÍMA 77500.
Morgunblaðið/RAX
ÓBOÐINN GESTUR
Það atvik varð á föstudag að sendibifreið rann á gluggapóst blóma-
verslunarinnar Blóm & Grænmeti á Skólavörðustíg. Engin slys urðu á
fólki og skemmdir óverulegar.
Svarfaöardalur:
6 bæir vegasambands-
lausir vegna vatnavaxta
Dalvík, 25. október.
ÓHEMJU vatnsveður hefur verið í
Svarfaðardal og á Dalvík með þeim
afleiðingum af mikill vöxtur hefur
hlaupið í ár og læki þannig að sex
bæir í Svarfaðardal eru vegasam-
bandslausir.
í fyrradag byrjaði að rigna eftir
samfelldan góðviðriskafla. Úrkoma
varð svo mikil að bændur í Svarfað-
ardal muna hana vart meiri. I gær
kólnaði í veðri og úrkoma breyttist
í snjókomu eða slyddu, svo jörð var
hvít niður undir byggð. Með kvöld-
inu hlýnaði og snjó tók upp að nýju
jafnhliða því að úrkoma jókst enn.
Að sögn Jóns Þórarinssonar bónda
á Hæringsstöðum í Svarfaðardal
var jörð orðin svo blaut að hún tók
ekki meiri vætu og streymdi vatnið
niður eftir fiallshlíðum og túnum í
stríðum straumum. Við það hljóp
svo mikill vöxtur í Svarfaðardalsá
að gróf sundur vegi við brýr heim
að fjórum bæjum í Svarfaðardal,
en það eru bæirnir Búrfell, Hær-
ingsstaðir, Skeið og Kot. Þá rauf
Sandá vegina að bæjunum Þor-
steinsstöðum og Atlastöðum.
Brögð voru að því að sauðfé var
umflotið á graseyjum í flóðinu og
að sögn Jóns gerist það ekki að öllu
í vorleysingum að þessir gras-
hólmar verði umflotnir vatni. Sauð-
fé var þó víðast hvar tekið á hús,
en hross báru sig illa í votviðrinu.
Undir kvöld föstudags var úrkoman
í rénun og þar af leiðandi vatns-
flaumur í ám og lækjum minnk-
andi.
Fréttaritarar
Hollywood:
Nýr Islandsmeistari
í diskódansi krýndur
ÚRSLIT í íslandsmeistarakeppni í diskódansi verða ráðin í Hollywood í
kvöld, sunnudagskvöld. Þá keppa til úrslita þeir dansarar, sem borið hafa
sigur úr býtum í undanrásum þessarar keppni, sem áður hafa farið fram í
Hollywood.
Sigurvegarinn í keppninni mun
taka þátt í heimsmeistarakeppni í
diskódansi, sem fer fram í
skemmtistaðnum Hippodrome í
London 4. desember næstkomandi.
Er það sama keppnin og Ástrós
Gunnarsdóttir tók þátt í á síðasta
ári, en þáttur frá keppninni var
sýndur í íslenska sjónvarpinu á
sinum tíma. Ástrós vakti mikla
athygli í þessari keppni og hafnaði
í fjórða sæti.
Dómnefnd, sem velur sigurvegar-
ann í kvöld, er skipuð eftirtöldum
aðilum: Ástrós Gunnarsdóttir, frá-
farandi íslandsmeistari i diskó-
dansi, Kolbrún Aðalsteinsdóttir,
danskennari, Bára Magnúsdóttir,
danskennari, Erla Haraldsdóttir,
stjórnarmaður í Danskennarasam-
bandi fslands, og Ingvar Karlsson,
framkvæmdastjóri. Auk keppninn-
ar i kvöld verður tiskusýning á
vegum Hollywood Models og Bobby
Harrison og félagar munu leika af
fingrum fram.
„Við særum ríkisstjórn og
Alþingi við sól og báru“
í FRÁSÖGN blaðsins í gær af ráð-
stefnu um Þjóðarbókhlöðu var farið
rangt með lokaorð í ræðu Finnboga
Guðmundssonar landsbókavarðar.
Hér birtist orðréttur lokakafli ræð-
unnar:
„Ég sagði áðan, að fjármálaráð-
herra, núverandi iðnaðarráðherra,
hefði i góða veðrinu i vor veitt
nokkra aukafjárveitingu til fram-
kvæmda við bókhlöðuna. Maður
hélt þá af meðfæddri bjartsýni,
að þar með hefði blað verið brotið.
En þegar fjárlagafrumvarpið var
lagt fram á Alþingi nú í vikunni
með 5 millj. króna framlagi til
Þjóðarbókhlöðu, sást, að auka-
glaðningurinn hafði einungis verið
„hrævareldur, sem narrar fólk“,
eins og Nóbelskáldið kemst ein-
hvers staðar að orði. Með sama
áframhaldi og hingað til mun
okkur ekki endast öldin til að ljúka
bókhlöðusmíðinni.
Við hljótum að vænta þess, að
fjárveitingin til Þjóðarbókhíöðu
verði í meðförum stjórnar og þings
tekin til gagngerrar endurskoðun-
ar.
Á liðnum árum hefur ekki skort
fé til byggingar fjölmargra orku-
vera langt uppi í landi — og langt
umfram þörf, eins og nú horfir,
en til að reisa eitt andlegt orkuver,
Þjóðarbókhlöðu, í byggð, fæst
naumast nokkurt fé, sem um
munar, árum saman. Þessari þró-
un verður að snúa við.
Við særum ríkisstjórn og Al-
þingi við sól og báru í þessu mikla
nauðsynj amáli.“