Morgunblaðið - 09.07.1987, Side 14
14
MORGUNBLAÐIÐ, FIMMTUDAGUR 9. JÚLÍ 1987
Ferðaþjónusta á landsbyggðinni
Egilsstaðir;
Bændur láta sífellt
meira til sín taka
E^ilsstöðum.
A Fljótsdalshéraði er góð að-
staða til móttöku ferðamanna,
enda fer ferðamönnum á Héraði
jafnt og þétt fjölgandi og þjón-
usta við þá skipar sífellt stœrri
sess í atvinnulífi svæðisins. Á
Egilsstöðum er rekin ferðaskrif-
stofa, Hótel Valaskjálf og gisti-
húsið á Egilsstöðum auk
matsölustaða. Edduhótel eru
bæði á Eiðum og á Hallormsstað.
Jafnframt láta bændur sífellt
meira til sín taka í þessari at-
vinnugrein og nú er móttaka
ferðamanna á þrem bæjum á
Héraði, Húsey i Tunguhreppi,
Miðhúsum og Skipalæk. Auk þess
eru á Héraði tvö sumarbústaða-
þorp í eigu launþegasamtaka.
BSRB og aðildarfélög þess eru
með bústaði við Eiða og Al-
þýðusamband Austurlands og
fleiri félög, m.a. úr Reykjavík
eru með bústaði á Einarsstöðum
á Völlum. Sumarbústaðir i einka-
eign eru lika fjölmargir og
fjölgar stöðugt. Jafnframt eru
hér i nágrenninu þrjú skipulögð
tjaldstæði, í Atlavík, á Egilsstöð-
um og í Fellabæ.
Á Héraði eru líka margir mögu-
leikar til afþreyingar auk náttúru-
skoðunar og útivistar. Auðvelt er
að komast í silungsveiði í ám og
fjölmörgum stöðuvötnum gegn
vægu gjaldi. Hestaleigur eru á
sveitabæjum í nágrenninu og
skemmtilegur golfvöllur hefur ný-
lega verið standsettur við Fellabæ.
Fyrir þá sem eru gefnir fynr göngu-
ferðir má geta þess að ÚÍA hefur
hafið útgáfu á kortum með sér-
merktum gönguleiðum á Austur-
landi. Þar geta allir fundið sér
gönguleið við hæfí. Fljótsdalshérað
er líka tilvalinn dvalarstaður fyrir
þá sem vilja skoða Austfírðina nán-
ar.
Til að kanna ferðmál á Héraði
og forvitnast um hvort ferðamanna-
straumurinn væri byrjaður í ár
leitaði fréttaritari upplýsinga hjá
nokkrum aðilum semm starfa í
þessari atvinnugrein.
„Stefnan í ferðamála-
iippbyggingu kolröng“
Ferðamiðstöð Austurlands er það
fyrirtæki á Egilsstöðum sem hvað
mest samskipti á við þá ferðamenn
sem hingað koma, bæði innlenda
og erlenda. Þar varð fyrir svörumi
um starfsemina og þá þjónustu sem
fyrirtækið veitir, Erlendur Stein-
þórsson.
Erlendur sagði starfsemi fyrir-
tækisins einkum greinast í tvo
meginþætti. í fyrsta lagi væri um
að ræða sölu á íslandsferðum frá
Grétar Brynjólfsson bóndi á
Skipalæk.
Evrópu, einkum Frakklandi, en
markaður væri sífellt vaxandi og í
ár kæmu á vegum Ferðamiðstöðvar
Austurlands á milli 35 og 40 hópar
til landsins frá Evrópu. Hópar þess-
ir væru fremur litlir, algengast
16—20 manns, en sú stærð hentaði
þeim ágætlega. Hópamir koma með
flugi til Keflavíkur og þaðan er
farið með þá hring um landið. Enn-
þá yrði að lenda á Keflavíkurflug-
velli en vonandi breyttist það með
tilkomu nýs flugvallar á Egilsstöð-
um.
