Morgunblaðið - 09.05.1987, Blaðsíða 16

16
MORGUNBLAÐIÐ, LAUGARDAGUR 9. MAÍ 1987
Það sem Þjóðar-
átakið gerði...
eftir G. Snorra
Ingimarsson
Dagana 12. og 13. apríl 1986
sameinaðist þjóðin undir kjörorð-
inu Þjóðarátak gegn krabba-
meini — þín vegna. Pjölmargir
einstaklingar og félagasamtök
lögðu fram óeigingjama vinnu
við undirbúning og framkvæmd
þess. Undirtektir landsmanna
voru stórkostiegar og um 27
milljónir króna söfnuðust.
Söfnunarféð vildi Krabba-
meinsfélagið nota til að efla
stuðning við krabbameinssjúkl-
inga og fjölskyldur þeirra. í öðru
lagi var fyrirhugað að auka
stuðning og bæta aðstöðu til
krabbameinsrannsókna á íslandi.
í þriðja lagi vildi Krabbameins-
félagið beita sér fyrir auknu
leitarstarfí.
Aformin eru góð en hvað mið-
ar framkvæmdum? Margir sjúkl-
ingar vilja dvelja heima sem
lengst. Því hófst undirbúningur
nýrrar þjónustu félagsins síðla
árs 1986 en hún felur í sér ráð-
gjöf, fræðslu og stuðning við
krabbameinssjúklinga og að-
standendur þeirra. Þessi þjónusta
hefur hlotið nafnið Heimahlynn-
ing.
Tveir hjúkrunarfræðingar,
Bryndís Konráðsdóttir og Hjördís
Jóhannsdóttir, sinna Heima-
hlynningunni í samvinnu við
sjúkrastofnanir og heimahjúkrun
Reykjavíkurborgar. Einnig hafa
þær hóp sérfræðinga úr heil-
brigðisstéttum, presta og að
ógleymdum félögum úr samhjálp-
arsamtökum fyrrverandi sjúkl-
inga. Þjónusta Heimahlynningar
er ókeypis en kostuð af Þjóðará-
taki 1986.
í apríl 1986 auglýsti Krabba-
meinsfélagið símatíma fyrir
almenning. Boðið var upp á upp-
lýsingar og ráðgjöf varðandi
krabbamein. Þörfín fyrir þessa
þjónustu virtist mikil. Krabba-
meinsfélagið ákvað því í kjölfar
þjóðarátaksins að koma á fót
þjónustu sem þessari áfram.
Sömu hjúkrunarfræðingar og
sinna Heimahlynningu félagsins
munu fyrst um sinn annast þessa
Upplýsinga- og ráðgjafarþjón-
ustu. Sími Heimahlynningar og
Upplýsinga- og ráðgjafarþjón-
ustunnar er 91-21122 og er öllum
velkomið að leita þangað alla
virka daga kl. 9—12 f.h.
Áhugi á að efla krabbameins-
rannsóknir hefur lengi ríkt innan
Krabbameinsfélagsins en rann-
sóknir gefa fyrirheit um aukna
þekkingu sem nýta má til að
vinna á sjúkdóminum. Við Þjóð-
arátakið var unnt að gera að
veruleika fyrirætlanir félagsins
um að koma á fót fullkominni
G. Snorri Ingimarsson
„Þjóðarátakið mun því
tryggja að skipuleg leit
að bijóstakrabbameini
með röntgen-greiningu
hefjist nú í haust. Við-
bótar tækjabúnaður
hefur verið pantaður.
Gerð hefur verið fram-
kvæmdaáætlun sem
miðar að því að allar
konur á skoðunaraldri
eigi kost á þessari rann-
sókn á næstu tveimur
árum.“

/
' x.t'jt' \