Morgunblaðið - 11.05.1986, Page 31

MORGUNBLAÐIÐ, SUNNUDAGUR 11. MAÍ 1986
31
Kolbrún Jenný
Gunnarsdóttir
líolbrún JennýGunnarsdóttirer21 árs
Keflvíkingnr, fædd 30. desember 1964. Hún
hefur alla sína tíð búið í Keflavík sem hún
segir að sé „mjög vinalegur bær“.
Síðan í október hefur Kolbrún starfað við
afgreiðslustörf í Apóteki Keflavíkur. Fram
til þess tíma var hún nemi í Fjölbrautarskóla
Suðurnesja og er harðákveðin í að ljúka
skólanum síðar - eftir að hafa tekið sér
hvfld frá náminu á vinnumarkaði.
Kolbrún saumar nær öll sín föt sjálf og
segist skemmta sér konunglega við það.
Mikið af hennar frítíma fer að öðru leyti í
íþróttir, bæði að fylgjast með öðrum ogeins
hefur hún tekið miklu ástfóstri við svokall-
aða aerobic-leikfimi í vetur. „Það er æðisleg
íþrótt," segir hún, „þú ættir að prófa það
einhvemtíma!"
Úrslitakeppnin eftir tæpan hálfan mánuð
leggst vel í hana. „Það þýðir ekkert annað,"
segir hún hressilega, „þetta verður áreiðan-
lega góð reynsla fyrir mann og svo hefur
verið og er mjög gaman að vinna að þessu."
Kolbrún Jenný Gunnarsdóttir er 172 sm
á hæð. Hún er yngst sex bama þeirra
Hrefnu M. Sigurðardóttur og Gunnars Jóns-
sonar.
Rut Róbertsdóttir
K»t Róbortsdóttirer 24 ára, fædd 3. febrúar 1962. Nærri hálfa ævinabjó hún á
Akureyri og eimir enn eftir af norðlenskum hreim í rödd hennar. Hún er fædd í Reykja-
vík en fluttist tíu ára gömul til Akureyrar og bjó þar næstu tíu árin.
Rut er íþróttakona - hefur æft sund og blak og í fyrrasumar æfði hún knattspymu á
ísafirði, þar sem hún dvaldist sumarlangt. Auk þess stundar hún aerobie-leikfimi og
skokkar þegar tækifæri gefst. Önnur helstu áhugamál hennar em leikhúsferðir og lestur
íslenskra bókmennta - „ekki reyfara,“ segir hún, „ég vil heldur lesa bækur eftir íslenska
höfunda, sem maður þarf aðeins að velta fyrir sér.“
Rut Róbertsdóttir er 169 sm á hæð. Foreldrar hennar em Erla Kristjánsdóttir og
Reynir Brynjólfsson.
Þóra
Þrastardóttir
óra Þrastardóttir er 19 ára Reykvíking-
ur, fædd 8. mars 1967. Hún er í miðjum
prófum á heilsugæslubraut í Fjölbrautar-
skólanum við Armúla og lýkur stúdentsprófi
þaðan næsta vor. í sumar ætlar hún að vinna
á skrifstofu á Seltjarnarnesi.
Þóra er hestakona - og hestafólk veit að
það áhugamál getur verið nánast fullt starf
með skólanámi eða hverri annarri vinnu.
Það þarf að gefa og hirða, þjálfa og snudda
í kringum skepnurnar - ekki síst þegar um
er að ræða talsverðan hóp af hestum, eins
og er í hennar tilfelli. Sömuleiðis á hún
hund, sem hún segist þjálfa með hestunum.
„Hestamennskan er helsta áhugamálið og
útiveran, sem því fylgir,“ segir hún.
Þóra hlakkar til keppninnar. „Við stelp-
urnar skemmtum okkur frábærlega saman.
Eg kvíði engu ennþá - kannski vegna þess
að ég er lítið farin að hugsa um sjálfa
keppnina ennþá. Það kemur kannski.”
Þóra Þrastardóttir er 169 sm á hæð.
Foreldrar hennar eru Elly Kratsch og Þröst-
ur Jónsson. Hún er elst þriggja systkina -
auk hennar eru tvíburar í fjölskyldunni.