Morgunblaðið - 08.04.1987, Side 24

24
MORGUNBLAÐIÐ, MIÐVIKUDAGUR 8. APRÍL 1987
Illskársti kosturinn hlaut annað sætið.
Morgunblaðið/Einar Falur
Saffó
Músíktilraunir 1987
Fyrsta tilraunakvöldið
Aðdáendaklúbbur Sogbletta fjölmennt á staðinn.
Eins og flestum ætti að vera
kunnugt var fyrsta kvöld
músíktilrauna 1987 haldið 2.
apríl síðastliðinn. Þar komu
fram sex tilraunahljómsveitir
og ein gestahljómsveit.
Aðsókn var mjög góð, um 400
gestir komu til að fylgjast með
tilraununum, sem mun vera met-
aðsókn að tilraunakvöldi, þegar
úrslitakvöld er frátalið. Greinilegt
var að fylgismenn ýmissa hljóm-
sveita höfðu fjölmennt á staðinn
til að veita sínum mönnum braut-
argengi, þeirra á meðal illvígt
pönkgengi, en dómnefnd var til
staðar til að koma í veg fyrir að
hljómsveit kæmist áfram sem ekki
hefði til þess verðleika.
Rauðir fletir hófu kvöldið og
hituðu áheyrendur upp. Þvínæst
kom á sviðið Illskársti kosturinn
úr Menntaskólanum á Laugar-
vatni. Greinilegt var að mennt-
skælingar af Laugarvatni höfðu
íjölmennt suður og hvöttu þeir
sína menn óspart. Illskársti kost-
urinn sýndi að ekki voru vinsæld-
imar hjóm eitt, því hljómsveitin
er ansi góð.
Saffó úr Garðabænum var
næst. Ekki bar á því að þeir væru
með stóran hóp sér til stuðnings.
Lögin sem Saffó flutti voru nokk-
uð keimlík og lítið sem gerði þau
eftirminnileg nema ef vera skyldi
textamir, sem vom ótrúlega
þunnir. Gítarleikarinn sýndi efni-
lega takta og söngvarinn var
nokkuð ömggur, þó hann hafi
frekar takmarkaða rödd.
Sú hljómsveit sem einna mest
kom á óvart þetta kvöldið var
Stykkishólmssveitin Kvass. Ekki
einasta var hljómsveitin vel sam-
stillt, heldur vom lögin þess eðlis
að áheyrendur voru fljótir að grípa
þau. Hljóðfæraskipan var að því
leyti til frávik frá hefð að gítarinn
var eingöngu notaður sem takt-
gjafi. Söngvarinn er einkar efni-
legur og ekki skemmir trompet-
leikurinn. Því miður heyrðist hann
aðeins í einu lagi, sem var, m.a.
vegna hans, besta lagið sem þeir
léku. Gjarnan mætti heyrast
meira í honum framvegis.
Sandgerðingarnir Skóp vom
næstir, sennilega yngstir af þeim
sem fram komu. Ekki var hljóm-
sveitin nema fimm mánaða gömul
og greinilegt að hana vantar meiri
tíma. Á stundum fannst manni
sem hljóðfærin væm á mismiklum
hraða og yfirleitt var eins og það
vantaði einn eða fleiri hljóðfæra-
leikara til að koma í veg fyrir að
lögin yrðu of gisin. Gítarleikarinn
var efnilegur en mætti leggja
meiri rækt við rythmann.
Önnur hljómsveit úr Stykkis-
hólmi var næst, hjómsveitin Forte.
Þeir byijuðu á lagi sem var ein-
göngu leikið. Þar örlaði á góðum
hugmyndum, en úrvinnslan var
tilviljunarkennd og útkoman því
ekki eftirminnileg. Þau lög sem
sungið var í vom lítið skárri.
Söngvarinn reynir helst til mikið
á röddina og hann væri betri ef
hann gæti slappað meira af við
sönginn.
Skræpótti fuglinn átti að koma
fram næst en af því varð ekki.
Það vom því Sogblettir sem riðu
á vaðið á eftir Hólmumm. Pönkar-
arnir sem sem beðið höfðu átekta
eftir þeim þyrptust upp að sviðinu
og skemmdu þannig nokkuð fyrir
sínum mönnum, enda sást lítið til
hljómsveitarinnar fyrir vikið. Sog-
blettir spila kröftugt pönk og að
öðmm ólöstuðum má segja að
þeir hafi verið hljómsveit kvölds-
ins, þó ekki næðu þeir að vinna.
Hljóðfæraleikur var allur með
ágætum og sviðsframkoma, þ.e.
það sem sást, einnig. Pönktónlist
telst hinsvegar ekki tónlist sem
líkleg er til vinsælda og því fór
sem fór.
Sigurvegarar kvöldins (verð-
skuldaðir) urðu Kvass úr Hólmin-
um, fengu 3336 stig, en Illskársti
kostur þeirra Laugvetninga varð
í öðm sæti með 2651. Þriðjir urðu
svo Sogblettir með 2574.
Annað kvöld músíktilrauna er
annað kvöld, fímmtudagskvöld,
og þá koma fram hljómsveitirnar
Rocky frá Skagaströnd, Tarkos,
Gjörningur og Mussolini úr
Reykjavík, Hvítar reimar úr
Keflavík, Metan frá Sauðárkróki
og Bandormarnir úr Kópavogi.
Gestir kvöldsins verður hljóm-
sveitin Grafík, sem flytur efni af
væntanlegri plötu. Áhugasömum
er bent á að koma snemma á stað-
inn enda var aðsóknin síðast slík
að erfitt var að komast nógu ná-
lægt til að sjá hvað fram fór.
Árni Matt
Sogblettir lentu í þriðja sæti.
Forte
Skóp
Kvass vann verðskuldað.