Morgunblaðið - 22.03.1986, Blaðsíða 3

3
Spánarhúsin:
Þrír aðilar
fengið leyfi
LEYFI hefur verið veitt til kaupa
á þremur orlofshúsum á Spáni
frá því að viðskiptaráðherra
ákvað að heimila gjaldeyrisyfir-
færslu til slíkra kaupa í janúar
sl.
„Satt að segja voru fyrirspumir
um húsakaupin tölvert meiri áður
en leyfí fékkst til gjaldeyrisjrfir-
færslu - síðan leyfíð fékkst er eins
og menn hafi misst áhugann. Þrír
aðilar hafa þó sótt um og fengið
leyfi og tvær umsóknir í viðbót
liggja fyrir," sagði Sigurður Jó-
hannesson hjá gjaldeyriseftirliti
Seðlabankans.
MORGUNBLAÐIÐ, LAUGARDAGUR 22. MARZ 1986
Einn símastaurinn rifnaði niður að jörð eftir að eldingunni hafði lostið í simalinuna.
Öræfi:
Elding
tætti
símastaur
Morgunblaðið/Sigurdur Gunnarsson
ELDINGU sló niður í símalínu á
milli Hnappavalla og Kvískerja í
Oræfum í liðinni viku. Nokkrir
staurar brotnuðu, en alls
skemmdust 10 til 12 staurar.
Einn stauranna rifnaði hreinlega
niður að jörð. Einnig brunnu
kaplar og tengingar á Hnappa-
völlum og Kvískeijum. Á síðar-
nefnda staðnum var bjalla uppi
á vegg og brotnaði stórt stykki
úr veggnum þar sem hún var.
Oræfasveit var að mestu sima-
sambandslaus i nokkra daga
vegna bilinar á fjölsímakerfi til
Hafnar í Hornafirði.
Fiskmarkaður í Bandaríkjunum:
5 senta hækkun
áfiskflökum
— í 5 og 10 punda
pakkningum
COLDWATER, dótturfyrir-
tæki Sölumiðstöðvar hrað-
frystihúsanna í Bandaríkjun-
um, hefur hækkað fiskflök í
fimm og tíu punda pakkning-
um um fimm sent pundið.
Lítið af þeirri hækkun skilar sér
þó til framieiðenda hér heima, að
sögn Magnúsar Gústafssonar for-
stjóra Coldwater, því megnið af
fimm punda pakkningunum er
keypt af veitingastaðakeðjunni
Long John Silver’s, sem fyrir löngu
hefur samið um fast verð. Auk
þess hefur lækkun Bandaríkjadals
hér áhrif.
Magnús Gústafsson sagði að
verð á matvöru í Bandaríkjunum
stæði í stað eða lækkaði jafnvel
örlítið og því ættu viðskiptavinir
fyrirtækisins erfitt með að skilja
hvers vegna fiskur þyrfti endilega
að hækka núna. „Vísir menn spá
að matvara muni lækka að meðal-
tali um eitt prósent hér í landi á
þessu ári,“ sagði hann. „Það er
því ekki hægt að misbjóða við-
skiptavininum - og sumir þeirra
hafa reyndar bent á, þegar við
berum fyrir okkur lækkun dollar-
ans, að við bjóðum ekki verðlækk-
un þegar dollarinn hækkar.“
Bakarasveinar
boða verkfall
Bakarasveinar hafa boð-
að verkfall í brauðgerðar-
húsum landsins frá 1. apríl
næstkomandi hafi ekki tek-
ist samningar í deilu þeirra
við bakarameistara fyrir
þann tíma. Ríkissáttasemjari
hefur boðað deiluaðila á
fund á mánudaginn kl. 16.
að sögn talsmanns Vinnuveit-
endasambands íslands.
Hjá ríkissáttasemjara verður og
fundur á mánudagsmorguninn í
deilu Félags starfsfólks í veitinga-
húsum og vinnuveitenda og þar
verður sömuleiðis fljótlega haldinn
fundur í deilu Bifreiðastjórafé-
lagsins Sleipnis og Félags sérleyf-
ishafa.
Meginkrafa Bakarasveinafé-
lagsins er að félagsmenn þess,
alls um 100, fái greitt vaktaálag
fyrir þann tíma, sem þeir vinna
eftir að hafa skilað átta stunda
vinnudegi. Samningur ASÍ og
vinnuveitenda var felldur á félags-
fundi Bakarasveinafélagsins með
23 atkvæðum gegn þremur í fyrri
viku.
Ekki hafa enn tekist samningar
í deilu verkalýðsfélaganna í álver-
inu í Straumsvík og stjórnar fyrir-
tækisins. Samningafundur, sem
hófst um hádegi á fímmtudag,
stóð til kl. rúmlega 16 í gær og
var þá frestað til mánudags.
Nokkuð miðaði í samkomulagsátt,
INNLENT
Vinsældalistí
rásar 2:
Gaggó Vest
stigahæsta
lagið frá
upphafi
LAG Gunnars Þórðarssonar,
Gaggó Vest, sungið af Eiríki
Haukssyni, er nú stigahæsta
lag vinsældalista hlustenda
rásar 2 frá upphafi. Næst
stigahæst er lagið „A view to
a kill“ flutt af hljómsveitinni
Duran Duran.
Lagið Gaggó Vest hefur verið
17 vikur á vinsældalistanum-og
or enn í íjórða sæti. Að sögn
Gunnlaugs Helgasonar fór lagið
rólega á toppinn, fór úr 29.
sæti í 12. sæti og hefur síðan
verið meðal 10 efstu laganna á
listanum, og enn er ekki séð
fyrir endann á vinsældum þess.
Allir gæðabílarnir frá Daihatsu.
Daihatsuumboðið s. 685870 — 681733
DAIHATSU
sýning
Frá kl. 1-5