Annar mikilvægur þáttur í starf-
semi Ferðamiðstöðvar Austurlands
er upplýsingaþjónusta og sala á
ferðum innanlands til þeirra ferða-
manna sem þegar eru komnir til
landsins. Farþegar með ferjunni
Norrönu er stór hluti af þeirm Einn-
ig sagði Erlendur að áhugi íslend-
inga fyrir skipulögðum hópferðum
með rejmdum leiðsögumönnum
væri greinilega að aukast. Rútu-
ferðir til Mjóafjarðar og út á
Dalatanga hefðu selst allvel í fyrra,
bæði til innlendra og erlendra ferða-
manna. Það sama virtist ætla að
verða í ár. Þessar ferðir má tengja
bátsferðum á milli Neskaupstaðar
og Mjóafjarðar þannig að þetta
verði tveggja daga ferðir en góð
svefnpokaaðstaða er í Mjóafírði svo
þar þarf ekki að væsa um neinn.
Þriggja daga ferðir inn í Kverk-
fyöll njóta líka mikilla vinsælda en
þangað eru famar tvær ferðir í viku
á vegum Sveins Sigurbjömssonar á
Eskifírði. í sumar verður gerð til-
raun með skipulagðar ferðir til
Borgarfjarðar eystri og er búist við
að þær nái vinsældum því nátt-
úrufegurð er mikil í Borgarfírði.
Um ferðaþjónustu almennt sagði
Erlendur að honum virtist stefnan
Steinþór Ólafsson framkvæmda-
stjóri Valaskjálf.
í ferðamálum íslendinga kolröng.
Alltof mikil áhersla væri lögð á að
byggja upp fímm stjömu hótel í
Reykjavík, en of litlu fé varið í ein-
faldar aðgerðir til að bæta aðstöðu
ferðamanna víða um landið. Mikið
mætti laga með betri merkingum
og upplýsingamiðlun. Einnig þyrfti
að dreifa ferðamönnum á fleiri staði
á landinu. Örtröðin væri slík á sum-
um fjölmennustu stöðunum að þeir
hefðu stórspillst á meðan aðrir stað-
ir engu síðri væm nánast vannýttir.
Þama þyrfti að koma til betri heild-
arskipulagning.
Um ferðamannastrauminn á
Héraði og Austurlandi sagði Er-
lendur að hann væri eitthvað minni
en á sama tíma í fyrra en það ætti
vafalaust eftir að lagast. Ferða-
mannastraumurinn til Austurlands
hefði verið vaxandi ár frá ári og
engin ástæða til annars, en að gera
ráð fyrir að svo verði einnig I ár
þó hann tæki eitthvað seinna við
sér núna.
„Bjartsýnn á sumarið
og framtíðina“
Nýlega urðu framkvæmdastjóra-
skipti við Hótel Valaskjálf á Egils-
stöðum. Við stöðunni tók Steinþór
Ólafsson úr Kópavogi, en hann er
menntaður frá Svíþjóð og hefur
starfað við sölu- og markaðsstjóm
eftir að námi lauk. Steinþór er
kvæntur Ólínu Geirsdóttur og eiga
þau tvö böm.
Steinþór tjáði fréttaritara að nú
væri verið að gera verulegar endur-
bætur á Hótel Valaskjálf bæði
utanhúss og innan. Ný tæki hefðu
verið sett upp í eldhúsi og matsalur
endurbættur ásamt gestamóttöku
og setustofum. Einnig yrðu her-
Tjaldstæðið á Egilsstöðum.
í afgreiðslu Ferðamiðstöðvar Austurlands Erlendur Steinþórsson og
Sólveig Pálsdóttir.
Morgunblaðið/BjömSveinsson
Sumarhús við Miðhús hjá Egilsstöðum.
bergi búin nýjum húsgögnum.
Áhersla verður lögð á að hafa fag-
lært starfsfólk og matseðill hefur
verið stokkaður upp. Auk þess yrði
markaðssetningu og sölustarfsemi
á vegum hótelsins gjörbreytt.
Hótel Valaskjálf er heilsárshótel
sem rekið er í samvinnu við félags-
heimilið. Þar er 21 gistiherbergi og
rými fyrir allt að 600 matargesti
og um 1.000 manns á dansleikjum.
