Morgunblaðið - 08.01.1986, Blaðsíða 4

4
MORGUNBLAÐIÐ, MIÐVIKUDAGUR 8. JANÚAR1986
ASÍ og BSRB samstíga í kröfugerð:
Samningaviðræður
hefjast í næstu viku
BSRB vill vísa deilu sinni við ríkið beint til ríkissáttasemjara
GERA MÁ ráð fyrlr að viðræður um nýja kjarasamninga milli verka-
lýðshreyfingarinnar og ríkisins og atvinnurekenda hefjist í næstu viku.
Samningar hafa almennt verið lausir frá áramótum. Samninganefndir
ASÍ og BSRB ákváðu í gær að óska eftir viðræðum við viðsemjendur
sína hið allra fyrsta - og BSRB ákvað að óska eftir að deilu sinni við
ríkisvaldið yrði þegar í stað vísað til rikissáttasemjara. Kröfugerðir
ASÍ og BSRB eru nánast samhljóða: megináherslan er lögð á aukningu
og tryggingu umsamins kaupmáttar á samningstímabilinu (til næstu
áramóta) með svokölluðum „rauðum strikum" og leiðréttingar á launa-
misrétti í Iandinu. Af hálfu Vinnuveitendasambands íslands hefur
kröfum Alþýðusambandsins verið hafnað. „Við teljum útilokað að
hefja viðræður á þeim grundvelli, sem ASÍ hefur sett fram,“ sagði
Magnús Gunnarsson, framkvæmdastjóri VSI í gær.
Samninganefnd BSRB ákvað í gær
„að gera ríkisstjóminni tilboð um
að taka upp viðræður um hina ýmsu
þætti er lúta að verðlagsmyndun í
landinu með það markmið að halda
niðri verðbólgu, auka kaupmáttinn
°g tryggja hann á samningstíman-
um,“ eins og Kristján Thorlacius,
formaður BSRB, orðaði það í samtali
við blm. Morgunblaðsins í gær.
„Jafnframt gerum við kröfu um að
launamisréttið gagnvart opinberum
starfsmönnum verði leiðrétt. Þá
gerum við kröfu um að takist ekki
að halda kaupmætti innan við svo-
kölluð „rauð strik" á hveijum tíma,
þá verði það bætt með ákveðnum
hætti.“ Formaður BSRB sagði að
meðal þeirra atriða, sem samninga-
nefnd bandalagsins vildi ræða við
fulltrúa ríkisstjómarinnar, væru
vaxtamál- og gengismál, verðlags-
mál, opinberar álögur og verðlagn-
ing opinberrar þjónustu.
Ásmundur Stefánsson, forseti
Alþýðusambands íslands, sagði að
loknum fundi samninganefndar
sambandsins í gær, að ákveðið hefði
verið að óska eftir viðræðum við
VSÍ eftir næstu helgi á grundvellj
samþykktar formannafundar ASI
9. desember sl. „Verkefni fundarins
í dag var að leggja drög að fram-
haldi málsins og ákveðið að stefna
að fyrsta eiginlega samningafundin-
um fyrrihluta næstu viku. Þá gerum
við okkur vonir um að atvinnurek-
endur hafi farið yfir kröfur okkar
og að við fáum frá þeim skýr svör,
svo raunverulegar viðræður geti
hafist," sagði Ásmundur.
Verkalýðshreyfingin mótmælir opinberum hækkunum:
Hlýtur að torvelda
gerð kjarasamninga
segir í ályktunum ASÍ og VMSI
„ÞESSAR skattahækkanir munu
ekki greiða fyrir farsælli lausn
þeirra kjarasamninga, sem fram-
undan eru,“ segir í ályktun fram-
kvæmdastjómar Verkamanna-
sambands íslands þar sem mót-
mælt er „kröftuglega þeim hækk-
unum á hinum ýmsu greinum
opinberrar þjónustu og opinberra
skatta, sem dunið hafa yfir lands-
menn undanfama daga og ekkert
lát virðist vera á, þrátt fyrir þá
ákvörðun að lækka tekjuskatt-
inn,“ eins og segir orðrétt í sam-
þykkt VMSI. Á fundi miðstjómar
og formanna lands- og svæðis-
sambanda innan Alþýðusambands
íslands í gær var samþykkt sams-
konar ályktun.
í ályktun framkvæmdastjómar
VMSÍ segir að allar slíkar hækkanir
lendi með „mestum þunga á þeim,
sem úr minnstu hafa að spila og síst
mega við því að tekjur þeirra séu
rýrðar með þessum hætti. Hér er
sérstaklega átt við hækkun síma-
gjalda og hverskonar læknis- og
heilbrigðisþjónustu."
í ályktun ASÍ segir: „Fundurinn
lýsir furðu sinni á frumkvæði stjóm-
valda í þessu efni og minnir á, að
slíkar hækkanir hljóta að torvelda
þær samningaviðræður um kaup og
kjör, sem nú fara í hönd. Hækkanir
á nauðsynjum, svo sem lyfjum og
lækniskostnaði, rafmagni og hita,
koma verst við þá sem við lökust
kjör búa, og lýsa ótrúlegum skiln-
ingsskorti á erfíðum aðstæðum
almennings."
