Morgunblaðið - 08.04.1987, Blaðsíða 45

MORGUNBLAÐIÐ, MIÐVIKUDAGUR 8. APRÍL 1987
45
Hin nýju salarkynni Sæluhússins á Dalvík.
Dalvík:
Sæluhúsið tekur í
notkun nýian sal
Dalvík.
SÆLUHÚSIÐ á Dalvík hefur
aukið og bætt aðstöðu sina með
því að taka í notkun nýjan veit-
ingasal. Með því móti hyggst
fyrirtækið geta boðið upp á
fjölbreyttari þjónustu og bætt
nýtingu hússins.
Nýi salurinn rúmar um 60
manns í sæti og þá er þar einnig
bar. Salarkynnin eru öll hin vist-
legustu en þau eru hönnuð af
Davíð-Haraldssyni sem löngu hef-
ur getið sér mjög gott orð fyrir
hönnun slíkra veitingastaða. Inn-
réttingar voru fengnar frá
Aðalgeir Finnssyni á Akureyri en
stjórn smíðinnar var í höndum
heimamanna.
Sæluhúsið er í eigu hlutafélags-
ins Ýlis á Dalvík og hefur annast
greiðasölu nú í nokkur ár auk
þess sem fyrirtækið hefur haft á
leigu heimavist Dalvíkurskóla á
sumrin og boðið ferðalöngum upp
á gistingu. Með tilkomu þessa
aukna húsnæðis eykst þjónusta
fyrirtækisins og getur Sæluhúsið
þá tekið á móti smáhópum og
veislum án þess að loka hinni
daglegu veitingasölu. Einnig verð-
ur hægt að halda þar minniháttar
fundi.
Forstjóri fyrirtækisins er Júlíus
Snorrason og hefur hann haft
mikinn áhuga á því að auka ferða:
mannastrauminn til Dalvíkur. í
því sambandi hefur hann gert
samning við Útsýn en á vegum
þess munu koma ferðamannahóp-
ar til íslands í sumar. Mun Dalvík
verða gististaður þeirra hér á
Norðurlandi og farið verður í hóp-
ferðir frá Dalvík til ferðamanna-
staða á Norðurlandi. Kvaðst
Júlíus gera sér góðar vonir um
aukin umsvif nú í sumar og von-
ast til að Sæluhúsið mætti veita
bæjarbúum og ferðafólki sem vildi
gista Dalvík sem besta þjónustu
á komandi árum.
Fréttaritarar
Vonaði að ég yrði
meðal þeirra efstu
— sagði Freyr Gauti Sigmundsson nýkjörinn íþróttamaður Akureyrar
FREYR Gauti Sigmundsson, júdó-
maður úr KA, var kjörinn íþrótta-
maður Akureyrar fyrir árið 1986
og var kjöri hans lýst á þingi IBA
á laugardaginn. Freyr Gauti er
aðeins 15 ára að aldri en hefur
samt náð mjög góðum tökum á
íþrótt sinni. í öðru sæti i kjörinu
varð Tryggvi Gunnarsson, knatt-
spymumaður úr KA, Anna Maria
Malmquist, skiðakona úr Þór,
varð þriðja, fjórði varð Aðalsteinn
Friðjónsson, Eik, íþróttafélagi
þroskaheftra og fimmti Svavar
Þór Guðmundsson, sundmaður úr
Óðni.
„Það eru þijú og hálft ár síðan ég
byrjaði að æfa — akkúrat í dag,“
sagði Freyr Gauti í samtali við Morg-
unblaðið um helgina. „Vinur minn
fékk mig með sér á æfingu og ég
fékk strax mikinn áhuga á júdóíþrótt-
inni.“
— Hvað er það sem heillar
svona við júdóið?
„Það er gott að stunda júdó til að
komast í betra ástand líkamlega og
andlega. Það er kannski það helsta
sem ég get nefnt að heilli." Að sögn
Freys Gauta eru um 100 manns sem
æfa júdóíþróttina á Akureyri og síðan
er júdódeild KA með útibú í
Morgunblaðið/Skapti Hallgrímsson
Freyr Gauti Sigmundsson, íþróttamaður Akeureyrar, hampar verð-
launum sínum.
Varmahlíð þar sem um 30 manns
æfa. „Ég æfi fimm sinnum í viku,
einn og hálfan tima í einu. Æfingam-
ar eru mismunandi, á mánudögum
og fimmtudögum hlaupum við til
dæmis í áhorfendastúkunni í Höll-
inni, æfum þar snerpu og þol, og svo
glimum við auðvitað líka á æfmgum,
gerum æfingar sem byggjast á
tækni."
