Morgunblaðið - 05.04.1986, Síða 18

MORGUNBLAÐIÐ, LAUGARDAGUR 5. APRÍL1986
Málefni aldraðra:
Enn deilt um
byggingu söluíbúða
Málefni aldraðra komu enn til umræðu á fundi borgarstjórnar sl.
fimmtudag. Tilefni umræðnanna voru tillögur er Gerður Steinþórs-
dóttir (F) flutti. Fjallaði önnur þeirra um að borgarstjórn samþykkti
að borgin eignaðist 10% íbúða I húsnæði fyrir aldraða, sem reist
er á vegum félagasamtaka þar sem borgin tekur að sér að reisa og
reka þjónustukjarna fyrir aldraða. Hin tillagan fjallaði um að borgar-
stjórn samþykkti að fyrirhugaðar íbúðir fyrir aldraða í Grjótaþorpi
verði leiguíbúðir. Tillögunum var báðum vísað til framkvæmdanefnd-
ar vegna stofnana í þágu aldraðra.
Gerður Steinþórsdóttir sagði, að
stefna borgarinnar hefði verið sú,
Deilt um
leik-
tækjasal
í borgar-
stjórn
TVÆR tillögur Ingibjargar
Sólrúnar Gísladóttur, borgar-
fulltrúa Kvennaframboðs,
voru samþykktar á fundi
borgarstjómar á fimmtudag.
Annars vegar var með 21
atkvæði ákveðið að fresta
ákvörðun um leyfi til að
byggja verslunar- skrifstofu-
og íbúðarhús við Bergstaða-
stræti 15. Og hins vegar var
samþykkt með 11 atkvæðum
að vísa því til baraavemdar-
nefndar, hvort leyfa ætti að
reka leiktækjasal í veitinga-
stofu á Rauðarárstíg 16.
í umræðum um leiktækjasal-
inn ítrekaði Adda Bára Sigfús-
dóttir, borgarfulltrúi Alþýðu-
bandalagsins, þá skoðun flokks-
ins, að hann væri alfarið á móti
leiktækjasölum. Davíð Oddsson,
borgarstjóri, taldi ástæðulaust
að leita umsagnar um þennan
leiktækjasal, þar sem verið væri
að færa hann um set innan sömu
húsasamstæðu.
í atkvæðagreiðslu um tillögu
Kvennaframboðsins greiddu
tveir borgarfulltrúar Sjálfstæð-
isflokksins, Katrín Fjeldsted og
Siguijón Fjeldsted, atkvæði með
vinstri flokkunum.
á þessu kjörtímabili, að hvetja fé-
lagasamtök til að byggja söluíbúðir
fyrir aldraða í stað þess að borgin
byggði sjálf leiguíbúðir. Sagði Gerð-
ur, að tími væri kominn til að breyta
um stefnu og fara að sinna þeim
sem ekki gætu keypt íbúðir.
Magnús L. Sveinsson (S) sagði
að í könnun sem Verzlunarmanna-
félag Reykjavíkur hefði látið gera
á meðal sinna félagsmanna hefði
komið í ljós að yfirgnæfandi meiri-
hluti félagsmanna hefði talið mjög
brýnt að félagið byggði þjónustu-
íbúðir fyrir aldraða. Sagði Magnús
að þetta sýndi betur en margt
annað, hver vilji fólksins væri innan
félagasamtakanna. Magnús sagði
ennfremur að með þessum hætti
gæti borgin byggt miklu fleiri íbúðir
fyrir aldraða en ef eingöngu væru
byggðar leiguíbúðir á vegum borg-
arinnar.
Loftmynd af Reykjavík.
„Greinilegt að Sigurður færist
sífellt nær frj álshyggj unni ‘4
— sag'ði borgarstjóri í umræðum um núgildandi byggingarreglugerð
Borgarstjórn samþykkti sl.
fimmtudag tillögu frá Sigurði
E. Guðmundssyni (A) um að
skora á félagsmálaráðuneytið
að taka núgildandi byggingar-
reglugerð til endurskoðunar.
