Morgunblaðið - 18.07.1986, Blaðsíða 47
MORGUNBLAÐIÐ, FÖSTUDAGUR 18. JÚLÍ 1986
47
Morgunblaðið/Bjami
Valsmaðurinn Magni Pétursson reynir hór skot að marki ÍBK í gærkvöldi. Sigurjón Kristjánsson og Einar Ásbjörn Ólafsson fylgjast spenntir með.
ÍBK skaust í annað sætið
— eftir sigur á lánlausu liði Vals
Valsvöllur, 1. deild
Valur-ÍBK 0-1 (0-1)
Mark ÍBK: Óli Þór Magnússon á 36. minútu.
Gul spjöld: Gísli Grétarsson, Sigurður Björg-
vinsson og Siguröur Guðnason ÍBK.
Dómari: Þorvaröur Björnsson og haföi hann
ekki nógu góö tök á leiknum.
Einkunnagjöfin:
Valur: Guömundur Hreiöarsson 2, Þorgrímur
Þráinsson 2, Bergþór Magnússon 2, Guöni
Bergsson 3, Ársæll Krístjánsson 2, Ingvar
Guömundsson 2, Sigurjón Kristjánsson 3,
Valur Valsson 3, Hilmar Sighvatsson 3, Magni
Pétursson 2, Ámundi Sigmundsson 2, Jón
Grétar Jónsson, vm. lék of stutt.
Samtals:26
ÍBK: Þorsteinn Bjarnason 4, Einar Ásbjörn
Ólafsson 3, Rúnar Georgsson 2, Freyr Sverris-
son 2, Valþór Sigþórsson 2, Siguröur Björg-
vinsson 2, Gísli Grétarsson 3, Gunnar
Oddsson 2, Ingvar Guömundsson 2, Óli Þór
Magnússon 3, Ingvar Guömundsson 2, Sig-
urður Guðnason vm. 2, Skúli Rósantsson, vm.
lék of stutt.
Samtals: 29
Valsmenn hófu leikinn með mikl-
um látum og ekki hefði verið
ósanngjarnt þó að liðið hefði skor-
að þrjú mörk á fyrsta hálftímanum.
Mark Óla Þórs Magnússonar, ÍBK,
kom síðan eins og þruma úr
heiðskíru lofti. Keflvíkingar voru
þá í sinni fyrstu sókn í leiknum.
Óli Þór eygði glufu í Valsvörninni
og náði að skjóta knettinum efst
í markhornið.
Síðari hálfleikur var ekki jafn
skemmtilegur á að horfa og sá
fyrri. Keflvíkingar reyndu allt hvað
þeir gátu að halda hlut sínum og
sóknarlotur Valsmenna voru bit-
lausar. Tvívegis komst mark ÍBK í
hættu í hálfleiknum en Þorsteinn
Bjarnason varði skot Magna Pét-
urssonar og Hilmars Sighvatsson-
ar. Gestirnir fengu þó besta færi
hálfleiksins er Skúli Rósantsson
komst einn innfyrir vörn Vals en
Guðmundur markvörður bjargaði
með úthlaupi.
Það má með sanni segja að
knattspyrna sú er ÍBK bauð uppá
hafi ekki verið áferðarfalleg. Liðið
var stálheppið í fyrri hálfleiknum
og í þeim síðari börðust allir leik-
menn liðsins vel. Með sigrinum
komst liðið í annað sæti deildarinn-
ar.
Valsmenn höfðu undirtökin á
miðjunni allan leikinn og eftir yfir-
burðum þeirra að dæma í fyrri
hálfleik hefðu úrslit þegar átt að
vera ráðin í leikhléi. Þegar sýnt var
að mark léti standa á sér hjá liðinu
fóru sumir leikmanna liðsins að
reyna of mikið upp á eigin spýtur
með litlum árangri.
„Þeir áttu
ekkert svar við
baráttu okkar“
— sagði Þorsteinn
Bjarnason ÍBK
„ÞETTA var sigur baráttu og
liðsheildarinnar. Við bárum
alltof mikla virðingu fyrir Vals-
mönnum í fyrri hálfieik en í
síðari hálfleiknum fundum við
það út að þeir áttu ekkert svar
við baráttu okkar,u sagði Þor-
steinn Bjarnason, markvörður
ÍBK eftir sigur liðsins á Val í
gærkvöldi.
„Við erum komnir í annað
sætið og þá er stefnan að sjálf-
sögðu sett á það fyrsta. Næsti
leikur okkar verður gegn Fram
og ég get lofað því að Fram
þarf að berjast fyrir stigum
sínum þar. Við höfum verið á
góðri siglingu eftir tap í þremur
fyrstu leikjunum og svo verður
vonandi áfram."
„Það var sárt að tapa þessum
leik. Við megum ekki við að
tapa stigum" sagði Guðni
Bergsson.
„Við áttum skilið að vinna því
við áttum meira í leiknum. Þrátt
fyrir að þessi stig séu töpuð
er ég viss um að við verðum
meðal efstu liða í lokin,“sagði
Guðni._______________
Grindavík
vann Reyni
Grindavík sigraði Reyni Sand-
gerði er liðin mættust í gærkvöldi
i A-Riðli 3. deildarinnar f knatt-
spyrnu. Fyrri hálfleikur var
markalaus en í þeim síðari skor-
uðu heimamenn þrívegis gegn
einu marki Reynismanna.