Freyr Gauti hafði æft í tvo mánuði
áður en hann tók þátt í sínu fyrsta
Páll syngur á Dalvík
PÁLL Jóhannesson, tenórsöng-
vari, heldur tónleika í Víkurröst
á Dalvík á laugardaginn og hefj-
ast þeir klukkan 16.30.
Söngvarinn hélt tvenna tónleika
um síðustu helgi, í Samkomuhúsinu
á Akureyri og í Húsavíkurkirkju og
fékk mjög góðar viðtökur. Fjöldi
fólks sótti tónleikana og var söng-
varanum ekki sleppt af sviðinu fyrr
en hann hafði sungið nokkur auka-
lög.
Næst eru það Dalvíkingar sem
fá tækifæri til að sjá Pál syngja
og verður hann væntanlega á ferð-
inni víðar um Norðurland á næst-
Sturla Kristjánsson aftur kominn til starfa á fræðsluskrifstofunni:
Málið leysist ekki nema á einn
veg - ao ég fái starfið aftur
Vinnur nú „ýmis verkefni“ fyrir fræðsluráð
STURLA Krisfjánsson, sem
Sverrir Hermannsson mennta-
málaráðherra rak úr starfi
fræðslustjóra Norðurlands
eystra í janúar, er aftur farinn
að vinna á fræðsluskrifstofunni
og það með vitund og samþykki
ráðherra. „Ráðherra var spurður
hvort hann tæki það sem ögrun
eða storkun ef ég yrði fenginn
til að vinna að ýmsum verkefnum
fyrir fræðsluráð hér á skrifstof-
unnif en hann kvað svo ekki
vera,“ sagði Sturla í samtali við
Morgunblaðið í gær.
Sturla hóf störf á ný á fræðslu-
skrifstofunni í lok febrúar, en
Sverrir vísaði honum úr starfi 13.
janúar. Sturla er að „vinna ýmis
verkefni fyrir fræðsluráð“, eins og
hann orðaði það. „Það er fræðsluráð
sem rekur þessa skrifstofu og ræð-
ur menn til starfa eftir ábendingu
fræðslustjóra," sagði Sturla.
Umsóknarfrestur er nú runninn
út um stöðu fræðslustjóra. Þijár
umsóknir bárust, frá Sturlu Krist-
jánssyni auk tveggja manna, sem
óska nafnleyndar. Óll félög, sem í
eru menn sem mega gegna starfi
fræðslustjóra, beindu þeim tilmæl-
um til sinna félagsmanna á sínum
tíma, að sögn Sturlu, að enginn
sækti um starfið. Þetta eru Hið
íslenska kennarafélag (HÍK), Kenn-
Sturla Kristjánsson fyrrverandi
fræðslustjóri
arafélag íslands (KÍ) og Félag
skólastjóra og yfirkennara (FSY).
„Það var alger samstaða um það
að enginn sækti um starfið nema
ég. Þetta er ekkert smámál að okk-
ar mati og það leysist ekki nema á
einn veg — að ég fái starfið aftur,“
sagði Sturla. Hann bætti við að öll
gögn í málinu væru þannig að
málið væri „skíttapað fyrir ráðu-
neytið". Hann sagði ráðherra hafa
óskrifaða heimild til að vísa opin-
berum embættismanni úr starfi, „en
þá þarf að vera um stórt afbrot eða
geðveiki að ræða. Og þegar talað
er um geðveiki er átt við þann, sem
rekinn er, ekki þann sem rekur.“
Sturla sagði norðanmenn hafa
reynt sættir við ráðuneytið á alla
lund en viðbrögðin hafi ekki verið
nein. „Ríkislögmaður hefur í
þrígang óskað eftir því að málinu,
sem ég höfðaði gegn fjármálaráð-
herra, yrði frestað og við urðum
við því. Síðast var því frestað til
30. apríl. Við álitum að ástæðan
fyrir þessum frestunum væri sú að
ráðuneytið vildi sættir en við höfum
ekki heyrt orð frá þeim.“
Sturla sagðist hafa verið sviptur
launum frá brottvikningardegi, 13.