I máli Sigurðar kom fram að
reglugerðin væri löngu orðin úrelt,
í henni væri að fínna íjölda ákvæða
sem væru bæði smásmuguleg og
greindu frá sjálfsögðum hlutum.
Sigurður sagði ennfremur að í
reglugerðinni væri tilhneiging til
miðstýringar og að forsjárhyggjan
hefði greinilega ráðið ferðinni er
reglugerðin var samin.
Davíð Oddsson, borgarstjóri,
fagnaði tillögunni og sagði það
greinilegt að Sigurður væri sífellt
í tillöguflutningi sínum að færast
nær fijálshyggjunni.
Tillagan var síðan samþykkt
með 17 greiddum atkvæðum.
Einnig samþykkti borgarstjóm að
vísa þremur öðrum tillögum frá
Sigurði til skipulagsnefndar og
Borgarskipulags. Fjölluðu þær um
að tekið yrði saman yfírlit yfír
óhijáleg bílastæði og íbúðarhús,
er liggja við miklar umferðargötur
með það fyrir augum að gerðar
verði tillögur til úrbóta.
Umframraforka verði
nýtt til kyndingar
— segir í tillögn frá borgarfull-
trúum Alþýðubandalags
BORGARSTJÓRN samþykkti sl. fimmtudag að vísa tillögu borgar-
fulltrúa Alþýðubandalagsins um hvort hugsanlegt sé að nýta um-
framraforku frá Landsvirkjun til kyndingar í Reykjavik til stjóraar
Veitustofnana til umsagnar.
I tillögunni er gert ráð fyrir því
að á meðan kannað sé hvort hag-
kvæmt er að nýta umframraforku
til kyndingar þá verði nýfram-
kvæmdum á Nesjavöllum frestað.
I greinargerð með tillögunni
segir, að í kerfí Landsvirkjunar sé
nú veruleg umframraforka og sé
talið að hún sé á bilinu 500—800
GWst á ári. Einnig segir í greinar-
gerðinni, að það geti komið Reyk-
víkingum til góða með þrennum
hætti _ef unnt væri að nýta þessa
orku. í fyrsta lagi þá eigi þeir stóran
hlut í Landsvirkjun en aukin ra-
forkusala leiði til betri afkomu
fyrirtækisins. í öðru lagi þá sé
hagkvæmt að nýta þá orku, sem
þegar er til, en kemur engum að
gagni. í þriðja lagi geti það leitt til
lægri húshituriarkostnaðar ef þessi
kostur reynist hagkvæmur.
Davíð Oddsson, borgarstjóri,
sagði, að þegar væri verið að kanna
hjá Landsvirkjun hvort unnt væri
að nýta þessa umframraforku til
kyndingar í Reykjavík. Þess vegna
væri rétt að vísa tillögu þessari til
umsagnar stjómar Veitustofnana.
Síðan greindi borgarstjóri frá ýms-
um athugunum sem þegar hefðu
verið gerðar í þessu máli.
Siguijón Pétursson (Abl) sagðist
fagna því að málið væri nú þegar
í athugun. Borgarfulltrúar Alþýðu-
bandalagsins hefðu hins vegar ekki
vitað af því og því væri rétt að
beina því til borgarstjóra að upplýs-
ingar um jafnmikilvæg mál er
snertu alla borgarbúa bærust í
framtíðinni borgarfulltrúum eins
fljótt og hægt væri.
Fjárskortur félagsmálastofnunar:
Lausn frestað á meðan starfs-
menn unnu að úttekt vandans
MIKLAR umræður urðu á borgarstjórnarfundi á fimmtudag
um fjárskort Félagsmálastofnunar Reykjavíkur. En vegna
hans þá hefur nokkur hluti fjárhagsaðstoðar hverfaskrif-
stofa stofnunarinnar farið fram með þeim hætti, að fólk fær
afhentar úttektarbeiðnir í stað peninga.
