Morgunblaðið - 09.07.1987, Side 62

MORGUNBLAÐIÐ, FIMMTUDAGUR 9. JÚLÍ 1987
4
Evrópumótin í knattspyrnu:
Detta Fram, Valur
og ÍA í lukkupottinn?
Dregið í 1. umferð í Genf í Sviss f dag
I DAG verður dregið f 1. umferð
Evrópumótanna þriggja f knatt-
spyrnu, en leikirnir eiga að fara
fram 16. og 30. september. Að
venju fer athöfnin fram í aðal-
stöðvum Knattspyrnusambands
Evrópu í Genf í Sviss að viðstödd-
um fulltrúum félaganna, sem hlut
eiga að máli.
íslensku liðin í mótunum eru þau
sömu og í fyrra eða íslandsmeist-
arar Fram, bikarmeistarar ÍA og
Valur, sem hafnaði í 2. saeti 1.
deildar í fyrra. Sem fyrr bíða menn
spenntir eftir að vita hverjir mót-
herjarnir verða. Þau lið, sem leikið
hafa í undanúrslit undanfarin fimm
ár, lenda ekki saman í fyrstu tveim-
ur umferðunum, en áður átti þetta
aðeins við um fyrstu umferð.
Napólí efst hjá Fram
Fram tekur þátt í Evrópukeppni
meistaraliða og að sögn Jóhanns
G. Kristinssonar, framkvæmda-
stjóra knattspyrnudeildarinnar,
eru Ítalíumeistarar Napolí efstir á
lista, en Real Madrid er einnig
vænlegur kostur.
32 lið taka þátt í keppninni og
níu þeirra lenda örugglega ekki
saman. Þau eru Anderlecht frá
Belgíu, Bayern Munchen Vestur-
Þýskalandi, Bordeaux Frakklandi,
Porto og Benfica Portúgal, Steaua
Bukarest Rúmeníu, Dynamo Kiev
Sovétríkjunum og Real Madrid
Spáni. Að sjálfsögðu eru mörg
önnur sterk lið í þessari keppni og
má þar nefna Napólí Ítalíu, Glas-
gow Rangers Skotlandi og Eind-
hofen Hollandi.
ÍAvillléttlið
Skagamenn taka þátt í Evrópu-
keppni bikarhafa ásamt 32 öðrum
liðum. Þeir fengu skell í Evrópu-
keppninni í fyrra eins og Valur og
Fram og að sögn Steins Helgason-
ar, framkvaemdastjóra knatt-
spyrnufélags ÍA, eru Skagamenn
ekki spenntir fyrir að dragast gegn
sterku liði. HSV Vestur-Þýska-
landi, Ajax Hollandi, Lokomotiv
Leipzig Austur-Þýskalandi, Hajduk
Split Júgóslavíu, Týról Austurríki,
Dinamo Bukarest Rúmeníu og Real
Sociedad Spáni dragast ekki sam-
an.
Valur og Barcelona?
Valsmenn eru í Evrópukeppni
félagsliða ásamt 63 öðrum liðum.
Valur hefur oft lent á móti frægum
liðum og vilja að svo verði í ár.
„Við óskum allra helst eftir að
dragast gegn Barcelona, sem er
eitt besta félagslið Evrópu í dag.
Við Valsmenn lítum á þátttöku í
Evrópukeppni sem knattspyrnu-
veislu og viljum aðeins það besta.
í fyrra fengum við Juventus og
Eggert formaður hoppaði rúmlega
hæð sína í loft í Genf og við vonum
að við fáum að sjá hann endurtaka
það í beinni útsendingu," sagði
Hilmir Elísson, ritari knattspyrnu-
deildar Vals.
Tólf lið dragast ekki saman í
keppninni: Gladbach Vestur-
Þýskalandi, Panathinaikos Grikk-
landi, Austria Vín Austurríki,
Craiova Rúmeníu, Dundee United
og Aberdeen Skotlandi, Gauta-
borg Svíþjóð, Dynamo Moskva
Sovétríkjunum Barcelona Spáni og
Bohemians Prag Tékkóslóvakíu.
Klukkan tíu að íslenskum tíma
hefst athöfnin í Genf og skömmu
síðar verður Ijóst hvaða mótherja
íslensku liðin fá. Þátttaka í Evrópu-
keppni er ávallt fjárhagslegt
happdrætti og víst er að gjaldkerar
félaganna og áhorfendur vilja fá
frægu liðin.
- Q> Verður Frömurum að ósk sinni og leikur Maradona á Laugardals-
vellinum i september?
Enska knattspyrnan:
cm
Ek
UPPLÝSINGAMIÐSTÖÐ FERÐAMÁLA Á (SLANDI • INGÖLFSSTRÆTi 5 • Sl'MI 623045
OPIÐ DAGLEGA FRA KL. 8 TIL 20
Á ÍSLANDI
HEFUR OPNAÐ AÐ
SOLFSSTRÆTI 5
UPPLYSINGAMIÐSTOÐ
FERÐAMÁLA
Nicholas áfram hjá Arsenal
Frá Bob Hennessy ó Englandi.