Steinþór Helgason, Ólafur Ing-
ólfsson og Þórarinn Ólafsson
skoruðu mörk Grindavíkur en eina
mark Reynis skoraði Sigurjón
Kristjánsson.
ÍAvann ÍBK
Einn leikur fór fram í 1. deild
kvenna í gærkvöldi. ÍA sigraði
ÍBK 2-1 er liðin mættust í
Keflavík.
Það var Karitas Jónsdóttir sem
skoraði bæði mörk Skaga-
stelpnanna en Helga Eiríks-
dóttir skoraði mark IBK.
Opið bréf til dómaranefndar KSI
og knattspyrnuforystunnar
Akureyri, 16. Júlf.
VIÐ SEM stöndum i þvf annars skemmtilega starfi að reka knatt-
spyrnudeildir úti á landsbyggðinni göngum að þvf verki vitandi
það að mikill hluti starfsins muni fara í útvegun fjármagns til rekst-
ursins, enda búum við við þau skilyrði að hafa yfirleitt minni
tekjumöguleika en félögin t.d. á höfuðborgarsvæðinu, og að auki
mun hærri reksturskostnað sem auðvelt er að rökstyðja með mikl-
um ferðakostnaði.
Því finnst mér hart að knatt-
spyrnuforustan skuli ekki leggja
sitt af mörkum til þess að gera
þetta starf eins auðvelt fyrir okk-
ur og hægt er, án þess að verið
sé að biðja um ölmusu eða meira
en aðrir fá. Þvert á móti lýsir
framkoma t.d. þeirra sem sjá um
dómaramál algjöru virðingarleysi
fyrir því sem við erum að reyna
að gera.
Ég skal nefna dæmi. Á leik
KA og Fram í Bikarkeppni kvenna
sem fram fór á Akureyri 14. júlí
hafði boðunarmaður dómara á
Akureyri boðað dómara og línu-
verði. Það kom því mjög á óvart
þegar úr höfuðstöðvunum í
Reykjavík var sendur dómari flug-
leiöis, og línuverðir meö bifreið-
um frá Húsavík og Grenivík.
Afleiðingar þessa urðu þær að
dómarakostnaður við leikinn
nam 10 þúsund krónum. Við er-
um að reyna að halda úti
kvennaliði þótt ekki séu mögu-
leikar á tekjum á móti t.d. vegna
aðgöngumiðasölu, en framkoma
eins og þessi getur hreiniega
orðið til þess að menn gefast
upp.
Lítum þá á dómarakostnað í
2. deild karla. Svokallað jöfnunar-
gjald er nú kr. 14.500 á leik og
hefur það hækkað úr 9.000 kr. á
síðasta ári, eða um 60% á með-
an verðbólga hefur veriö
20—25%. Og þetta dugirekkitil.
Sem dæmi um það hvernig
þessum málum er stjórnað úr
Reykjavík má nefna að á leik Ein-
herja og KA á Vopnafirði 15. júlí
komu dómari og línuverðir úr
Reykjavík á 7 manna flugvél. Sá
kostnaður nam 38.800 krónum
og þegar annar kostnaður hafði
bæst við nam dómarakostnaður
við leikinn 42.885 krónum!
Sem dæmi um hvernig spara
hefði mátt í þessu tilviki má nefna
að 5 manna flugvél frá Akureyri
sem hefði getað flutt dómaratríó
frá Norðurlandi hefði kostað
13.800 kr. Og fyrir þá sem enn
þurfa tölur til að skilja, má nefna
að ferð 18 manna liðs KA á leik-
inn kostaði 30.400 krónur, eða
12.485 kr. minni upphæð en
ferðakostnaður dómaranna úr
Reykjavík.
I fyrra þegar jöfnunargjald á
leik vegna dómara var 9.000 kr.
varð afgangur í mótslok. Nú fara
menn ekki í launkofa með að
14.500 kr. jöfnunargjald muni
ekki duga, og þá hljóta allir að
sjá að eitthvað er að.
Jöfnunargjald vegna dómara-
kostnaðar í 2. deild nemur
samtals rúmlega 1,3 milljónum
króna í ár og mun verða hækkað.
Þetta eru miklar upphæðir fyrir
fjárvana félög úti á landsbyggð-
inni sem búa við geysilegan
ferðakostnaö með leikmenn
sína. Að sjáifsögðu er hægt að
skilja það sjónarmið að dómarar
þurfi að komast í ferðir til að
dæma ekki alltaf í sama um-
hverfi hjá sömu liðum, en eins
og þessi mál eru rekin í dag er
engu líkara en að það sé orðið
aðalatriðið í dag að dómarar geti
verið á sífelldu flandri um landið,
án tillits tii þess kostnaðar sem
það leiðir af sér fyrir félögin.
Þeir sem þessi mál annast
ættu að sjá sóma sinn í því að
taka nú til höndum og skipu-
leggja þessi mál betur, og hafa
þá að leiðarljósi að fjáröflun fé-
laganna sem oftast gangur undir
nafninu „betl“ gengur út á annað
Stefán Gunnlaugsson, formað-
ur knattspyrnudeildar KA.
en að afla fjár til flandursferða
dómara um landið.
Virðingarfyllst,
Stefán Gunnlaugsson,
formaður knattspyrnu-
deildar KA.