Guðrún Jónsdóttir (Kf)
gagnrýndi meirihluta Sjálfstæð-
ismanna fyrir slælega framgöngu
í málinu. Hún sagði, að greinilegt
væri að lífskjör fólks hefðu versn-
að stórlega að undanfömu og í
viku hverri kæmu 70 ný mál inn
á borð Féiagsmálastofnunar.
Sagði hún, að á ráðstefnu sem
haldin hefði verið um fátækt á
Islandi hefði opinberlega komið
í ljós að fjárskortur Félagsmála-
stofnunar hefði leitt til þess, að
stofnunin hefði ekki getað þjónað
skjólstæðingum sínum sem skyldi
og þar hefði einnig komið fram,
að félagsleg aðstoð í Kópavogi
væri mun betri en í Reykjavík.
Sagði hún, að það væri einkenni-
legt, að borgarfulltrúar fengju
fyrst vitneskju um ástandið á
opinberri ráðstefnu á vegum
annarra. í máli Guðrúnar kom
einnig fram, að ekkert hefði enn
verið að gert til þess að bjarga
málunum. Einnig væri ljóst að
ekki vantaði viljann hjá borgar-
fulltrúum til þess að leysa málið.
Borgarhagfræðingur hefði hins
vegar upp á eigin spýtur staðið
í veginum og komið í veg fyrir
að málið væri leyst með viðun-
andi hætti. „Er hér á ferðinni enn
eitt dæmið um það vald sem
embættismennimir hafa undir
einræði Davíðs Oddssonar?"
sagði Guðrún að lokum.
Ingibjörg Rafnar (S) sagði,
að Guðrún færi ekki með rétt
mál þegar hún lýsti ástandinu.
Sagði hún, að gripið hefði verið
til þess ráðs að senda Félags-
málastofnun aukagreiðslur til
þess að mæta brýnustu þörfínni
á meðan verið væri að vinna að
lausn málsins. í máli hennar kom
einnig fram, að það væri rangt
að ekki hefði verið vitað um
vanda Félagsmálastofnunar fyrir
umrædda ráðstefnu um fátækt á
íslandi. Staða stofnunarinnar
hefði verið rædd á fundum fé-
lagsmálaráðs og hefði það leitt
til þess að einn af starfsmönnum
stofnunarinnar hefði verið beðinn
um að gera úttekt á átandinu.
Þessi úttekt hefði síðan ekki legið
fyrir fyrr en 13. mars sl. eða
sama dag og umrædd ráðstefna
hófst. Þar hefði starfsmaðurinn,
sem gerði úttektina, kynnt niður-
stöður hennar án þess að hann
hefði lagt þær fyrir félagsmála-
ráð og slíkt væri ámælisvert.
Ingibjörg sagði ennfremur, að
þetta væri ekki í fyrsta skipti sem
þrengdi að Félagsmálastofnun,
slíkt væri árviss viðburður á
þessum árstíma en ástandið hefði
hins vegar aldrei verið verra en
í tíð meirihluta vinstrimanna í
mars 1982. Nú hefði verið tekið
á málinu og það leyst með viðun-
andi hætti.
Gerður Steinþórsdóttir (F)
sagði, að ljóst væri að lífskjör fólk
í landinu hefði versnað að undan-
fömu og það hefði komið berlega
í ljós á umræddri ráðstefnu um
fátækt á íslandi. í máli hennar
kom einnig fram að tregða borg-
arhagfræðings í þessu máli væri
ákaflega einkennileg og að
greinilegt væri að upplýsinga-
streymi innan borgarkerfísins
væri ekki nógu gott.
Albert Guðmundsson (S)
sagði, að Félagsmálastofnun
hefði niðurlægt slq'ólstæðinga
sína með því að láta þá fá úttekt-
arseðla í stað peninga og bað
hann alla borgarfulltrúa að sjá
til þess að slíkt gerðist aldrei
aftur.