janúar, „en ég hef aldrei_ fengið
neina tilkynningu um það. Ég frétti
það í fjölmiðlum og svo hættu
greiðslur að koma. Ég frétti líka í
fjölmiðlum að ráðherra ætlaði að
beita sér fyrir því að mér yrðu
greidd laun í 3 eða 6 mánuði. Það
hefur hvorki verið talað um það við
mig né lögmann minn. Ráðherra
sagði einnig að það væri sjálfsagt
að ég leitaði réttar míns fyrir dóm-
stólum og hann myndi beita sér
fyrir því að ég fengi gjafsókn, það
væri sjálfsagt. Þetta heyrði ég í
fjölmiðlum en það hefur aldrei verið
nefnt við mig. Ég sá líka í fjölmiðl-
um, haft eftir ráðherra, að það
væri ægilegt fyrir mann að lenda
í þessu og því sjálfsagt að aðstoða
hann við að finna starf við sitt
hæfi. Ég hef ekkert tilboð fengið
frá honum um starf," sagði Sturla
Kristjánsson.
móti. „Þá keppti ég á íjórum mótum
með stuttu millibili og lenti alltaf í
fjórða sæti. Sumarið eftir, 1984, æfð-
um við svo tveir, ég og Auðjón
Guðmundsson, á fullu með Oðni þjálf-
ara okkar og Þorsteini Hjaltasyni.
Eftir það sumar vorum við orðnir
langbestir á Akureyri og í janúar
1985 fórum við svo á Islandsmót
drengja og þá vann ég. Auðjón varð
í öðru sæti, við glímdum úrslitaglím-
una.“
— Og hefur ferillinn verið óslit-
in sigurganga síðan?
„Já, það má segja það. Nema á
innanfélagsmótum, þá hefur mér
gengið illa, enda glími ég þá yfirleitt*
við eldri stráka."
Hann hefur orðið íslandsmeistari
flórum sinnum, tvisvar í einstaklings-
keppni og tvisvar í sveitakeppni. Þá
hefur hann tvisvar orðið í öðru sæti
á íslandsmóti ,juniora“ og í fyrra
keppti Freyr á íslandsmóti fullorð-
inna, í mínus 60 kg flokki — og gerði
sér lítið fyrir og varð í öðru sæti!
Áður en Freyr sneri sér að júdó hafði
hann æft knattspyrnu í sex ár en er
nú alveg hættur að stunda hana
vegna þess að „júdó er miklu
skemmtilegra".
En hveiju þakkar Freyr þennan
góða árangur?
„Þetta er að mestu leyti Óda (Jóni
Óðni þjálfara) að þakka. Hann er fínn
þjálfari; hann er strangur en við þol-
um það alveg. Það er betra að hann
sé strangur, annars væri ekkert gam-
an að þessu."
Freyr var að lokum spurður að því
hvort hann hefði velt því eitthvað
fyrir sér hvort hann ætti möguleika
á að hljóta titilinn íþróttamaður Ak-
ureyrar að þessu sinni. „Nei, en ég
vonaði þó að ég yrði á meðal þeirra
efstu. Én ég þorði varla að vona að
ég ynni."
Jón Hjaltason ráð-
inn 1 starf sögu-
ritara Akureyrar
BÆJARSTJÓRN Akureyrar
ákvað í gær að ráða Jón Hjalta-
son, sagnfræðing, i starf sögurit-
ara Akureyrar. Sex umsóknir
bárust um starfið, menningar-
málanefnd gat ekki komið sér
saman um einn mann til að mæla
með og því þurfti bæjarstjórn að
ákveða hver yrði ráðinn.
Leynileg kosning fór fram á
bæjarstjórnarfundi í gær og hlaut
Jón 7 atkvæði en Stefán F. Hjartar-
son, sem búsettur er í Uppsölum í
Svíþjóð, 4 atkvæði. Samkvæmt
heimildum Morgunblaðsins greiddu
fulltrúar meirihlutans, Sjálfstæðis-
og Alþýðuflokksmenn, Jóni at-
kvæði, en Framsóknarmenn og
fulltrúi Alþýðubandalags Stefáni.
Ekki er ljóst um hve langt verk-
efni er að ræða, upphaflega var
áætlað að það tæki 3-4 ára, en eft-
ir að málið var skoðað er talið
líklegra að reikna með 6-8 árum
til að fullklára söguna.
Jón Hjaltason er Akureyringur.
Stutt er síðan hann lauk sagnfræði-
prófi og hefur m.a. starfað sem
blaðamaður á Morgunblaðinu í
Reykjavík síðan. Hann lýkur cand.
mag. prófi nú í vor og er talið að
hann geti hafist handa við ritun
sögu Akureyrar í sumar.