CHARLIE Nicholas undirritaði
nýjan eins árs samning við Arse-
nal i gær.
Nicholas hefur að undanförnu
verið í Glasgow og rætt við sína
gömlu félaga í Celtic um að ganga
til liðs við félagið á ný, en hann
blómstraði hjá Celtic til ársins
1983 er hann fór til Arsenal. Þar
hefur hann ekki almennilega fund-
ið sig, en ætlar að láta á reyna í
eitt ár til viðbótar.
Þá vakti athygli að Hearts borg-
aði Rangers 500 þúsund pund í
gær fyrir varnarmennina Dave
McPherson og Hughes Burns, en
þeir eru báðir í skoska landsliðinu
skipað leikmönnum tuttugu og
eins árs og yngri.
Reading snaraði út 80 þúsund
pundum fyrir Colin Gordon hjá
Wimbledon. Gordon er 23 ára mið-
herji, en komst ekki í liðið á síðasta
keppnistimabili.
Gerry Francis, fyrrum fyrirliði
enska landsliðsins, tók við af
Bobby Gould sem framkvæmda-
stjóri Bristol Rovers, er leikur í 3.
deild. Francis lék með Bristol fyrir
tveimur árum, en fólagið hafði ekki
ráð á að halda honum og lét hann
fara síðastliðið haust.
Franski kappaksturinn um síðustu helgi:
Hinir fjóru fræknu
í fyrstu sætunum
HINIR fjóru fræknu í Formula 1-
kappakstursheiminum náðu allir
toppsæti í franska kappakstrin-
um á sunnudaginn. Brasilfu-
mennirnir Ayrton Senna og
Nelson Piquet, Alain Prost frá
Frakklandi og Nigel Mansell frá
Bretlandi berjast grimmt um
heimsmeistaratitilinn og luku allir
keppni. Mansell vann á Willams,
en Piquit fólagi hans varð annar.
Prost náði svo þriðja sætinu á
undan Senna. Úrslitin setja mikla
spennu í heimsmeistarakeppn-
ina, þessir fjórir ofantaldir kappar
gætu allir sigrað.
Sigurinn var Mansell kærkom-
inn, en hann hefur ekki riðið feitum
hesti frá tveim síðustu mótum.
Helsti keppinautur hans var félagi
hans hjá Williams, Pifquet, sem
virtist á tímabili ætla framúr Mans-
ell. En hann skipti tvívegis um
dekk undir bílnum, í seinna skiptið
töpuðust dýrmætar sekúndur,
sem kostuðu hann hugsanlegan
sigur. Á meðan lét Mansell aðeins
einu sinni skipta um dekk og einu
vandræðin sem hann lenti í voru
tengd gírskiptingunni. „Hnúðurinn
á gírstönginni datt af, en olli ekki
stórvandræðum. Ég vona að ég
hafi sannað getu mína aftur, eftir
lánleysi í síöustu keppni," sagði
Mansell.
Prost var ekki jafnánægður og
Mansell. „Ég fann brunalykt um
miðbik keppninnar og skrúfaði nið-
ur virkni forþjöppunnar, þannig að
aflið minnkaði. Það var betra að
næla í nokkur stig, en detta út,"
sagði Prost. Senna sigldi í fjórða
sætið á bíl, sem honum fannst
ekki virka nægilega vel. „Þyngdar-
hlutföllin voru ekki rétt fyrir þessa
braut. Ég keyrði eins hratt og
mögulegt var, það var allt í þotni,
en gekk ekki upp núna," sagði
Senna, sem vann síðustu keppni.
Áttatíu hringir voru eknir í franska
kappakstrinum, samtals 305 kíló-
metrar, og setti Nelson Piquet
brautarmet á leið sinni í annað
sætið.
Lokastaðan í franska
kappakstrinum
1. Nigell Mansell, Williams
Honda 1.37.3.839 klst.
2. Nelson Piquet, Willams
Honda 2.37.11.550 klst.
3. Alain Prost, McLaren 1.37.59.094 klst.
4. Ayrton Senna, Lotus
Honda 1 hring á eftir
5. Teo Fabi, Bennton Ihringáeftir
6. Philippe Streiff 3 hringjum á eftir
7. Jonathan Palmer, Tyrell
Ford 4 hringjum á eftir
8. Stefan Johansson,
McLaren 6 hrlngjum á eftir
9. Pascal Fabre, AGS 6 hringjum á eftir
Sta&an f heimsmeistarakeppni öku-
manna
Stig:
1. Ayrton Senna, Brasilfu 27
2. Alain Prost, Frakklandi 26
3. Nelson Piquet, Brasilíu 24
4. Nigel Mansell, Bretlandi 21
5. Stefan Johansson, Svfþjóð 13
Keppni bflahönnuða
Stig:
45
39
30
17
1. Willaims
2. McLaren
3. Lotus
4. Ferrari
Í