Morgunblaðið - 10.11.1985, Qupperneq 49

MORGUNBLAÐIÐ, SUNNUDAGUR10. NÓVEMBER1985
49
Afmæliskveðja:
Rebekka Þiðriks-
dóttir 95
Rebekka Þiðriksdóttir, amma
okkar, varð 95 ára 27. október 1985.
Hún ber aldurinn vel. Hún hefur
fulla fótavist og tekur enn til
hendinni við prjóna og aðra snún-
inga inni við, því ömmu er vinnan
í blóð borin. Þá nýtur yngsta
kynslóðin góðs af hlýjum höndum
langömmu og sagnaforða þeim
sem hún býr yfir og miðlar þeim
af.
Amma má muna tímana tvenna
á langri ævi. Hún ólst upp á Rauðs-
gili í Hálsasveit í Borgarfirði.
Fósturmóður sína, Pálínu Páls-
dóttur, missti hún aðeins sjö ára
gömul og varð það henni djúpstæð-
ur harmur. En Drottinn lagði líkn
með þraut því ekki leið langur tími,
þar til ný húsmóðir settist að á
Rauðsgili, er Helgi móðurbróðir
ömmu og fósturfaðir hóf nokkru
síðar sambúð með Valgerði Jóns-
ára
dóttur. Þau eignuðust tvö börn,
Ingibjörgu og Jón, síðar prófessor.
Það varð fyrsta viðfangsefni
ömmu á löngum kennaraferli, að
kenna Jóni lestur og skrift. Verður
ekki annað sagt en að hann hafi
fengið gott veganesti, en ömmu
hefur ætíð verið mjög umhugað
um íslenskt mál. Þegar hún var
sautján ára lést Helgi, en hann
hafði ætíð verið henni mjög hjart-
fólginn.
Ommu þyrsti eftir að komast til
mennta, en ekki voru peningar
gripnir upp í þá daga. En hún var
dugleg og átti tiltrú frænda síns í
Reykholtsdal, sem greiddi henni
sumarkaupið fyrirfram, er gerði
henni kleift að stunda nám í Flens-
borg í Hafnarfirði í tvo vetur.
Hefur hún alla tíð minnst þessa
frænda síns með miklu þakklæti
og virðingu.
Haustið 1917 fór Rebekka amma
vestur í Arnarfjörð, ráðin sem
farkennari í Ketildali. Örlögin
höguðu því þannig að hún ílengdist
þar um fimmtíu ára skeið. í Feigs-
dal kynntist hún manni sínum,
Magnúsi Magnússyni, ættuðum úr
Steingrímsfirði á Ströndum. Þau
bjuggu lengst af í Feigsdal, og
fæddust þeim þar sex börn, tvær
dætur og fjórir synir. Þau fluttu
síðar eða vorið 1937 í Reykjarfjörð
í Suðurfjörðum. Haustið 1948 létu
þau af búskap af heilsufarsástæð-
um og fluttu til Bíldudals. Mann
sinn missti hún 1959 og son sinn
tveim árum síðar.
En hún á líka góðar minningar
frá Bíldudal. Amma var þar með
forskóla og hafði af því ómælda
ánægju. Einnig var hún mjög virk
innan kvenfélagsins. Á Bíldudal
eignaðist hún dýrmæta vini.
Nú fór aldurinn að segja til sín
og haustið 1968 hættir amma að
halda heimili þar vestra og flytur
heim í átthagana, en þangað hefur
hún alltaf haft mjög sterkar taug-
ar.
Heimili sitt hefur hún átt þar
síðan hjá dóttur sinni í Borgarnesi.
Frá því að við fyrst munum
eftir, hefur amma ætíð dvalið á
heimili foreldra okkar um lengri
eða skemmri tíma ár hvert. Teljum
við það ávinning að hafa fengið
að njóta návistar hennar svo vel
og lengi sem orðið er.
Er við látum hugann reika aftur
og minnumst samverustundanna
með ömmu, þá bera hæst sögurnar
hennar mörgu, sem hún kunni svo
vel. Einnig var hún óþreytandi að
lesa fyrir okkur, en ekki vantaði
víst tilætlunarsemina af okkar
hálfu, aldrei var of mikið af slíku.
Amma hafði þann hæfileika að
lesa upp af þeirri snilld að það
gleymist engum er á hlýddi. Oftast
tifuðu þó prjónarnir í höndum
hennar eða voru ekki langt undan
svo fljótlegt væri til þeirra að
grípa ef tóm gafst frá öðrum
önnum. Ekki eru minningarnar
frá ferðalögunum síðri, þegar
amma fræddi okkur um landnáms-
mennina og annan þjóðlegan fróð-
leik á svo líflegan hátt að þreyt-
andi bílsetur urðu að hinum bestu
skemmiferðum.
Er það ekki rétt munað, að það
hafi verið sorg og stutt í barnstái**'
in, þegar amma var að búast til
heimferðar og raða niður í töskur
sínar.
Og enn hefur amma yndi af að
segja sögur og lesa fyrir börn, en
nú eru það langömmubörnin sem
njóta góðs af hennar sagnabrunni.
Við óskum þér heilla amma á
þessum tímamótum og þökkum þér
þá umhyggju sem þú hefur sýnt
okkur alla tíð.
Systkinin í Háagerði.
E3BUÐIN
VIFTUR-HITASTILLAR
c>
c
-v
BRYNNINGARSKÁLAR
Brynningarskálar fyrir
kýr og hesta. Emilerað-
ar járnskálar, einfaldar
og tvöfaldar.
Plastskálar og galv-
aniseraðar járnskálar
fyrir kýr og hesta.
Brynningarskálar með
flotholti. Hentugar fyrir
kindurog hesta.
MJÓLKURFÉLAG REYKJAVÍKUR
LAUGAVEGI 164, 105 REYKJAVÍK. SiMI 11125 OG 24355
m
MetsöluHad á hverjum degi!