Morgunblaðið - 05.04.1986, Qupperneq 46
46 MORGUNBLAÐIÐ, LAUGARDAGUR 5. APRÍL1986
• Þessir strákar tóku þátt f Tommahamborgaramótinu í Eyjum, en œtli þeir sáu ekki of gamlir til aö
keppa þar f sumar?
Tommahamborgaramótið:
Haldið í
þriðja sinn
Veztmannaeyjum.
TOMMAHAMBORGARAMÓTIÐ i
knattspyrnu fyrir 6. flokk verður
haldið þriðja árið f röð í Vest-
mannaeyjum í sumar. Mótið er
haldið í sameiningu af Knatt-
spyrnufélaginu Tý í Vestmanna-
eyjum og Tommahamborgurum
og verður það háð dagana
18.—23. júnf. Mótið verður með
svipuðu sniði og undanfarin ár,
en þó verður reynt að bœta ein-
hverju nýju við.
Mót þetta hefur notið gífurlegra
vinsælda hjá knattspyrnumönnum
félagana og í fyrrasumar tóku 40
lið frá 20 félögum þátt í mótinu,
alls rúmlega 500 þátttakendur, og
komust þá færri lið að en vildu
vera með. Trúlega verður einnig
að takmarka þátttökuliðin við
sama fjölda í ár, þ.e. 40 lið og
því eins gott fyrir þau félög sem
hug hafa á því að senda lið í
Tommamótið að bregða skjótt við.
Þátttöku skal tilkynna til Lárusar
Jakobssonar, mótsstjóra, í síma
98—1754 og veitir hann Ijúflega
allar nánari upplýsingar um móts-
haldið. Mörg félög hafa þegar
imprað á þátttöku í mótinu, sum
lögðu jafnvel þegar inn óskir um
þátttöku strax í mótslok í fyrra, og
er þessum liðum bent á að hafa
samband við Lárus. — hkj.
íþróttir helgarinnar
ÞAÐ verður talsvert mikið um að
vera á íþróttasviðinu hér á landi
um þessa helgi. Borðtennis,
frjálsar fþróttir, glfma, lyftingar,
knattspyrna og handknattleikur
hjá yngri flokkunum eru meðal
þess sem er á dagskrá fþrótta-
unnenda.
Fyrri hluti íslandsmótsins í borð-
tennis verður haldinn í Laugardals-
höllinni í dag og á morgun. Keppn-
in hefst klukkan 13.30 í dag með
tvíliðaleikjum í flokkum drengja,
sveina og stúlkna og síðan heldur
keppni áfram fram eftir degi. Á
morgun verður síðan keppt í ein-
liðaleik og úrlsitaleikirnir í tvíliða-
leikjunum og hefst keppnin klukk-
an 13.
Meistaramót íslands í kraftlyft-
ingum veröur haldið á Akureyri í
dag og hefst klukkan 10 árdegis í
íþróttahöllinni þar í bæ.
Keppt verður í karla- og kvenna-
flokki og verða allir bestu kraftlyft-
ingamenn landsins meðal kepp-
enda ef Jón Páll Sigmarsson er
undanskilinn, en hann á við meiðsli
að stríða um þessar mundir.
Kraftlyftingamenn ætla sér
stóra hluti á þessu móti og hver
veit nema þeir setji nokkur met,
íslands-, Evrópu- eða jafnvel
heimsmet. Það kemur í Ijós í dag
í íþróttahöllinni á Akureyri.
Íslandsglíman verður haldin í
íþróttahúsi Kennaraháskólans í
dag og hefst klukkan 14. Alls eru
ellefu keppendur skráðir til keppni
um Grettisbeltið sem er elsti verð-
launagripur sem keppt er um á
íslandi og þó víðar væri leitað. Nú
eru 80 ár liðin frá fyrstu ísiands-
glímunni sem háð var á Akureyri
en keppnin féll niður árin 1914-
1918 þannig að nú er keppt í 76.
sinn um beltið.
Núverandi glímukóngur er Ólaf-
ur Haukur Olafsson úr KR en
meðal keppenda eru einnig þrír
fyrrverandi glímukóngar. Jón
Unndórsson, Eyþór Pétursson og
Pétur Ingvason, og því má búast
við hörkuspennandi keppni. Glím-
an verður í beinni útsendingu í
sjónvarpinu.
Einn leikur verður í Reykjavíkur-
mótinu í knattspyrnu á morgun.
Þá leika Valur og Víkingur á gervi-
grasvellinum í Laugardal og hefst
leikurinn klukkan 20.30.
Yngri flokkarnir í handknattleik
verða á fullu um helgina. Á Selfossi
leikur 4. flokkur kvenna til úrslita
og hefst keppnin þar í dag klukkan
13 og lýkur á morgun klukkan 16.
í Seljaskóla leikur 2. flokkur
kvenna og hefst keppnin hjá þeim
klukkan 10 árdegis í dag og lýkur
á morgun með úrlsitaleik klukkan
15.
6. flokkur karla leikur i Garðabæ
og hefst keppnin í dag klukkan 13
og síðasti leikurinn hefst klukkan
15.
Þingvallagangan:
Ekki Skíðafélagsins
Við sögðum frá Þingvalla-
göngunni í blaðinu hjá okkur í gær
og þar var sagt að það væri
Skíðafélag Reykjavíkur sem
stæði að þessari göngu. Forráða-
menn Skfðafélagsins höfðu síðan
samband við Morgunblaðið og
sögðu þessa göngu sér algjör-
lega óviðkomandi. Þessu er hér
með komið á framfæri.
• Islandsglfman verður f dag og þar verður að vanda keppt um
Grettisbeltið, en nú eru áttatfu ár frá þvf fyrst var keppt um þetta
glæsilega belti. Keppnin fdag hefst klukkan 14 f Kennaraháskólanum.
Morgunbtaðið/Árni Sœberg
• Frfður hópur Stjörnuíþróttafólks úr Garðabæ. Þessi myndarlegi hópur handknattleiksfólks úr Stjörnunni tekur þátt í úrslitakeppninni f handknattleik sem fram fer um
þessa helgi og þá næstu. Stjarnan hefur komið öllum yngri flokkum sfnum í úrslitakeppnina að þessu sinni, eins og reyndar sfðastliðin tvö ár og hlýtur það að teljast frá-
bær árangur hjá félaginu. Meistaraflokkar félagsins stóðu sig einnig mjög vei í vetur og eiga áreiðanlega eftir að láta meira að sér kveða á næstu árum f handknattleik
ef marka má þennan stóra hóp handknattleiksmanna.