Mótmæla línuriti um kaupmátt
launa og lána til námsmanna
Morgunblaðið/Sig. Jóns.
Gagnfræðaskólinn varð illa úti á þrettándanum, brotnar voru 23
rúður. Myndin var tekin af brosleitum unglingi fyrir innan eina
brotnu rúðanna í gærmorgun.
Prettándinn á Selfossi:
Unglingar grýttu lögreglu og
slökkvilið með grjóti og flöskum
Selfossi, 7. janúar.
LAUST EFTIR miðnætti á þrettándanum urðu nokkur ólæti í miðbæ
Selfoss við Ölfusárbrú. Unglingar grýttu lögreglu og slökkvilið og
rúður voru brotnar viða í kaupstaðnum.
Ólætin hófust þegar fengjnn var
slökkvibíll til að slökkva i rusli á
Ölfusárbrú. Unglingar grýttu lög-
regluna og slökkviliðsmenn með
gijóti og flöskum. Ekki urðu slys á
mönnum en framrúða slökkvibílsins
brotnaði auk þess sem sér á honum
og lögreglubílnum eftir grjótið.
Hjálmur eins lögreglumannsins
sprakk og slökkviliðsmaður fékk
flösku í höfuðið, en hjálmurinn hiifði
honum. Var mildi að ekki hlaust slys
af því um hnullungsgijót var að
ræða.
Um nóttina voru brotnar rúður
víða í kaupstaðnum, aðallega í gagn-
fræðaskólanum, þar sem 23 rúður
voru brotnar, alls um 60 fermetrar.
Tólf táningar voru teknir úr umferð
vegna ólátanna, sumir þeirra ölvaðir.
Að sögn lögreglu virtust heimamenn
standa að ólátunum með dyggri
aðstoð aðkomumanna. Dálítið var
um ölvun, þó ekki áberandi. „Þetta
var svona drulluat sem er aðstand-
endum til lítils sóma,“ sagði Jón I.
Guðmundsson yfirlögregluþjónn.
Lögreglan fékk 8 menn úr Reykja-
vík til aðstoðar þetta kvöld eins og
venja er til á þrettándanum.
Af þessum atburðum er ljóst að
ólæti á þrettándanum eru komin af
því stigi að vera strákapör í það að
vera hörðustu skemmdarverk og
veldur slíkt óhug hjá fólki.
Sig. Jóns.
Sýnishom af grjótinu sem hent var að lögreglumönnunum.
FULLTRÚI Stúdentaráðs, ólafur
Amarson, gerði í gær eftirfar-
andi athugasemd við línurit um
kaupmátt launa og lána sem birt-
ist í Morgunblaðinu.:
„Þetta línurit er villandi. Um síð-
ustu áramót 1984—1985 er reglu-
gerð breyttt þannig að í stað þess
að við námsmenn fylgjum vísitölu
framfærslukostnaðar eins og verið
hafði, þá erum við settir inn í vísitölu
ráðstöfunartekna. Þessu var síðan
breytt aftur í september þegar
stefndi í að vísitala ráðstöfunartekna
Mæltu sér-
staklega með
Helgu Kress
í FYRIRSÖGN á frétt um veitingu
lektorsstöðu við Háskóla íslands
í Morgunblaðinu í gær er Bjami
Guðnason prófessor ranglega
sagður formaður dómnefndarinn-
ar, sem um málið fjallaði, en
Njörður P. Njarðvík er formaður
hennar.
Helga Kress hafði í gær samband
við blaðið og taldi aðalfyrirsögn
fréttarinnar villandi, en þar er sagt
að dómnefnd hefði mælt sérstaklega
með Helgu og Matthíasi Viðari
Sæmundssyni. Eins og fram kemur
í fréttinni mælti dómnefndin með
þeim Helgu og Matthíasi, en af þeim
tveimur var mælt sérstaklega með
Helgu.
yrði hagstæðari en vísitala fram-
færslukostnaðar og við settir aftur
inn í vísitölu framfærslukostnaðar.
Nú um áramót kom fram önnur
reglugerðarbreyting þar sem láns-
upphæðir eru frystar í krónutölu.
Námslán eru eina framfærsla sem
námsmenn hafa. Námskröfur sem
gerðar eru af hálfu sjóðsins hafa á
þessu tímabili aukist um 100%.
Vinna okkar námsmanna hefur því
tvöfaldast.
Af þessu er ljóst að við höfum
ekki möguleika að bæta tekjur okkar
með aukavinnu. Jafnvel þó það væri
mögulegt þá eru reglur lánasjóðsins
þannig að aukatekjur reiknast til
frádráttar á námslán. Ljóst er að
við getum ekki bætt við okkur laun-
aðri vinnu eins og hefur verið ráð
launþega til að eiga fyrir lífsnauð-
synjum.
