Morgunblaðið - 21.08.1986, Side 21
MORGUNBLAÐIÐ, FIMMTUDAGUR 21. ÁGÚST 1986
21
Hörmungimi Úganda ætlar seint að linna.
27 manns hafa látist úr
svarta dauða í Uganda
UGANDA hefur mátt þola margar hörmungar á undanförnum
árum: einræðisherra, innrás, borgarastyrjöld og efnahags-
hrun. Fáa hefði þó órað fyrir því að þetta land, sem eitt sinn
var auðugasta land álfunnar og reyndar nefnt „Perla Afríku“,
ætti eftir að verða svarta dauða að bráð, sjúkdómi, sem í
hugum flestra heyrir fortíðinni til.
Þessa skæða sjúkdóms, sem
barst til íslands árið 1402 og lagði
allt að þriðjung þjóðarinnar að
velli, hefur ekki orðið vart lengi,
ef marka má alþjóðaheilbrigðis-
málastofnunina (WHO). Sjúk-
dómurinn berst yfirleitt með
rottum, þó svo að þær séu í raun
ekki smitberinn, heldur flær sem
á þeim lifa.
Enn sem komið er hafa aðeins
27 manns látist svo vitað sé, en
252 aðrir hafa verið skráðir með
sjúkdóminn í Nebbi-héraði, sem
er skammt frá landamærum Úg-
anda við Zaíre.
Samkvæmt heilbrigðisráðherra
landsins, Dr. Ruhakana Rugunda,
var fyrsta tilfellis plágunnar vart
í apríl og grípu stjómvöld þegar
til aðgerða til þess að hefta út-
breiðslu hennar. Ráðuneytið
tilkynnti að sjúkdómurinn virtist
einskorðast við landamærabæinn
Paidha, en á hann heijar rottufar-
aldur. Handan landamæranna í
austurhluta Zaíre hafa borist
óstaðfestar fregnir af enn frekari
tilfellum sjúkdómsins. Heilbrigð-
isfulltrúar beggja ríkja hafa mikið
samstarf vegna þessa máls og
hefur landamærum ríkjanna verið
lokað í bili. I yfirlýsingu frá heil-
brigðisráðuneyti Úganda sagði að
ekki væri um að ræða meiri hátt-
ar sjúkdómsfaraldur og að stjórn-
völdum Úganda myndi takast að
halda honum í skefjum.
Svarti dauði er mjög smitandi.
Fyrstu einkennin eru langvarandi
hiti, verkir í höfði og útlimum,
auk almenns slappleika. Dauði
getur fylgt í kjölfarið skömmu
síðar, jafnvel nokkmm klukku-
stundum eftir að fyrstu einkenna
verður vart. Vegna verkjanna og
sótthitans héldu margir íbúar
Nebbi-héraðs að göldrum væri um
að kenna og tilkynntu því ekki
um veikindi sín til sjúkrahúss.
Vegna þessa hafa yfirvöld sett sig
í samband við alla ættbálkahöfð-
ingja og beðið þá um að láta
hreinsa allar hugsanlegar gróðr-
arstíur sóttarinnar og að koma
öllum þeim sem mögulega gætu
verið haidnir henni til sjúkrahúss.
Mikið magn fúkkalyfja hefur
verið sent frá Kampala til svæð-
anna, sem veikinnar hefur orðið
vart á, en einnig hafa allar tiltæk-
ar birgðir af DDT verið sendar,
svo freista megi að drepa flærn-
ar. Skordýraeitrið DDT var mjög
mikið notað til skamms tíma, en
er nú víðast hvar bannað. Margir
umhverfisverndarsinnar hafa
mótmælt notkun DDT, þar sem
þeir telja það muni hafa langvar-
andi áhrif á vistkerfi héraðanna.
Yfirvöld vona hins vegar að með
eitrinu verði hægt að útrýma
flónni á tiltölulega skömmum
tíma, en með litlum neikvæðum
áhrifum á vistkerfið, þegar til
langs tíma er litið.
] NÁMSKEIÐ
A
] VIS. DOS
STÝRIKERFI
] EINKATÖLVA
Innan þeirra fyrirtækja er nota einkatölvur er nauðsyn
að hafa starfsmenn með þekkingu á innviðum og
búnaði tölvukerfisins. Tilgangur MS. DOS-
námskeiðanna er að gera starfsmenn sem hafa
umsjón með einkatölvum sjálfstæða í meðferð
búnaðarins. Þátttakendum er veitt innsýn í
uppbyggingu stýrikerfa og hvernig þau starfa. Farið
eryfir allar skipanir stýrikerfisin og hjálparforrit þess.
Kennd verður tenging jaðartækja við stýrikerfi og vél
og rætt um öryggisatriði og daglegan rekstur.
Timi og staður:
1.-4. sept. kl. 13.30-17.30
Ánanaustum 15
Leiðbeinandi:
Björn Guðmundsson,
kerfisfræöingur.
AStiórnunarfélaa Islands
Ánanaustum 15 Sími: 621066
Dæmi um verð
Burknar
Eigum mikið magn af
gtóum burknum.
Mikill afsláttur.
440:- 242.-
Pottahtífar
Púsundir af fallegum
pottahlífum.
-Tilboðsverð-
Okkar árlega haustútsaia
er hafin.
Nú seljum við allar
pottaplöntur á útsölu.
Missið ekki af þessu
einstaka tsekifseri.
Hér fást góðar plöntur
á góðu verði.
Srnciuo
Grófturhúsinu viS Sigtún: Símar 36770-686340