Aðstaða fyrir ráðstefnuhald er all-
góð og fer batnandi. Þessu til
viðbótar hefur hótelið jrfír að ráða
45 herbergjum í heimavist mennta-
skólans þannig að alls hefur Hótel
Valaskjálf yfír að ráða 150 gisti-
rúmum yfír sumarmánuðina.
Aðspurður kvaðst Steinþór bjart-
sýnn á möguleika Fljótsdalshéraðs
sem áningarstað ferðamanna. Veð-
ursæld væri yfírleitt mikil og fjöl-
breytni í náttúru og landslagi
veruleg, allt frá fjörum Héraðsflóa
og inn á öræfí. Fljótsdalshérað og
Egilsstaðir væru líka ákjósanlegur
dvalarstaður fyrir þá sem vildu
skoða Austfírðina nánar. Steinþór
kvaðst hins vegar brýnt að auka
samstarfið milli þeirra aðila sem
starfa í ferðaþjónustuu á Héraði og
stórauka fé til kynningarmála.
Helst þyrfti að ráða sérstakan
starfskraft til að stjóma allri kynn-
ingarstarfsemi fyrir svæðið í heild.
Um ferðamannastrauminn í sumar
sagði Steinþór að hann hefði farið
hægt af stað en færi vaxandi með
hverjum degi. Um samanburð á
milli ára gæti hann ekki tjáð sig,
en bókanir fyrir júlí og ágúst væm
nokkuð góðar og hann væri bjart-
sýnn á sumarið og framtíðina.
„Sólin verður hér
í júlí og ágúst“
Steinsnar frá vestari brúarsporði
Lagarfljótsbrúarinnar er bærinn
Skipalækur í Fellahreppi. Þar reka
hjónin Þómnn Sigurðardóttir og
Grétar Biynjólfsson umfangsmikla
þjónustu við ferðamenn í samvinnu
við Ferðaþjónustu bænda. ,
Er fréttaritara bar að garði var
Grétar að gróðursetja tré við sum-
arhús sem hann leigir ferðamönn-
um.
Ég reisti þessi þijú hús í fyrravor
til útleigu fyrir ferðamenn. í raun
em þetta heilsárshús því þau em
tengd bæði hitaveitu og rafmagni
auk annarra þæginda. Hveiju húsi
fylgir réttur til netaveiði í Lagar-
fljóti einn dag og stangveiði í vatni
hér rétt hjá annan dag. Hús þessi
njóta mikilla vinsælda og em nán-
ast fullbókuð í allt sumar. Það em
einkum íslendingar sem sækja í
þessi hús og pantanir byija að ber-
ast upp úr áramótunum. Sömu sögu
er að segja frá Miðhúsum við Egils-
staði en þar em nýlega risin tvö
álíka hús.
Á Skipalæk em líka leigð út
svefnpokapláss með eldunaraðstöðu
auk hestaleigu. Það em einkum
erlendir ferðamenn sem sækja í
svefnpokaplássin. Þeir velja fremur
ódýrari kostinn en vilja hafa allt
þokkalegt. í hestaleigunni skiptast
viðskiptavinimir nokkuð til helm-
inga milli innlendra og erlendra
ferðamanna.
Aðspurður um ferðamanna-
strauminn það sem af er sumri
kvað Grétar hann greinilega byijað-
an, en ekki væri komið neitt rífandi
Qör í hann ennþá. Sólfar hefur ver-
ið fremur lítið í júní og það hefur
sín áhrif. Einnig sagðist hann búast
við að þegar Norröna kæmi svona
snemma á morgnana til Seyðis-
§arðar yrði það til þess að farþegar
stoppuðu minna á Héraði fyrr en
þá í bakaleiðinni. Grétar sagði brýnt
að gera átak í vegamálum til þess
að Islendingar ferðuðust um eigið
land, ekki síst eftir að flugfargjöld
væm orðin svona dýr í innanlands-
fluginu. Suðurleiðina verður að
leggja varanlegu slitlagi og það
fljótt.
Grétar sagðist þó vera bjartsýnn
á sumarið. Sólin verður hér í júlí
og ágúst og þá koma ferðamennim-
ir.
— Björn