Ef línuritið hefði verið borið
saman raunverulegan vinnutíma
launþega og námsfólks væri erfítt
að sjá hvor hópurinn hefði það betra.
Þetta línurit er kennslubókardæmi
um hvernig hægt er að falsa stað-
reyndir með því að leika sér gáleysis-
lega með tölur og línurit.
Við námsmenn munum aldrei
sætta okkur við að fjárlagahallinn
verði jafnaður með óréttmætri kjara-
skerðingu námsmanna."
Þess skal getið, að umrætt línurit
barst Morgunblaðinu frá Auðunni
Svavari Sigurðssyni, varaformanni
stjómar Lánasjóðs íslenskra náms-
manna, og fylgdi það greinargerð
hans til menntamálaráðherra fyrir
reglugerðarbreytinguna nú um ára-
mótin.
Innanlandsflug:
Tafðist vegna aðgerða
flugumf erðarslj óra
Flugumferðarstjórar neita að taka aukavaktir
INNANLANDSFLUG tafðist í um það bil klukkustund í gærmorgun
vegna aðgerða flugumferðarstjóra á Reykjavíkurflugvelli. Vakthaf-
andi varðstjóri setti þá alla starfsmenn i úthafsdeildina og stóð i
nokkru stappi með að fá þeirri ráðstöfun breytt svo að innanlandsflug
gæti hafist. I fyrradag vantaði sex flugumferðarstjóra á vakt á Reykja-
vikurflugvelli, sem er helmingur þeirra sem vinna áttu.
Pétur Einarsson, flugmálastjóri,
sagði í samtali við Morgunblaðið í
gær að þá um morguninn hefði
varðstjóri í flugstjómarmiðstöð til-
kynnt veikindi og hefði varaformað-
ur Félags íslenskra flugumferðar-
stjóra hlaupið í skarðið, sem hann
hefði oft gert áður. Sú ráðstöfun
varaformannsins, að raða öllum
starfsmönnum í störf við úthafs-
flugið, hefði hins vegar verið óeðlileg
með tiiliti til þess, að lítil umferð
var í úthafsfluginu. „Svona gera
menn ekki undir venjulegum kring-
umstæðum", sagði Pétur. Hann
sagði að viðkomandi varðstjóri hefði
haft fimm menn til ráðstöfunar og
hefði ekki þurft að taka nema einn
eða tvo í úthafsdeildina til að halda
uppi eðlilegu flugi.
í fyrradag tilkynntu þrír flugum-
ferðarstjórar veikindi, en þijár vaktir
átti að manna með aukavöktum.
Ekki tókst að fá neinn flugumferðar-
stjóra til að taka þessar aukavaktir,
nema hvað einn mætti þegar yfir-
flugumferðarstjóri sendi sex flug-
umferðarstjórum í skeyti fyrirskipun
um að mæta strax með vísan til laga
um réttindi og skyldur opinberra
starfsmanna.
Jón Ámi Þórisson flugumferðar-
stjóri var einn þeirra sem ekki fór
að fyrirmælum Flugmálastjómar.
Hann sagði í samtali við Morgun-
blaðið að hann hefði ákveðið að
hætta að taka aukavaktir vegna
þess að hann væri orðinn svo þreytt-
ur á samskiptunum við yfirmennina,
m.a. einstrengingslegri framkomu
flugmálastjóra við starfsmennina og
félag þeirra. Hann vissi að svo væri
einnig með fleiri, en neitaði því að
um samantekin ráð væri að ræða.
Hann sagðist ekki vera nema meðal-
maður í aukavinnunni, en hann hafi
þó verið með á sjötta hundrað auka-
vinnutíma á síðastliðnu ári og væri
hann orðinn þreyttur á þessu.
í yfirliti sem stjóm FIF hefur tekið
saman kemur fram, að frá því 1981
hafi 14 flugumferðarstjórar í flug-
stjóm látið af störfum, en á sama
tíma hafi enginn nýr bæst við þar.
Umferð hefði hins vegar aukist um
25% á síðustu tveimur árum.
í fréttatilkynningu frá flugmála-
stjóra, sem Morgunblaðinu barst í
gær, segir hins vegar, að deilumar
snúist um framkvæmd tillagna, sem
miðuðu að úrbótum í flugumferðar-
þjónustu og beindust að þjálfunar-
málum og endurskipulagningu á
stjómun þjónustunnar. Rannsóknar-
nefndir hefðu ítrekað gert tillögur
til úrbóta á ýmsum atriðum varðandi
flugumferðarþjónustuna og erlendir
sérfræðingar kallaðir til. Margar
þessara tillagna hefðu hins vegar
verið stöðvaðar af stéttafélagi fS-
lenskra flugumferðarstjóra. í þeSSU
tilfelli hefði FIF, í bréfi til sam-
gönguráðherra, krafist frestunar á
því að nýtt skipurit tæki gildi, að
öðrum kosti yrði gripið til vamarað-
gerða.