Morgunblaðið - 09.07.1987, Blaðsíða 33
MORGUNBLAÐIÐ, FIMMTUDAGUR 9. JÚLÍ 1987
33
Morgunblaðið/Þorkell
ir það vegarnesti sem Alexander
dóttur félagsmálaráðherra.
óttir félagsmála-
irétti milli
er meðal
yerkefna
yrði handa fljótlega við gerð frum-
varps um kaupleiguíbúðir. „Stjórnar-
flokkamir hafa þar gengist inn á
ákveðið samkomulag. Eg er persónu-
lega mjög ánægð með úrslit þessa
máls, nú er að láta verkin tala.“
í kosningabaráttunni lagði Al-
þýðuflokkurinn áherslu á málefni
fjölskyldunnar, ekki síst styttingu
vinnutíma. Þegar Jóhanna var spurð
að því hvernig hún hygðist vinna
þessu framgöngu svaraði hún því til
að hlutverk ríkisins væri að búa fyrir-
tækjum þau skilyrði að hægt væri
að stytta vinnutíma án þess að skerða
tekjur starfsfólks. Til þess þyrfti að
gera fyrirtækjunum auðvelt að auka
framleiðni með aukinni tæknivæð-
ingu. Aðspurð hvort söluskattur á
tölvubúnað sem ríkisstjómin lagði á
í gær bryti ekki í bága við þetta sjón-
armið svaraði hún: „Það má segja
það en þetta er áfangi á þeirri leið
að einfalda söluskattskerfíð og bæta
þannig skattheimtu. Þetta var sú
leið sem samkomulag varð um hvað
varðar fyrstu aðgerðir."
við lyklunum að menntamálaráðu-
ssonar, fráfarandi menntamálaráð-
marsson mennta-
tungimn-
markmið
verkefni sem stjómin ætlaði að hrinda
í framkvæmd. „Ég nefni sem dæmi
setningu nýrra laga um framhalds-
skóla, endurskoðun laga um grunn-
skóla og ný lög um Háskóla íslands,
þar á meðal háskóla á Akureyri,“
sagði Birgir. Hann benti einnig á að
í sáttmálanum væri kveðið á um að
endurskoða lög um Tónlistarskólann
í Reykjavík, Handíða- og myndlista-
skólann í Reykjavík og Leiklistar-
skóla íslands, ekki síst með tilliti til
háskólanáms í viðkomandi greinum.
Birgir taldi að öðru leyti of fljótt
að segja til um sérstök mál sem hann
ætlaði að vinna að í ráðherratíð sinni.
Guðmundur Bjarnason heilbrigðis-
ráðherra:
Verðum að leita
sparnaðarleiða
„ÞETTA ráðuneyti er mjög stórt,
það stærsta ef maður miðar við
hlutfall af ríkisfjármálum, og fer
með 40% af heildarútgjöldum
ríkisins. Það er þvi ljóst að þarna
verður við ýmis verkefni og
vandamál að glíma,“ sagði Guð-
mundur Bjarnason, heilbrigðis-
og tryggingamálaráðherra, í
samtali við Morgunblaðið í gær.
„Ég er þessum málaflokki því
miður frekar ókunnugur en mun
gera mitt besta til að setja mig
vel inn í mál og vinna að fram-
gangi þeirra.“
„I svona stóru útgjaldaráðuneyti
held ég að menn verði að reyna að
leita leiða til sparnaðar, án þess að
ég vilji þó boða það, að ég ætli að
fara að skera niður ýmsa þá þjón-
ustu sem ég tel að samfélagið eigi
að veita skjólstæðingum þessa
ráðuneytis, sjúkum, öldruðum og
fötluðum. Ég mun þó athuga hvem-
ig við getum veitt þessa þjónustu
á hagkvæmari hátt.
Stjórnarsáttmálinn gerir ráð fyrir
því að farið sé ofan í rekstur heil-
brigðis- ogtryggingamálaráðuneyt-
isins og mun ég reyna að fara eftir
þeim hugmyndum sem þar eru sett-
ar fram. Til dæmis er þar minnst
á að skoða starfsemi Trygginga-
stofnunar ríkisins, verkaskiptingu
ríkis og sveitarfélaga í þessum
málum, t.d. hvort eðlilegra væri að
flytja einhver verkefni, s.s. á sviði
heilsugæslu, yfir til sveitarfélaga
og einnig má nefna lyfjakostnað,
lyfjaverð og verðlagningarákvæði á
lyfjum.
Það fellur líka undir þetta ráðu-
neyti að vinna að hækkun ýmissa
bóta til aldraðra og öryrkja til þess
að milda áhrifin af þeim nýju
skattaálögum sem leggjast nú á
þegnana."
Morgunblaðið/BAR
Eftir að hafa afhent Guðmundi Bjarnasyni lyklana að heilbrigðis-
og tryggingamálaráðuneytinu gaf Ragnhildur Helgadóttir, fráfar-
andi heilbrigðis- og tryggingamálaráðherra, honum blómvönd með
óskum um gott gengi í hinu nýja starfi.
Morgunblaðið/KGA
„Hér tekur Vestfirðingur við af Vestfirðingi," sagði Jón Sigurðsson
þegar hann tók við viðskiptaráðuneytinu úr hendi Matthíasar Bjarna-
sonar.
Jón Sigurðsson viðskipta-, dóms- og
kirkjumálaráðherra:
Skattlagning vaxtatekna
er verðugt íhugunarefni
JÓN Sigurðsson veitti viðtöku
þremur ráðuneytum í Arnarhváli
í gær, viðskipta-, dóms- og kirkju-
málaráðuneyti, en tekur við
yfirráðum Hagstofunnar í Al-
þýðuhúsinu í dag. Hann sagði að
viðskiptaráðuneytið hefði i sinum
verkahring málefni sem skiptu
sköpum fyrir efnahagsstefnu
ríkisstjórnarinnar. Þar væri um
að ræða málaflokk sem hann
þekkti úr fyrri störfum sínum.
Dómsmálaráðuneytið væri hins-
vegar nýr vettvangur. Myndi hann
því fara sér hægt fyrst um sinn,
en njóta leiðsagnar reyndra og
fróðra manna og starfsmanna
ráðuneytisins. Jón kvaðst ekki
hræddur um að sér entist ekki
tími til að sinna öllum málaflokk-
um sem undir hann heyrðu. „Það
er hlutverk ráðherra að koma
störfum á aðra,“ sagði hann.
„Eins og fram kemur í stefnuyfir-
lýsingu stjómarinnar er það verkefni
hennar að stuðla að jafnvægi í efna-
hagsmálum, draga úr verðbólgu og
bæta lífskjör. Til þess að þetta
heppnist er mikilvægt að þeir mála-
flokkar sem undir viðskiptaráðuney-
tið heyra séu í góðu horfí,
gengisákvarðanir, tilhögun gjaldeyr-
isverslunar, banka- og lánamál í
víðasta samhengi, þar á meðal starfs-
reglur þeirra og vaxtaákvörðun.
Þetta eru lykilþættir efnahagslífs-
ins.“
Jón kvað það stefnu stjórnarinnar
að draga úr umsvifum ríkisins í
bankakerfínu, stuðla að samruna og
stofnun öflugari hlutafélagabanka.
Það væri þó sín skoðun að ríkisrekst-
ur banka yrði staðreynd um langa
framtíð.
Þá benti Jón á ákvæði í stjórnar-
sáttmála um nýja löggjöf um verð-
bréfaviðskipti, fjármögnunarleigu,
afl)orgunarviðskipti og greiðslukort.
„Það er ekki ætlun okkar að setja
reglur til höfuðs þessari starfsemi,
heldur þvert á móti að hún sitji við
sama borð og hefðbundin starfsemi
á þessu sviði,“ sagði hann.
Jón kvaðst vilja endurskoða skatt-
lagningu ríkisins í samhengi og kæmi
til álita að leggja skatt á vaxtatekj-
ur. Hann liti svo á að þar væri aðeins
átt við rauntekjur, eða vexti umfram
verðbreytingar. Yrðu almennir spa-
rifjáreigendur væntanlega undan-
skyldir slíkri skattlagningu. „Þetta
þyrfti ekki að leiða til þyngri skatt-
byrði. Nú þegar eru tekjur af eignum
í atvinnurekstri skattskyldar. Það er
íhugunarefni hvort atvinnurekandi
sem kaupir tæki og aflar sér tekna
með ötulli vinnu eigi ekki að sitja
við sama borð og sá sem notar sitt
ijárrragn til að kaupa ríkisskulda-
bréf,“ sagði Jón.
Af verkefnum sínum í dómsmála-
ráðuneytinu nefndi ráðherra helst
heildarendurskoðun á dómskerfinu.
Brýnt væri að aðgreina dómsstörf,
umboðsstörf og lögreglustörf sem
sýslumenn hefðu nú á einni hendi.
Þá myndi hann einnig beita sér fyrir
öflugum fíkniefnavörnum, löggæslu
og eftirliti.
Á sviði kirkjumálataldi Jón aðkall-
andi að endurskoða tekjustofna
kirkjunnar, breyting verður á inn-
heimtu gjalda hennar í staðgreiðslu-
kerfi sem tekið verður upp um næstu
áramót.
„Ég þekki vel til starfsemi Hag-
stofunnar. Þar er margt sem bæta
má, án þess að kosta til meira fé.
Hagstofan hefur sérstöðu sem ráðu-
neyti því hún er og á að vera sjálf-
stæð stofnun sem tekur saman
tölulegar staðreyndir um mörg svið
þjóðlífsins," sagði Jón.
Matthías afhendir
Matthíasi lyklana
MATTHÍAS Á. Mathiesen tók í
gær við lyklunum að samgöngu-
málaráðuneytinu úr hendi
Matthíasar Bjarnasonar, fráfar-
andi samgöngumálaráðherra.
„Ég er ekki tilbúinn til að segja
mikið eins og er um þau verk-
efni sem framundan eru í
ráðuneytinu,“ sagði Matthías Á.
Mathiesen, samgöngumálaráð-
herra, í samtali við Morgunblað-
ið. „Ég er búinn að koma í
ráðuneytið og heilsa upp á starfs-
fólkið sem þar er og inun síðan
á næstunni gera mér grein fyrir
því sem þar er helst að gerast."
Steingrímur Hermannsson utanríkis-
ráðherra:
„ Ahersla á aukin
utanríkisviðskipti“
STEINGRÍMUR Hermannsson
tók við af Matthíasi Á. Mathiesen
sem utanríkisráðherra, í utanrík-
isráðuneytinu um kl. 16 í gær
og afhenti Matthías honum við
það tækifæri lykla ráðuneytisins.
Steingrímur sagði í samtali við
Morgunblaðið að hann myndi hefja
sinn utanríkisráðherraferil á því að
kynnast starfsfólki ráðuneytisins.
„Mig langar til að beita mér fyr-
ir breytingu á utanríkisviðskiptum
okkar og efla þau til muna frá því
sem nú er. Það er ekkert vafamál
að það verður nóg að gera,“ sagði
Steingrímur.
Morgunblaðið/Sverrir
Steingrímur Hermannsson, fráfarandi forsætisráðherra, tekur við
völdum í utanríkisráðuneytinu af Matthíasi Á. Mathiesen, fráfarandi
utanríkisráðherra, sem tók við samgönguráðherraembættinu í gær.